05年入讀主流小學的障礙兒童家長~請進!!(PART 2)

joey媽媽

HI,各位,好熱鬧喎

kmwun
你玩得開心ma

joey媽媽

rachaelmum
  我都係做法同你一樣,冇俾亞仔帶鉛筆刨返學,只有6支鉋好的鉛筆同埋一把間尺一個擦膠,不過我有樣野唔同你,就係每支筆頭上都貼有lable提醒我仔不要咬鉛筆 貼左呢d字句後，佢個衰仔真有改善了，無咬鉛筆喇 [quote]
rachaelmum 寫道:
stellacl,

6支鉛筆唔算多, 因為我冇俾亞囡帶鉛筆刨返學, 否則攪到成個書包或課室一地鉛筆碎仲麻煩!

joey媽媽

stellacl

我都覺得用呢個方法係幾好，文字提示用係我仔度好大幫助改善 [quote]
kmwun 寫道:
stellacl

又或者喺筆袋放d提示提佢帶齊文具。

joey媽媽

rachaelmum
　　你就好啦，玩得咁開心，攪到我都想去埋一份,不過諗諗下都係出年先去 呢個聖誕節我想近近地去長隆野生動物園玩下,而家都係計劃緊,你有無好提意呀![quote]
rachaelmum 寫道:
Stellacl, Joeymama,

星期五到disney亞囡玩得好開心, 可能那天很多學校放假加上有很多旅行團, 中午後好多人大部份的games都要排長龍, 不過煙花就預期中漂亮。

joey媽媽

stellacl
  我剛剛星期日先同AGNESNG呻完一輪,我而家真係忙左,但如果做得好我都開心,不過我而家係由零開始去推動學校開放D,因上兩屆都無咩野做過出黎,所以我無資料跟住做,最重要~~~~都係呢度唔講得,出黎先講啦
係呢?我地家長聚會點呀 [quote]
stellacl 寫道:
joey媽媽,

睇黎你真係幾忙喎, 真係辛苦你, 我自問就無甘好毅力...最多係做下義工, 聽日開始我又會做一個星期既午饍義工了.

joey媽媽

kmwun
OH,咁慳番,唔去LU,咁轉移去深圳玩下先 [quote]
kmwun 寫道:
joey媽媽

早排好似聽人提過長隆個動物園好似唔做定改裝，你check吓穩陣d。

joey媽媽

各位

去呢度玩,你地試過未/???   

joey媽媽

sjmama
  多謝你的邀請,但呢刻我應會安排出外遊玩,真不好意思呢 sorry 呀 因為我呢年無咩去旅行,所以個心好想去香港以外地方同d細路玩下，我22/12－24/12有感統營,係25/12-27/12應會安排去旅行了,自己出去鬆一鬆,返來再博剎過,等我出去回下氣先,因近來我心情真有d鬰悶 你們不要怪我呢 :cry: 講真，我是一個不能承受壓力嘅人，所以我先想出去香港以外遊樂下 囉

sjmama 寫道:
Dear  joey媽媽,
Please check PM.

sjmama

joey媽媽

各位早晨
  好衰呀我,呢兩日隻眼唔知做嘜咁,今日就腫了發炎,我一陣要去睇醫生喇!我返黎報告一下仔仔測驗成績比你地聽,昨日派了回家,我見到就    喇! 大家不要期望咁高喎 一陣再上來,我送女返學先

joey媽媽

rachaelmum
多謝你的體諒,我諗聖誕節我都肯定會決定去旅行.

wewangwang & stellacl
下個星期三7/12可以lunch or dinner ,或8/12星期四只是lunch,至於wewangwang 講19/12我老公暫未有工作更表比我,所以我未知.或者再就到大家先決定出來.


kmwun
多謝你關心,醫生嚇鬼我叫我小心d，如果真生眼蒼就要做手術，而家好彩無咩事咋 看落去都無咩特別，但醫生竟然∼∼∼∼∼   講得咁嚴重

joey媽媽

各位：
　　我個乖仔何止衰大意，仲衰無心機，衰唔肯寫字，死未

中文測驗有７版紙∼得分２９ （好多無做，因要寫好多字）
英文測驗有８版紙∼得分６８ （佢應該識嘅，但又唔願寫）
數學測驗有９版紙∼得分５６ （計分標準好嚴，要列式６＋３佢寫３＋６都唔得，仲有係代號要寫Ａ，但寫了ａ都錯）
常識測驗有６版紙∼得分３１  （因都要寫中文字，寫得唔好又錯）

總括：我老公好滿意，因呢ｄ分數真是係呀仔能力喎,.而且佢都無溫書,所以已經不錯 而我就覺得d分數同平時評估相距的分數好大距離 因平時都有至少８０幾去到100都有，但而家．．． 不過算啦，何況我入主流學校都不是求分數，佢係學校可以有進步融合,我已    拍晒手了

[quote]
kmwun 寫道:
joey媽媽

仔仔第一次測驗都派番啦，都係衰大意

joey媽媽

各位:
  多謝你地欣賞我喎 我有時真係會攞平衡,自己唔比咁多壓力自己,因為我對仔仔d期望壓力會好自然比左佢，所以我都盡量放鬆自己 講多件事比你地聽到！事原果日學校派了卷回來，我係文具鋪見到一位家長，佢嘅囡囡是我興趣班學生，由ｋ２跟到我而家同仔仔一間學校讀小一,佢媽咪就好高興攞住個測驗file比我睇,問我d分數得唔得，我睇了之後 ｗａ，英數測驗都有９字頭，我當然話得啦，但呢個時候佢問我仔仔幾多分 我就直接回應佢我仔仔有少少障礙，所以佢好多識但又趕不切做同埋唔願做，分數好低   呢位家長就好似好尷尬再不問了
其實我的壓力點會無呀，我教人家的小朋友個個都算叻，但反而我仔仔∼∼∼ 咁你地話喇！我個心幾予盾呢 所以我唯有不停同自己講，仔仔不是成績首要不要同人比較，佢攪好語言,社交,聽指示各方面我地就心滿意足了

仲有我想問你地學校的測驗不是一樣咁多張嗎

joey媽媽

Kｍｗｕｎ
我不是謙,這些說話真是我心聲,我真有壓力,但我真學做到不執著,同埋我而家都好努力學習緊~唔需要介意人地點睇我.同點睇我教仔仔 減少呢d顧慮之後，個人真會開心ｄ舒服d
你仔仔測驗卷都唔少喎 我地測驗卷唔可以留回家，今日派第二日要交返學校了

joey媽媽

stellacl　　及各位媽咪
　　你學校測驗考試期間，學校會否當天都比功課仔仔做，我間學校測驗考試期間有功課都唔少，所以真無咩時間溫到書

joey媽媽

kmwun  stellacl

我間學校都是係進評(進展性評估)，同 kmwun 學校一樣,是突擊測驗,無預知比家長知,我仔仔剛剛已進評(四)了,有時佢呢隻仔學校無做進評,老師無辦法之下比佢帶返黎比我地由我地同佢測驗,當然我地都無比提示佢,識就識唔識都要有佢,因為呢d唔係功課，剛剛中文進評得３５分 其實真係好深，好多閱讀理解題，思考題，同埋一ｄ量詞,真係有機會下次帶出黎比你地睇下佢d功課，真係有ｄ唔似係一年班做咁．  

joey媽媽

各位:
真不好意思呢?我估不到近來真忙到連上bk時間都無,昨天比AGNESNG問我又無上來睇睇,我真有點 ,所以我趁呢個早上鋪一鋪上黎先
wa,睇返你地其實近來都好忙喎,都少左上來傾下計,唔通大家已順風順水 恭喜恭喜~

我仔仔已派測驗評估,上次講比你地聽我仔仔嘅分數來排名次.全班掙一個就排第尾,全級又係掙十幾個就排第尾    不過對我來說這次不是他真正的評估分數,因好多未做晒,所以無左好多分之後連名次都排好後,最重要係我呢個大懵媽咪無檢查所有分數是否正確,又唔知學校有名次排位,所以一向都不是太緊張呢?放完聖誕節假後仔仔就考試,希望到時他由尾二可追到尾四或多少少,咁看來是否都有進步呢    你們睇睇下是否頂不順我呢個自欺欺人的媽咪呢   
雖然放完聖誕節假後仔仔就要考試,但我呢個貪玩的媽咪已安排佢地嘅活動仲忙過我,由21/12開始呢日會去迪士尼玩一日,22/12至24/12會參加協康感統營,25/12~27/12會去旅行,28/12~31/12上下午都已參加協康好多活動,淨返幾日假期我都唔放過佢地,唔好浪費埋去. 跟住諗諗下,死喇!呀仔點安排溫書好呢 或是又係考....天才波    ,不過點都好,今次考試我都會盡量安排佢溫書,有少少進步好過退步,我會盡力ga喇   

joey媽媽

各位,

stellacl同我都將會去迪士尼玩,AGNESNG話入到去要好有策略地玩,你們已去過迪士尼玩的媽咪有無ｄ意見比我地，分享下啦

AGNESNG一定要玩巴仙光年同睇ｗinnie the pooh 唔知我又無記錯呢    仲有佢話要捉住個老公去睇煙花,因為個感覺係好浪漫好正ga stellacl你收唔收到呀

joey媽媽

咁耐無上來,等我一次過講埋我近況點先,
剛剛星期五去了學校親子旅行,我覺得都有d好收獲，個心開始舒服好多了，點解我咁講
事原那天副校係我無心理準備之下，無端端捉我上台要我同家長講下家教會（當一個宣傳），好無耐之下唯有頂硬上,但今次上台後真係又會令好多家長第一次認識我.而且比好多家長見到我同校方老師及各委員很融洽.這天我都是有份擔當義工工作,並且在玩完遊戲頒獎時,校長好禮讓地要求家長教師會主席嘅我去頒獎(因為都係想當一個家教會宣傳比家長),但不知是否這次旅行機會,校方好讓我多次給家長認識之下,我發覺個收獲比我預期好,連同班不認識我的家長及曾投訴我仔仔要求掉位的家長,都很落意開心地同我傾計,當然我食住呢個機會解釋仔仔情況,佢地都好接受及諒解,從佢地媽咪口中佢地仔仔都講比佢地聽,投訴我仔仔果位媽咪仲不好意思地說當初不知我仔仔情況所以要求掉位,其實佢個仔好肯幫人,果次真不好意思.經過今次旅行,我又成功一小步了,要我仔仔開荒牛去學校攪融合,希望條路不是難行啦
仲有一樣野我想講係,其實d家長點解對我咁客氣，我覺得唔多唔少同我係主席有關，不知是否錯覺,你們話呢
而家我有少少開心,就係仔仔班中最大班嘅家長,佢地當中有投訴我仔嘅媽咪,我已經攪掂了,仲叫佢多d叫ｄ姊妹來一齊參加我地攪的活動  

joey媽媽

tin_tin
  我想問下老師對此事有甚麼好建議呀 佢了解左之後,老師又無說日後會點處理仔仔情況,.

tin_tin 寫道:
各位媽咪,

我仔今年P1 喇, 佢係數字敏感仔, 社交差.
佢班係活動教學ge, 但佢呢兩個月都話係school 唔開心, 因為d組員唔合作, 組分成日全班最低, 上星期五重只得0分, 佢話佢好唔開心, 自己雖然做得好, 但d組員好naughty, 又唔合作, 所以被老師扣分, 佢好嬲d組員. 佢對d分數好在意, 差唔多日日提住, 一提就發脾氣.

我已經用盡方法開解佢架喇, 又同老師講過, 都係唔係好掂, 有冇計?  

joey媽媽

各位:
   今日仔仔教師發展日放假一天,我又周身唔得閒,明天再詳細回覆大家.

kawai,
去迪士尼有咩好野呀,益下我喇 pm比 sjmama & 我知啦 ?   幫幫手~~? 錫晒你啦