有關和小兒在學習和打機及電子媒體使用上的時間爭議

Jane1983

回覆 Danielhk 的帖子

其實我唔覺得樓主仔有特殊問題，無論係智力和情緒。佢係典型沉迷打機，加縱壞的溫室港孩。佢成日講番d唔比佢打機的陳年往事，係因為1）有人entertain佢，肯理會咁無意義的抱怨。其他家長第一次聽佢發up風，已經將佢d歪理拆穿，shut him up。
2）佢生活太閒逸舒適，如果十分繁忙，好eventful，佢就唔得閒翻舊賬。

Jane1983

MrBeast 發表於 20-1-29 13:39
就算是，也不是excuse，身邊有例子因sen父母包容，反而咁冇積極找方法解決問題，唔想小孩辛苦咁話。
我個都 ...

細路個個都有總有d嘢，會令家長費神。總之大事大方向唔出錯，例如書要讀好、努力工作、毒品損友掂不得、嫁娶戴眼識人，一般人生唔會太差。

Jane1983

回覆 stanleypyk 的帖子

任何一個家庭教養仔女，都唔會比佢一句「我懶囉」就過到骨，可以唔使做佢該做的事。

Jane1983

little_yolky 發表於 20-2-13 21:49
咁大個喇，仲可以做乜呢？

近日唔駛返學，工人姐姐卡住唔嚟得，舊既走咗，大家分擔家務。阿妹好乖無問點 ...

亞之亞佐其實好正常，但講完都要去做。家務、功課、溫習...生活上好多嘢都係責任，認咗懶、蠢、手殘就唔使做，仲得了  

Jane1983

好似我女，之前比我發現佢原來唔識/唔願開膠樽飲品。每次就作狀做個難唔到的樣，跟住就有人搶住幫手。我問佢，話d冰令個蓋好難開，話手唔夠力，又話對手搽咗cream好滑。剷完、教完，一定要自己做。再唔肯做，以後唔好飲

Jane1983

回覆 stanleypyk 的帖子


你竟然諗，如果唔返大陸退休，就要幫佢做亞四至七老八十。全錯！
既然無工人，屋企嘢應該大家做。你接受佢一句「我懶囉」，跟住自己任勞任怨做曬。唔係理想做法。佢學唔到應付自己責任，你亦有怨言。

Jane1983

回覆 MrBeast 的帖子

父母要求仔女做合理的家務，乜原來可以真係唔肯做？即係叫極盤pair唔去洗碗，由佢臭？

Jane1983

回覆 MrBeast 的帖子

要改陋習就即時改，唔使等第日返大陸一齊住先改。
仔女一定有唔好的行爲，大小都好，一定要幫佢地改善。由得佢，心軟佢，只有害咗佢。

識人個仔好鍾意趴係度寫字和睇書，提過佢媽媽，佢就話「講過好多次，佢唔聽，無辦法」。結果未夠12歲差不多1000度近視。

Jane1983

回覆 stanleypyk 的帖子

適度關心，適度放手。

Jane1983

回覆 MrBeast 的帖子

你問得好好，根本輕重好大分別。
父母為仔女唔將鞋放番入鞋櫃，而大鬧、唔開心。同夫妻因對方唧完牙膏唔扭番蓋，而嘈大交。係我心目中一樣係荒謬。抓大放小，做人無可能要人樣樣跟到你足，每件事盡到你要求。

Jane1983

回覆 MrBeast 的帖子

以前聽d人講d婚姻問題，乜嘢對方唧完牙膏唔扭番個蓋，搞到好大件事，離婚咁滯。
我覺得好無聊，咁都對對方不滿成咁，真係離婚就算數

Jane1983

回覆 MrBeast 的帖子

邊有咁易長期搵到快錢？如果咁易，邊有人返工？長賭多數輸。
我有個老親戚，80幾歲人，身家都豐厚。佢比個證卷行定銀行經理冧到，非常鍾意炒股票，日日都做trade。之前成日話日日賺幾萬容乜易，唔知佢而家係咪咁好搵。

投資係可以致富，投機呢，就睇你有幾叻仔。

Jane1983

回覆 stanleypyk 的帖子

咁就好，無損手又買到教訓。如果一開始好容易搵食，以為自己少年股神，盞害咗佢。

Jane1983

回覆 stanleypyk 的帖子

除非屋企有家業，香港大部份畢業生就係要認認真真搵份工打，養活自己。唔係錢從何來？
期權炒賣，根本係純投機，同賭博無分別。一個對金融產品了解不深，又拒絕上course學習的入世未深年輕人，盲中中搞呢d高風險嘢，有乜好處？最怕有一日你會講，早知任得亞仔打機，佢咁最多養埋佢。佢迷上投機亂炒，真係輸身家拖累屋企人

Jane1983

回覆 stanleypyk 的帖子

我會睇大唔睇細。如果個仔會搵份長工，努力工作，好好做人。佢唔鍾意做家務，d嘢無手尾，我會提吓佢，但唔會睇成一個大缺點，日日話佢。
做家務、自理呢d嘢，從來都係環境造成，你返鄉下退休，佢一個人生活，就自然要自己做ga啦。

Jane1983

回覆 Yanamami 的帖子

你講得啱。自己揀服侍佢，就唔好怨。唔想做亞四，就狠心要佢自己做。
又要縱容，又要頂唔順鬧佢，盞大家唔開心。

Jane1983

有自置物業，唔可以要求個仔搬出去獨立。咁屋企有錢，咪注定養佢過世？

咁最好的scenario係咪全家一窮二白，搵個錢刮痧都無，咁就一定養到好仔？

Jane1983

回覆 IloveJJ 的帖子

真係。點做都錯。千錯萬錯都係社會的錯。

Jane1983

回覆 MrBeast 的帖子

我以前一直都信呢句，不過慢慢發現新一代未必咁諗。可能父母照顧得太好，又或者世界唔同咗，而家唔玩堅毅、忍耐、奮鬥、不屈不撓呢套

Jane1983

MrBeast 發表於 20-3-16 13:47
e加都有，不過唔在柴米上，而是體藝和成績。至於＄，唔係話一定要慳，但至少知道沒有免費午餐和應洗得洗 ...

對體藝和成績的鬥心，會唔會自動演化為對事業的積極進取，以前果代會。而家呢代未必。眼見年長朋友的仔女，真係唔係好搏殺果種，唔夠hungry。