想問下, 小朋友上左小學之後, 係咪媽媽早D放工好D?

rinarina

想問下, 小朋友上左小學之後, 係咪媽媽早D放工好D? 因為我而家日日收5:00PM, 但有另一份工OFFER不過收6:00PM(OT有可能, 可能工作忙左少少), 但人工多而家有1/3......

但小朋友明年上小一, 其實小學的媽媽們, 你們會選擇搵多少少錢定多D時間比家庭? 我未經歷小朋友上小一, 到時真係會好忙的跟住小朋友的學習嗎?

COE1205

如果是我,我是會選擇搵少D錢留多D時間比小朋友!
我仔今年升小一,放學已去功課班,但成效不好!

小曳人

依家放5點嘅工好少有！
除咗放工時間，星期六駛唔駛返~同埋交通時間，我都會考慮埋

基本上，放工返到去要對功課，溫書，仲要食飯，我隻仔瞓9點，我大約7點鬆d左右返到去，d時間夠對功課，但唔夠時間陪仔玩~

Vanessa_Li

我去年面對你相似的處境, 我的選擇是搵少D錢留多D時間比小朋友! 這選擇是值得的.

豬婆

絕對認同!!!!!

rinarina

回覆 Vanessa_Li 的帖子

其實留返D時間用來陪佢溫習?

Miss_ahso

如果係媽咪跟功課就當然最好放早點，以我為例多數五點或五點半回到家，跟兩小時功課和半小時溫習，時間都只係剛剛好夠用

jojoplanet

rinarina 發表於 14-2-27 12:09
想問下, 小朋友上左小學之後, 係咪媽媽早D放工好D? 因為我而家日日收5:00PM, 但有另一份工OFFER不過收6:00P ...

一般係既, 因為要返去睇功課嗎..但如果你小朋友好自律功課又做得岩又唔同. 好似我姪仔咁小五前我阿嫂都有返工日日要OT返到家都8點起碼...但佢因為日間好自律做晒佢應該做既野, 阿嫂返去睇睇就得. 姪仔成績仲好好添.
咁如果你人工係多1/3, 好吸引的話你怕佢功課唔掂咪到時請補習囉.

Vanessa_Li

回覆 rinarina 的帖子

我仔今年小一, 他無返功課補習班.  我5點放工後幫他檢查功課, 溫習,再玩一陣, 晚飯後同他傾一會今天發生的事, 然後閱讀一會兒書, 都差不多睡覺了.
我覺得D時間留返來培養一個好的,較親密的親子關係, 我覺得沒有什麼比這親子關係重要. 錢的話你賺得再多, 都會不知不覺用咗去.

organicfans

我會選留多d時間陪小朋友嘅工。

hotingmum

我而家就係搵緊收五點既工，好難搵架！

rinarina

回覆 hotingmum 的帖子

但人工好低WOW, 你想搵嗎?

hadwinboy

假設你5點半回到家但小朋友根本唔聽你教，早回家只有困獸鬥傷感情，那麼不如搵多1／3請個補習老師，可能還有鬆動同小朋友行下街睇戲買嘢。

longlokma

当然好，但目的绝不是陪孩子做功課，你亦千萬不要坐在孩子身边看着，一来孩子会太方便求助而不自己先细想，二来你会容易沉不住起主动指点他错處，三来当你陪慣了，日后没有你在旁他根本不願自己做功課………







    可以的話，小学階段最好親自照顧孩子的一切，包括学業、活动、饮食等等，因这六年是孩子懂性后最需要家長指引的重要成長階段，这幾年內你教他的待人處事態度、性格薰陶足以影響孩子一生。

hotingmum

有幾低先？

hotingmum

原帖由 longlokma 於 14-02-28 發表
当然好，但目的绝不是陪孩子做功課，你亦千萬不要坐在孩子身边看着，一来孩子会太方便求助而不自己先细想， ...

我有兩個兒子，如果兩個都陪到完成小學，我都成50歲！到時先搵野做，做得乜？老左咁點算？？？

longlokma

原帖由 hotingmum 於 14-02-28 發表
我有兩個兒子，如果兩個都陪到完成小學，我都成50歲！到時先搵野做，做得乜？老左咁點算？？？



  ...

針無兩頭利，当中得幾多、失幾多，每个家庭狀況不同，做父母的当然要自行衡量了

rinarina

回覆 longlokma 的帖子

多謝提醒, 他做功課的確不應坐在他身旁.....反而定幾點做完,我之後check下仲好....

HaYi

我覺得如果媽媽可以早, 是最好的事, 小學的野都好多, 尤其是小一好多小朋友未習慣, 漏得比較多. 但如果只是一小時的差別我會take多人工1/3的工.  

Jessy

如果唔係等住o個1/3人工開飯就梗係收5pm好啦. 小學生要好早瞓, 真係沒時間相處.

6pm收工又多人又多車又逼, 要花在交通上的時間一定比放5pm多羅.