del

wan_sosin

原帖由 bibitom 於 14-10-28 發表
有時真係幾辛苦甘去就學校，太多不合理，不論行政管理，規則，教育方式和師资上，我身邊大部分朋友都要仔女 ...

有些學校越熱門，就越會高姿態，唔驚無學生！D校長隨時連招呼都唔會打！
咁嘅日子好難過，你打算忍埋呢幾年？

wan_sosin

原帖由 bibitom 於 14-10-29 發表
佢校長同副校都好中意佢，只係話佢仲係 bb 甘，大少少會好好多

咁都唔係好差呀，如果佢哋係對事不對人，都有欣賞你囝囝。
但都要幫小朋友同學校合作，唔只係為呢間學校，對將來點做人都有好處，係個社會，太有性格唔識轉彎，好難做人，現在細個，當磨練下！

wan_sosin

原帖由 bibitom 於 14-10-30 發表
佢性格係好硬頸，老師罰佢，佢要問清楚點解罰，點解甘样罰，點解由你来罰。。。。



  ...

佢實在十分之聰明，其實去邊度都會有咁嘅情況，除非佢蠢D囉，但無得變蠢喎！但嘅然聰明，就真係要學精D囉，否則蝕底係佢，如果佢真係唔明點同人相處，試下搵評估，心理學家，輔導等…
佢就算考第一都要處理到問題所在，相信樓主明白，也明白你唔好過！
我仔只係小一，佢學嘢好好，未知考第幾，但科科9字頭，默書100,但其實去緊精神科見CP,學校都有投訴，開學兩個月，有兩次話再唔改寫手冊，只係見佢P1,放過佢，投訴最多嗰科，竟然係成積最好嗰科！我聽完，返去又提佢，教佢囉，事實有做過，就要認！幼稚園已經係咁架啦，每次電話響，都會諗，今次開邊樣呢，如果係其他事，就會諗，咁好采嘅！
唯有盡量同學校合作，做到嘅事情，就盡量做好D! 當安慰自己，將功補過！

wan_sosin

原帖由 hongk 於 14-10-30 發表
對你家小朋友，下午鍛鍊晚上睡一覺能量又回來了。不如試試早上早起加多半小時游泳，跑步，踢球，都行，讓他 ...

啱呀，上課前跑幾個圈，係會定D專心D,呢個都唔係咩新方法，早係幾十年至成百年前，都已經有老師，學校咁做！
只係反而而家D學校唔會咁做，也太重視學科，小朋友能活動的時間太少！

wan_sosin

智力係天生，後天點谷都只會高得幾分，但唔"栽培"變平常，就未必，除非個小朋友唔返學，唔學習，困係個接觸唔到出面嘅地方。
如果真係資優孩子，佢根本有自學能力，唔需要太多幫忙，最緊要係有機會！多D空間比佢哋。
但如果真係經常受到打擊，就可能會將才華收埋

wan_sosin

原帖由 MrBeast 於 14-10-30 發表
本帖最後由 MrBeast 於 14-10-30 17:41 編輯

智能唔會消失的，但才華能唔能夠顯露就唔一定，資優但表現低下叫"潛能未展"
有唔同因素令資優顯露唔到才華！
好多時係環境令到小朋友無信心。

wan_sosin

原帖由 MrBeast 於 14-10-30 發表
其實有些跟據的，聽過一個實驗，張一隻幼貓的一隻眼瞌住，因為成長期間沒有用那蓋著的眼，大腦中相關的線路 ...

所以，我上面有講，除非將個小朋友與世隔絕！
如果生活係正常社會，係唔多可能令到個小朋友智能消失！
不過好似呢到唔係討論智能問題，唔講咁多啦！

wan_sosin

原帖由 bibitom 於 14-10-30 發表
其實真係自己會爆出来，由幼稚園到現在都冇谷過佢，補習又冇，两公婆成日周圍飛都冇带佢去第度玩下，完全冇 ...

其實你係個好媽媽
而家幼稚園D諗法都奇，咁快話浪費，咁細個唔知會浪費咗D乜？
我仔K1時，班主任都話佢學習能力高，但就無講乜要教佢多D之類！
但佢一直都有行為問題，要去評估，直到K3個班主任叫我去check IQ,話可能佢IQ高先有行為問題，叫我搵出原因，睇下係唔係！
我到而家都無check! 到而家剛小一，老師話佢某些地方高於水平！係學校仍有攪下事，上堂唔多留心，好明顯hea. 但學校暫時都對佢幾好，覺得佢有潛能，暫時覺得揀對學校！
你有無問返學校評估個情況，你有權知喎！
間學校事實唔夾你個囝囝，無奈！

wan_sosin

原帖由 bibitom 於 14-10-31 發表
你囝囝適應小學未？

好問題，我仔無嘢唔適應，佢好有自己個性，唔會理人！佢心底有句說話"I don' t care! "
係間學校適唔適應佢嗟！

wan_sosin

bibitom 發表於 14-10-31 13:36
你囝囝適應小學未？

BK有D問題,見到你有回覆,但又睇唔到.