有冇讀過或讀緊九龍塘迦南（金巴倫道）OR 迦南（富榮花園

chanwendy

我一個 k3 一個 n1, 讀緊九龍塘, 你想知啲咩?

chanwendy

我諗兩間的課程應該係一樣的, 我有參加適應班, 都有用的, 適應班會做一個相架, 有陪同家長與小朋友的照, 我自己就覺得呢個相架好有紀念值喇, 同埋參加適應班就可以認識到老師, 因為我係坐校車, 就只得呢個機會可以認識, 否則就只會去到家長會先老師係咩樣.

功課方面, k1下學期開始做線條 / 填色練習, 我記得唔太清楚係每日定隔日一次, 每次只會做一張.  k2 就中英數每日做是但兩樣, 一個月做一次閱讀小天地, k3 就星期一至四每日中英數各一張工作紙, 星期五就做生活分享集 (一星期剪報, 一星期週記, 輪住做), 兩星期做一次閱讀小天地, 下學期開始星期五會做多張中文閱讀理解.  k3 開始每星期會做 mental 練習, 係啲數學或者推理邏輯題, 每星期都會做 my fun book, 類似默書, 一星期中文, 一星期英文,.

chanwendy

MissMusic 發表於 12-5-4 21:56
回復 chanwendy 的帖子

想問下你, 知唔知升K1的哩個暑假, 學校會唔會有適應班上? 是否外聘導師的呢? 大概 ...

九龍塘因為冇 k1 新生, 所以適應班只係 for n1 啫. 九龍塘以前仲有收 k1 新生時都有適應班的, 所以我估九龍城都應該會有的, 不過我唔清楚 n1 同 k1 適應班內容係咪一樣.  我講吓 n1 適應班係點樣比你參考吧!
通常係八月第二個星期的星期三開始, 上至月尾廿幾號, 會收接近一個月的學費.  頭三日需要一位家長陪同, 只上一小時, 唱吓歌仔做吓勞作, 會有茶點時間.  第四日開始就要小朋友自己上一小時, 內容係乜就唔清楚喇, 因為我都冇得參與.  大約個幾星期後就開始上兩小時至適應班完結.  適應班係兩位老師負責, 跟平日上課時一樣, 其中一位會係正班主任, 另一位就唔一定係將來的副班主任 (又或者只係咁啱我上時副班主任放假啩).  小朋友都係分四組, 跟平時上課一樣. 以上係 n1 的適應班, 我唔知 k1 的會有幾多出入.  順帶一提, 適應班期間, 凡係返兩小時的日子先有校車, 不過都好似係收半個月車費的.

chanwendy

ME1227 發表於 12-5-5 15:19
請問分4組，每組有多少人

只係一班人平除分成四組啫, 即係一個課室四張枱咁坐.  一班大約24 人.

chanwendy

MissMusic 發表於 12-5-5 22:59
回復 chanwendy 的帖子

另外, 我已經收到K1 書單,

我地九龍塘仲未出書單喎, 唔知係咪一樣呢.  我以往冇深究呢兩項實質係咩, 校本自製教材應該包括字卡, 數學方面有本練習簿係平時上堂會做的, 平時家長都唔會見到, 要到學期尾先會派返嚟, christmas & easter 的功課練習 (k2 & k3 都會有, 我唔記得 k1 假期有冇功課).

課外讀物可能係添置圖書閣的圖書吧, 活動教材唔知會唔會係勞作的物料呢, 又或者係老師用的特大教師用書啩 (老師上堂會用的教科書比小朋友的大好多, 方便每個小朋友都睇到), 亦有可能係一啲上課時要用的教具, 呢方面我真係唔肯定.

chanwendy

MissMusic 發表於 12-5-6 12:48
回復 chanwendy 的帖子

明白, 因為見總數要 $2189.5 , 只係for上學期, 仲未計茶點, 計埋每個學期可能要交3 ...

原來數學活動冊已經獨立 list 咗出來了, 咁 $60 都唔算好貴, 雖然都唔平. 學生個人用品包括兩條毛巾仔, 我毛巾盒, 書包, 手冊, 奇趣袋 (我唯一最唔鍾意迦南的就係每年都要包一個新書包同我毛巾盒, 好唔環保). 我仔今年 n1, 佢的書簿費半年係大約 $1600-$1800, 咁 k1 書會多少少, 再加通漲, 我諗差不多既.
至於圖書方面, 其實我答你的我都唔肯定係咪啱, 不過即使最後係 for 學校圖書櫃, 用家都係小朋友.  我早幾個 post 講有關功課的, 其中一個係閱讀小天地, 呢個分校內同校外借閱的, 校外當然係家長準備圖書啦, 而校內的話, 就係小朋友到圖書角自由選取圖書, 返屋企睇完後完成功課.  所以即使係由家長分擔返啲費用, 我都覺得合理既.

chanwendy

MissMusic 發表於 12-5-7 11:24
回復 chanwendy 的帖子

咁佢每年一個新書包, 係年年唔同, SIZE 改變 顏色改變 定係年年一樣但迫你一定要買 ...

我大女時就年年 size 不同, 質料都不同的.  不過今年細仔讀 n1, 就發現兩個書包係一樣 size 的, 但今年個書包好差呀, 我唔鍾意膠, 都係過去兩年用布的好好多, 今年個書包對 k3 來講跟本就係太細, 成日屈到啲書角彎晒, 我都希望佢出年比返個好啲的書包我. 我有同學校反映過, 主任只係話明白, 但話就算我地唔要新書包, 都唔會退返錢囉.  上年我細仔冇返學校影相拎校服, 我自己另外去代理度拎, 就冇拎到毛巾盒同奇趣袋囉.

chanwendy

Him_Hei 發表於 12-5-16 14:56
想問九龍塘K3係唔係一定返下午 ??

係所有分校的 k3 都係返下午的. 其實呢個程況, 都有唔少學校係咁的.