06年9月入讀蘇淅幼稚園K1既家長, 入唻交流下啦! - 幼校討論

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 幼校討論 › 06年9月入讀蘇淅幼稚園K1既家長, 入唻交流下啦! ...

1 ... 25 26 27 28 29 30 31 3233

樓主: 十月媽咪	go 06年9月入讀蘇淅幼稚園K1既家長, 入唻交流下啦! [複製鏈接]

十月媽咪

大宅

Rank: 5 Rank: 5


	4411

641^#

發表於 09-5-19 09:27 |顯示全部帖子

如果你小朋友仲係要瞓一陣晏覺既話, 不如K2至插班KCS啦, K1就讀番而家嗰間先! 一唻你呢頭放棄左KCS下午班個位, 嗰頭求番個位, 要諗同學校既解釋都幾頭痕, 同埋都尷尬啦, 仲有好多人都WAITING緊下午班既K1學位啊, 學校要畀, 都畀番WAITING緊既學生啦; 二唻都係三歲幾啫, K2至讀上下午班都唔會遲嘛, 到時CONFIRM個仔唔駛瞓晏覺喇, 至畀佢讀埋下午班, 工人姐姐同小朋友都唔駛太辛苦啊!

原帖由 Happy小米 於 09-5-19 08:25 發表
十月媽咪,

唔該你呀, 是的个个小朋友既狀態不同..

佢放左學喺巴士上都會瞓的, 回到家就會醒, 大概睡20分鐘左右...

另一方面, 可能佢晚上真的不夠瞓, 如果調到佢一晚瞓到夠可能ok.

我朋友个仔, 到4岁左右就不用午 ...

返回頂部

十月媽咪

大宅

Rank: 5 Rank: 5


	4411

642^#

發表於 09-5-23 19:27 |顯示全部帖子

sorry sorry, 我響度, 我響度, 唔駛緊張, 無失踪到, 只係忙得滯, 睇完bk既留言 (我通常係留言兩個topic, 一個係呢度, 一個係公文嗰邊), 覆得公文又覆唔得切呢邊, 就走左去接女, 千萬個唔好意思! 下次唔敢架喇, 累得你地出"通告"尋人! 哈哈哈!

vanustat,

我記得你呀, 你小朋友最後都讀左蘇幼, 又讀得開心, 大家做家長都係想見到咁樣啫, 我都戥你高興!

答番你既問題先...

問: 聽人講蘇淅國際部幾好，至於主流部好唔好呢?
答: 蘇淅國際部聽講好多人揀的, 尤其嗰d唔合乎讀ESF (英基)資格既小朋友, KCIS會係佢地一個唔錯既選擇, 不過學費太貴喇, 絕對唔係我負擔之例, 所以對KCIS就無乜研究!

至於主流部...上學期小學部副校長同K3家長講過小學部點好點好, 點勁點勁...勁到點樣"無進步的空間" (真誇張), 相信佢咁樣講得, 蘇小都應該幾勁下! 又睇番佢地升中派位, 又著實係非常唔錯, 所以...就算不被公認為名校, 但點都係一間有實力既小學啩!

問: 英文方面又點樣?
答: 至於英文方面如何...根據副校長所言, 小一至小三英文科既GRAMMER & WRITING會由普通話老師教授, 目的係讓小朋友更易理解一D難以明白既概念 (不過呢個POINT我就覺得好搞笑的, 如果小朋友唔識普通話, 而又用普通話教英文GRAMMER, 我諗個小朋友要首先明白左老師既普通話究竟講緊乜, 至可以明白所講既GRAMMER係關於乜囉!) 所以響呢方面, 蘇幼升蘇小既學生會較有利, 最低限度, 佢地自小就學習普通話, 相信對老師既講解, 會較容易明白! 而LISTENING & ORAL方面, 就會由外藉老師負責番! 升到小四至小六呢, 就無論聽, 講, 讀, 寫, 都會全權由外藉老師負責...副校長講過, 呢個教學上既安排, 使到佢地既學生無論響聽講讀寫四方面既成績平均都高於全港(系統性平估)既成績!

不過就我自己觀察, 語言既學習, 尤其聽&講, 學得好唔好, 始終都係睇番自己個小朋友, 肯多聽多講, 唔怕錯既話, 就始終都會學得好! 另外屋企可以提供到相關語境既, 亦都會令小朋友既學習事半功倍! 而學校既角色, 只係一個地方, 提供番適量既野畀小朋友, 其餘既, 仲係要靠小朋友自身既努力 & 家長配合!

問: 你地舊年係咪要再interview 先至收ga?
答: 我地呢一年, 副校長話係最後一年唔駛INTERVIEW而收生既, 算係直升, 只要填長FORM, 交張支票, 就已經留左位架喇! 若然副校長係講真既話....即係小朋友呢一年, 會係第一屆要面試至可以決定收唔收讀小一既一年啊!

問: 想問全日同半日有咩分別?
答: 全日班同半日班有咩分別? 嗯...我只知半日班每年要返多14-16個星期六囉, 應該係隔個星期六就要返學校"補課OR上課外活動" (BUT我NOT SURE), 因為身邊識既人都係揀全日班! 而我自己都係留左位響全日班, 不過若然最後CONFIRM讀番蘇小, 就會寫信轉讀半日班的了, 因為我女課外太多活動, 我唔多想浪費太多時間響學校食飯&做功課啊!