GFDF diet 交流區

free_style

歡迎做緊 GFDF 的家長一齊交流，如何在食物方面，為小朋友創造愉快生活。我的女兒有自傾，現在戒口(gluten  and dairy free)，再戒埋驗到敏感的食物及食補，而家近七個月了，情況明顯好轉。對話有多層次交流，眼神定左好多。

GFDF Diet 唔易做，一不小心就會食錯野，但睇住佢情況不斷進步，覺得是值得的。所以我一直努力研究如何炮製他們可吃的食物..........

free_style

係呀，食錯野，好覺有反應。阿女早前飲左有阿巴斯甜(人造甜味劑，有研究指會影響腦細胞)的濃縮橙汁，即刻有一日發大脾氣。停左無飲，就回復正常。前日佢應該在學校偷食，昨天早上返學，扭計扭到飛起，又周身痕。今天過左氣吧....一切回復正常，笑住口起身兼返學。

free_style

好彩喎，我從老師口中得知，佢地下星期整生果雪糕甜點，我會呢個周末，整定 dairy free 雪糕，等佢可以在學校，享受跟同學仔一齊整香蕉船的樂趣。

free_style

其實我從來無問醫生，戒口要戒幾耐。因為，現時戒口係好高難度，但我要的是效果，要小朋友的溝通、情緒及專注力全面改善，追得幾多得幾多。所以我的全部焦點，都集中在呢度。

亦因如此，我不斷思考及研究，如何整美味的 GFDF 食物，令他們有選擇下，不致偷食，而令情況變得反覆。當然，一時食錯野難免，但要提高成功率，有食物選擇是很重要。

將來的事，將來先算。誰料將來情況好轉，他們已沒有問題，那是最好的。但若要繼續戒口，則已戒了咁耐，都沒什分別了。

free_style

一年前，阿女叫又唔明，教又唔聽。今日，佢有對答，有交流，係食錯野才發脾氣，若戒口戒得好，是又開朗又活潑的小朋友，我已滿足了。但求佢表達能力不斷改善，那當然更好。.......

free_style

嘉儀媽咪 發表於 12-5-8 12:41
冇辨法啦，最起碼可以知道敏感個源頭，避免吃下可以致敏的食物，因為食物敏感除了影響情緒，仲會死架。
雖 ...

新鮮麵包，可以自已整呀。我經常整，焗出來的效果很不錯。GFDF 雖然係較麻煩，但卻食得很健康，所以有好有唔好。若可以自已多些動手做自家製美食，仍然可以享受人生呢!!

我整在準備寫 BLOG ，將整野食的心得紀錄下來。每一款食物，都是為阿女而設計及研究，每次的成功，都代表佢又多一款野食，這是我可以將不時出現的憂慮發洩之處。

free_style

xixi1218 發表於 12-5-7 22:55
太難了，難道一輩子都這麼過嗎？？而且也不是每個人都有效。

有些人因不同原因都要戒口，生活得開心，工作有成就感，已經很好了。

唔係無得食，只是要揀擇 D ，盡量自製，外國很多人，因此整到出食譜，或許如此譜出自已的事業。是福是禍，有時好睇我地的態度。至於是否每個人都有效，我唔敢講。但我個女就好有效。我好肯試不同療法，未夠三歲，已捉佢去針灸，為的只是要有改善，要有進步。只能說，現階段我要的是效果，其他的事已變得次要。

阿女而家唔可以食雞，雖然有點限制，但聽到不少小女孩，因為食得雞多而提早到小四已發育，那麼，可以食雞是好是壞? 有時很難說...........可以確定的一點是，今天食物很多被污染而我們卻不易察覺，為了長遠的健康著想，戒口或食得小心一點，或許是有益無害呢......

free_style

apple~y 發表於 12-5-9 14:43
回復 free_style 的帖子

可以給blog個網址比大家分享嗎??

個 BLOG 呢.....係好歡迎大家參觀的.....但實在呢.....仍在建構中，所以是只聞樓梯響的呢。快啦快啦，因為看到戒口的 小朋友，能享美食，真的是滿心歡喜，我是決心搞好個 BLOG的了。

至於生物療法，靜係計睇醫生及買 supplement ，一個月三千幾蚊，另，買小朋友可以吃的食物，包括一些預製食物及烘焙用材料，每月一千左右啦，這個是看你要求到什麼程度。我自己鐘意研究整野食，會買多幾款材料來試。

咁貴唔貴呢...其實搵個姑娘，一個月來上四堂，一個月都駛二千，效果一般，相比之下，生物療法兼買食物的開支，效果好好多，咁我覺得才是真正的抵。自從戒口，我基本上無再積極尋求其他療法，那些行為治療，就當係輔助。因阿女處於高速改善期，所以繼續上堂，等佢吸收多些。

free_style

呀，講漏左的開支，是初期驗血及驗大便，果度都駛合共七千左右。後來因為有效果，做左半年，再驗埋重金屬，果度又三、四千。其實呢，我係因為見到有朋友的孩子做呢個療法，一年間真的睇住佢改變，變得控制到情緒，理解力及變通方面進步，所以我才最終決意一試。

我好肯試新方法的，未夠三歲捉阿女去針炙，去之前一晚真的腦交戰，因為太細個，都幾驚，但為求有效果，點都試。都針左半年有多才停。

free_style

阿女，本來返學是笑笑口的，但過去兩個禮拜日日喊住返學，喊到我心都煩，但終於，喊到前日，終於問得出個原因，原來佢掛住之前去旅行太開心的時光，好想再去。佢唔明旅行唔係日日去。知道呢個原因後，我即刻做野，買定佢心愛的小公主精品，臨瞓前又同佢做定心理輔導，終於今朝唔喊 LU。笑住口起身、食藥、食早餐、返學.......這些就是進步。佢識講，才能跟我們溝通，我才可以理解佢的傷心及幫到佢。呢一點，對我來說是很重要的推動力。

free_style

apple~y 發表於 12-5-10 15:12
thanks你詳細解答

樣樣療法都有一套理念

是的，要摸索自已的路唔容易。我鐘意自已試，因為個個人都話自已方法好，自已試過最實際。或者有個案在前，俾我目擊其中的變化，咁可信性會高好多。

free_style

今晚帶阿女去睇傷風咳，佢對醫生好 FRIENDLY，一入去就叫人，又同醫生傾計，話俾醫生知佢去過動物園，醫生問問題，佢又肯答，有來有往，同埋答案係有意思又對題的交流，在別人看來是平常不過，但作為媽咪，或者只有自已才知花了多少心機及力量才達致的效果。我都滿足了。

雖然她說話能力仍未追到足，但是，只要唔好再食錯野，她真的是很可愛又懂事的小孩。

free_style

回復 Melissa_Tam 的帖子

咁而家小朋友的眼神接觸如何? 無戒口後，情況是好左/差左/無變 ?

free_style

戒口係麻煩，但效果好，我已心滿意足了。相較 a 仔無得醫的絕望，若有方法解決且成效明顯，而代價只係麻煩，我反而覺得找到了出路。

我仲記得第一次去睇 dan doctor，我同佢講，呢個方法真係得的嗎? 我是抱著破爷沉舟的心態來的，只許成功，不許失敗。而這段時間的戒口，醫生亦驚訝於我地研究左咁多野食俾阿女選擇，因為醫生是顧問，會叫你朝呢個方向去做，但佢唔係廚師，所以佢唔知如何炮製gfdf 的美食。

而家整阿女的野食，我會預雙份，因為毋須戒口的哥哥都會想食，反映食物的味道及賣相已達一定水平。這點，也算我的小小成就了。

我會堅持俾佢戒口，同時透過不斷在試整食物，令佢有得揀，戒口亦變得可持續發展。身體的敏感，不是一時半刻可以解決，急唔來。

若佢唔戒口，表現已經跟普通小朋友一樣的話，咁就真係唔駛戒口了。

free_style

我好彩，幾年前為親子，開始在家玩烘焙，買了焗爐，累積幾年睇書自學經驗，去年發現阿女有問題，開始戒口後，全面研究她的食物。是錯有錯著。而家變成任務，每周要抽時間整小吃給她。因為有選擇，那些預製包裝食物，已變成次選。她的至愛有蛋糕，趣怪麵包仔，朱古力粒曲奇，朱古力波波，煎豬肉丸(好鬼似麥樂雞，連哥哥都話搬左麥當勞返屋企)。

free_style

普通麵包，我以前試過好幾次，但淨係睇書學，成功率得六至七成。整曲奇餅及蛋糕反而有九成幾把握。至於 gluten free 的麵包，我是買 bread mix 整的，推介品牌 king aurthur bread mix 。效果好好。

開班教整小吃，我唔敢當啦，因為還在摸索階段，俾阿女食可以，教人整就有點....懶醒......分享心得還可以。遲下等我解決技術困難，再整 d 相出來俾大家睇下。整野食只要俾 d 心思，其實會有好多開心發現，當小朋友食得開心，我也樂透!

free_style

fatpam 發表於 12-5-31 06:36
請問食早，午，晚餐方面，有無d 容易方便買到同整到嘅食物?
我相信最頭痛係早餐，因為麥同奶要介，而且一早 ...

早餐多數食麵包、蛋糕仔、粉麵或整片火腿俾佢，飲品可以係米奶，豆奶或包裝有機果汁。輪流配搭咁啦。因為仲細，朝早又急，所以食唔到好多野。我平時會整定些焗腰果，香口又脆又健康，咁食完早餐，可以俾幾粒佢拎住食，可以令佢地食多 d 野，增加營養。

午餐及晚餐，多數係飯菜肉。不過呢，小朋友仲細加上有敏感，可選擇的肉有限。我主要俾佢食某幾種無敏感的魚，及豬肉，所以每種食材都要多變化。例如豬肉，可以係煎豬扒，免治，或加少少 corn flour and potato flour 打成為豬肉丸，可放湯可煎炸。

小吃方面呢，就多好多。例如 gluten free cereal，好多的嘛。你再買些 dairy free 的朱古力，融左佢，包住 d cereal ，就可以變成為朱古力脆米/脆波。不斷咁樣變種，令每次發現一樣新食材/食品，就可以一開三。

free_style

我又試過將蛋糕仔，用朱古力沾滿外層，變左 gluten free dairy free lemington dessert。咁都得喎，都幾似架有奶有蛋的效果。小朋友喜歡。

你若有興趣，可以選定某款野食，我試下打返個食譜出來。分享下點整。

free_style

我仲試過整個一磅裝的生日蛋糕，嘩，呢個真係我烘焙生涯的高峰。無奶，無蛋，無 gluten 的忌廉生果黑森林生日蛋糕。那次為了準備這個蛋糕，我思想及實際上籌備了個多星期呀。

free_style

至於對 a 仔特別有益的食物.....暫時未搵到呀......無益的我就知。例如人造代糖阿斯巴甜。試過一次，我女飲完後，當天真的脾氣勁差，扭計時大叫，後來發現是那枝新買的濃縮果汁惹的禍，立即停用，過兩日後就回復平常，扭計一般只係扭一陣咁囉。自此，連我自已都唔食有阿斯巴甜的野，因為有機會致癌及可能影響腦細胞之間的溝通。

另一樣係奶，若阿女錯食有牛奶的野，濕疹番發的同時，反應即時轉慢，戒口後，平時叫一聲已經即應，上次食錯有牛奶的野，叫三至五聲先應，感覺有異，即時尋找死因，後來發現是一包新買的有 朱古力粒的小吃出事。佢包野係 gluten free 呀，但當中的朱古力粒，唔係 dairy free 囉，一不小心，好鬼中招。