有關和小兒在學習和打機及電子媒體使用上的時間爭議

Jane1983

MrBeast 發表於 20-3-16 16:08
我都覺得樣樣都有父母教練安排，是個問題，不過始終都是個conventional path，父母幫到咪幫，身邊都有成功 ...

講唔清楚。眼見前輩朋友的仔女on paper係好叻，但個個都唔湊米氣。可能係家裏供給得太好，無慾無求。我唔鍾意咁樣的型態。

Jane1983

回覆 stanleypyk 的帖子

呢個世界有高薪、有前途的好工，但要求高才能、高學歷，唔到佢做。點解？因為佢用咗求學的黃金時間去打機，仲不斷埋怨唔夠時間打！人地寒窗苦讀果陣，佢日日打機，父母勸極唔聽，而家自嘗惡果，唔知反省，仲有臉講？
事件好簡單。再乞兒的工都pay the bills，起碼令佢有錢交租、三餐有着落。唔打工，邊有錢？邊個養佢？諗住攞綜援定訓街？

Jane1983

回覆 MrBeast 的帖子

你呢個例子真係「教壞人」，其貌不揚的男子直播訓覺，not even露肉或淫褻，就有錢賺，打工真係辛苦好多

Jane1983

回覆 IloveJJ 的帖子

係，逆耳忠言要講，當頭棒喝要做。佢錯要set him straight。呢d做衰人的嘢、難聽的話係父母要做要講，唔係真係愛佢變成害佢。

Jane1983

回覆 IloveJJ 的帖子

真係，教子要有義方。連反省都唔識，一味埋怨，滿口歪理，乜都係父母、社會的錯，自己唔使負責，自己懶散唔讀書、唔上進係無責任。好荒謬！

Jane1983

回覆 IloveJJ 的帖子

唔拉埋政治講啦，費事模糊了視線。
一個人點講都好，連打份工賺錢養活自己都唔願意，咁仲有乜好講？

Jane1983

回覆 MrBeast 的帖子

因為有小朋友，我都好努力認識新世界，之但係越睇越覺得唔係好妥。

Jane1983

回覆 MrBeast 的帖子

之前同樓主講過，咁多年佢和佢仔的交手，佢係每仗都輸、節節敗退。但如果佢能夠引導到佢仔打份長工，自力更生，咁都未至於全盤皆輸。果陣樓主話要回大陸退休，一定要逼佢自立。但而家好似放軟口氣......

Jane1983

回覆 stanleypyk 的帖子

無論你事業上點決定，你都應該要佢畢業後馬上搵工，賺錢養自己自力更生。千萬不要比佢係屋企炒股賺生活費去hea過。開壞個頭，佢無搵工動力，以後就係靠你了。

Jane1983

回覆 B哩baba 的帖子

同意。佢仔咁樣的炒賣做法，同去賭場賭大細無分別。

Jane1983

回覆 Danielhk 的帖子

你講呢d無意思。如果仔女已經鬼迷心竅，完全唔睇父母臺戲，你自殘又好、遠走他鄉又好，佢根本唔會care。
唯有在大家感情仍然好好的時候，比心機去教導和維繫。希望唔會行到陌路人果步。

Jane1983

回覆 stanleypyk 的帖子

份工再「乞兒」，都有糧出，可以養活自己和家人，自力更生，有乜莊敬自強過自食其力？
居屋係低等和無能力的人住 —— 咁有倚巒和富匯豪庭，當然唔會揀居屋。但用搵幾多錢和住係邊去界定一個人係高等定低等，真係比較核突。

Jane1983

我地成長的時候，學習的價值觀就是 —— 職業無分貴賤，每個人努力工作，貢獻社會。用我百點熱，耀出千分光····

而家講起好似好老土，但呢d係大道理。會唔會係近10、20年，教育的重點轉咗去谷成績，家庭和學校都無講呢d價值觀？

Jane1983

stanleypyk 發表於 20-4-2 14:23
首先對國內政府和人民都有偏見, 在國內手機或電腦上網有很多限制, 不是他理想的居住環境！
...

唔一定的。不知幾多極討厭大陸的男人追求身材好的國內嬌娃。

你想佢係香港學獨立，就唔好邀請佢返大陸一齊住。

Jane1983

回覆 stanleypyk 的帖子

去到中山，可以話搵唔到工、唔啱做，呢樣果樣，繼續黑口黑面躲在房打機。唔信你做得出掉晒佢d嘢出街，趕佢走，換門鎖。
唔想養佢一世，你係呢個關鍵時侯要小心處理。

Jane1983

回覆 MrBeast 的帖子

你講得好啱。樓主個仔的價值觀從何而來？
可能由細到大屋企太錫，把他捧得太高，無人對佢講一d難聽的實話，佢將自己擺位擺得太高，點可能滿足到佢的期望？咁既學歷，又無經驗，初出茅廬就係從低做起的了，唔通比個總裁佢？

Jane1983

回覆 MrBeast 的帖子

你咁寫，我想起昨日有對父母500定600萬，買咗層東涌樓，話比個18歲的女學收租

Jane1983

回覆 stanleypyk 的帖子

早上離開了床，基本上不會再在床上活動。都是在書桌、沙發或者飯廳活動。
由朝到黑都唔離開張床，實在好唔健康，個精神狀態好頹廢。

Jane1983

回覆 stanleypyk 的帖子

比佢試吓，打份工自力更生，和世界接軌，搵錢養自己，點樣分配金錢，節省支出，照顧自己生活。一個人唔行出去，自己面對吓，好難長大。
佢捱得一兩年，人會成熟好多。

Jane1983

回覆 Danielhk 的帖子

我必須明確無誤指出孩子錯誤行為。明確無誤表達我的憤怒，讓他知道我無法接受 —— —— 我都係咁樣。甚至比你做得更激烈。

君子愛人以德，佢有錯一定要講比佢知，一定要幫佢改，否則害咗佢，亦會毀咗大家的關係。