2歲2個月, 發展遲緩, 治療及讀書點安排 ?

QQP

請教各位過來人,

亞仔而家26個月大,

(活動能力)
大肌肉 - 自從9個月識抓後, 企/行都未學識. 小肌肉 - 歲半前發展都冇咩問題, 但之後就慢慢發現做仔細動作有手震.

醫療 :
- 歲半仲行唔到由健康院 refer 去瑪嘉烈兒科跟進, 做過 2 次腦掃瞄, 1次脊 x-ray, 但通通冇發現, 而家睇吓有冇雖要公立寫紙出去做腦部磁力共振.
- 1歲9個月開始在瑪嘉烈做 pt, 每星期一次 ($60@), 由物理師評估為痙攣, 手腳活動協調差(腳尤其明顯, 經常鎖緊肌肉礓直), 肌張力高, 肌肉冇力.  
- 1歲 11個月開始做針炙, 每星期兩次 ($150@) , 由腳針到上頭都三四十針, 仲會有十支八支針留係頭皮半個鐘, 開頭加埋pt & 家居訓練, 都好似 ok, 但一個月後, 天氣開始凍, 訓練同治療密集咗, 但反而行的進度, 不進反退.
- ot, 2歲瑪嘉烈兒科 refer 咗佢地的ot俾我個仔, 大約一個月一至兩次, 評估佢小肌肉發展都遲緩, 穿唔到珠仔, 有時有手震, 未識交換手, 但可以攞杯小小飲水.

(言語)
絕大部份講單字, 大約講到廿幾三十個單字, 同埋十個八個兩字. 佢願意學, 成日好似講唔到, 單字講極都唔正, 兩個字續個音講, 都講得好辛苦.

醫療 : 兒科話佢問題唔係好明顯, 排言語治療要等到 2014.

(智力/情緒)
個人都算肯學, 有時反應都幾醒, 但因為身體的障礙令佢跟唔到, 唔算係有明顯智力問題, 但都影響佢發脾燥

醫療: 差唔多兩歲時, 政府評估中心姑娘, 話佢言語/智力問題亦係唔明顯, 只係大小肌肉問題, 要跟正常排等做正式評估最少要等六個月.   

(視力)
最近個半月 無啦啦開始豆雞眼.

醫療 :
兒科 refer 去政府明愛眼科, 睇過唔係遠視影響豆雞, 只可以話係眼肌肉發展不平衡所至的內斜視, 只建議做手術.  

問題 :
- 等政府做評估再去排 s 位讀書, 想今年 9月讀N班, 係咪冇咩可能 ? 想讀出年9月的 k1 又可唔可以趕得切排呢 ? or 大家有咩快d的方法呀?

- 治療同評估方面, 大家有咩意見呀?  收入唔多, 而家政府跟兒科/ot/pt/眼科 + 針灸 都緊緊, 加上亞仔的情況, 應該仲要打長期戰. 聽過脊醫, 但有相熟, 唔敢試, 聽講收費昂貴之餘, 仲要一個星做兩三次治療, 大人同小朋友都吃不消. 但當然, 如果見真係有希望的, 都會去做. 同埋我仲期望亞仔的問係如果係脊神經, 咁可以進展的空間同進度就會大好多.

在眼科/言語/智力的治療, 大家覺得夠嗎? 有咩意見 ?

- 聽過協康會 & 耀能會, 但未有時間入會, 都唔係好知同我個 case 來講, 佢哋幫唔幫呢 ? 大家有冇咩心得或意見呀?

QQP

佢而家要大人雙手拖先行到, 提腳 / 踢腳的動作冇力+肌肉緊, 盆骨的肌張力低, 所以亦平衡唔到, 企唔到.

kelvin_hmlau

老實講, 如果企唔到又點可以上普通 N 班, 唔通坐住架學行車上堂? 雖然尚有半年時間追.

K1 大把位 (名校除外), 最緊要比心機執正個仔. 不過暫時睇黎S 位似乎適合d.

你當佢1歲學行BB, 扶住野企, 跟住自己企, 跟住扶住行, 跟住自己行.

得閒做多d 按摩, 按肌肉.關節, 希望有幫助.

我覺得政府真係有責任幫手, 盡快排個S位. 好過擺6K 野去MPF帳戶.

shuna

其實你個仔的能力, 出面幼稚園唔會收, 你盡快找評估, 因為評估完要排S位都要1-2年, 咁即係話, 佢呢2年會冇書讀, 會同佢排埋E位, 會快D, 會有各方面的訓練, 盡快照MRI, 確定腦部問題定係其他問題,會唔會有基因問題? 痙攣通常出生時已有問題, 歲半前發展真係都冇咩問題?協康會 & 耀能會有提供S及E位服務, 你去問下資料便會了解到, 可以參加3歲前的Playgroup問下治療師意見, 或者私家治療, 但會比你而家個D仲貴,

nokia6300

是的,我有點點經驗

我小朋友都系大肌發展慢,18接近19個月先自己行,行得很醜怪的,到佢第一次去in nursery,當時已經行好了很多,但同一般小朋友比,一看已經不同,in左3間都唔收.....

"個人都算肯學, 有時反應都幾醒, 但因為身體的障礙令佢跟唔到, 唔算係有明顯智力問題, 但都影響佢發脾燥"

我一開始同阿仔做pt時,姑娘已經提我一定一定要加強大肌訓練,因為大肌影響小肌,小肌影響語言,語言影響認智,最後便是智力...

我可以說,當阿仔開始了自己行,做了很多很多的訓練後,系完全唔同,小朋友可以自己用身體去探索系可以學多好多野,反應多左,慢慢再出語言,所以你一定要系pt方面加強訓練,如你未試過協康會的訓練,不妨一試,我小朋友系協康會的pt教到佢識行的,當日,家居"密集"訓練系不可小!

媽媽加油!

nokia6300

是的,我有點點經驗

我小朋友都系大肌發展慢,18接近19個月先自己行,行得很醜怪的,到佢第一次去in nursery,當時已經行好了很多,但同一般小朋友比,一看已經不同,in左3間都唔收.....

"個人都算肯學, 有時反應都幾醒, 但因為身體的障礙令佢跟唔到, 唔算係有明顯智力問題, 但都影響佢發脾燥"

我一開始同阿仔做pt時,姑娘已經提我一定一定要加強大肌訓練,因為大肌影響小肌,小肌影響語言,語言影響認智,最後便是智力...

我可以說,當阿仔開始了自己行,做了很多很多的訓練後,系完全唔同,小朋友可以自己用身體去探索系可以學多好多野,反應多左,慢慢再出語言,所以你一定要系pt方面加強訓練,如你未試過協康會的訓練,不妨一試,我小朋友系協康會的pt教到佢識行的,當日,家居"密集"訓練系不可小!

媽媽加油!

QQP

多謝你哋兩位的意見呀.

咁我會盡快去協康同耀能會問吓.

其實我都知亞仔可以讀到九月主流幼稚園N1的機會唔大, 不過我都盡量霸住樓下幼稚園個位先, 我估過多兩個月, 佢見我個仔仲未行得, 佢都會唔收我.

至於評估, 睇嚟等政府的都要等多三幾個月, 都冇得快, 如果私人 or 協康會做, 我都知道唔平. 等我再問吓價錢先.

亞仔個 case 都好奇怪, 佢真係歲半前冇咩明顯唔正常的跡象, 佢都照半歲前識轉身, 七八個月識坐, 九個月都識抓, 係到歲半後先續樣問題走出嚟, 近個半月先有豆雞眼, 近兩星期仲成日流口水添....至於會唔會穩性遺傳 / 基因問題, 似乎都唔係政府醫生會急切處理的問題, 佢地好似覺得反正都係冇得攪, 搵病因唔係當務之急咁, 靠做 pt & ot 治療頂住先.

至於家居訓練同治療, 我都密密做, 只係做得越多, 亞仔好似仲反感, 一拖佢行企 / 拉筋/針灸, 就情緒好差, 攪到痙攣好似仲越嚴重咗.   唔知點算.  

最近唯有自己再同佢按摩全身同俾左d聲稱低頻的音樂治療 cd 佢聽, 又好似好少少.

QQP

多謝你呀!

我會盡快去協康會問吓, 聽講d課程/治療都好full 吓, 都要排一段時間.

可能我樓下的幼稚園賺錢心切, 我話佢知, 我個仔暫時只係肌肉問題, 佢見我個仔都精靈, 玩遊戲有反應, 又好笑容, 都即刻收咗. 不過講明, 到時開課唔識行, 就唔收.

至於訓練, 我都好密集吓, 出去做的 pt/ot/針灸,  加上在樓吓氹佢行/上落樓梯, 都光音似箭, 連佢休息既時間都攪得好飄忽. 情緒又差, 我估我除咗外求其他 pt/ot 之外, 都要再唸d佢鍾意玩的方法再引佢, 如果唔係, 佢一發癲就封鎖晒自己, 學唔到嘢, 痙攣手腳震動的情況仲嚴重咗.

我係女仔

原帖由 QQP 於 11-2-24 23:12 發表
多謝你呀!

我會盡快去協康會問吓, 聽講d課程/治療都好full 吓, 都要排一段時間.

可能我樓下的幼稚園賺錢心切, 我話佢知, 我個仔暫時只係肌肉問題, 佢見我個仔都精靈, 玩遊戲有反應, 又好笑容, 都即刻收咗. 不過講 ...

你好呀, 我想問下你住邊區架?
我仔仔岩岩入左一間兼收幼兒園讀左兩個月, 個老師好細心照顧呀仔, 佢初時入學行路仲好似醉酒佬咁, 而家己經行得OK左啦, 同埋己識講幾個單字, 好開心, 老師話會特別照顧佢, 兼且教佢果位N班老師係兼收組既, 所以唔錯, 老師岩岩派左成績表, 都唔錯, 進步左好多, 老師一睇就知佢係自傾, 但都收, 同都好用心教佢

[ 本帖最後由 我係女仔 於 11-2-25 00:43 編輯 ]

諾諾爸爸

QQP,  嗱嗱聲買本睇下

1. 如何幫助腦傷兒童成長
https://www.coolbooks.com.tw




有幾個Video 一定千萬 億萬要看, 非常極度超級重要 !! 冇睇過或唔知係乜會損失好大好大

Major:
http://www.youtube.com/watch?v=RHtOQWWtShI&NR=1
http://www.youtube.com/watch?v=Y_Aj6Sfgzno
http://www.youtube.com/watch?v=QsAl97RyuX8&feature=related

minor:
http://www.youtube.com/watch?v=sxq2OoVIkP0
http://www.youtube.com/watch?v=0R9_fxJ1HiU&NR=1
http://www.youtube.com/user/hudit77#p/search/0/7hSPPueqGf0
http://www.youtube.com/user/hudit77#p/search/1/ZMqqwc57PLc

[ 本帖最後由 諾諾爸爸 於 11-2-25 11:12 編輯 ]

QQP

好感激!

今朝打左去協康會問, 佢哋話等做平估都差唔多要等三個幾月, 而家開始等三個幾月, 可能政府都排到. 睇到你個 post, 即刻打咗電話去 step, 等佢地主任回覆時間, 佢哋話一般等兩三個星期有得做評估, 咁真係快好多又平好多呀. 多謝你!

"最好chur 到排e+s位", 但我想問, 點解唔係排 i 位呀? 係咪 e/ s 位會適合我小朋友d 呀?  同埋我係同做評估那位評估員 chur, 定係再去排服務時, 同政府的福利員 chur 呀?  唔好意思, 我唔係好識, 想問清楚, 我怕到時 miss 左 chur 佢哋的機會.

QQP

葵芳, 青衣 or 荃灣, 都算近我.  如果港島區呢, 就中環最近, 不過皮費重, 車程又長.

其實我之前都問過一間有兼收位的幼稚園, 佢哋間間都話普通位 full, 要入佢地的 i 位就要從政府途徑轉介, 我都照交表申請普通位先, 再等消息, 我交咗表兩個月都冇咩回音.

QQP

yes sir.  我會加油去睇吓書, 惡補吓.

QQP

原帖由 pipi331 於 11-2-25 18:30 發表


要排mud service, 評估差唔多完成時. 評估員會同您講番小朋友ge情況, 例如: 慢幾多, 似系mud (痙攣, 自閉, 整體遲緩....), 建議排mud服務. 果個時候就可以講您想要mud服務.  如遲d想改排另一d服務要同評估中心講.. ...

真係多謝你呀, 今日下午那位 step 的主任覆咗我電話, 仲教咗我 s/i/e 邊位先適合我個仔, 佢話 i 位係冇物理治療, 唔係太適合行動不便的小朋友, 佢話會 suggest 評估員幫我排 e & s 位. 雖然 s 位個名唔好聽, 不過為咗小朋友的發展著想, 都希望搵到最適合佢, 最緊要佢返得開心.

講真上星期返過一d主流幼稚園攪的 playgroup, 都幾無謂, 學野都冇乜, 主要為幫亞仔去體驗吓返學的模式.  第一堂都叫 ok, 扭計實有, 但都未算係好難控制.

到底主流 定係 s 位都要再觀察, 但都會嗱嗱聲去做左評估排咗隊先.

自從細仔出世, 我都冇返工, 想陪佢哋多d, 而家細仔七個月大 lu, 而家大仔成日去做治療/睇醫生/做訓練, 我一個人手都唔夠, 最近都請咗工人, 但財政真係緊絕, 所以盡量用得政府服務的, 都要嗱嗱聲去排去做.

QQP

做全職媽, 雖然好想, 但都掙扎咗好耐, 怕俾太大壓力老公. anyway, 最於都實行咗, 真的不易做 - 好苦好累, 不過為咗兩個仔, 我會頂住.

有關耀能, 我先兩日打過電話去問, 佢地原來得樂富的centre先有物理治療, 同評估只得做物理治療 / 言語治療的評估, 令有需要人仕得以轉介去政府的治療服務. 其如各間的中心有咩服務, 佢話要自己再打去問問.

另外, 都睇過協康會的網頁, 收費都唔平, 同埋好似都要排一段時間先有位. 會再問問同唸唸先.

你講 s位 的學術程度問題, 都係我擔心同考慮的問題, 不過點都好, 都要排到先有得揀, 都係盡快評估先.

QQP

同埋都想問吓, 點樣可以去參觀 S位 ? 佢係有特定的開放日? 定係我可以電話預約就可以去?