究竟谷定唔谷好?

1712762

一個運動員, 日日都操練, 同一個一星期先操一次的人, 一年後比賽, 我唔敢百份百講日日操果個實嬴一星期操果個, 但我估日日操果個嬴的機會會大好多.

有啲學校好谷, 甚至教快一兩年, 但有啲學校又好輕鬆, 但日後大家都係考同一個DSE, 都係用同一個DSE成績定你入唔入倒大學, 咁唔谷果啲點拍倒谷果啲學生呢? 咁係咪點都係谷先切合倒香港這個奇怪的教育制度? 選擇唔谷只係唔面對現實, 把問題拖後面對呢?

布來夫

呢樣真係好睇小朋友本身性格，有啲人谷得，你想佢唔温書都唔得，但有啲人一谷就死。我覺得無一概而論。當然如果你以入大學為最終目標，咁早谷就好過遲谷啦。但問題係係現今社會，即使你讀到大學又如何？分分鐘高不成，低不就，攪到仲衰過一早出來社會搵食嗰班！呢啲例子可謂恆河沙數，屢見不鮮。
我反而重視求學過程，不想佢長大后既回憶淨係補習社，咁樣比你攞多啲分又有咩意義呢？ 加上將來必定是電腦取代人腦的時代，那麼你花大量時間，金錢，精神去修讀如奥數一類以升學為目的的課程時，除只能滿足家長對孩子能力的虛榮心外，其餘實際作用是不大的。
最后社會普遍認為現今大學畢業生的水準每況愈下，歸根究底就是他們把在學時期的光陰都虛耗在無甚意義的操練上，郤缺乏了培養正確思考的訓練，只是變成單純的考試機器。

cnyeung

贊成。小兒2014入讀小一，在選校的過程中，我不斷思考教育是什麼？難道教育就是學好深的課程、考好高的分數？到底在一間有超過150位小一生的學校中，學生與老師可以有幾多交流？好多好多問題....

solomonwong

原帖由 1712762 於 14-01-16 發表
本帖最後由 1712762 於 14-1-16 23:26 編輯

一個運動員, 日日都操練, 同一個一星期先操一次的人, 一年後 ...

運動表現及讀書表現係唔可以直接比較。

momama

冇人可定義“谷“，家長雖有自己堅定嘅理念。

lily233242

一定要谷! 我覺得給予小朋友適合他個人特質的谷是必要的，但咩是適合他小朋友個人特質的谷呢？要谷得其法，谷你家長又舒服，小朋友又開心，這個才是大難題

5tgb

我又幾贊同運動同讀書很相似，大家都須有天份，有努力，有興趣及有方法。四者缺一不可，才有成就。你如果要世界級，就一定要天份啦。但唔通參加渣馬個幾萬人，全部都好有天份。他們都是由於有興趣，自己找方法去訓練。讀書都一樣，你有方法去激發興趣，就努力、天份一齊來，四喜臨門，開心到你唔信。用谷這個負面字，未賽先輸啦，要激發學術興趣呀！

556699

是否谷唔重要, 最重要係令到學習/操練過程個細路覺得開心, 此為之愉快學習之真諦。 以我自己為例, 中學時我好喜歡數學, 考試做功課根本係樂趣係玩, 我甚至厭功課太少自己去圖書館搵練習做 (當年冇上網)。 整個學習過程變成樂事, 再谷亦無問題, 小朋友亦會主動學習。 唔係話少功課少考試就係愉快學習, 愉快的其實是家長。

1712762

完全明白求學不是求分數，但係香港dse 無好分數點入好大學。

完全明白有大學學位唔代表乜，但有學位都好難競爭，何況無。

完全明白唔係個個谷得起，但同齡有部份人谷快一兩年，咁到尾都學快你一兩年，因學習不是運動，肌肉運動係會衰退，快谷快退役，但學習不會因起初記得野多，十多歲就會記憶衰退。

其實係香港有班人谷，你唔跟，十二年大家一起考 dse, 點夠人啲級數，會否影響他的人生呢？ 所以係咪香港教育文化就是谷，接受現實就係谷。

Charlotte_mom

原帖由 1712762 於 14-01-17 發表
完全明白求學不是求分數，但係香港dse 無好分數點入好大學。

完全明白有大學學位唔代表乜，但有學位都好難 ...

咁好易姐，要知唔同教法成效，認為DSE重要，咪去比較lor。而家資料都好公開呀。事實是否谷完又唔係好掂/hea完又唔算好衰，一目瞭然。家長可以參考完再揀呀

rainbowcov

咁大家又點睇以下兩個 case?

1. 入一間谷的學校, 教快半年至一年的, 成績只要差3至8分, 全級排名會可以跌十幾名, 學生成日比較成績來過活。

2. 入一間唔谷的學校, 無教快, 學校能引導學生有興趣學習, 但又有拔尖的培訓。

大家會點選擇呢?

HaYi

我不喜機械式以量多式的操綀，但讚成不拘年級，深及廣一些，多雙向同分析

stockmike

出來做事後，發現無論做乜工，要上位大部份都要有好的語言表達能力，識present及不怕羞，否則幾叻學位都好，只能在職系低層徘徊。創業做生意更加需要諗頭轉數。
太早谷有機會令小朋友無興趣學習，不断操卷習作可能短期成績會好，但小朋友因用了所有時間操卷而少了創意及思維，長遠有機會變高分低能。
攞個平衡吧！

1712762

原帖由 rainbowcov 於 14-01-17 發表
咁大家又點睇以下兩個 case?

1. 入一間谷的學校, 教快半年至一年的, 成績只要差3至8分, 全級排名會可以跌 ...

我就是諗唔通呢一點, 雖則係谷果間競爭好大，好難長保持前列，但始終都係學快一年，係輕鬆間係可快樂學習，所以我先用平等的 dse 作共同比較，係輕鬆間啲到時真可拍到谷果間啲學生。 例如谷果間十五歲學中六啲野，輕鬆間十六歲先學中六，但大家都是十七歲考 Dse, 谷果間咪有二年時間了解中六啲野，但輕鬆間只得一年， 咁點夠人深入了解運用，成績好過人。真係諗唔通？

1712762

原帖由 stockmike 於 14-01-17 發表
出來做事後，發現無論做乜工，要上位大部份都要有好的語言表達能力，識present及不怕羞，否則幾叻學位都好 ...

但無入場卷，口才幾好，轉數幾快都無人知，香港現實就是這樣。

1712762

原帖由 longyiu 於 14-01-17 發表
睇返你自己個小朋友性格，同你自可以付出嘅時間，你睇唔到呢版有幾多家長小二已經話要轉校？因為小朋友谷唔 ...

有水晶球就更容易啦！現在只係個 k3人仔，何來性格可言，好靜等如谷得？定鐘意看書先谷得？，現在佢又鐘意看書，又鐘意玩，又鐘意寫字，又鐘意畫畫，谷唔谷得真係唔知，會否谷壞也不知，但而家要二選一，一間谷，一間輕鬆，所以先有呢個煩惱。

魚兒小寶貝

1712762 發表於 14-1-17 08:11
完全明白求學不是求分數，但係香港dse 無好分數點入好大學。

完全明白有大學學位唔代表乜，但有學位都好難 ...

都說運動員既心理素質好重要，除左操練，心理呢? 唔理喇? 定係你覺得自然會有?
兩個人打字速度一樣，同一時間停的話，愈早開始輸入果一部電腦，資料緊係會多d，可是。。。人唔係電腦啊!


我地耐不時就見有學童失蹤，有部分係品學兼優的，表面睇以為係治安問題，事實上係佢地受唔住家裡壓力離家出走啊!


求學過程裡面，學生當然要有所付出，一定程度的操練確係少不免，但若果家長自以為小朋友比別人慢了一步，唔理三七廿一＂谷＂！咁。。。同粵語殘片裡面果d講＂我都係為你好!＂既父母有乜分別!?


我唔會話香港既教育辦得好，但我亦唔會賴，唔好比自己既心魔滋長!

布來夫

一篇值得大家睇的文章： http://m.cw.com.tw/article/article.action?id=5055342