囡囡晚晚喊-驚欠交功課-掂算!!!請教!

Nicky

囡囡升左小學一年級,晚晚臨睡前都喊,驚欠交功課,其實巳經check左好多次,但都話好驚. 亦從未試過欠交.
囡囡對返學,讀書,功課都好上心,要求高,試過默書97分,抄錯左日期,喊到好淒涼!
其實我無比囡囡壓力,因為佢自覺性強,我都好滿足.
但唔知掂幫佢,我巳講左好多次,叫佢放心,同佢一齊check.但佢都是喊.
請有經驗的媽媽教下我!!!!
Thanks!

MYMYSO

Nicky

我囡囡发梦会说“写埋先啦！”。我都担心，不过我亦有适当地比她玩，亦没有常叫她做功课啦！温书啦诸如此类的说话，我暂时的办法就是常叫她无需紧张呀！

你囡囡读哪间学校？

Nicky

MYMYSO,

是呀! 小一巳經禁緊張,都唔知掂算,同人地講又怕人地話我哂命,因為囡囡上心讀書,又話我一定要求高,比好多壓力佢,
其實我都冇!!!
例如囡囡返全日制,星期五放學我叫囡囡唔好做功課,明天先做啦,佢好唔願意,但星期六一早8點就自己起身做功課!!!你話掂好?

kayiu626

不如你接觸下佢ｏ既老師la，會唔會老師無意間比左Ｄ壓力佢呀？！
你女讀間咩學校？是很傳統的嗎？

Msma

你一係同女轉校..轉去D非 傳統教學學校!

一係教佢學習面對困戁, 同學習解決困戁.  

redapple

回想細時都好驚欠交功課或帶東西,先表示你的理解和明白.認同她的感受,分享你的經驗,如'你驚俾先生鬧? 我都試過.真的好驚啊', 幫她渡過難關或恐懼心理.先不要罵,自己要好脾氣.
平時才和她講道理,和她商量如何避免欠嘢,告訴她人人都會漏嘢,老師都會.也不忘讚她盡責乖巧!可考慮靜靜地找老師了解情况.
習慣下來會好好多!

肥仔媽咪

Nicky,

你可約學校的社工傾傾或許他們有方法跟你囡囡開解的.

sisima

Nicky,
會唔會係學校老師,曾經同學生講過有關欠功課及考試唔好d問題呀?真係要打電話同老師傾下呀!因為咁細個已給自己壓力,唔係好事黎,到上中學點算呀?其實你小朋友好乖,懂自覺地做.但可能用錯左方法.
另外,你小朋友每天都會寫手冊,每科多少功課都有列明,你叫佢完成一樣自己打個'take',佢自己親手'take'會知有無漏.對佢會唔會好d?

123mama

Nicky,

May I know your daugther's school name, so that I may not chooce this school to my son, thanks

redapple

我覺得有d小朋友自尊心强,敏感型.針對她性格去解决,對未來發展未必是壞事.也未必關學校事.向其他家長了解先.

tt2001

Nicky,

希望你吾好介意我咁講，我只是嘗試看深一層。
你女兒未必是怕欠交功課這麽簡單，她的壓力來自自己太看重分數、名次、在老師/同學或甚是父母心目中的地位？(如是大人，算是"看重名利"了。)

似乎她混淆了到底學習是為著想自己進步，還是為他人。說她主動溫習，其實是被動才對，因她是為著爭取外界認同才溫習。當然，這些要靠家長仔細觀察，直接問她也得不到答案。如真的在這樣"有目的"的條件下學習，先體會不到學習中的樂趣，冇樂趣而往下去，既不能把所學融滙灌通，很快亦會到達飽和點(學習能力上及心理上)。我讚成找社工甚至兒童心理科，教她release壓力之餘，更重要是教她"尋回自我及正確的學習態度"。能過這關，你女成大器不遠。

-joejoelam

我個囡就關人,一D都唔上心,激死 :evil:  :evil:  :evil:

kitty

我個女今年都係小一,佢就唔係日日喊,不過佢就日日都肚痛,總之返學前佢就話肚痛!
佢都係一個好自動自覺的人,一放學返來又係要做哂功課先得,星期五我都話唔駛急,佢又要完成哂先安樂.
不過佢每日返來都同我講邊個今日比老師罰,邊個又冇帶野,邊個又賴尿....又話d風紀好惡(見過風紀罵人)所以我覺得佢係驚返學發生以上的事在她身上,但我都唔知點幫佢,而家諗住14號學童保健時同姑娘講,睇下點,我都好煩!

Nicky

kitty,

我個囡囡都一樣 -

"不過佢每日返來都同我講邊個今日比老師罰,邊個又冇帶野,邊個又賴尿....又話d風紀好惡(見過風紀罵人)所以我覺得佢係驚返學發生以上的事在她身上,但我都唔知點幫佢"

今早起床佢要求將昨晚巳溫習好的默書再默一次,但時間好趕,所以"我說不用了,你巳溫好啦!" 但佢仍然好堅持,佢說怕自巳忘記,所以我抽了幾個生字幫佢默,佢又OK.
然後我對佢說"你唔識唔緊要,最重要是你已經努力,就ok啦!
但佢話唔鐘意改正!
這兩晚半夜喊的問題好像解決了,我想左個方法,叫佢自巳check功課,自已執書包,因為我幫佢執佢唔放心,當佢執完我比張貼紙佢,話這是代表完成功課和執書包.這兩晚臨睡佢都有唔放心問我,我話"你有完成今天工作的貼紙,就ok!  佢呢兩晚都無喊過.
重有佢時時返學好掛住我,我都解釋左好多次,但都無嘜用!
唉!  其實囡囡性格是自尊心強,唔衰得! 唔關學校事,而且囡囡講過幾個老師都讚佢乖,所以佢對自巳要求更高,但我將會找班主任傾下!
我都好煩時時要心理輔導佢,我無比壓力佢,佢做功課好快,好少錯,我重求什麼! 我成日"豆"佢笑,希望佢輕鬆D......唉我的心都好倦!

Nicky

Kitty,

我都試過同囡囡講星期五唔駛急,佢要完成哂先安樂.
有一次被我帶左佢去街行下,佢星期六就一早8點起身做功課,我都未起身.
你話點好?
有一次行"大眾"佢重叫我買Ｄ練習比佢做.你話我應該開心還是驚???
我自已小學時好"豬,都唔明佢點解會禁???

貓姊姊

Nicky,

不如和囡囡兩個人一起執書包！還要她看住，這樣可以令囡囡放心些。如果學校有把小一功課放上網，還可以一齊check。
我的囡囡和仔仔都是星期五回來就要做功課，不會留在星期六做，因為她們想在星期六、日盡情玩！我的囡囡在學校是一位品學兼優的學生，對自己要求甚高，一回到家一脫校服立即變百厭星，第一件事吃下午茶，第二件事用快速地做功課，之後看卡通片，再之後自己找圖書看，又不溫習，日日也是。我和她老師說過，老師說不要給她壓力，比多一些私人空間給她。

saisaisai

Nicky,

Can you tell us the name of your daughters' school?
I am very curious to know.

Thanks

MYMYSO

Nicky,

其實我覺得小朋友自己比壓力自己也不完全是一件壞事。

我亦覺得未必完全是老師或學校問題(當然如去D完全沒功課、考試就最開心，但...事實歸事實)。

我囡都常比壓力自己，我亦好擔心，但我做的就是她識緊張，我就唔緊張；如像你囡緊張得那麼犀利到放假時她要做我就說我地去輕鬆下啦玩下啦(當然不要做到真是完全唔緊啦，因怕她真改變到鬆哂)！

我不是說風涼話，因我囡是在一間出了名功課多的學校讀。因她又自己會緊張所以到假期或課餘我也盡量帶她玩；我常對她說小朋友最緊要3樣野：1.努力讀書2.比心機學野(如：彈琴/畫畫)3.就是玩放假盡情kam玩。

除非真是變本加厲，或沒有任何方法等，如果不是我想就無需轉校(所以我想知你囡讀哪間學校)；因為除非讀國際學校，反之間間學校都一樣有考試，學校不給壓力，你囡囡都一樣比自己有壓力。

當然如果加上學校D校風或老師的教學態度是不好，同家長又合作得不好或壓力來自老師的偏見或...就會考慮轉考。

學校有小朋友因犯錯受罰而影響囡囡，我會解釋放心啦！你kam乖你都唔會kam做罰是罰不乖的呀！既然比人罰kam慘，kam我地唔好學啦！

希望大家多些交流呀！擔心都幾擔心ka.


  努力呀！

MYMYSO

Nicky,

我是叫囡囡一起執書包呀！

到“大眾”不如提議她買故事書，逗她都是讀書一種方法或買故事CD給她聽，小朋友應該中意喎，有無試過？