06年9月入讀蘇淅幼稚園K1既家長, 入唻交流下啦!

十月媽咪

beryl88318,
下? 唔係嘛? 淨係得星期三先係飲水? 咁真係不得了喇, 一唻我個女唔like飲維他奶同麥精, 二唻一星期飲四日, 真係唔多健康, 咁我駛唔駛同老師講聲, 唔好畀果d飲包飲品佢, 食茶點果陣, 就飲番阿女自己帶既水呀? 我今日已經買左個水壺仔喇, 我自己日日沖定d水or果汁畀佢飲好過咯!  

十月媽咪

beryl88318,
原來仲有橙汁, 提子汁同益力多呀! 哎吔, 咁呢三樣我就控制唔到阿女喇, 事關呢三樣佢都like 架, 佢淨係唔like維他奶同麥精咋!

我咪就係沖橙汁味既德露莎畀佢飲囉, 不過都唔係日日飲, 係佢有時醒起除左水仲有果汁果陣, 佢先會要求我沖畀佢飲架咋! 有時響屋企又會沖有機蘆薈汁畀佢飲, 不過蘆薈汁我就未試過隔咁多個鐘至畀佢飲, 通常都係即沖即飲, 但德露莎, 好多時我出街, 諗住會出好耐, 我都會沖定一小樽, 等佢口渴果陣飲下既!

原來佢地無飲既紙包飲品, 老師會叫佢地放番落書包架? 我仲以為老師會收番添! 嘿嘿...若然我日日幫佢飲一盒, 我諗我好快連門口都唔出到咯!    

十月媽咪

已覆你pm了!

十月媽咪

各位,
今日係第一日正正式式無家長陪上堂, 我囡囡好叻, 無喊呀, 放學果陣, 老師仲話佢今日好乖添! 你地呢? 小朋友適唔適應呀? 分享下丫!  

十月媽咪

CHM,
好高興認識你呀, 我開左呢個TOPIC好耐架喇, 終於都搵到個同阿女同班既同學仔既BK媽咪喇! 做乜唔肯返學呀? 佢唔讀蘇淅, 咁佢想讀邊間呀? 不過放心啦, 過渡期唻架, 遲D佢就會好鍾意返學架喇!

慶幸我個女好乖豬, 除左第一日太過人多勢眾, 嚇親佢之外, 其餘日子, 佢都好開心咁上學去! 每日放學都會同我講好多野架!  

十月媽咪

CanKan,
我係Anson媽咪, 咁係咪即係你認識果個呀? 你今日係咪都係自己帶Kelly返學呀? 行到上山, 有冇得番半條人命呢? 咁放學邊個湊呀?

十月媽咪

mysteven,
今日胡叔叔架車算係咁多日以唻, 最準時返到學校既一日咯! 希望佢繼續改善下啦! 咪我都真係...   

我都有考慮過舒太架車架, 不過舒太架車, 維景灣畔幾乎係頭站, 再兜入tko行過大運, 然後先返學校, 雖然係好準時, 但就真係...辛苦左阿女咯, 日日要晨雞咁早走落樓下等車, 真係瞓多陣都唔得! 加上我真係唔perfer細車, 好危險的, 所以暫時我都會睇定d胡叔叔架車先, 若然真係一點兒改善都無, 咁我先考慮轉舒太架車囉!

十月媽咪

CanKan,
提多你一次, 若然好似今日咁大雨, 千祈千祈千祈唔好帶kelly行後樓梯條捷徑, 因為實在太太太太太危險喇! d水好似山洪爆發咁, 由上直衝而下, 水又深, 好恐怖!

另外, anson由今個星期五開始, 會轉番星期五跳舞, 到時可以同kelly一齊喇!

今日胡叔叔架車好威, 停第一架, 出左學校門口, 行幾步就上到車, 同埋今日佢地d嬸嬸都醒水, 識得逐個接, 算係咁多日以唻, 接得最安全既一日咯!  

今日我幾乎係第一個接走阿女既人, 可以同王老師傾兩咀, 但問到佢阿女上堂點樣, 佢都係果個答案: 好乖! 我再問: 咁有冇唔集中精神之類! 佢話: 無呀, 佢地都好鍾意聽故事呀! 唉...究竟佢明唔明我問乜架? 真係救命!

十月媽咪

請問你地開左學咁多日, 老師有冇主動同你地溝通過呀? 另外, 你地小朋友請假, 會唔會通知學校架? 若然通知左, 班主任會唔會主動打電話唻問候下點解唔返學架? 若然無通知, 班主任又會唔會主動打電話畀你地問下原因呢?

我好唔慣呢間學校D老師, 不聞不問, 好難頂呀!  :cry:  :cry:

十月媽咪

CHM,
係呀, 佢地真係吸收得好快架, 快到嚇親我! 今日阿女拎住本中文書, 都同我講: 紅萍果, 紅衫之類,好正宗既發音啊, 好SURPRISE! 若然學校既行政可以做得好D, 咁就更加好喇!

係呢, 咁仔仔今日仲有冇喊呀? 時間長呀? 會唔會係因為佢覺得悶呀? 個個同學仔都唔係好識, 所以唔習慣呢? 唔緊要啦, 好快佢就會習慣架喇! 放心啦!

十月媽咪

mysteven,
我日日放學果陣, 都會主動問下班主任, 究竟阿女當日上堂表現如何, 奈何咁多日以唻, 班主任都只係回應: 她很乖!

唉...一個非常籠統既答案, 好失望既呢!

十月媽咪

好開心, 今日胡叔叔架車卒之都無遲到喇, 噚日8:55分, 今日8:50分, 我仲可以同班主任傾多左偈添! 卒之有個好開始咯! 希望胡叔叔日日都咁準時啦! 應該話, 希望北角條路, 日日都咁暢順, 咁我就真係安樂晒咯!  

十月媽咪

CANKAN,
係呀, 噚日係食萍果呀, 好似仲有餅乾的, 唔知我有冇記錯!

我今日見早返到學校, 所以都同王老師傾左好耐, 問左佢好多野, 好彩佢都好有耐性咁回答我呢個問題媽咪! 所以我今日心情靚靚呀, 哈哈!

係呀, 佢都好認得我女叫咩名呀, 因為一入課室, 佢已經叫到阿女個名喇!

今朝坐車果陣, 阿女話響學校玩咩紅色波波, 我問阿女, 王老師有冇教你紅色波波點講呀? 阿女答: 紅皮球! 我諗佢上堂果陣, 應該真係有聽書架! 哈哈!

另外, 我又問左王老師, 點解阿女日日返到屋企, 都話我知無玩過滑梯之類, 王老師話: 因為呢個星期落雨, 出面太濕, 所以無玩, 下星期開始, 每日都會有呢D大肌肉活動架喇! 除左兩個戶外既之外, 仲可以響禮堂玩添!

KELLY應該認得ANSON架, 就算唔認得, 都應該認到我, 因為噚日佢放學果陣, 佢仲同我打招呼架!

今日齊齊跳舞, 好開心既呢!    

十月媽咪

CHM,
唔好放棄住啦! 事實上, 我每日提早去到學校等佢地放學果陣, 有時會見到佢地響課室度行出唻, 個個都好開心, 好有秩序咁, 完全唔覺佢地唔鍾意返學果喎! 你千祈唔好畀仔仔搞到你心軟呀, 講真, 佢始終要適應同面對新既學校, 老師&同學仔架啦! EVEN你轉去一個新既學校, 佢何嘗唔係要由頭再適應, 由頭再喊過呢? 同埋好多人都話, 有D小朋友唔單止需要一個月時間唻適應, 有D甚至乎要兩三個月時間的! 畢竟每個小朋友既適應能力都唔同, 唔好灰心呀!

你有時間既話, 真係不妨同王老師傾下仔仔既問題啦, 佢地都會正視同埋盡量幫你架! 放心啦, 好快無事架喇!

十月媽咪

CHM,
若然王老師唔能夠抽時間抱抱你囝囝, 攬攬佢之類, 你可以問下王老師, 邊個係負責你果組既老師, 咁佢地分組活動果陣, 都只係1:12-13個小朋友啫, 加上唔係個個都要攬攬, 咁廖老師OR倪老師會易D應付啊! 就算真係見一個有得攬攬, 就個個都要攬下, 咁個個攬下, 都係攬12-13個啫! 不妨試下搵負責你仔仔果組既老師商量下, 希望老師可以幫到你啦!

話時話, 你仔仔係邊組呀? 我個女係近門口果組架! 唔知係咪同你仔仔同組呢?

十月媽咪

CHM,
嘩, 你仔仔好嚴重下呀, 發夢都發住唔返學, 你真係要快d同老師傾傾, 唔好等星期二喇, 星期一就好搵老師幫手配合下先得喇! 係喎, 你仔仔係咪年尾細仔呀? 我個女下個月就三歲喇, 佢地呢班, 好似有十個同學仔係十月出世架!

十月媽咪

mysteven,
係呀, 你講緊呢招呢, 好有用架, 我日日都用緊架, 所以阿女日日都鍾意返學架!
CHM, 快D搵本手冊打電話畀王老師啦!

十月媽咪

CHM,
你係咪已經同老師傾左呀? 我今日見對住門口果組, 即係你仔仔果組呢, 阿廖老師抱住其中一個男仔, 唔知果個係咪你仔仔呢? 即係放學果陣, 換左套便服果個呀? 係咪呢個呀?

今日我見都仲有兩三個小朋友喊, 唔緊要啦, 大家努力呀! 希望老師幫到手, 你仔仔好快就鍾意返學啦!  

噚日王老師同我講, 話阿女專注力低, 唉...其實我自己都知! 跟住陳老師又話: 我地會訓練下佢地, 遲D應該會有改善的!

唉...希望真係有改善啦! 事關幾個興趣班老師都話佢專注力低, 真係好頭痕呀!  

十月媽咪

CanKan,

而家返學坐校車既情況, 絕對ok呀! 胡叔叔依然係0825左右先唻到我地度, 但因為路面情況改善左, 加上好多時學校條街都有交通警, 所以每日大約0845已經轉到入學校條街, 0850左右落到車, 行到上班房, 阿女仲有幾分鐘時間warmup添! 不過好明顯, 阿女對班房既野無乜興趣, 事關朝朝老師叫佢自己攞書睇, 自己攞玩具玩果陣, 阿女都寧願行行企企, 我仲日日都見佢企左響個班房中間, 望住老師平時教書坐果個位置後面幅牆, 唔知響度諗乜野!

前日有得去後樓梯個蚊型遊樂場玩, 本來阿女係好期待去果度玩的, 但問佢有冇玩? 玩左乜? 佢就話無sir滑梯, 淨係騎左馬馬, 因為太多小朋友玩sir滑梯, 佢話好驚佢地喎!    至於噚日就無玩過! 有時都好奇怪佢地d安排, 著裙就出去玩, 著運動服又唔出? 明明老師話日日都有得玩, 但噚日又無, 都唔知有定冇?

阿女話英文老師噚日教左C, 仲要係PHONICS唻架, C...C...CAT之類喎! 唔知係咪真係咁呢? 有時佢又會嘗試講好多普通話既詞語畀我知, 當然有D好純正, 有D就...我都唔知佢讀得正唔正啦! 事關我D普通話真係好普通嘛!

丫, 仲有仲有, 佢而家開始嘗試串簡單既英文生字, 好多時拎晒屋企D英文字母出唻, 然後響度嘗試拼DOG, BOY, CAT之類, 唔知係英文老師教, 抑或佢自己忽發奇想串起生字來?

另外, 你話唔知老師係咪兼顧到咁多個學生, 唉...我諗...真係...未必兼顧到的! 好多時從同老師既對答中, 就可以得知, 其實老師係唔了解自己個女的! 好似我上星期問老師: 有冇發覺阿女響學校個專注力好低! 當時老師呆一呆, 然後就畀左一個好普通既答案我: 他們現階段的專注力是會比較短暫的, 不用擔心!

點不知, 今個星期, 老師又無啦啦同我講: 她的專注力真是比較低, 但可以改善的! 咁我又問: 佢係同成班同學比較, 顯得佢低抑或睇番佢本身年紀呢? 另一個老師就話: 是按她的月齡來看的! 我心諗...係真唔係呀? 你地會唔會按左佢個身高唻評估呀? 佢未夠三歲架喎!

講真, 有D野, 如果你唔同老師提出OR反映, 佢地真係唔會幫你留意個女的! 而家佢地開始留意下我小可愛, 因為我呢個問題阿媽, 週不時都會失驚無神問老師問題啊!

至於個廁所...唉...乜原來仲係無改善呀? 我見阿女果班, 每日大約係十點 & 十一點二十分左右會去排洗的, 試過兩次, 阿女痾濕左條褲, 但無同老師講, 到我湊放學我抱起佢, 先摸到佢濕晒啊! 唉...都唔知濕左幾耐? ANYWAY, 真係好難理解, 點解個廁所連最基本既沖廁所水都可以時有時冇? 真係好離譜兼好唔衛生呀!   

十月媽咪

CHM,
講真, 朝早老師叫佢地拎唻玩果D玩具, 又真係...好難吸引到佢地啊! 所以我女朝朝都寧願行行企企, 都唔寧願拎D玩具唻玩既呢!

我個女其實唔叻架, 不過就勝在真係把口無時停, 由朝講到晚, 雞啄唔斷咁, 所以佢至講得番畀我知架咋!