請介紹學劍橋英語好的補習社?

miriam

原帖由 stccmc 於 10-7-9 22:40 發表
要學好英文，不是學考劍橋試。

你記唔記得我曾經出 post 話去左某中心做 assessment, 你話乜要俾錢讀既咩, 當時我都好反感, 但而家已經係某中心退學, 轉讀左 ORT.

miriam

原帖由 Sindy 於 10-7-11 05:36 發表
睇到你既回應,忍唔住喊左出黎.....你經常都點到題

今日同個妹嘈交,佢話搵左英文班比個女學,一問之下,佢話報左劍橋班,我同佢講,要幫佢女英文好D,唔係報呢D班,佢叫我唔好理佢..我知佢唔係想考個試,佢比人點佢去報左呢個班,反而SUPERKIDS佢又唔去排隊,我做家姐有責任提醒佢,我盡左我既責任,不過真係幾傷心,佢聽人講,就以為我想點佢,唉

人地係學好左英文,想話比人聽程度去到邊,先考呢個試,報呢D班係熟習下試題,點解會有人咁固執,真係唔明,搞到我訓唔著添

我係某中心讀左半年就決定退學.

好開心係學校 PTA 聽到好多 comments, 就係劍橋要咁讀既咩, 平時有留心有睇多 d 課外書, 或者上下 grammar 班, 最多考劍橋試前操下卷, 12/13 個盾點都有.

聽完佢地所講, 自己都有細想過, 就係要學 vocabs 睇多 d 故事書已經得, 要 grammar 不如直接上 grammar 班, 點解要 waste money on Cambridge Course. 之後幫囡囡轉讀 ORT, 講真 ORT 入面學到既生字重多, 一般既課堂已經有教, 反而對寫作有幫助既睇故事書最好.

囡囡以前唔會睇英文故事書, 而家可以因為學校閱讀計劃, 短時間睇左 7X 本短既故事書, 唔明會問老師, 就算係屋企睇, 佢都可以慢慢讀返出黎俾我聽. 亦都因為睇多左書, 今次下學期總評英文 reading & writing 明明份卷係 50mins, 佢可以 19mins 做完份卷兼 check 卷, 計埋 grammar 總成績係 190/200, 我真係開心到唔識講, 若果我唔係之前硬係覺得 cambridge 係最好, 唔俾佢去上 ORT, 相信上學期我唔使俾老師哦我話囡囡英文差.......

miriam

原帖由 Sindy 於 10-7-11 22:39 發表


多謝你分享你既經驗

即係話,如要考呢個試,去上下操卷班無防,如果想補足個小朋友既程度,或者提升,可能達唔到如期效果

係學校過來人既經驗就係考試前出去操卷或者自己買 pass paper 做, 已經有唔錯既成績.

你妹妹而家先至幫小朋友報讀, 真係會遲左, 要讀就早早讀, 由 P.1 先黎學, 要追得上學校課程要兩至三年, 即係起碼去到四年班, 學校同課程先可以做到平衡.

我報讀時唔係想讀劍橋, 係想讀 reading & writing, 但唔知點解剩係講劍橋好好多, 幫小朋友打好個底儲多 d vocabs 先轉讀 reading & writing 呢 part, 到中期我又再提出要轉, 但仍然係同一答案, 到底要讀到咩 level 佢地先覺得適合我絕對唔知囉, 之後口痕同 PTA 入面既家長講, 佢地個個反應都係一樣 ~~~~ 好多錢呀！咁黎嘥！ ~~~~ 經佢地講完後都諗左好耐, 跟住決定退學, 亦都轉讀 ORT 等囡囡睇多 d 故事書重好.

最重既野就係囡囡都話淺.............囡囡讀既唔係名校, 只係中等程度既小學, 係入小學前都無話讀咩操英文既課程, 頂盡係會話班, 讀呢個班係想囡囡上小學時見到外藉老師唔使驚, 所以囡囡既英文正式係小一先至跟學校課程學咋, 連佢都話淺, 咁我唔通重掟佢去 hea 住上黎嘥錢咩.

miriam

原帖由 Sindy 於 10-7-11 23:44 發表
針對學校課程,我年頭都幫佢搵定太子出名文法既班架喇,叫佢睇住人地五月排隊報名,佢好似嚴人地大鼻唔想去,人各有志啦,佢用遠黎做借口,咪由得佢囉,點知呢間仲遠,係要SIDE錢先安樂,我都無佢乎,佢果日D眼神惡到好似我害佢女咁,唉,自己又唔睇野,又唔聽人意見,佢自己肯去睇下個課程係點,比較下,我都唔駛咁擔心,佢自己英文又唔好,都唔知佢第時個女點算,我自己都行左大女既寃枉路,先搵到而家既英文補習,針對學校既課程,叫佢黎香港區,仲會KILL死佢添,但係有人係西貢沙田咁走出黎補,我都唔明點解佢會咁鍚個女,又唔肯為個女睇多D聽多D意見....佢係果種,個女都六歲,仲要帶齊餐具(連埋碗)出街比佢女,係屋企一日抹幾次地既媽咪

我都交左半年學費, 外加俾幾個媽咪係咁叫我唔好再傻落去, 再加上要求不被接受, 我先至好決絕對退學.

我係朋友推薦某中心俾我, 做完 assessment 覺得囡囡真係好差, 咪立即報囉, 係報之前都睇左一大輪資料, 真係好似驗屍咁驗, 邊個課程合我要求真係心中有數, 可能個嗰課程係皇牌課程, 所以係咁要我讀.........但佢地可能無諗過就係咁加速左我退學既決心.

經此一役, 我發現讀 ORT 重好, 除左睇故事重有 paper 要做, 亦會 list out 左好多書中重複出現既 vocabs, 等小朋友知道個 d vocabs 有幾常用, 同時亦有教 phonics.....因為要默書, 最最最重要係見到囡囡有追步呀.

遲下到 P.2 下學期我會再 review 多次, 到底要唔要報埋 grammar 班定係只讀 ORT.

miriam

原帖由 Sindy 於 10-7-12 02:29 發表


係呀,閱讀對語文好有幫助,雖然我既方法同你唔同,但都差無幾,我屋企有個超過六百本各類既故事書,我自己同佢睇故事,收到既效果都好好,由上小一時係一個文盲,HE SHE IT係乜都唔知,到而家讀OLD DOG TOM/ LITTLE CHICK  ...

我英文差所以唔敢亂黎, 小學校內課程應該無問題, 我最怕係讀 reader 時讀錯或解錯, 所以呢 part 俾錢人教.

中文反而我 ok, 小一開學無耐中文老師已經讚囡囡根基唔錯, 同班入面中文程度好好, 因為我由 K.1 全職照顧佢時開始同佢睇 reader, 依家發展到我唔使陪, 係佢睇完講返俾我知, 係唔識既字先會問我.

早排學校書展我又買左一大堆書, 當中有 d 係中英文譯本, 會係由我讀英文囡囡講中文. 另外呢 d 書唔係十幾頁就完, 係過百頁既書黎, 囡囡都可以自己睇晒話我知內容. 屋企藏書無你咁多, 都係二百幾本咋!

都有人問我點解囡囡中文識咁多字, 我只係講多閱讀, 做伴讀書僮係絕對需要, 佢地聽唔聽我講真係唔知, 但經驗話我知係 work 既.

你妹妹個度由得佢喇, 佢覺得好時唔俾佢試係唔會死心, 我試左半年, 我並唔係盲目地真係信個課程, 而係心中早有定位, 知道讀邊一樣先係幫到囡囡, 你妹妹要信晒中心所講既真係無辦法去改變佢想法, 唯一做到就係 "由得佢", 錢係佢既佢要點用無人阻止到, 到衰左時要急起直追佢就會知道條冤枉路係佢自己揀, 做家姐早早分析左, 有閃失時與你無關.

miriam

原帖由 ViannDadi 於 10-7-12 07:24 發表


Hello Miriam,

  請問ORT是什麽 ? 是一個課程, 還是centre ?

謝謝解答.

ViannDadi

係 Oxford Reading Tree, 囡囡讀既 centre 係有埋 paper 做, 當然老師會有幫佢, 會係幫佢既地方寫明 "assisted", 老師並唔係單單剩教 reader 同做 paper, 會捉囡囡傾偈, 所以今次總評呢兩科成績加埋係 49/50.

miriam

原帖由 stccmc 於 10-7-12 11:06 發表
升小二的話，ORT 比較淺。閒時自發性地她看那類英文書?

過多一段時間會再 review, 有需要時會上埋 grammar.

佢睇書.......中文書就最多, 英文書要我陪架.

miriam

原帖由 Sindy 於 10-7-12 16:09 發表
如果佢話比我聽係報左你呢個ORT課程,我都唔會有意見,英文除左文法之外,仲有閱讀理解,所以讀得多書,雖然唔係針對性學既課程,但對語文長遠黎計,係會有幫助,唔係為考試而家針對考試既班,都唔知係為乜
申明我唔係反對人報讀劍橋課程,或者對個課程有意見,只係針對我個女未情況,劍橋唔係佢最好同唯一既選擇,因為佢唔係想考試,就算佢係,都入小一,未有需要考住啫

ORT 都字必會長讀, 開學後考完上學期試我會再 review, 如有需要會讀埋 grammar, 等唔好單向地操 reading, 當時 ORT 有埋 paper 做, 但剩讀呢樣係咪真係夠, 我知道係 no, 所以報讀左 ORT 時都問埋 grammar 班既野, 以便唔使再四圍搵.

依家我都會考劍橋試, 但唔會係呢兩年, 四五年班先再決定.

miriam

原帖由 Sindy 於 10-7-13 01:32 發表
好同意你既想法,學校考試,係有文法同閱讀理解,所以兩者缺一不可,幾時先要學文法班,就當然係睇個別小朋友既需要

若果我英文好既都重好 d, 可以自己教囡囡睇故事, 奈何事實並非如此, 所以先搞好囡囡 reading skill, grammar 見囡囡應付到, 可以遲少少再跟.

錢應用就用, 暫時所行既 ok 同有進步, 我覺得今次選擇係岩左.