2個怪獸媽媽硬闖中環交通安全嘉年華

ShunNokmama

不吐不快事:昨天係嘉年華冇乜野玩,最好玩都係得揸車,但要先排
隊攞籌於指定時間再反去玩,因每節都規定指定人數數目進場,逾時
不準進入,我係排最後果場4:45分,諾諾係最尾二果個入課室,
我就剛企係門口,突然有2個媽媽衝進來話係4:15遲左少少姐,
要求俾埋入去玩,但工作人員以沒有多餘車仔可供呢2位參加而拒絕
左,佢地就開始發爛渣話點解唔俾入,佢地帶小朋友食野食晏左姐有
乜理由唔可以入場,仲發惡鬧D工作人員咩態度(係BMW staff),其中一個MAMA仲強行抱埋個小朋友入課室一齊坐
下(但大人係不能陪伴,佢仲大枝野坐係度),工作人員請佢地離開
時個MAMA仲好惡咁話點解唔可以入去,佢地等左4個鐘先玩到,
仲大大力咁拍檯話上網要鬧臭人地公司,仲話要人賠償番佢損失..
..正白痴!!當時都有其他小朋友係度,其中有2個就嚇到大喊,
工作人員抱番出來即時安慰,咁門口有個爸爸咪搭咀叫佢地走啦,八
婆老公又殺埋入來仲大大聲鬧⋯⋯番人,咁呢個嘉年華係警察揸FIT,好快就有幾個亞SIR叫走個
男人兼了解事件,另外個八婆MAMA仲係門口度嘈嘈閉,我見到佢
地整喊D小朋友即火都來,大大聲話呢D人點做人亞媽架,明明自己
遲到仲聲大夾惡鬧人,咁第時佢D小朋友係咪俾老師罰又學佢地咁拍
檯嘈呀,呢D咪係怪獸家長囉!我同其中一個MAMA一唱一和寸鬼
門口個八婆MAMA,我仲話我拍低左罪證等我放埋上網睇下呢D怪
獸亞媽,佢唔敢望我一直唔再出聲,但入面果個仲嘈緊,咁亞SIR
來到即係叫八婆收聲,佢仲有面照坐低,D工作人員同亞SIR講事
發經過話好多MAMA都睇到當時情況,我即刻話:亞SIR我見到
晒成個過程,我可以做證人架!個門口八婆即超左我一眼!!講完理
論成班小朋友開始去扮路人揸車,我亦冇理會,但係我好不值呢2位
MAMA所為,自己有錯仲大條道理聲大大咁話人唔應允要求就係人
地唔啱,仲要為了自己利益唔理四周都有小朋友而做出拍檯叫囂嚇親
小朋友的行為,佢都係人亞媽來架,佢個小孩咪有樣學樣,唉...
我遲左冇拍下條片,唔係一定係YOU TUBE公告天下!!!

Juliaqq

rhythm

ShunNokmama 你做得真係好! !  路見不平, 見義勇為, 我們一定要發聲, 維護公義 ! 人人都有這份心, 社會才會和諧, 小朋友生活才會健康正面快樂. 否則, 就要洞在一個妖獸都市 !

singyumama

講得好，我們當老師的的確常要面對這些媽媽。我試過學生違反係人都無可能推卸責任的校規，個媽媽也打來大罵大發謬論，只是要兇到你不罰他孩子。見不能得逞就轉而攻擊你的教學，想攞個尾彩。更恐怖係個仔同佢口角，個仔入房唔理佢佢竟然打黎閙我話我無教佢個仔尊重父母，個仔今日想打佢係我教既。唉!如果可以閙番佢或者有人挺身而出就好，可憐只能次次硬食，佢仲以為自己大晒。

綺霖mami

有其母必有其子, 父母不能身先士卒, 其子必敗

chloepapa

支持 !!!
呢D 父母, 真係不知所謂, 小朋友長大一定會受影響

iamegg

太多父母被投訴文化所影響認為咩事情都可以放投訴喺第一位, 但係就忘卻左身為父母係子女嘅探射燈. 其身不正, 點樣去expect小朋友會公平去睇事情呢? 我成日都用一個例子去講身教: 有個爸爸收到學校投訴, 話佢個仔係學校講粗口. 爸爸好嬲, 同個仔講,'你知唔知細路仔係唔可以講粗口嫁, X!'. 大家都應該知X係咩野. 個問題根本就唔係個小朋友身上. 如果唔係個爸爸左一句右一句都係粗口, 個仔係唔會'吸收'到咁多. 不過重點都係, 你自己都講粗口, 你點有說服力去教訓佢地? 唔單只冇說服力, 相反更令小朋友認為錯個樣野係啱, 因為你地大人都做得點解我唔做得.

樓主講個兩個怪獸媽媽就係有依種情況. 到最後其實suffer嘅會係佢地自己. 因為有一日佢地嘅小朋友係會做番相同嘅野宜覺得係理所當然. 甚至會係屋企人身上用宜覺得一D問題都冇. 香港越黎越多依一輩...

raven

所以有港童出現!

matsushima

做得真係好