元朗區2013年升中資訊

mamafufu

tsewaiyi 發表於 12-12-14 09:01
回復 mamafufu 的帖子

mamafufu,  可否幫忙列出元朗的B1 , B2 , B3 學校 , 以供我們參考 ,

元朗咁多間中學，我並唔係全部熟悉，只係熟band 1 嗰十間八間，所以都係唔好比山埃貼士教壞人。

mamafufu

701003 發表於 12-12-14 09:28
整體升U率高，唔代表閣下仔女入到去都順利升U中學六年，變數很大，青春期的小朋友，仲可以好似小學 ...

講得好啱

所以我喺995樓已預先聲明﹕
最後，提醒各媽咪，你地要揀既係"最適合"自己小朋友既中學，而唔係成績(或其他方面)最好既中學，千祈唔好單睇中學DSE成績黎揀學校。

mamafufu

個人意見，根據2010年末屆會考成績及2012dse成績，

純以公開試成績排名﹕

1A. 崇德
1A. 鄉中

1B. 信義
1B. 商會
1B. 趙中
1B. 盧中

1C. 基元
1C. 白約翰

2A. 李兆基
2A. 羅桂祥
2A. 伊中中
2A. 翁佑

2B. 元朗公立

mamafufu

回復 tsewaiyi 的帖子

以上名單，同一級的學校水準相差不大。

mamafufu

我認為，揀選中學時，除考慮該校的學術水準外，以下因素都好重要﹕
1. 老師用心教學，關心學生身心發展，品德、體藝、領導才能等均會悉心培養，不是一味追求成績。
2. 有些學校是"催谷"型，要考慮自己的小朋友能否適應繁重功課及課書壓力。
3. 有些學校是"自由"型，要考慮自己的小朋友有沒有足夠的自律性。
4. 有些學校有分精英班，要知道老師會否把精力及資源集中在精英班，對非精英班採取自生自滅態度。

mamafufu

最後，要知己知彼，認識自己小朋友的水準，選同自己小朋友水平相符合的中學，不要勉強"揀高一級"，否則入左中學後做"墊底份子"，肯定得不償失。

mamafufu

hong_yau 發表於 12-12-15 19:28
羅桂祥是Band  2 ?   有人說它是Band 1 尾的學校

一間中學屬band 1 定band 2，主要係睇佢收生的水準，大部分收band 1 生，我地會話佢係band 1，否則就係band 2 ，或者band 1 尾/band 2 頭間。當然如果間中學主要收band 2 學生，但教出band 1 公開試既成績，我地做家長既都好樂意將佢upgrade叫做band 1 中學!

羅桂祥開兩班英文班，相對於其他全英文班中學，佢重有少少差距。

今年dse成績羅桂祥大部分科目成績麻麻，只係略高過全港平均，而估計英文，經濟及化學三個大科，優良率低過全港平均﹕

學校	3322     百分率	英文 4+     百分率	中文 4+     百分率	數學 4+     百分率	通識 4+     百分率	物理 4+     百分率	化學 4+     百分率	生物 4+     百分率	經濟 4+     百分率	企會財4+     百分率	地理 4+     百分率	中國歷史     4+百分率
羅桂祥	40.60%		29.9	40.6	41.7	55		53.8		50	46.8	70.8
全港日校考生	37.7	23.7	26.8	34.1	35.7	48.8	46.3	41	36.8	36.4	30.3	33.4

mamafufu

今日想講吓崇德。

相對於鄉中同趙中，崇德學生俾人既印象係比較"好動"啲，所以唔少家長既印象係崇德校風"較差"，而且崇德位置較偏僻，有d女同學既媽咪會擔心遲放學時的安全問題。

不過，觀察左崇德咁多年，認識好多個崇德既學生及畢業生，我可以肯定講上述既睇法係片面，偏頗既。

首先，崇德係一間band 1 頭既中學，收番黎既係全band 1 學生，"曳"學生既比例相當少(任何一間中學都會有曳學生)，絕大部分學生都係乖同讀書型既。而且我覺得崇德校方最近呢幾年睇緊左學生品行，不過一般媽咪既印象冇咁快改變到。

崇德校風相對於鄉中，係比較"自由"型既，鼓勵學生參與各種活動，發揮各方面既潛能，所以外人眼中d學生會比較好動，但咁並唔代表"曳"，我反而鐘意"讀得又玩得"既中學。

另外，崇德既老師好盡責，由佢地既教學內容，工作紙，測驗/考試後既"賽後檢討"，都睇得出老師好著緊學生課業，好想學生學到知識，提高成績。 所以一個肯讀書既學生，喺崇德可以讀得好好，成績快速提升。

另一角度可睇出一間中學好唔好，就係睇下佢地既畢業生對學校既歸屬感，最近既Founder's Day, Alumni and Speech Day，好多畢業生番黎，喺佢地既facebook, 分享左好多相片及感想，字裏行間，睇得出佢地作為"崇德人"既自豪，及對學校既熱愛。 呢方面喺鄉中及趙中既畢業生中比較少見。

崇德今年dse成績咁好，應該會吸引多左band 1 尖子(全級頭三名)既學生報讀，所以自行階段既競爭估計會比去年激烈。