有關和小兒在學習和打機及電子媒體使用上的時間爭議

Jane1983

回覆 stanleypyk 的帖子

只報一份政府工，私人機構招聘, 拖到過埋期都無去...呢d根本唔係搵工的做法。佢一路拖，一路唔多搵工，咁樣唔係辦法。

你要諗諗計，除非你打算養佢過世。

Jane1983

回覆 stanleypyk 的帖子

你的問題係太錫佢，佢d歪理你太上心。以前講咩要盡情打機，已經係廢話連篇，其他家長趁佢細，鏟到佢機都唔敢提，唔會比佢咁樣無限放大。佢已經斷送咗學業生涯。而家又黎？
佢工都唔搵懶洋洋，講咩人地比家用就唔使煩其他？佢搵到工，有能力比家用先講啦。樓主，唔好心軟，一定要佢去搵工自力更生。樓上Y姐無講錯，你仔同你玩緊mind game，你次次都唔夠佢玩，小心小心。

Jane1983

S-Kwok 發表於 20-6-22 06:56
樓主，你唔對佢苛嚴，其實將來會苦了他。 即使樓下7仔做售貨員，都係自力更新，總好過hea懶個身，hea吓hea ...

睇咗樓主咁多年，佢係呢度講可能強硬d，但執行肯定同嚴苛無關。

樓主教養佢仔咁多年，當中博弈完全唔夠佢仔玩。今次要佢畢業搵工自力更生，係最後一關。贏咗就幫到個仔行條正路，努力工作養活自己，日後成家立業。輸咗就養佢過世，佢日日躲係房打機炒股，黑口黑面爆粗當你工人使。

Jane1983

gracelam 發表於 20-6-22 10:59
其實咁多年樓主2公婆一路比個仔食住，唔忍心，唔放心，唔抵得，我估10年後，結果都係一樣，可能更糟，因為 ...

我都好怕劇情會咁樣發展，所以大力支持樓主一定要佢仔搵工，自力更生。

佢仔畢業就只係報咗一份政府工，實在太唔積極

Jane1983

回覆 stanleypyk 的帖子

Delete 電子遊戲係好事，肯出廳大家傾談係好事。大家交流吓，你灌輸正確和正面的投資觀念比佢絕對係好的發展。但無論你幾讚賞佢的改變，或者傾得幾開心，都唔好攞錢出來比佢投資，或者任何形式的合作。
父母心軟科水見得多，切記不可。

Jane1983

回覆 MrBeast 的帖子

樓主個仔係食住佢兩老，希望樓主唔好lose focus。

Jane1983

回覆 stanleypyk 的帖子

傾訴吓、安慰吓，無所謂，但唔等於佢唔使佢搵工，自力更生。老實講，呢個世界邊個無冤屈嘢？邊個無山高水低，大家都係啃咗去，繼續努力。
佢畢業只申請過一份工，擺明係唔積極。講咩都好，以前點都好，都係要出來社會經歷吓。

Jane1983

回覆 stanleypyk 的帖子

你和亞仔分享職場上的感受，係好事。但你人生走到呢個階段，體會的嘢唔一定適合一個初出茅廬的年青人。好多老人家感慨「殺人放火金腰帶，修橋舖路無屍骸」，或者呢個世界「笑貧不笑娼」，唔係錯，但無謂同腦荀未生埋的後生傾。
你仔得萬幾元本，咁多個月都係輸多贏少，佢應該體會到靠炒賣根本生活唔到，始終都係要搵份工。搵份正職有穩定收入，儲起餘錢，在工餘時間度吓點投資增值，咁先係正路。佢唔明或者唔願意明，你應該講明佢聽，一日三餐、房租水電煤，點搞？

Jane1983

stanleypyk 發表於 20-7-11 21:35
今天又和兒子討論完成學業後他的人生去向, 他很羡慕同學就算讀完書, 可以hea在家不用出外工作, 所以他的經 ...

打工係乞丐，街上人全部係乞兒 － 呢d咁難聽的說話，其實係樓主定樓主太太教佢？點解佢會咁講嘢？真係難聽過粗口

Jane1983

回覆 stanleypyk 的帖子

如果投機不成, 打工又辛苦沒理想回報, 寧願死了便算了。

@@@


佢得二萬幾元，唔返工靠投機達成夢想，基本上係痴人說夢話。佢開出寧願死的戲碼，你點處理呢？

佢好荒謬。如果有個女仔，樣唔靚無乜學識性格麻麻，佢唔願返工話搵得幾多，佢一心嫁個有錢人嘆世界。佢話如果唔能夠嫁入豪門，享盡榮華富貴，寧願死了便算，咁合唔合理？好醒啦！都成年人了。


個女仔日後姻緣際會，唔係無機會嫁得好。但自己都唔努力行自己的人生路，等奇蹟出現去打救，呢d多數落空。

Jane1983

回覆 stanleypyk 的帖子

你可能要陪吓佢一齊睇吓網頁，一起研究報咩工，推動吓佢。
最難係行出第一步，搵到份工，返開ok，就on the right track。開始時，係需要人扶吓、push吓。

Jane1983

stanleypyk 發表於 20-7-14 23:10
其實在5月份考完試時已幫他留意有什麼工作適合他, 也建議他早點找工作以免到7月份有很多畢業生出來競爭, 在 ...

如果到時佢真係咁，希望你忍住唔好幫佢。比佢試吓捱窮，試吓面對後果。否則真係讓佢過世。

Jane1983

回覆 stanleypyk 的帖子

你責任大啊，樓主。太錫、太順住佢、太呵護備至，對佢唔係好事。

Jane1983

stanleypyk 發表於 20-8-21 12:11
如果他肯聽勸告, 什麼問題也可解決了！

佢一直依然故我，工唔多搵，機又照打，你有乜對策？

睇咁耐，你對佢係心軟和無計。最終可能係自己孩子自己養到底，希望你銀彈夠。

Jane1983

回覆 stanleypyk 的帖子

你已經縮到打定輸數，帶埋佢返大陸。返到去，你有乜把握佢會肯搵工？
唔係撥你冷水，係希望你睇清楚個情況。旁觀者睇，你養佢過世的機會係好大。希望你可以扭轉局面。

Jane1983

stanleypyk 發表於 20-9-5 23:17
已踏入9月新學年也開始了, 阿仔最後一個暑假也過去了, 正常的返學就返學, 返工就返工, 但他仍依然故我, 他 ...

朋友！邊個朋友你會比佢住宿、供書教學、照顧三餐和四季衣裳？

日日耍嘴皮子，工又唔去搵。而家講到明，啃老係新時尚，睇你點拆招。

Jane1983

回覆 stanleypyk 的帖子

每個家庭dynamic唔同，佢食硬你多年，而家擺明車馬工都唔搵。旁人講點做，亦唔係你可以依樣葫蘆。
佢一個月炒賣搵到幾多？搵唔搵到1、2萬？搵唔到的話，有咩資格講打工無用？根本無錢交租食飯。

講咩20幾歲人心智唔成熟，要留係身邊！進呢d言比你聽的，麻煩出錢幫手養佢過世。做人自力更生係rule number one，其他咩都係廢話。

Jane1983

Yanamami 發表於 20-9-22 09:53
呢个幾年前討論过了……真係唔好害左人家个女｡

x2。

Jane1983

gigayan 發表於 20-9-22 14:12
一段男女關係，邊個害邊個，去到最後先知，你估宜家世代嘅女仔都簡單咩
...

老老實實，係你個女，你喊唔喊先

Jane1983

回覆 gigayan 的帖子

江山易改呀。同埋人生苦短，大把嘢追求，用寶貴的時間去改一個男人的壞習慣，搞d最基本的要搵工、唔好懶散和戒煙，值唔值得呢？
鍾意咗，家長好難反對。但在我多年洗腦，我女對好多唔好的行為都好嫉惡如仇，應該唔啱wavelength。