08/09年度 K1F 上午班 (KENT RD.) 報到!!

little_chit

Hi, all

阿仔今日都好me more㗎, 又頼床,不過已經好過噚日好多. 哎!同佢換衫佢無時停週身郁, 天氣開始冷仲煩,又驚佢冷親,唔知各位d小朋友會唔會咁??有無好方法?

佢知道上唔到校車，係件”瘀”事，今日有其他媽咪問佢點解噚日唔見佢上車，佢都唔答．噚晚婆婆打電話比我，我問佢講唔講得比婆婆知，佢居然話　”係私穏，唔好講！”  佢居然會用ｅ個字回應，我之前只係用本兒童性教育的故事書同佢講，內容提到有ｄ部位係私穏，唔可以比人睇．估唔到佢張ｅ個字咁用法．佢唔想提的都係私隠，真比佢笑ｃ！

stliu, 妳個仔幾點起身？好叻．．可以食埋早餐．阿仔係床度飲支奶就算．佢巳經6:45am要醒，但都好趕．

原帖由 stliu 於 08-11-27 08:40 發表
little_chit,

assessmenth點做, 我之前都係聽jumbo_mandy講返佢女女++的描述, 都分中, 英同埋常識, 好似有好幾張紙, 我估有D係老師當面讀俾同學, 佢地要答得0岩, 另外就可以係響紙上面連線等...

我仔朝早起身有時 ...

little_chit

小盆栽

噚日，阿仔拎咗個小盆栽返嚟，不過，棵植物都幾弱．你哋個ｄ係唔係，會唔會換泥呀？

可能屋企無種開植物，阿仔竟拎住植物的頂部好開心的show比我睇．嚇死我！我即刻叫佢放低．好在無”瓜”到．

希望有花出啦！

little_chit

stliu, pollykayee, cocochiu & all

我都係唔識種嘢,比我掂襯都無好下場. 但要比阿仔學吓照顧植物,我要show比佢睇我都好喜歡植物,都幾為難自己. 今日叫咗姐姐買泥換盆,希望會有花出. 好主意喎!同棵嘢改名. 我叫Jaden唱歌比佢聽,佢先會出花和長大. 佢又信喎!

原帖由 pollykayee 於 08-11-28 10:52 發表
我就俾芷晴激死啦. 因為我放工返去睇張通告, 先知學校派咗棵植物, 但我搵咗好耐都唔見有呢棵嘢. 於是我問芷晴, 佢好冷淡咁話"我丢咗啦", 我就好緊張咁問佢點解丢咗, 原來佢話啲泥跌晒出嚟, 攪到個膠袋好DIRTY, 所以 ...

little_chit

cocochiu, stliu

今日算好ｄ，少少me more．　

佢好鐘意一起身就出廳，坐係梳化"lui"吓，玩吓神奇畫板，唔肯洗面刷牙換衫．噚日我收埋咗個畫，佢唔見冇揾．點知今朝比佢發現咗，又要攞嚟玩，為免出事，唯有立即攞番，佢喊咗一陣就收聲．

仲有，唔記得幾時開始，阿仔唱ａｂｃ歌唔會成首唱哂，老師敎到邊個letter，佢就會係個度停，點都唔肯唱落去．我想佢哋係學校都係咁教．

原帖由 cocochiu 於 08-11-27 16:56 發表
little_chit, stliu,

講起早上me mor, macros都好me mor架,我同佢講"乜你起咗身都好似仲發緊夢咁架?
wee wee完唔知要洗手,洗咗手又唔知要刷牙,刷咗牙又唔会自動漱口,洗面又slow motion.  所以,通常只夠時 ...

little_chit

stliu

會唔會晚上玩得高興得濟? 咁樣半夜都會發惡夢的.

我咪仲慘,噚晚阿仔半夜尿床,走嚟揾我哋,又要幫佢換衫同鋪床. 我工人瞓咗無叫醒佢,我哋兩公婆自己攪掂.好彩之後佢好快瞓得番. 總之要為佢哋安睡祈禱.

原帖由 stliu 於 08-11-28 14:55 發表
pollykayee,

哈哈, 芷晴又會咁"大膽"掉左棵盆栽?

All,

我睇張通告, 好似只需第日影返幅相帶返學校分享下就得, 盆栽應該唔使再帶返去. 果日我見倒棵葉, 我都覺得點解佢可以完好無缺咁攞返來, 因為我仔搭 ...

little_chit

Hi, fatbabyfat

Stliu講得啱，男仔易ｄ介夜片，阿仔介日片一星期，佢已經話要唔著片瞓，我見佢可以控制到，便不給他穿介片褲睡，其實阿仔都不是太多尿床，有時臨睡和半夜吃奶也沒有頼濕，但佢咁樣失驚無神頼尿，就真係好煩，尤其係冬天．


Stliu
我個仔都會發開口夢,不過無聽過關於學校,聽過佢講話"ｘｘ要玩"，佢成日掛住玩．．有一次瞓醒，我問佢發咩夢，佢話”發夢媽媽喊”

原帖由 fatbabyfat 於 08-12-1 14:42 發表
little_chit,

我肥妹都係未戒到夜片呀, 同埋佢而家個 size 好難搞, xl 少少窄, xxl 會漏尿, 你話死火唔死火, 同埋肥妹比愛女號縱到唔肯著片瞓但係又會賴尿, 好彩個晚就可以等佢瞓左著番, 唔好彩個晚就死, 實賴到成 ...

little_chit

我個仔都成日塗到出哂界，又鐘意用黑色塗．



佢執筆時喜歡吊高隻手寫，提佢要放平隻手寫，佢又唔聽，依然故我．究竟點樣教呢？還是索性唔理讓老師斗正？

原帖由 angellychan 於 08-12-1 15:32 發表
係呀, 傑傑話老師話再油出界係唔會chop印仔嘅, 不過我都係幫佢擦兩吓之後由佢自己攪, 同買咗舊擦膠比佢

little_chit

fatbabyfat

希望肥妹快D好番!係呀,最緊要唔好冷親,無咁凍先再介過啦!

原帖由 fatbabyfat 於 08-12-2 14:38 發表
little_chit,

所以我都加左兩張隔尿布嫁, 唔係下下張牀肉都濕埋重大件事. 話時話, 冬天尿牀其實最怕係凍親d 小朋友, 我估我肥妹今次發高燒, 都係因為愛女號就佢唔著片瞓, 瞓左又話著片搞醒佢, 所以先會凍親, 所以愛 ...

little_chit

雙子媽媽

好在Cyrus引證Jaden的說話係真的. 其實果日佢話老師要佢帶頸巾返學,我都半信半疑, 加上bk無人講過.第二日我幫佢帶上頸,其實那天不太凍,所以自己都覺得怪怪哋.我唔記得老師有無keep住條頸巾過夜.今日佢都話要帶件厚衫返學.

Stliu & 雙子媽媽

阿仔做連線劃得比上次進步了不少,沒有吊起隻手,當然仍有些出界,我就叫佢選D劃得唔好的出嚟,擦咗再劃過,如果唔擦就無位繼續劃.佢真係選咗D出嚟比我擦,E招佢都好受落.之後,每人選出認為劃得靚的出嚟讚吓.  

睇到妳哋話唔好陪住做功課, 我好認同.我都要改吓!今日我同老公都坐係阿仔隔離睇住佢做,真係唔係咁好.自己睇住佢做其實都有D緊張,因為心裏好唔想佢劃出界.

但佢油顏色就真係無眼睇... 唔知幾先會油得靚.

仲有老師教"I"的時候,不單止教"ink",係教"a bottle of ink".  

stliu

希望妳抽羊水順利啦.

原帖由 雙子媽媽 於 08-12-5 18:14 發表
stliu,

係呀係呀..我返夜校個講師都話唔好養成陪做功課ge習慣. 我上次呢就叫佢自己做, 我去沖涼, 沖完涼出黎比我睇. 佢都肯, 不過d線連得唔靚, 出晒界. 但我都讚佢話好靚, 到星期一老師派返張紙返黎, 我又同佢講,  ...

little_chit

Jaden話要劃幅我喜愛的食物返學. 你地孩子有無提到?
佢劃了些生果明天帶返學.

究竟係真唔係呀??

little_chit

Hi amymitpro

唔怪得阿仔噚晚講咩Can you see? Can you See?
原來係新歌.  

原帖由 amymitpro 於 08-12-10 11:04 發表
Arthur昨日終於話要攞冷衫返學, 初時我比咗個冷帽佢, 佢話d同學攞好多野返去, 於是搵多件冷衫比佢. 真係"柯" "個" :;pppp:

另外, 佢又唱隻歌 (歌名叫Can you See喎) , 但真係難明, 唔太清潔, 請大家指教一吓, (不 ...

little_chit

Hi Stliu

我想老師有教佢哋劃生果,因為阿仔劃橙的時候,係個圓形裏劃了個"x",好似個"ding"咁.當劃個apple時,佢話唔記得點劃.平時佢都識劃,可能老師教的apple樣,佢唔記得咗.

原帖由 stliu 於 08-12-10 09:02 發表
All,

我返來喇, 果日去抽羊水, 少少痛, 抽完就唔痛, 而家希望呢兩個禮拜都冇特別狀況. 同埋今日傍晚時間就會有快速測試報告. 果日醫生仲幫我照左好詳細的超聲波(好似結構性咁), 醫生話大致都冇問題, 胎兒始終還未算 ...

little_chit

Hi amymitpro, jumbo_mandy

我個仔的version係

I have a little bed, just for me
Daddy cannot sleep
Mommy cannot sleep
Do you see?

原帖由 amymitpro 於 08-12-10 21:35 發表
jumbo_mandy,

係啦, 係啦
This is a little bed, just for me
(又唱I have a little bed, just for me.)
Brother is too big for it
Mother is too big for it
Daddy is too big for it.

另外, 仲有
聖誕老公公,  ...

little_chit

stliu

太好啦! 等結果的過程真的不好受. 要多休息,Relax D.

雙子媽媽

佢哋劃嘢好難明, Jaden劃了一張很多線條交錯的晝,問我係咩. 總之一個"亂"來形容. 原來係蜘蛛網.

jumbo_mandy

我都覺得佢哋好funny,各自演繹.

All

Jaden唱/朗讀首"聖誕老人"歌比我聽.

聖誕老公公
肚子紅又紅
帶來送禮物送給兒童

原帖由 stliu 於 08-12-11 13:29 發表
amymitpro,

多謝你...


雙子媽媽,

佢地小朋友個個都係抽象派畫家來架. 哈哈!

little_chit

Jumbo Mandy

++version 先啱.我返到屋企再聽阿仔唱,真的是"袍子".
不是"肚子". ++絶無欺場. 足版!

原帖由 jumbo_mandy 於 08-12-11 14:30 發表


little_chit, amymitpro,

++ version 似乎又有少少唔同, 睇黎佢地真係會各自繹!

聖誕老公公
袍子紅又紅
帶來禮物
送給兒童

little_chit

雙子媽媽

我想老師未必立時蓋印,收咗先,唔知會唔會派番比小朋友?

小朋友好快忘記唔開心的事. 唔好咁担心. Cyrus都好著緊老師的反應, 證明佢係一個乖學生.

原帖由 雙子媽媽 於 08-12-11 14:22 發表
我啱啱打左電話比Cyrus問老師有無睇佢張畫, 佢話有, 仲話"佢笑我呀" , 我再問老師有無講咩呀, 佢答老師話"做咩咁架" . 仲同我講老師無係佢副畫度印印仔. seems佢有d唔開心羅我再問老師有無比返 ...

little_chit

amymitpro

唔駛客氣, 最緊要小朋友開心. 我無收到Janson的邀請咭.1/1日我哋會唔係香港,因為xmas holiday會帶希哲去台灣旅行,除咗去台北,我哋仲會去台中附近的清境睇放羊. 因為唔係跟團,所以要花時間去訂行程. 希望一切順利啦.

原帖由 amymitpro 於 08-12-20 09:22 發表
我想問吓大家係唔係都會參加Janson既1月1(九展)個生日會呀?

仲有, 囝囝尋日開party收到同學仔既禮物, 在此我要代表Arthur多謝  廷僖, 希哲, Jason.  

祝各小朋友, 聖誕節快樂, 身體健健康康. ...

little_chit

fatbabyfat

我都知妳好心痛肥妹,睇見妳寫番放膿的情境,就想番起Jaden未夠兩歲時,都有類似經歷. Jaden係歲半時做了個小手術,但過了幾個月,個傷口有膿出現,c6同工人姐姐便帶佢去睇e生,結果e生話要介番開個傷口放膿, 佢話如果打痳醉針要打六支,佢話打完一支阿B都喊到拆天打唔到第二支,咁阿仔一支都無打,就比e生清哂d膿出嚟,係個傷口度攞到一條黑線出嚟.我c6話好在我唔在場,唔係我一定會喊埋一份 .c6同姐姐都捉得阿仔好辛苦,好似好殘忍咁.

之後幾次洗傷口我都有去.,佢唔肯瞓係張床度,知道要受酷形,我哋要好大力捉著佢. Jaden確實有段時間好怕見e生, 留有陰影.不過,這情形唔係維持太耐. 唔駛担心.

洗傷口需然痛,一路安慰吓肥妹.佢會好快好番無事的.   

stliu

我的台灣親子之旅都未完全PLAN好, 我都好想去babyboss,但因知道要阿仔自己同其他小朋友跟著一個guide去扮演個工作角色,妳知啦聽得明D國語先可以跟著去做,所以去唔去果度我都心大心細. 我哋會去Zoo 同一個兒童育樂中心,裏面有小童的機動遊戲同科學館, 我想小朋友會鍾意. 仲有,我哋定會去逛吓書店,希望揾到d又便又啱阿仔睇的書.

妳記住要relax D, 一家人好好享受個holiday.

睇咗妳哋PARTY D 相, 好開心呀!希望下次join到.

原帖由 fatbabyfat 於 08-12-22 17:42 發表
amymitpro,

我唔會話你長氣, 我都準備要肥妹戒口.

真係火, 我都怕肥妹明天唔肯入去醫生度, 因為明天又要去洗傷口, 真係諗起都怕, 又唔知肥妹會喊成點

...

little_chit

fatbabyfat, stliu

聽到妳哋咁講, 同埋我確實有半天未定去邊, 我想都可以帶希哲去babyboss玩吓.我想佢一定喜歡扮消防員和警察. 哈哈...,可能我想佢扮多D.

fatbabyfat, 有d人話小孩子的神經線無咁發達,所以感痛的程度無大人咁大, 唔知真唔真?? 不過, 果時阿仔洗完傷口就唔喊,雖然仲成胞眼淚係對眼度,叫佢同e生講唔該, 佢都有講.  出咗e生房已無事. 我仲記得洗傷口時,我不停同阿仔講"媽咪知係有少少痛,唔梗要,好快洗完",等佢知道媽咪係感受到佢的痛. 佢唔係一個人痛梗.

加油呀!

原帖由 fatbabyfat 於 08-12-23 09:23 發表
stliu & little_chit

多謝兩位關心, 我都未知肥妹今日洗傷口會點, 我同愛女號都擔心佢今日唔肯入去醫生到, 不過見步行步啦.

值得令我安慰的係, 肥妹比我想像中堅強, 醫生尋開左兩種止痛藥比肥妹, 一樽輕d, 一樽係 ...

little_chit

Hi all

我哋1/1巳由台灣返港,今次八日行程,除咗去台北仲去埋台中南投, 我哋去咗babyboss, 真係好好玩,Jaden玩咗消防員,建築師和救護員, 雖然每個職業都要聽short briefing,佢又唔識國語,但都乖乖坐定定聽. 這地方真的很值得去. (Stiu 無介紹錯)
而台北的zoo,我覺得只是一般啦,無大陸果個咁好玩.  


南投清境好美,個農場好大,D綿羊放出嚟通山走,阿仔由最初好驚D羊,到後來仲追著D羊捉著唔放. 好好玩. 個度D民宿好有特色,風景有點似北海度富良野. 我哋係果度住咗兩晚.
仲包車去咗附近的日月潭,車埕(懷舊火車站).

今次真的明符其實親子遊,每日都有孩子啱玩的活動.不過,此行真的很累,簡直體力透支. 唔好以為去旅行可以充電!