孩子駁咀應如何應對？

mypineapple

而家小朋友真係舉一反三， 應該如何應對？

eviepa

用「駁咀」形容孩子有個前設：孩子說歪理。但客觀去看，為甚麼孩子不可以有不同意見？和父母意見不同就叫歪理，叫駁咀。

我還記得小時候，非常乖的我，與及極之乖的兩個姊姊，所提出的莫不是合情合理，反而父母都是滿口歪理。理在想起，父母真的經常駁我們咀。

到了我做家長了，「駁咀」這個詞彙在我家裡是禁止使用的，女兒從小到大都有自由表達自己的權利，她完全有權用理據去和爸媽辯論。我和內子都會很有耐心去和女兒討論問題。結果，我很多親友都以為我生了一個天生乖巧的孩子。但是，如果大家都我，你們的孩子也會這樣乖巧。

Jane1983

駁嘴原因不外乎: (1) 唔同意你講法，想表達自己意見; (2) 口痕搵嘢講，根本係為駁而駁; (3) 心裏有不滿，駁嘴係發脾氣或發洩，挑戰父母權威。

除非態度好差，或者真係煩到嘔，否則比佢講吓。作為家裏一份子，佢係有權利發表意見的。至于如果係因為3，咁就要了解吓點解佢唔開心了。

greentea000

哎交都係一種交流，好過佢完全拒絕表達同無視你。

yamin

Jane1983 發表於 17-11-26 19:07
駁嘴原因不外乎: (1) 唔同意你講法，想表達自己意見; (2) 口痕搵嘢講，根本係為駁而駁; (3) 心裏有不滿，駁 ...

尋晚我病左，由老公幫手睇呀仔（小一）功課，佢哋兩個話已經做哂，仲對住手冊每項check 哂。今日我唔放心再check，基本上每樣功課都有錯，仲有一項英文workbook 係冇做到。我逐樣話呀仔邊度錯邊度錯....數到常識作業有一題，要佢寫「我在ABC小學讀書.....我喜歡/ 不喜歡 上學（要圈出喜歡or 不喜歡）」我就忍唔住話呀仔：爸爸點同你check 功課架！ABC 個 C 字都寫錯嘅！喜歡/ 不喜歡，你兩個都圈哂，咁啫係想點呀？！

仔就答我（語氣好掘）：我有時喜歡，有時不喜歡！係咪唔得先！！

咁算唔算駁咀？

Jessy

yamin 發表於 17-11-27 00:05
尋晚我病左，由老公幫手睇呀仔（小一）功課，佢哋兩個話已經做哂，仲對住手冊每項check 哂。今日我唔放心 ...

唔算, 佢個心可能真係咁諗呢!!! 唯有話比佢知選擇題只可以選一個答案.  

asweetmom

yamin 發表於 17-11-27 00:05
尋晚我病左，由老公幫手睇呀仔（小一）功課，佢哋兩個話已經做哂，仲對住手冊每項check 哂。今日我唔放心 ...

這個答案很有創意也很寫實，哈哈哈！

Jane1983

回覆 yamin 的帖子

唔算。佢圈得2個答案，一定有理由 （唔圈就話啫）。咁你問佢，佢解釋比你知，好好吖。呢個case，如果你鬧佢，多幾次可能答唔知道，再鏟多幾次，就沉默對抗，呢d見得多。
至於佢語氣倔，好正常吖。你唸吓一份report，因為老闆病咗，比隔離部門個老細改咗一次。跟住又比老闆逐樣批評，有d明明隔離部門老細同意的。係人都唔順啦

1998Ruby1998

回覆 yamin 的帖子

你一項一項咁逐個錯處挑出黎，咁方丈同落人面，畀我都嬲你啦。 監督不善，係爸爸錯，入埋吖仔數，咁樣仔仔更加覺得唔忿氣，出言不遜正常不過。
呢個唔算駁咀，只能算係語氣不好，好大原因係你都因為一開始語氣表達得唔夠和善。如果你話老細出糧畀你，你都或者低聲下氣吞左佢。但係你唔同，一開始就鬧，個細路自然覺得都冇必要對你好聲好氣。


我同小朋友對功課都係辛苦，不過我一定唔會逐個錯處黎鬧，咁樣太勞民傷財，一陣佢心情唔好一定同你捏過，仲嘥時間。我只會話「功課有 d 地方做得唔係咁好，我圈起左，改返可以收工。同埋你漏做 XXX，小心聽日畀老師罰留堂吖。」如果小朋友唔想合作的話，我會講笑咁話「吖公主／王子殿下，奴才趕收工，麻煩你快手改埋呢幾份文件。」之後吱下佢地，笑一陣，又肯做埋份功課。唔洗下下都動粗。

BTW，睇功課呢家野，10 個老豆，9 個靠唔住，真係齋「睇」。

yamin

Jane1983 發表於 17-11-27 08:29
回覆 yamin 的帖子

唔算。佢圈得2個答案，一定有理由 （唔圈就話啫）。咁你問佢，佢解釋比你知，好好吖。 ...

尋晚老公未返，我差不多9點先check 功課/手冊。我咁興話呀仔，其實係嬲個老公，點解次次佢睇功課都係錯漏百出，明明未用哂就話做哂！呀仔話：爸爸同我一齊tick 手冊架喎，咁佢都睇錯啦！我話：下次爸爸話OK，你自己都要再檢查！老公就解釋話：呀仔話做哂架麻！我話：呀仔話做哂，你都唔可以信佢！兩條友一擔擔

至於個「喜歡/不喜歡」，我冇鬧佢，其實覺得幾好笑。我由佢圈哂兩個。我話咁你不如解釋俾老師聽，你寫「有時」分別在「喜歡 」和「不喜歡」的前面啦。佢寫左一個「有時」啫，然後畫兩個箭咀指住「喜歡 」和「不喜歡」。臨訓前，仔話：媽媽，我覺得爸爸隻眼啦，睇野唔清楚呀，佢睇手機睇唔到呀。我話：係呀係呀，佢有時睇唔清楚

你講隔離team老闆改report 呢個比喻真係一流呀！我真係不停咁數佢同老公呢樣錯果樣錯，係人都唔憤氣

Jane1983

回覆 yamin 的帖子

爸爸check功課係咁上下，有次聽到個鬼妹同朋友講，佢亞爸同佢做的project得C，佢partner亞媽，次次都A ga。呢d無分中外添
保持良好關係，保持有傾有講，呢d係親子關係的基石。最怕相對無言，沉默是金。

little_yolky

yamin 發表於 17-11-27 09:08
尋晚老公未返，我差不多9點先check 功課/手冊。我咁興話呀仔，其實係嬲個老公，點解次次佢睇功課都係錯漏 ...

1. 你老公無錯, 阿仔話做晒, 就要信佢。佢衰咗俾老師check到無做, 賴過嘢, 下次就會小心D。你成日同佢check住, 你小心要check到考DSE。

2. 你老公都無錯, 同小朋友check功課唔係幫佢check對錯, 你D係老師既責任, 校長無俾人工你, 你無需要做埋老師果份, 老公仲要係替工, 替工當然拿西D。要check小朋友錯最大既目的只有：1. 唔想改正做多樣功課; 2. 知道小朋友咩唔明再教下佢。我會等佢錯咗再教, 印象會深刻D。

little_yolky

Jane1983 發表於 17-11-27 08:29
回覆 yamin 的帖子

唔算。佢圈得2個答案，一定有理由 （唔圈就話啫）。咁你問佢，佢解釋比你知，好好吖。 ...

呢句你講得對極了！當年我阿細唔識做英文, 但我讀俾佢聽佢就答到, 問佢點解呢個答案佢又唔識解釋, 咪俾我鬧佢靠撞囉。鬧得多, 依家問親佢, 佢就即刻答：我唔識 / 我唔知道喎。

Jane1983

回覆 little_yolky 的帖子

咪再鬧啦。識一個媽媽，係惡的，佢女唔知幾時開始問親呢類問題，就係唔出聲，因為以前點答都係死。佢有次又係咁，個亞媽忍無可忍一定要佢答。佢硬頸唔出聲，佢媽出手打佢...搞到好大件事，咪啦!

Yanamami

mypineapple 發表於 17-11-26 17:27
而家小朋友真係舉一反三， 應該如何應對？

你家孩子都幾多问題下……又懶床又駁咀……

retriever

一巴掌!

yamin

1998Ruby1998 發表於 17-11-27 09:02
回覆 yamin 的帖子

你一項一項咁逐個錯處挑出黎，咁方丈同落人面，畀我都嬲你啦。 監督不善，係 ...

謝謝你的意見！我會試下用你的建議

yamin

little_yolky 發表於 17-11-27 10:04
1. 你老公無錯, 阿仔話做晒, 就要信佢。佢衰咗俾老師check到無做, 賴過嘢, 下次就會小心D。你成日同佢check ...

謝謝你的意見！其實有d 錯，我睇到都由佢照錯，等佢改正印象深d。有更多係我自己都睇唔到的錯，尤其是寫詞語筆劃的問題。希望小朋友下學期時我可以慢慢放手

MrBeast

有時小朋友不懂表達或怕被罵，就唔出聲，十問九唔ying 係好mung，盡量忍話只是想知佢邊唔明幫佢。
駁咀就如其他網友說：dare佢照交比老師
ps ruby個方法好好，不過我知我自己做唔到