08/09年度 K1F 上午班 (KENT RD.) 報到!!

little_chit

Stliu & all　

噚晚，再問阿囝如果唔搭校車，咁我三月份唔交車費，佢會無位㗎喇．放學都唔可以搭校車，如果地鉄無位要企㗎，佢都堅持要搭地鉄．哎！我真係唔想為咗Ｅ樣嘢同佢硬碰，朝朝換衫同佢搏鬥，但我又怕我讓步，佢就得寸進尺．．，但又唸可能係小孩子的角度，都係返學啫，點解一定要搭校車？搭其他車都返到學．

今朝佢無再喊，因為佢知道會搭地鉄返學．其實由姐姐接送，都幾哂時間．無辦法！姐姐啱啱打電話比，我話問到阿囝點解唔搭校車，佢話“校車開得好快，佢驚跌低”．真係唔知ｅ個係真的定係藉口．

little_chit

stliu


由屋企到學校，只有九龍塘果地鉄側邊的小馬路，所以我都放心．總之有辣有唔辣．姐姐送的話，阿囝可以瞓多少少，可以7:45am出門口，45mins內可以到學校，係課室玩一陣先上堂，而校巴要7:30am上車．我都要姐姐返屋企買餸煮飯，佢11:20am再去接放學．唔知２個鐘買餸煮飯都ｏｋ？我叫佢lunch簡單ｄ就算．

原帖由 stliu 於 09-2-25 13:18 發表
little_chit,

我仔之前都話唔鍾意搭校車, 佢話想好似XX(同學仔個名)咁, 行路返學.我話, 我地住得好遠, 唔可以行路返學呀! 佢又好想我地可以親自接送返放學, 咁我地要返工亦都做唔到, 唯有儘量搵機會接一兩次! 邊個 ...

little_chit

Stliu, 雙子媽媽

今朝阿囝又唔肯換衫返學，雖然最後佢都去到校車站，但不停大喊，仲扭唔肯上校車，連校車老師都唔夠力“的”佢上車，阿囝係樓梯度跌到少少．我一時心軟就抱番佢落嚟，姐姐同佢搭地鉄返學，點知佢話唔返學要番屋企．哎！姐姐話佢返到學校都係度喊，由老師“的”咗入去．而家我都唸梗交下個月車費，起碼回程佢似乎ok．我比佢咁攪法，真係人都顛！

原帖由 stliu 於 09-2-25 15:32 發表
little_chit,

咁安全方面都好似okay, 係姐姐頻撲D. 真係要好好考慮. 因為一送就以後都送, 好難斷.
同埋, 怕唔怕令佢覺得一喊/ 發難大人就投降?

little_chit

stliu

啱啱同老師傾過電話，知道阿囝喊咗一陣就無事，心情都好了少少．老師都有同佢傾過計，佢都係堅持由始到終的目標，係搭地鉄，唔想搭校車．我叫老師再”碎”吓佢，同佢洗腦．我仲托老師問吓校車老師睇吓上星期行車時有無咩特別嘢發生．希望下星期一佢會有ｄ改善，如果唔係我都會試吓用硬功，迫佢上車．

原帖由 stliu 於 09-2-26 10:14 發表
little_chit,

呢排係咪天氣潮濕, D小朋友都情緒唔好?都話唔返學?! 朝早見佢地咁真係好傷腦筋, 連自己的情緒都會被影響! 點算呢? 但我都係覺得你應該俾佢搭校車(只係我小小愚見), 返學就可以間中送. 真係要同佢地鬥 ...

little_chit

fatbabyfat,stliu & 雙子媽媽

多謝妳哋開解冋支持，真係唔好再唸咁多，唯有見招拆招．我同意fatbabyfat的見解，真係唔想放咁多長假，果ｄ”後遺症”真係可大可小．

原帖由 雙子媽媽 於 09-2-26 12:30 發表
fatbabyfat,

係呀, 諗起d高力豆沙就開心

我個人梗係想snake啦, 因為我聽日要去埋jolly faith交錢. 但係除左眼瞓d, 真係鬼打都無咁精神, 扮唔到病, 入唔到戲呀.
...

little_chit

fatbabyfat, stliu, rayvonne & 雙子媽媽

我都想出嚟傾吓計, 大吃一餐呌呌氣，有無位呀？預埋我ah.

原帖由 fatbabyfat 於 09-2-26 17:24 發表
rayvonne,

我4 點見完自己行下, 我係又一城等你啦.

雙子媽媽 :

如果你見完要返工, 咁我地係又一棧等你, 如果唔使返工, 你 call 我啦, 我估我 4:20 都 free 啦.

stliu,

你放工慢慢離啦, 我同 rayvonne 去攞位等 ...

little_chit

雙子媽媽
Cc stliu, fatbabyfat, rayvonne

好明白妳的感受，阿囝咁樣，每朝就好似打完一場仗先返工，好累！
因為阿囝今日一樣唔肯起身，話“好眼瞓”，唔肯換校服，又大喊一輪，我哋軟硬兼施，結果都趕唔切校車，但希望趕得切尾站上車，我同ｃ６便出門口話要趕返工，等姐姐幫佢著襪同鞋，姐姐同佢講要快ｄ追番Mommy同Daddy．我哋係門口就扮等，等佢出到門口見到我哋，佢仲未喊完．我就同佢講“公公會係尾站等你架校巴，如果公公唔見到你，佢會企到天黑”，佢好似記得約咗公公（因為公公知道佢上星期咁扭計，所以話去校車站等佢校車經過見吓佢）．結果，都算順利去到尾站，而公公果然守信，巳經到車站．佢一路行一路話“眼瞓”，佢噚晚十點已瞓著，點會唔夠瞓．

唔知ｅ場扙要打幾耐？

原帖由 雙子媽媽 於 09-3-2 10:43 發表
stliu,

妳大愛人都係愛囝號 , 囝痴一名. 比著我隻佬, 佢實係話唔使咁緊張, 同等埋我返去先處理:;pppp: .

Cyrus今朝都係唔願返學呀 . 佢肯起身, 食埋早餐, 但一同佢換校服就黎料. 其實星期六/日我地 ...

little_chit

雙子媽媽

我都問過老師佢係學校有無扭計，老師話佢返到學校好開心，完全無嘢．淨係上星期四姐姐送佢到學校，佢喊住唔肯放開姐姐隻手，唔肯入學校，但老師話佢喊咗一陣就無事．

我今日都有同希哲講，如果咁樣不如同學校講轉下午班，唔係Miss Tam做班主任，無ｘｘｘ，ｘｘｘ同學仔一齊上堂，佢無出聲答我．

佢每日放學番到屋企都好開心，又會講咗教ｄ咩，其實佢好鍾意返學．
我都希望我哋兩個小朋友快ｄ“正常”番，趕走個心理病．穷竟有無藥食咗唔眼瞓？？

fatbabyfat

多謝支持，我都加油的．

原帖由 雙子媽媽 於 09-3-2 15:29 發表
little_chit,

我地真係同病相憐羅 . 我個囝好小小, 佢肯起身, 唔使剷. 不果一換衫同出門口就黎料. 好彩未到要拉扯ge地部. 希望佢同希哲都快d'回復正常啦". 係呢, 家長日妳有無問過老師呀? 希哲返到學校有無扭 ...

little_chit

希哲都有講ox同cow的分別，cow有奶袋，ox無奶袋．佢講得好得意！
星期六，阿囝知我要去佢學校，就問我“老師係咪會教妳個”p”字呀？”

原帖由 雙子媽媽 於 09-3-2 16:03 發表
All,

上星期派左個'O'字同O字圖畫, 其中一隻係ox, 我問Cyrus

我: Ox 同Cow 有咩分別姐. 佢無正面答我. 不果就話
仔: 妳見到無奶袋的牛牛千祈唔好叫佢a Cow, 因為佢係唔會啋你架.
我: 咁應該叫咩呢
仔: An ox 羅

...

little_chit

Fatbabyfat

多謝妳個提議，如果佢再持續係咁，我想我都會試一試妳的方法．不過，我唸個鐘都唔會好長命，因為我個仔有點天生破壞王的本質，好快比佢整壞．

今日終於可以說休戰一天．佢起身無再講“我好眼瞓”同賴床．真係好感恩呀！
希望ｅ場杖真係打完．佢噚晚都有講會搭校巴，不過話係尾站上車．好在今日佢無咁要求．Daddy今日要早返工，希哲都走出廰同佢“Bye Bye”，然後帶埋”巴斯光年”去擦牙，一切都似乎很順利．噚晚我特登帶咗段講”大陸ｄ貧困學童“的文章（有相）返屋企同佢一齊睇，話比佢知有ｄ小朋友返學要好辛苦行好耐先到學校，無校巴搭，無校服著，學校都好簡陋．總之，講到有咁慘得咁慘，等佢知道自己好幸福，唔應該ｘｘｘｘｘｘ．

雙子媽媽，聽到Cyrus今日都有進步，我都替妳高興喔！

原帖由 fatbabyfat 於 09-3-2 16:35 發表
little_chit,

見你講希哲十點到都瞓左, 應該唔會唔夠瞓, 會唔會係佢"炸嬌"同想坐mtr 的借口呢, 咁又可唔可以要希哲再早少少瞓呢, 等佢唔覺眼瞓.

之前我肥妹都係唔係好肯起身, 不過佢就真係早左d, 因為坐校車頭站,  ...

little_chit

回了pm.  收到嗎?

原帖由 stliu 於 09-3-3 11:48 發表
little_chit,

pls check PM.

你呢個做法真係好好, 雖然佢地係細個, 但都會知道D.
我之前都有同我仔講, 話佢好幸福, 問知佢唔知, 佢都點頭, 我估佢唔係最清楚咩係幸福, 但我覺得呢一代的小朋友真係太幸福了...


...

little_chit

簡直係難苦年歲月呀．btw, 巳覆pm.

原帖由 雙子媽媽 於 09-3-3 11:45 發表
littie_chit

噚晚我特登帶咗段講”大陸ｄ貧困學童“的文章（有相）返屋企同佢一齊睇 - 妳都真係用心良苦呀 . 我都希望我ge黑暗日子已經完結啦. 其實我估如果佢地慢慢習慣返返學, 呢d苦日子應該就會過去架啦. :gdbye ...

little_chit

雙子媽媽

仲有我E個同路人陪妳,希哲E兩日都有話"我唔返學",但比起上星期情形巳好好多,起碼無好"激"的行為. 我都同妳一樣仲未完全打完場扙.  

今日佢唔肯換衫返學, 攪到我要扮走,企係門口等佢攪掂出嚟,比D鄰居見到企係走廊唔知做咩,真係幾"核突",咁樣姐姐先捉到佢換衫,趕得切上校車.

原帖由 雙子媽媽 於 09-3-5 11:22 發表
stliu & fatbabyfat,

我唔覺得佢係懂事同孝順, 呢d只不過係佢唔想返學ge藉口, 等同成日開口埋口話掛住我一樣.  "人在江湖, 身不由己"呢個道理 - 係, 我都相信佢好快就明. 因為instead of 再氹佢, 我依家同佢講, 無 ...

little_chit

雙子媽媽

每天趕返學前的時間真唔易過，送咗佢上校車就鬆一口氣．比ｄ時間佢哋，有時小朋友慣咗每朝會講同一樣說話，做同一樣的事情．記得希哲讀兩歲班的時候，每次到學校門口都喊哂，喊足半年．不過，每次都係入校門果一刻喊，入到課室就唔喊．好慣性咁做，終於有一日開始停咗ｅ果指定動作．

希哲今朝都喊住話自己唔舒服要睇ｅ生，佢只係有ｄ鼻塞，不是問題大到要告假．我咪話ｅ生未開門，返完學先去睇．然後扯開話題，一路講番噚日去玩的開心事．咁就過咗骨，順利搭到校車．

好在Cryus都肯講比妳知佢係學校唔開心ge地方，妳就可以對症下藥，唔使估估吓．千其唔好比佢失去學習興趣，而家ｄ小朋友好容易有“挫敗感“，希哲都一樣會有，我都怕佢會怕失敗而唔敢去回答老師問題．

係呀，平時同佢玩吓數字卡，等佢睇多ｄ，小朋友記野好叻，唔駛担心，比多ｄ機會佢．


加油!

原帖由 雙子媽媽 於 09-3-9 11:02 發表
wasyinyin,

其實我都知佢唔多唔小係有d壓力gei. 因為佢今朝佢同我講, 個個同學都識個"7"字, 淨係佢唔識. 我話無問題, 返學係學野, 唔識老師會教你. 我仲鼓勵佢有咩覺得自己做唔到gei都唔緊要, 返黎同媽咪講. 媽咪會 ...

little_chit

雙子媽媽

係呀，每晚臨瞓前我都會唸吓唔知阿囝聽日起身的狀態會點，仲慘過睇自己老闆的心情．我返而早咗起身，預多ｄ時間叫佢起身．我老公成日話我同工人一早就要做“大戲”，唔係點引到佢起身．

原帖由 雙子媽媽 於 09-3-9 15:20 發表
little_chit

見到妳呢個同路人真係好. 其實我今朝真係唔開心架. 因為佢上星期六上playgroup同興趣班都上得唔好. 加上今朝又咁, 我真係覺得frustrate架. 真係好似妳咁講, 返學前個d時間真係好長, 佢上左車即刻鬆一口 ...

little_chit

Stliu

可能果日我個囝比晉晉d玩具吸引住先會咁靜（平時佢把聲高八度），全程自己玩．明明話小朋友會好快同人熟，我真係要好好訓練吓希哲的社交能力．反而晉晉同Cyrus就好似兩兄弟，好投契．妳大愛人有無話妳知，晉晉送我哋落樓時，三個小朋友一齊手拉手，仲好開心．晉晉果然有小主人風範，送行都拖住小客人．

雙子媽媽

如果係我，我唸我都會好忟．有無問Cryus點解刻意咁做？我相信佢知道自己的行為唔啱．我想又係“attention seeking”的問題．唔好嬲啦！要冷靜ｄ！有ｄ專家話ｄ小朋友為咗要大人注意，特登做ｄ洩野，佢哋明知做洩野會比大人鬧都要做．今次咪佢”擺烏龍”，成日提住佢要用铅筆寫字．我個囝有時都會無端端好無禮貌同好大聲同我講野，唔單止嬲梗果刻，但我會要佢好聲ｄ再講一次，我先應佢（有時work啦！）

ｄ小朋友有時好鐘意講ｄ挑釁性說話，如“我唔鐘意媽媽，妳走呀”，曾經我都好唔開心佢咁講，咪扮嬲囉．點知佢以為激到我，仲特登咁講嚟激我．之後佢再咁講，我就當佢唱歌，我就話“妳唔鐘意我，我都咁愛你”就狂錫佢 ．咁佢知唔work，就少用ｅ招．

All

希哲話運動會佢會跑步．沒有再詳細講，好在係度收料先知多ｄ．

阿囝有時好認真答我問題，但答玩等如無答．
我：        今日係學校玩咗ｄ咩？
囝：        玩野囉！
我：        咁玩咩“野”呀？
囝：        都話玩野囉！
我：        ？？？？　
囝：        玩野呀！妳唔明呀？（好認真咁講）
我：        係咪玩玩具呀？　（都無佢咁好氣）
囝：        係呀．

原帖由 雙子媽媽 於 09-3-11 10:29 發表
stliu,

其實當時我都有一刻好想c爛佢本功課, 不果好彩忍得住. 但係我有將佢成個書包掉入垃圾桶 . 同妳一樣, 我都諗過由佢就咁交, 但又怕老師鬧佢令佢更抗拒返學. 後來我下左啖氣, 就用塗改液薄薄地咁塗左佢, ...

little_chit

wasyinyin

哈哈,我都記得e個攪笑場面.

原帖由 wasyinyin 於 09-3-11 11:50 發表
little_chit,

係呀. 拖手時仲玩玩o下. 仲差d撞埋條柱

little_chit

stliu

我想如果主力由老公教，我真係無眼睇．我老公好少話個囝，最叻就同個囝玩到癲哂，成日要我叫停．阿囝一對住佢就無離正經．我實在唔放心將個仔交比佢教．而家，希哲會話　”我要玩爸爸”　唔係”我要同爸爸玩”．可能佢覺得爸爸係一個大玩具，比佢玩梗．

而家同阿囝講睡前故事，我都要嚴選，雖然選果ｄ書都好有教育意義，但佢會將ｄ反面教材的洩行為都會學埋．

原帖由 stliu 於 09-3-11 12:01 發表
little_chit,

我個大愛人真係冇話我知有D咁可愛的場面呀! 知道我送你地落去啦!  佢真係"惜字如金"呀, 金口唔常開啊! 哈哈!

老實講, 我覺得小男孩真係難教D, 都係講句, 我唔係男仔, 唔知佢地諗乜, 生理 / 心理構造 ...

little_chit

雙子媽媽

ｅ果星期算是有點曙光，希哲沒有再提唔返學和唔搭校車．有可能係果日我哋臨走時妳同希哲講果番説話，佢聽得入耳，所以有此改變．多謝哂妳．

Cryus咁快就踩兩個”look”，好犀利喎！我個仔都係X’mas先開始踩大單車（當然要輔助 “look”）．我都有比佢戴頭盔，因為佢實在太“輪種”，有時楂楂吓扲轉頭向後望，比佢嚇死！

原帖由 雙子媽媽 於 09-3-12 11:34 發表
All,

真係好謝妳地的support. 好似Arthur媽話齋, 我地呢d新手媽咪, 都真係要預備同小朋友一齊成長. 好慶幸係呢度識到大家, 起碼有人聽我呻吓, 又會比d意見我, 亙相扶持真係好緊要, 尤其比小鬼激到唔生唔死時, 起碼 ...

little_chit

雙子媽媽

我都成日出E招,希哲都幾受.因為佢好怕"sit底".

我成日扮到好似同佢爭野,或者話如果佢唔要XX,我就送比其他小朋友... 等等,會唔會攪到佢更加唔識同人分享.

原帖由 雙子媽媽 於 09-3-12 16:16 發表
little_chit,

咁真係好啦 . 我只係隨口講吓架咋, 希望妳唔好介意. 因為我講完, 當晚諗返, 咁樣講(佢個位唔坐Cyrus/我會去坐)會唔會唔係咁好呢? 不果我記得之前有個朋友教我咁同亞囝講, 所以的當時無詳加考 ...