點解咁多人話蘇浙好?(真人真事)

fwc

多謝你的分享, 你所說的, 也是我兩公婆想的, 覺得太側重普通話,最後都決定面試成功都不留位

原帖由 LittleRoxie 於 08-12-8 01:56 發表
我是在北角區大, 所以識很多人讀蘇浙小學, 有一個登記護士, 就是因為她英文不夠好做了EN, 影响了她一生的前途
有一個男仔讀蘇浙小學, 中文會考拿B, 但英文不合格, 結果入不到大學, 現在入職保安員
我的表妹,  ...

chu__chu

原帖由 LittleRoxie 於 08-12-8 01:56 發表
如果中文真係重要, 而蘇浙真係咁好, D高官一早俾佢地D仔女讀la, 仲去讀國際學校, 同去外國留學唉

咸魚青菜,各有喜愛, 啲人鍾意都冇計. 個人覺得蘇浙太多大陸人讀, 水準比較參差. 普通話係緊要(對某些工作而言), 但無需太早局限幼兒...

另個人覺得喺香港始終都係英文緊要啲, 要學普通話可以大個啲先, 有冇諗過如果番蘇浙學普通話但喺屋企冇人同佢講的話, 是否事倍功半lei?

仔仔錫錫你

我間小學重差, 但一樣有出醫生, 律師.  讀唔讀到書, 能唔能成才, 我認為40%靠學生, 40%靠父母, 20%靠學校

BBR

間間學校都有叻同唔叻學生,好大部分係睇小朋友資質,好似入到大學未必一定代表佢好叻,我老公公司D大學生D英文差到不得了,中文字又唔掂,咁唔係代表成間大學有問題,係部分姐 ,(我本身唔係蘇浙fans,亦無去in過)

stone940828

同意, 唔係"名校"都會出到好學生!
學校重要,但學生同家長更重要.

原帖由 仔仔錫錫你 於 08-12-8 11:06 發表
我間小學重差, 但一樣有出醫生, 律師.  讀唔讀到書, 能唔能成才, 我認為40%靠學生, 40%靠父母, 20%靠學校

lailaie

BBR,

對呀, 你講得對呀, 每間學校都有人話好, 有人話唔好, 我自己就識到有人由蘇小入了庇理羅士, 你睇番佢地的RECORD, 每年都有好多人入到張祝珊, 如果佢地的英文真係咁差, 我諗人地都唔會收佢啦, 而且, 由小學去到大學, 仲要經過六年的中學, 蘇浙公學就真係唔係好得, 入唔入到大學, 都要睇埋你响果六年中學發生左咩野事, 都唔可以懶晒小學.

蘇小係好谷的, 唔係個個細路同家長頂得住, 睇番關於蘇小的FORUM, 蘇小的英文係比出面讀高一級, 我諗可能樓主咁啱識果d 人, 都係搵著唔適合佢的小學, 繼而去左間唔知咩野中學, 所以搞到入唔到大學啦..

所以, 就算我地揀學校, 都唔可以人地話好就好, 都要睇番適唔適合自己仔女的性格

原帖由 BBR 於 08-12-8 11:17 發表
間間學校都有叻同唔叻學生,好大部分係睇小朋友資質,好似入到大學未必一定代表佢好叻,我老公公司D大學生D英文差到不得了,中文字又唔掂,咁唔係代表成間大學有問題,係部分姐 ,(我本身唔係蘇浙fans,亦無去in過) ...

BBR

間間學校都有自己fans,亦都唔係間間學校都得人鍾意,每間都有佢地優點同弱點,所以我好的評語會聽唔好都會聽,聽後自己分析,而我亦好相信就算幾有名的名校都會有成績差品行差的學生,幾唔好的學校都會有品學兼優的學生,睇下個小朋友同家長點培養佢地,因為學校只能幫到20%,其他80%就要靠自己

ysmhkg

Little Roxie,

我覺得凡事都有例外,  就算是一些超級 Band 1 名校也會有一些 Band 2, 甚至 Band 3 的學生吧 !  

蘇浙每年都有近六成以上的學生升上所謂的名校或超級名校, 是否因為您生活圈子的問題, 導致您無法認識這些進了名校的學生呢 ? 凡事都應該先問問自己有沒有好好努力, 不能完全歸咎別人.

您覺得蘇浙不好, 也許您有您的個人因素, 但請您不要一竹竿打翻一船人.

原帖由 LittleRoxie 於 08-12-8 01:56 發表
我是在北角區大, 所以識很多人讀蘇浙小學, 有一個登記護士, 就是因為她英文不夠好做了EN, 影响了她一生的前途
有一個男仔讀蘇浙小學, 中文會考拿B, 但英文不合格, 結果入不到大學, 現在入職保安員
我的表妹,  ...

[ 本帖最後由 ysmhkg 於 08-12-8 14:04 編輯 ]

ysmhkg

我係蘇浙學生家長之ㄧ, 我都好煩蘇浙好多大陸人,
呢 d 大陸人, 係大陸出世, 跟住父母去外國, 然後再回流返香港, 搞到普通話同英文都鬼死咁勁, d 大陸小朋友細細個就睇水滸傳, 寫得一手又工整又靚o既書法, 真係唔知點同佢o地比啊 !

講到普通話, 我係一間台灣公司做o野, 前一排幫公司搵律師打一單商務官司, 個律師同我講話佢好想接呢單 case 但係最衰佢不識講國語, 唉 ! 我唯有另請高明囉 !

所以普通話重唔重要 ? 真係好見仁見智o既 ! 用到咪重要, 用唔到咪唔重要囉 ! 但係任何語言都係浸出來o架 ! 就好似英文咁 ! 細個唔學, 你估大個先來學, 會唔會學得好 ?

原帖由 chu__chu 於 08-12-8 10:55 發表



咸魚青菜,各有喜愛, 啲人鍾意都冇計. 個人覺得蘇浙太多大陸人讀, 水準比較參差. 普通話係緊要(對某些工作而言), 但無需太早局限幼兒...

另個人覺得喺香港始終都係英文緊要啲, 要學普通話可以大個啲先, 有冇諗過 ...

chu__chu

原帖由 ysmhkg 於 08-12-8 13:04 發表
我係蘇浙學生家長之ㄧ, 我都好煩蘇浙好多大陸人,
呢 d 大陸人, 係大陸出世, 跟住父母去外國, 然後再回流返香港, 搞到普通話同英文都鬼死咁勁, d 大陸小朋友細細個就睇水滸傳, 寫得一手又工整又靚o既書法, 真係唔知點 ...

mud蘇浙比啲大陸人搞到咁貴族ga?我個囡讀唔起tim...

原帖由 ysmhkg 於 08-12-8 13:04 發表
所以普通話重唔重要 ? 真係好見仁見智o既 ! 用到咪重要, 用唔到咪唔重要囉 !  

Well said, this is the only point I agree with you. And it coincides with what I said previously (see the following quote)

原帖由 chu__chu 於 08-12-8 10:55 發表

普通話係緊要(對某些工作而言)

Anyway, 祝ysmhkg個小朋友喺蘇浙讀得開心,直昇蘇浙公學,　之後大學....最緊要係學以致用！

[ 本帖最後由 chu__chu 於 08-12-8 15:16 編輯 ]

BBR

其實你話普通話緊唔緊要?我覺得一定要學,你睇宜家間間名小學都要學普通話就知,好似聖士提反全校中文普通話授課,DGS都要用普通話上課,好多間都要,連interview時10間有9間都考普通話,要識普通話係大勢所催,你睇宜家D請人廣告,中英普都要識,生活响香港唔識返一兩句都唔掂,我老公自己係老闆但都要識普通話,米點做生意點同大陸人溝通,唔好睇小大陸人,分分鍾有錢過香港D人多多聲,雖然我好多時都覺得大部分大陸人無咩文化,但唔好忘記宜家香港咩都係靠大陸,D 大陸人响香港花錢重勁過我地D香港人.
生活响香港要增加徑爭能力就一定要識普通話同英文,你可以唔識日文法文,但英文同普通話一樣重要

[ 本帖最後由 BBR 於 08-12-8 14:11 編輯 ]

wendywoo72

我唔覺得好多大陸人喎,返而有d mix 小朋友在讀,我仔依家k1,班裹起碼有7-8個mix 小朋友一齊學習,佢地溝通無問題,個個小朋友都用普通話+英文溝通.而我個人覺得,有學卷
的幼稚園有普通話+英文學,已經唔錯.而且學校係家長選擇
,每個家長都有自己喜愛的學校.而每間學校都有佢好處同唔好處,所以無得比較,只要小朋友學習愉快,做家長都開心.

原帖由 chu__chu 於 08-12-8 14:05 發表


mud蘇浙比啲大陸人搞到咁貴族ga?我個囡讀唔起tim...



Well said, this is the only point I agree with you. And it coincides with what I said previously (see the following quote)


Anyway, 祝你個 ...

ysmhkg

不錯不錯 ! 有見地, 您真是知恥近乎勇啊 !

原帖由 chu__chu 於 08-12-8 14:05 發表


mud蘇浙比啲大陸人搞到咁貴族ga?我個囡讀唔起tim...



Well said, this is the only point I agree with you. And it coincides with what I said previously (see the following quote)


Anyway, 祝你個 ...

panala

chu_chu,

唔好意思, 想搭一搭咀, 除咗大家係同一辦學團體外, 蘇小同蘇公係完全無關係架! 我發現太多人有呢個誤解啦, 其實唔會有任何直昇/聯繫關係存在.

原帖由 chu__chu 於 08-12-8 14:05 發表


mud蘇浙比啲大陸人搞到咁貴族ga?我個囡讀唔起tim...



Well said, this is the only point I agree with you. And it coincides with what I said previously (see the following quote)


Anyway, 祝ysmhk ...

mimi1102

咁你識的朋友都幾可憐, 我自己以前讀七層公屋果d幼稚園同小學, 中學去左間普普通通的屋村中學(當時唔知係band 幾, 不過後來依家間校係Band 3), 大學去左間雞大學度讀, 英文程度只是普普通通的港式英文, 都唔洗做EN同看更..你個表妹同看更朋友, 有幸入到庇記同張祝珊, 都唔好好珍惜, 有時條路, 都要睇你自己想點行. 如果做人唔識珍惜, 就算比你入到拔記同x沙都冇用..

原帖由 LittleRoxie 於 08-12-8 23:41 發表
我都好支持中國人要學好國語, 但始終如懂中文, 要學都唔難, 好像我是從看台劇, 學會普通話, 雖然不算標準, 但總算能聽能講,
由一真人真事, 我的表妹正是讀庇記
而那EN和看更正是讀張祝珊, 他們就是英文不好才誤了一 ...

[ 本帖最後由 mimi1102 於 08-12-9 09:08 編輯 ]

BBR

唔好意思,咁係米應該話除左蘇浙誤左你D親戚朋友一生前途的話,重有庇利羅士,張祝珊,嶺南大學都應該有份誤左佢地前途 .其實講真,一個人讀唔讀到書除左睇間學校,80%係睇佢自己有冇實力,我唔知蘇浙好唔好,但我覺得一個人的成績/前途好唔好唔可以全歸咎學校,如果個人資質唔好,比你讀top one的學校都無用,如果個人夠smart比你讀更差的學校你都可以將學校變成top one. 好似香港幾間大學,比你入到咁係米代表佢地英文好叻,唔係,好多大學生D英文不知所謂,响我地這一代,我地好多都唔係名校出生,但好多都係律師,醫生,會計師,工程師......,而你的親戚朋友讀到比較好的學校都只能係看更,登記護士咁佢地係米應該檢討下自己讀書態度或者係米資質有限? 而且去到外國D英文都學唔掂要返黎的話(已經係全外語環境),咁我真係好懷疑佢地D學習能力同態度.
樓主你會唔會太冇斷去斷定你D親戚朋友前途唔好係關學校事?唔通佢地自己本身一D責任都無?或者你敢唔敢講係米全蘇浙的學生100%D英文係唔合格?個個出黎都係做低下層工作?我相信無可能,當中一定有好多事業有成的人.
我只係覺得你將責任歸咎人地學校好似嚴重左D

原帖由 LittleRoxie 於 08-12-8 23:41 發表
我都好支持中國人要學好國語, 但始終如懂中文, 要學都唔難, 好像我是從看台劇, 學會普通話, 雖然不算標準, 但總算能聽能講,
由一真人真事, 我的表妹正是讀庇記
而那EN和看更正是讀張祝珊, 他們就是英文不好才誤了一 ...

chu__chu

原帖由 poohpooh123 於 08-12-9 08:13 發表
的確蘇浙o向北角區好出名, 上年我同仔仔interview呢間學校時, 見到好多大陸人都黎in, 佢地又無禮貌, 小朋友又粗魯, 到最後, 間學校收左我仔仔, 當然, 我無俾仔仔讀呢間學校.... 見仁見智!! ...

係咩? 咁得意?咁似海洋公園啲大陸遊客ge? 人地ysmhkg講嗰度啲大陸人好貴族ga:人地"係大陸出世, 跟住父母去外國, 然後再回流返香港, 搞到普通話同英文都鬼死咁勁, d 大陸小朋友細細個就睇水滸傳, 寫得一手又工整又靚o既書法..."

唔通我同你見到嗰啲蘇浙學生同ysmhkg個小朋友(and/or佢啲同學)係唔同ga   

一樣米養百樣人, 啲人鍾意就得啦