07年入讀蘇淅的家長們得閒入來睇下(升K2啦！)

十月媽咪

25660859,
嗯...其實蘇小已經唔算貴架喇, 只係以佢地所提供既設施&活動範圍, 我覺得唔太值咁多學費啫! 但若果單就學費而言, 以私校唻計, 算平架喇, 出面好多名私小, 都要三字頭啊! 部份直資三千以上既亦有好多, 所以蘇小既學費, ok啦, 都負擔得起!

至於會唔會直升蘇小..嗯...我只可以好肯定咁話你知, 我一定會交留位費囉! 因為只要我交左留位費, 我就肯定個女有書讀, 而基於呢個人望高處既心態, 我又一定會幫佢報一d比蘇小更出名既私小囉, 反而直資就未必考慮喇, 因為報左直資, 而直資又收左阿女, 我又交留位費的話, 我就唔可以搏我地心儀既津小呀! 所以出年既策略係留番d銀彈報私小!

而你所講到既, 入其他私小難定入蘇小難, 咁入蘇小一定係容易的, 如果你小朋友係蘇幼既學生, 只要交留位費, 就肯定可以直升蘇小 (不過成績太差or操行太差既唔知會唔會例外), 而其他私小則要報名, 等面試, 等通知, 等結果...要預備好多野!

原文章由 25660859 於 07-10-26 00:24 硐表



甘你是不是都會讀蘇浙小學啊,還是其它小學啊,入其它小學會唔會比直系小學難D啊,我學得蘇浙小學貴D啊

[ 本文章最後由 十月媽咪 於 07-10-26 07:24 編輯 ]

十月媽咪

言言,
其實都唔擔心得咁多架喇, 你仔仔有冇試過以下呢個情況丫, 我囡囡就試過, 簡直係呆左, 唔知點算!

~唔識的小朋友甲走到我女面前, 問...

甲: 請問你可唔可以同我玩呀?
我女: 好呀, 我地一齊玩丫!

~於是佢地好開心咁一齊玩, 第二日, 我女見到一個唔識的小朋友乙, 我女又用番相同的方法問人地...

我女: 請問你可唔可以同我玩呀?
乙: 我都唔識你, 做乜要同你玩呀?

~我個女當時...呆左望住我片刻, 然後走埋唻同我講: 媽咪, 佢話唔識我唔同我玩呀, 咁點算呀? 咁我咪無小朋友同我玩囉?!??????

我個女又試過, 每逢佢講左d野or做左d野令到對方小朋友唔開心, 只要佢知道人地唔開心, 而又係因為佢而起, 佢會好樂意走埋去同人地講對唔住; 但日子久了, 我個女開始發覺, 原來自己肯講對唔住既時候, 人地係未必肯講架喎! 當人地唔同佢講對唔住果陣, 佢會唔開心, 會好執著, 就係執著於一句對唔住! 有人話佢咁樣係好小器, 但我做阿媽既, 可以點呢? 做錯野or講錯野要同人地講對唔住, 呢樣野係我地由細教到佢大的, 但佢而家發覺, 調番轉人地對佢唔住果陣, 人地係唔一定會同佢say sorry架喎, 所以我而家要開導佢, 等佢知道付出同收獲係不相稱既, 等佢知道呢個世界其實係存在好多唔公平既, 希望佢睇開d, 唔好咁執著之餘, 仍然可以保持佢原先已經學懂既禮貌!

原文章由 言言 於 07-10-31 14:48 硐表
chanbebe
我都好怕阿仔遇到呢d情況, 我怕阿仔無禮貌, 成日叫佢見到人要叫, 但到佢叫人o既時間, 有d人又唔o采佢, 我驚咁樣會令到佢唔知係arm 唔arm

十月媽咪

言言,
咁呢樣我好你少少, 因為我屋企係無老人家同住既, 我自己又係全職媽咪, 又無請工人姐姐, 加上我老公同我既教育方法都幾一致, 所以在家中, 阿女好少遇到呢d問題; 唔知係咪因為屋企少遇到呢d問題, 所以出到去同人地玩, 人地既說話or行為等等, 佢都會好在意, 成日要我地同佢解話!

原文章由 言言 於 07-10-31 17:10 硐表
十月媽咪,
有, 梗係有啦, 類似的都好多, 我相信好多小朋友都有呢種遭遇, 通常都即刻要向佢解話.不過, 就算在家中, 老人家同你地父母的教法都有好多衝突, 令到小朋友唔知mud嘢叫做arm mud叮嘢叫做錯, 呢樣嘢重頭痛.
...

十月媽咪

言言,
睇見你咁講, 我都戥你心痛&頭痕, 你囝囝呢個case...真係要正視下至得!

我想問, 你囝囝之前有冇讀n1架? 如果有, 讀n1果陣既表現係咪都係咁既呢?

原文章由 言言 於 07-11-9 09:54 硐表
Hi, 各位好, 幾日都入唔到個網傾偈, 可能我個腦有d問題. 我都想知如果下個禮拜重係咁熱, 係味都一定要換季o架?
o個日我去學校攞冬季校服,順便等仔仔放學, 走去裝佢上堂, 見到佢個樣真係極度唔開心,又無里神氣咁, 隔 ...

十月媽咪

言言,
啊...原來一直都係咁, 嚇得我, 以為係去到蘇浙, 畀老師"兇"過所以咁添! 我諗你個仔唔似係有d乜病物病, 我反而覺得佢好聰明, 我識得捉你地既心態, 佢好清楚, 只要佢擺出一副楚楚可憐既姿態, 佢就會得到你地注意, 得到你地關心!

或者試下...每當佢裝出呢種行為or姿態果陣, 你地唔好咁快就滿足佢既要求, 雖然話佢只係三歲人仔, 但其實佢要開始學習堅強...尤其要響蘇浙生存, 總唔能夠下下用喊唻威脅老師的, 講真, 如果你囝係響"啟思"之類讀既, 都或者仲可以得到充滿愛心既關懷, 但響蘇浙, 一班三十九個, 小朋友長期詐病扮肚痛, 郁d就喊, 老師只會覺得煩...到時小朋友唔鍾意老師之餘, 老師亦將小朋友當成麻煩友, 咁就真係大家都唔好喇!

你試下多d同佢講, 話佢大個仔喇, 要返學讀書喇, 日日都話發燒唔返學, 媽咪好唔欣賞你呢種行為, 因為返學讀書係xx(你個仔個名)既責任, 正如爹哋媽咪要勤力返工一樣! 仲有就係, 要好明確畀佢知道, 講大話(詐病) 係你地極之唔欣賞既一種行為, 等佢唔好再郁d就話自己發燒, 郁d就話自己肚痛, 唻搏取你地既同情!

我好明白, 小朋友唔鍾意返學, 對家長唻講係一種苦事, 但我地有時都唔好太在意小朋友既反應, 咪佢就會以為...吖...原來我只要多d同媽咪呻下, 嗲下, 我就可以唔返學...咁只會加強佢呢種行為! 相反...每當佢同你呻, 你當然要好認真咁聽啦, 但聽完之後, 你千萬唔好擺出一副憂心忡忡既表情畀佢睇到, 相反, 你聽完之後, 要扮作好輕鬆, 話畀佢知: 嗯...媽咪都知你返學好辛苦, 但係返學可以學到好多野, 可以同好多小朋友玩...同埋最重要係畀佢知道, 無論佢去到邊間學校, 返學都係佢既責任!

講左一大輪, 都覺得自己講得唔係好入肉, 嗯...anyway, 都希望你明白我講乜 & 希望呢少少意見可以幫到你啦! 其實我自阿女讀n1開始, 我已經灌輸畀佢知, 返學係佢既責任, 而呢個責任, 係等同爹哋返工, 媽咪響屋企做家務的, 小朋友唔返學淨係掛住玩, 就會乜都唔識; 爹哋唔返工賺錢, 我地就無屋住要瞓街, 亦無多餘錢買玩具畀佢; 媽咪唔做家務, 屋企就會七國咁亂...所以自小佢已經知道除非發高燒, 否則一定要返學呢個道理!

到佢三歲開始, 我就畀唔同既活動佢參予, 畫畫班啦, 跳舞班等等...有時佢會問, 點解表姐乜都唔駛學, 但佢要學咁多野呢? 我會反問番佢, 咁你覺得學識咁多野, 好唔好呀? 佢會諗一諗, 然後答我: 梗係好啦, 表姐亂咁畫, 但我就畫得好靚! 咁我就會乘機同佢講: 咁係因為你有學畫畫, 所以你應該繼續畀心機學, 專心d學, 咁就會越畫越靚! 所以佢而家學乜都好, 佢都會專心學, 我諗呢樣野, 除左睇小朋友性格之外, 仲要睇家長有冇潛移默化佢的!

加油努力, 唔好畀囝囝既三言兩語嚇怕啊!

原文章由 言言 於 07-11-9 10:38 硐表
十月媽咪,
佢n1都係咁o架 (不過唔係穌浙), 每日都喊不停, d老師話佢好o爹wor, 成日要老師氹佢, 陪伴在側. 後來返11月左右, 就有鼻竇炎, 跟住咪唔俾佢返羅. 跟住去穌浙interview, 又話收佢下午班. 咪等到今年9月先返 ...

十月媽咪

言言,
如果佢d鼻水唔係長流不息, 我會畀佢戴住個口罩唻返學, 仲會放定多幾個口罩響佢書包, 寫張紙吩咐老師響食完茶點之後, 幫佢換過一個新口罩!

原文章由 言言 於 07-11-13 10:21 硐表
hoeve,
好番就好啦. 可以番學. 我就頭痛緊俾唔俾個仔番學, 我老公就話佢仲有傷風咳唔好俾佢番住, 我奶奶又話佢應該要番學唔可以成日唔番學,  我想問你地各位, 如果小朋友仲有鼻塞同咳, 你地會唔會俾佢番學o架 ? 我就 ...

十月媽咪

言言,
我就係想話你知, 你要畀佢知道, 少少唔舒服都係要返學, 唔可以下下用唔舒服唻做藉口, 跟住就借d意扭計唔返學! 當然啦, 發晒燒, 鼻水長流果陣就真係費事返喇, 事關發燒佢都會落晒形, 而鼻水長流果陣, 真係老師都唔得閒同佢抹咁多, 如果佢自己搵手抹, 抹完又周圍"鞋", 咁就真係會傳染畀同學仔喇! 但如果只係鼻塞&幾聲咳, 咁就無理由唔返學喇, 不過為人為己, 當然要戴番個口罩啦! 係咪?

果陣我公司有個同事就係咁, 少少唔舒服就話要請病假, 後尾我地發覺, 其實佢係心理作用, 亦都係條懶筋挑起佢S.L., 每當佢果日唔想返工, 佢就會打電話返公司同我請假, 嘩...大佬呀, 排好晒D野要你做架嘛, 你一星期入面請咁多假, 點搞呀? FINAL...既然你咁病既, 要炒人果陣, 第一個炒佢先啦!

所以絕對唔可以畀佢地習慣病就唔返學架, 好話唔好聽, 呢個真係壞習慣唻架, 會影響深遠, 再大D, 佢地會識得詐肚痛, 扮病, 扮腳痛, 頭痛, 周身都話痛, 務求唔駛返學, 唔駛返工, 咁就真係...OH NO...無眼睇...無眼睇!

原文章由 言言 於 07-11-13 11:02 硐表
十月媽咪,
ok, 等我叫奶奶同佢放多個口罩o係書包度先.
等仔仔習慣o下病都要返學, 而家我每日都同佢講一定要返學, 唔返學就mud都唔識, 無人錫, 無人理, 佢每次都答知道, 希望佢真係知道啦.
...

十月媽咪

wingtam,
撞鬼咯, 好似我個姪女呀, 由K1開始, 佢就係咁, 總之你話要佢做東, 佢就係要借左聾耳陳隻耳, 你催多佢兩催, 佢唔LIKE, 就大喊, 仲要係慌C人聽唔到咁, 擘大個喉嚨唻喊, 真係激到你抦佢一鑊金金, 佢至死死地氣去做, 真係問你嘔血唔嘔血!

但又係經過長時間既洗腦, 而家K2總算好好多咯, 只係間揭性發花癲!

原文章由 wingtam 於 07-11-13 12:51 硐表
我個囡有時都會話唔返學，唔沖涼，唔擦牙，仲發哂爛渣，發哂皮四，喊都幾條街都聽倒..... 我會唔理巨喊得幾大聲，捉巨落浴缸，用花灑幫巨沖，......好似好暴力，但我會一路同巨講，你唔鐘意都系要沖，都系要擦牙，要返學， E D 系你 gee 責任 ...

十月媽咪

wingtam,
我睬睬睬, 我閘住閘住, 我個囡從小就好怕我地鬧架喇, 你稍微大聲d喝下佢, 佢已經眼濕濕離遠同你講: 你做乜咁大聲鬧我啫, 我都唔係好曳咋嘛! 見到佢咁, 仲邊樹捨得打落去啫!

而事實上, 佢從bb時開始, 情緒已經係穩定型, 好少會大吵大鬧, 大喊大叫; 我之前講既case, 係我姪女, 佢大我女兩個半月, 所以自小就同我女好friend, 我姪女就係果種專同你鬥氣, 專同你作對果種人, 好硬頸的, 食飯就含飯含成十分鐘都唔吞, 刷牙又話呢樣果樣, 叫佢沖涼佢就話要做功課, 叫佢做功課果陣佢就話肚痛要痾屎果種人...真係火都滾埋的! 尤其朝早返學, 若然我細佬&弟婦幫手搞佢返學d野, 佢就會發花癲架喇, 但若然佢地一早返左工, 淨番我媽 (即佢嫲嫲) 搞佢返學d野呢, 佢就坐定畀我媽搞的, 點解? 鬼咩, 我媽無佢老豆老母咁好氣架嘛, 一唔聽就打到佢飛起, 都費事同佢講咁多, 所以佢就好驚嫲嫲既! 有時我都會同佢傾下偈, 問下佢點解要咁犯賤, 係要畀人打至安樂既呢? 但佢都係答唔到我的, 或者佢真係身痕, 係要畀人打畀人鬧佢至開心既!

我姪女又係果種有求於你果陣就乖到飛起果種人, 尤其當佢想食糖之前, 佢會好乖好乖好鬼乖...不過食完就...唉...又唻料!

原文章由 wingtam 於 07-11-13 14:43 硐表
vanustat, 十月媽咪，

聽你地講，你地D小朋友都有D驚你地呀......打都OK，都聽.....我果個就唔得架...佢太硬頸，又咩人都唔驚...尤其唔驚我啦，我話...“哪！你仲系gum，媽媽打架啦...”佢會話﹕“好呀！”根著就伸支手出黎.....:angr ...

十月媽咪

重覆左添!

[ 本文章最後由 十月媽咪 於 07-11-13 17:14 編輯 ]

十月媽咪

唔係下嘛??????????

原文章由 言言 於 07-11-13 17:51 硐表
各位讀緊下午班又等緊轉上午班的家長, 我o個日去學校攞校服時順便去校務處問o下仔仔轉上午班o既事有無進展, o個miss答我基本上轉上午班o既機會係近乎零, 叫我有心理準備係讀下午班. 佢話今年輪候下午班o既小朋友都有 ...

十月媽咪

你地個個小朋友都唔舒服, 大家真係要小心身體呀, 除左食葯之外, 真係要搵d保健食品唻增強佢地既抵抗力呀!

希望你囡囡快d好番啦, 唉...見到佢又要食消炎葯, 又要食抗生素, 真係...好慘呀!

原文章由 wingtam 於 07-11-14 09:58 硐表
我個囡又返唔倒學啦，尋晚1 點幾，巨突然之間話耳仔好疼，疼到喊，我初初已為巨耳仔損左，但巨話里面疼，我o未立刻同巨去養和 lor， 醫生話巨可能中耳炎 ，給左D消炎藥，同抗生素，巨今早又鬼gum精神wor，但我都無給巨返學啦........唉. ...

十月媽咪

各位,
提一提你地, 聖誕聯歡會, 無論如何, 盡可能抽時間去睇小朋友表演啦! 由於係K1至K3既小朋友都會表演, 所以學校會分兩段時間安排各班表演的, 聖誕聯歡會之前幾日, 老師會派表演時間表畀你地, 大家到時記住請假出席啊! 見到自己小朋友第一次上台表演, 係好開心既事唻既呢! :loveliness: :loveliness:

原文章由 asman 於 07-11-16 09:04 硐表
wingtam,

你囡囡真係好搞笑喎 阿仔今日有得返學好開心呀,仲好好唱口添,又跳舞咁....

see,

畯畯眼發炎呀...唔好擦眼仔呢...好好休息一下,星期一好返返學喇:loveliness:

...

十月媽咪

睇見你地個個小朋友都病完又病, 好番又病, 真係睇到我心都痛埋! 希望你地小朋友個個都快D好番, 唔好再病啦!

至於西葯...唉...治標唔治本, 真係無乜用的; 中葯, 又唔係個個小朋友肯飲, 有D飲左又可能會反胃嘔番晒出唻, 不過都要試架喇, 畢竟中葯用唻清手尾係唔錯!

不過要佢地抵抗力好D, 始終都係要保健至得啊! :-|

原文章由 asman 於 07-11-22 13:08 硐表
wingtam,

囡囡又發燒...我阿仔都咳,真係睇醫生都未停過呀...學你話越睇越病惡性循環呀,都唔知幾時先完...個個都叫我阿仔好返就帶佢去中醫,等佢調理一下身子喎...好似個個小朋友都弱左咁...
叫囡囡多d休息:  ...

十月媽咪

see,
我老公都有醫療福利包埋我同個女呀, 仲要係全包, 不過要限住睇佢地指定既醫生呢...初頭都諗住, 有醫療福利, 大吉利是要睇醫生, 個荷包都唔駛重傷, 但自阿女六個月後第一次病開始, 我就發覺...係要破財至可以擋災架, 果d醫療咭既醫生...明明睇普通傷風感冒, 都可以睇到變氣管炎, 支氣管炎, 甚至係細支氣管炎...卒之最後都係要自己攞錢出唻睇, 仲要食完一round又一round既抗生素至好, 真係問你c未! 所以而家我已經將阿女張醫療咭打左入冷宮, 阿女要睇醫生, 都係拎錢出唻睇算喇!

好彩阿女自從食左d保健野之後 (or唔知係咪大個女左), 身體總算強壯過以前, 如果唔係...學你地話齋, 錢都事小, 食咁多葯唔好丫嘛!

原文章由 See 於 07-11-23 23:16 硐表
言言:
只好這樣想啦！ 不過幸好老公公司有醫療褔利，畯畯睇醫生都係$30蚊一次，唔係就重傷荷包啦...
而家只望佢地快快強壯起來，那就大家安樂啦！
...

十月媽咪

see,
我本來都係諗住可以好似你咁好彩架, 因為我佬既醫療咭係cover到我睇左成十幾年既其中一個醫生架, 咁諗住果個自己同我夾, 都應該夾到個女啦...但原來唔係架... 次次諗住只係少少鼻水, 求其睇佢拎d收鼻水葯之類食左就得啦, 點知鼻水就收唔到, 自自然然就變氣管炎架喇, 真係救命架! 我有時唯有安慰自已, 算啦, 佢醫唔掂我個女啫, 起碼都醫得掂我, 咁就算啦...算係慳番一個啦!

原文章由 See 於 07-11-25 22:16 硐表
十月媽咪，

我好彩過你啦！因為我由細睇開的家庭醫生都係指定醫生中的其中一個，所以係醫生費方面真係有限。除了頭幾個月太細個所以由柴灣走去香港仔睇一個我媽認為好的兒科醫生

...

十月媽咪

言言,
你阿仔都好乖豬啊, 識得為你著想!

原文章由 言言 於 07-11-26 13:00 硐表
十月媽咪, see
你地真係令人羨慕lor,   通常, 仔仔病, 做爸爸媽媽多數都係會跟住病o架, 無得避, 因為佢地病,我地都會成日用塊面去紅下佢,呵下佢同錫佢地. 而家仔仔一病, 佢就會講, "我傷風感冒呀, 唔好紅我, 唔係會 ...

十月媽咪

SEE,
你就好啦, 睇一次就搞掂! 當然唔駛睇就更好!

星期四...嗯...唔好用雪糕喇, 今個星期天氣轉冷呀, 食雪糕好易出事呀...畀粒朱古力佢掂唔掂呢呵?

原文章由 See 於 07-11-26 13:03 硐表
wingtam,

中耳炎 咁要小心d啦！叫囡囡多多休息先啦！

十月媽咪,
係呀！我都算好彩，我個醫生睇左我娘家一家廿幾三十年，好夾得我一家，好彩我仔都夾到 ，通常睇一次都ok,如果病得多醫生就會即時幫我仔送小便去驗下先。
...

十月媽咪

言言,
見到你話兩個禮拜先病一次, 都叫叻左, 真係戥你地大人同小朋友都辛苦呀!

你地各位都要小心身體呀, 星期中得番15度左右咋, 著多件衫先同佢地出門口呀! 我就繼續努力, KEEP住要阿女每日飲&食用我為佢而設既保健產品!:D :D

原文章由 言言 於 07-11-26 13:12 硐表
wingtam,
囡囡中耳炎, 俾佢休息多d唔好返學lu, 多d休息會快d好返.
我仔仔都病左, 不過今日好番好多剩係有咳.今次佢叻左, 兩個禮拜先病一次, 希望佢繼續努力.

...

十月媽咪

婕婕媽,
好勁呀, 出世到而家都未食過生冷野???????? 咁駛唔駛連你自己都忍埋口, 佢地見唔到你食, 咁就自然唔會扭要食啦?!

原文章由 婕婕媽 於 07-11-26 13:39 硐表

雪榚....凍左d喎.....有冇其他辦法ar

我近排帶孖寶睇e生...都再三提醒我唔好俾孖寶食生冷野.....

其實佢兩個由出世都依家都未食過