資優有咩特點？

twinstar99

想問一下小兒自小很喜歡計數，我讓他學enopi 數，沒有吹谷，任他發揮，小一生懂計小三至小四的數，是否男孩大都這樣？還是可能是資優？

hinhei

enopi 公文 等課程，好多小朋友都會超前本身學年。
因佢一直教上去，一直操上去。
我識一個二年班男仔巳學到中學數了。

twinstar99

明白了，謝謝回應！

Activehealth

twinstar99 發表於 15-9-15 23:26
想問一下小兒自小很喜歡計數，我讓他學enopi 數，沒有吹谷，任他發揮，小一生懂計小三至小四的數，是否男孩 ...

夠六歲,最好搵個clinical psychologist 做評估，一做WSIC-IV就清楚晒。唔駛估估下。
個個資優都唔同款，很難一概而論。

普遍來說，學野比人快啲,成日問問題，自己找答案。

諗啲野比同年紀啲細路複雜，比如十一歲同你講歐洲難民問題，梁特首施政，世界經濟包括香港、中國、美國、歐洲股市關係及其貨幣政策嘅影響。二次大戰七十周年，能詳細説出歐洲及亞洲戰況及結果，以及一次大戰始末及其對二次大戰的引申作用，簡直係一部小型百科全書。

更以事實作出自己的判斷，及發展自己的理論對日後作預測。

佢IQ149, 可能諗啲野比人唔同啲。

小曳人

同意樓上所講：資優兒諗嘅嘢同普通人唔一樣
另外我想指出IQ相差15已經好大分別，即係係話一個IQ130同IQ145，能力上已經有明顯分別
所以如果孩子唔係太極端(即唔係太似某d例子)，並不代表佢唔係資優

資優教育學院網頁有d資料可能可以幫到樓主

我兒係相對極端型，一歲左右開始認字，自通phonics，識睇書之後就乜書都睇，自己响書架攞大人書照睇，一時鍾意巴士站/睇地圖，一時鍾意化學，背元素週期表！鍾意玩推理遊戲，鍾意計數，鍾意諗嘢~某本上唔駛教，d書放响度就有興趣時攞嚟睇

但因為佢地能力上同大部份人都唔同，佢地唔明白點解佢做到，其他人做唔到，佢地會覺得無人明白佢
引起某d情緒問題，有d仲可能覺得自己係怪物，想收埋自己

twinstar99

其實阿仔又冇咁勁，淨係計數好D，但情緒方面有D似小曳人所形容，佢會成日認為我唔明佢而好「忟憎」，但有時我又真係唔多明麻！

twinstar99

另外，找資優學院是為了做評估？我見要成五千元。有用嗎？

Activehealth

twinstar99 發表於 15-9-16 16:05
另外，找資優學院是為了做評估？我見要成五千元。有用嗎？

外面私家做$15000至$20000。
根據美國、澳洲大學教育研究顯示，準確知道孩子的潛能potential及缺點是教育不可或缺的第一步。

因現代教育只為標準IQ100的人設計，假設IQ分佈是否一條normal distribution bell shape curve, 中間IQ100左右會是大多數人。

若孩子的IQ在curve 的一頭（屬資優）或一尾（屬低智），普通教育就不適合。

外國如澳洲就對不同potential的學生有不同的教育政策，除了有特殊學校，更有資優學校。每所普通政府中、小學都有不同的老師統籌特殊及資優教育，那些twice exceptional (2e) 學生，兩方面都得到支援。

Activehealth

正如樓上小曳人所講，IQ 130 跟 IQ 145 完全不同，距離差異相等于由低智到僅僅資優，IQ 越高中間分野越大，bell shape curve 左右X 軸每隔越遠，讀過統計學的一定知道。

iamadc

原帖由 小曳人 於 15-09-16 發表
同意樓上所講：資優兒諗嘅嘢同普通人唔一樣
另外我想指出IQ相差15已經好大分別，即係係話一個IQ130同IQ145 ...

我仔又係自通phonics, 不過無你仔勁，佢兩歲半可讀書（unseen) . 普通話拼音亦自通了，但無英文強。很愛數學但基本加減運算會有機會錯，佢自背乘數表，可計簡單乘除。又愛問負數和小數，另會出代數，如問A+A=B, 10+A=11, A係幾多？我無比佢出去上課，因覺得佢興趣比補習班教的廣，但佢又不到可自通進位的程度，準確度亦不是百分百。又愛科學/地理，但不見沉迷。佢五歲，可唔可以請教下聽落像不像是資優？

小曳人

iamadc 發表於 15-9-17 07:54
我仔又係自通phonics, 不過無你仔勁，佢兩歲半可讀書（unseen) . 普通話拼音亦自通了，但無英文強。很愛數 ...

起碼，理解能力強，數感良好，有自學精神，無論佢係咪資優，嗰團愛學習嘅火都要好好保住！學習由興趣出發，事半功倍！

我個人認為如果唔係需要得到某些支援，唔係一定要做評估，我當時係因為阿仔情緒問題，所以去做評估嘅

iamadc

有什麼情緒問題要trigger 去做？其實學校有hint 過，因佢唔回應人。另情緒起伏很大。

S-Kwok

原帖由 iamadc 於 15-09-17 發表
有什麼情緒問題要trigger 去做？其實學校有hint 過，因佢唔回應人。另情緒起伏很大。



  ...

如果學校發現有問題，應該會提議去做評估，喺呢個情況下，我會建議做，因為可能會再發現其他問題，而且只有知道有什麼問題，方能對症下藥。

iamadc

原帖由 S-Kwok 於 15-09-17 發表
如果學校發現有問題，應該會提議去做評估，喺呢個情況下，我會建議做，因為可能會再發現其他問題，而且只有 ...

其實係K2時叫我們去做assessment 但又無講係乜assessment.

Activehealth

iamadc 發表於 15-9-17 20:24
其實係K2時叫我們去做assessment 但又無講係乜assessment.

點解你地果時唔帶佢去？
學校梗唔會話明叫你去做乜野assessment, 唔通叫你地check吓佢有無自閉症,唔怕你地家長反枱咩！

現在面對佢唔應人，情緒起伏大，你地又打算點？等第二個老師又叫你地去做assessment 嗎？

hinhei

我個件乜嘢特異功能都無

只係比較老積啲

亦無特別情緒

只係固執啲

所以好難定

iamadc

原帖由 Activehealth 於 15-09-17 發表
點解你地果時唔帶佢去？
學校梗唔會話明叫你去做乜野assessment, 唔通叫你地check吓佢有無自閉症,唔怕你地 ...

已去政府見了，話乜事都無，所以唔建議做assessment. 但好似政府個bar比較高，而且資優唔關佢地事，所以無跟進。佢有上情緒社交班，有改善。K2完時校長有輕輕講過，但不是說6歲才check? 佢又未到...

S-Kwok

原帖由 iamadc 於 15-09-17 發表
已去政府見了，話乜事都無，所以唔建議做assessment. 但好似政府個bar比較高，而且資優唔關佢地事，所以無 ...

我自己會去私人機構check, 再排政府。 其間自己安排適合嘅活動比小朋友。  而家仍然等緊政府，但因為有私人report support, 已得到學校嘅支援。

我個人覺得政府話無事，唔代表無事，佢地話有事就係大件事

好似我肩頸痛咁，好痛㗎，日日食止痛藥，塗嘢，但未至於攞唔到嘢，就係咁，政府嘅物理治療師話唔可以安排做物理治療。

所以，我覺得如果自己都有懷疑，就揾私人機構安排做assessment.  有需要就做埋IQ test.

S-Kwok

我覺得做咗assessment, 了解會多咗，對小朋友亦會公平啲，起碼會明白點解佢會咁諗嘢。喺我仔眼中，佢識嘅嘢係好正常，佢會奇怪點解人地唔識，試過同朋友仔去書局，仔攞住本講periodic table嘅書同朋友仔講呢本先好睇，但一般小朋友（同係升小二），點會覺得好睇呀？! 攞住嗰萬字夾，唔係話攞住萬字夾，而係話攞住xxx（構成萬字夾嘅物質）。所以開學前，我跟仔講每個人嘅興趣、識嘅嘢都會唔同，解釋了，再跟仔講如果想講chemistry、數嘅嘢，你可以跟班主任講，因為班主任係教呢兩科，會明白同解釋到佢唔明嘅嘢。可能咁，所以暫時未有問題。

Activehealth

S-Kwok 發表於 15-9-18 07:15
我自己會去私人機構check, 再排政府。 其間自己安排適合嘅活動比小朋友。  而家仍然等緊政府，但因為有私人 ...

其實做assessment就好似配條鎖匙，開你想開嘅門。
如果好似hinhei 果個咁無乜特別就唔駛。但若果想參加HKAGE/CUHK   資優教育，還是配定條鎖匙穩陣啲。

但好似我個仔同S-Kwok 果個,要有支援就要。

lamadc 果個,配過但還有問題就可能要再配。