我的兒子做事好求其!

JAY媽

小雪又會咁似J仔(我個仔)既~~~~之前我都好似你咁架!佢係咁嘈,重複又重複講佢既理由,又吾係聽我講喎!我最後都係一野拍哂枱咁款大聲喝停佢囉!依家我都改變策略喇!例如佢扭買玩具,我話左吾好買,佢又是講左佢既理由而我又係吾接受,我頂多講多三次吾買,佢再講我就即時扮聽吾到擰埋一邊當佢無到,咁條友仔就會叫我吾好嬲/問我做咩吾睬佢,我就會反問番佢'頭先媽咪講乜野',要佢講番我頭先講過既理由(吾買既理由)出黎,咁佢自自然然就會收聲架喇!你試下呢招先啦!吾得再黎一齊研究過...     

pigpig 寫道:
JAY媽，
我呢排都係得番半條人命 小雪咪就係樣樣要同我理論囉，我以為自己參加左辯論學會呀！
佢呢排出親街，就要扭我買野，我唔買的話，佢就開始同 我理論，佢又唔係喊，係不停講唔同的理由出黎，要我認同佢 攪到四週圍D人睇望望，陰陰嘴笑....最後要我好似傻婆甘講“你再講100句我都唔會買ga啦！”佢先收聲 :cry: 雖然明知唔應該甘講，但又可以點做呢？
最近用了好多時間去說教，連我自己都覺得自己煩
但唔講又點令佢明白呢？你話係咪激死我啦？

JAY媽

PIGPIG,

咁又吾好睇到自己小朋友咁差!始終呢個小朋友係自己生嘛!一定吾差!<--- 呢番說話我都成日咁提醒自己架!
因為我發覺有好多時教養小朋友,首要條件係自己先吾好睇低自己個小朋友囉!連自己都認為個小朋友吾好,自自然然自己實成日發火同小朋友硬碰硬!你知啦,小朋友好多都係受軟吾受硬,你越係話佢衰/吾岩,佢越係同你撐,亦只會覺得係媽咪衰而吾覺自己有錯!試下有D野俾佢自己話事,如果嗰樣事真係吾可以由佢做決定,你試下盡量正面D同佢講/講數,睇下佢會點囉!發火都係盡量到最後至駛出黎(最好可以吾駛啦 )!總之大家要做到有商有量,咁個小朋友自自然然少左同亞媽作對,會易教好多囉!

我都吾知架....因為個仔似我,吾俾人話得,又係一俾人誤解左就會自暴自棄,D野越做越衰,明明我都吾係懶,只係學習困難,但屋企就一口咬定係我懶,我有次默書係識哂架,就係支原子筆吾夠色,個老師睇都費時幫我睇,一野寫我吾合格,番到屋企已經吾開心,到俾老豆大佬睇,佢地又死話係我吾識先至吾合格,以前科科測驗吾係一百都有八九十分,至從父母離婚後,我次次攞住張八十幾九十幾分既試卷俾我老豆簽名(諗住有人讚嘛,以前媽咪會專登好開心咁讚我叻同乖,細路無非都想要呢D...),我老豆就次次都冷冷又不屑既態度咁話:"攞到一百先算啦!"簽完張卷仲要無厘頭掟落地,我送父親節卡俾佢,佢又係整爛掟落地(嬲我仲同我媽咪見面卦,,,覺得我假情假意卦...但嗰陣我只係幾歲細路,,,)搞到我明明好有HEART去讀書(查實我係鐘意讀書),都變成有心無力咁,明明好努力溫書都係成績差,連我都吾知點解會咁,跟住亞媽亞爸大佬又吾理解,諗都吾諗就話係我懶,就算到中三我攞到全班第二名,都係無人欣賞囉!問我做乜吾係第一名,有次英文測驗全班得我一個人合格,但得五十四分(因為嗰次真係好難好深),我媽咪都諗都吾諗,半夜一野啦我落床係咁鬧(我有時會响媽咪屋企度住幾日),鬧我係垃圾吾死都無用/根本吾適合做人/大個左係老板都吾會請你...結果我就好憎讀書,亦好討厭屋企,,,所以就係因為自己細個既經历係咁,所以我家下對囝囝都係要自己好正面,我都係咁提醒自己吾好好似我屋企人咁對個仔,始終都吾想個仔行我舊路,都想佢有番個開心童年既~!

有時自己真係要俾信心佢地(小朋友)架!吾好咁快下定論住,就算最後結果都係做吾好,咪同佢一齊傾下計點去改善囉!始終我地呢D細路都係自尊心強,只要佢有吾衰得既心態,斷估佢地都吾會衰得去邊既!因為佢地就係吾衰得嘛!好似早輪我隻佬認為個仔係懶,但好彩佢無大大聲咁話個仔,都只係响我耳邊細細聲講話個仔好懶!我都即刻否認,我話佢寫吾到字至會咁怕寫字啫!點知呢排我個仔燒一燒走黎做左模範生,日日都自動自覺攞本COPY BOOK寫字,仲叫我地吾駛教佢,寫到好好俾我地睇,寫到有日明明好攰好眼訓寫到訓着左,到我隻佬抱個仔番入房訓時,個仔醒左一醒,合埋眼咁同爸爸講:"我訓一陣就做功課架喇!" 我隻佬簡直開心感動到想喊!我煮緊飯佢都即刻走入黎好冧咁話:"囝囝好乖呀~~~~!!!(跟住同我講佢抱囝囝時,個仔講既說話)"      所以我都話,吾好咁快下定論架啦!     

     我又噴完口水喇!又是水蛇春咁長!!!希望PIGPIG吾好介意!!!     

pigpig 寫道:
JAY媽，
總之呢排就攪到自己好似傻婆甘呀！唔識我既人，仲以為我變態呢，幾日對小雪惡到死 其實，我都唔想ga，但佢真係聽我講先得ga 一有野唔順佢意就發癲，又無禮貌又自私....有時我會諗，點解我個女會甘ga？

JAY媽

查實每個人都有自己D難頂野架喇!更何況細路~~~我隻J仔都係咁啦!乖既時候真係冧到我暈陀陀,曳既時候直頭搞到我好似世界末日咁~~~想死! 係咁架喇!佢地吾係咁樣一啖砂糖一啖C,我地又邊會愛仔女愛到咁痴纏吖~~~~     

總之做人亞媽係咁架喇!大家都一齊努力啦~~~     

pigpig 寫道:
JAY媽，
唔會嫌你長氣，唔俾個機會你，你點可以講出心聲呢？    其實，大家上黎，都係交流下、分享下....有時唔講，個心會唔舒服呢
其實，小雪唔發脾四時，真係好可愛 <----呢個係我話既
昨日我老公有野做，我自己帶佢去海洋公園，佢又幾乖，無咩扭計，所以我同小雪都玩得好開心....
其實，有時我自己對小雪太惡時，我都會後悔的，覺得自己好唔岩，所以夜晚都會失眠呢.... :cry:
總括黎講，雖然小雪的缺點都有時幾難受，但佢都有好多可愛之處
好多謝你的鼓勵呀！你都要努力

JAY媽

咁小雪又真係答得幾盞鬼喎!!!!坐下都好...     

你試下同佢報D興趣班先囉!有D真係好似遊戲形式咁架!我早一兩日上去演藝學院個網頁度睇,佢地都有D暑假短期課程,非洲鼓嗰個都好平!480蚊四堂每堂一小時!廣東話教授...都幾正架!我都諗住俾J仔去玩下...仲有好多吾同類型既班架!你可以上去八下...

係小朋友學琴都會覺悶架啦!正常既!不過如果佢响通利學得吾好,你試下俾佢去其他琴行度學,又或者問下佢想學D咩樂器囉!始終佢地有興趣既野,會學得有心機D架!我都諗住俾J仔去學大提琴同小提琴,到時學到咁上下等佢自己揀!     

pigpig 寫道:
JAY媽，
我好同意<<一啖砂糖一啖C>>  
小雪大約1個月前開始，上通利的音樂班，番左幾堂，就扭唔去上堂，話唔鐘意，好悶 老師只不過叫佢彈一個音，佢都話好累唔肯彈，俾佢激C......不過，我同老公都決定俾佢上多幾堂，再作決定
上畫班，佢又係甘，話好悶，甘我咪話不如唔好學囉，佢竟然答我：甘又唔好，你交學費，我去坐下都好呀！
你話係咪激到你命都無呀？

JAY媽

pigpig,我地個仔女係咪失散左既兄妹黎??點解講d野一模一樣既!!!不過j仔就無問bb點黎,因為好耐之前我同佢一齊浸浴時,佢問過我肚腩嗰條刀疤係點黎,咁我咪好詳細解釋俾佢知係生佢嗰陣,醫生打開媽咪個肚,然後攞佢出黎打蘿pat,咁咪生左出黎囉!      跟住佢話想要生細妹,我話呢d無得我地揀喎!好似抽奬咁,我問佢生細佬好吾好,佢叫我不如生一個細佬同一個細妹,仲話一家五口先至會開心d喎~~~~!!!      咁生兩個都係細佬呢...呢條問題我仲未問佢添!!!     

不過查實j仔暑假都幾吾得閒,一星期去四日感覺統合訓練,又要學琴同ice hockey,我仲決定幫佢報埋非洲鼓添!如果佢間校都好似小雪間學校咁有活動俾佢上就好喇!至少我吾駛咁辛苦係咁幫佢搵活動參加嘛!慳水慳力...     

pigpig 寫道:
JAY媽，
小雪講野真係隨時會笑死我ga
佢昨晚係的士，不停問我同老公，點解唔生多個BB，佢話要女仔，甘我話如果生左男仔甘點呀？小雪答：我都要，不過想要女仔BB多D....跟住佢再諗左一陣，就問：點樣先可以生女仔BB？係咪問護士，同佢講要女仔BB就得？
笑到我同老公，仲有的士司機CC下呀！
其實，小雪由上年9月份開始，都已經有上興趣班，音樂班同畫班，係由4份先開始，佢之前上開英文班同普通話班，佢又無問題；不過，佢自細，我就覺得佢音樂天份唔高，唔係聞歌起舞的一類，我要佢上音樂班，只係想訓練佢的專注力；小雪話佢唔要學音樂，一學就要學小提琴 我話你要學小提琴，都要學好睇5線譜啦！佢就唔出聲
小雪學校有暑期玩，返去玩下，我諗我多數都會俾佢返，費事佢放完一個暑假唔番學，又有煩野

JAY媽

嘩~~~三千九蚊???我仲以為係免費添!學校搞架噃....!!!因為J仔間學校D活動不嬲都吾駛俾錢架!除左係要學小提琴跆拳道嗰D要錢外(都好鬼平架!),其他都吾駛我地出錢!咁你都幾'容'下喎!千祈咪俾隻佬知住... 費時隻佬個心那住那住啦!!!     

感覺統合訓練係要黎刺激番個腦同神經架!因為J仔本身左右腦吾協調仲有其他(好多,好難解釋得到...因為我都係明D吾明D咁),搞到佢學習障礙又寫吾到字(D字漏筆劃同埋會調轉)...所以趁佢仲未到九歲,咪拿拿聲幫佢囉!如果吾係佢好難學到野架!同埋呢個訓練係可以幫到J仔嗰D過度活躍專注力缺失症架...早輪佢咪好彈好失控既,呢輪個治療師係咁俾D重力訓練佢(都係感覺統合D野),呢個幾星期J仔都勁乖!!!定左好多!雖則都係成日游魂游左去,但至少佢都正常番D,吾會係又大笑吾係又周圍彈咁失控啦!查實呢個星期已經開始一星期做四日每日做個半鐘(有兩堂,另一堂係教佢組織同思考架),因為我都想佢黎緊九月重讀小一會正常番D同順利D嘛!我實在太擔心佢喇!     

pigpig 寫道:
JAY媽，
一家5口？恭喜你呀！   
小雪成日都話，唔生BB，就要養小狗 真係呀....我咪話養寵物要好好心機，又要帶佢去散步......點知今朝，佢番學時，係要帶隻玩具狗番學，我話點得呀？佢話你又話要帶D小狗去散步？甘我咪帶佢去返學校散步囉....   真係好好笑呢！
感覺統合訓練係咩黎ga？要一星期做4日甘多ga？要唔要陪的？每次做幾耐？
唉.....當然唔係慳水慳力啦！個暑期班要收我$3900--4個星期ga....我都未同我老公講甘貴，只係話佢知，小雪會番暑期班 費事佢甘早知道，煩呀！

JAY媽

pigpig,

J仔都係响番原校重讀小一呀,因為佢過度活躍專注力不足,搞到佢又控制吾到自己行為,又集中吾到上課/學野,所以費時隔硬升佢小二,等佢讀多一年,個人仔定D又READY好,先至再升小二,咁佢會無咁辛苦,不過正如你所言,我都幾擔心佢接受吾到同依家班同學分開/見到係得佢留班,其他同學升班搞到佢自尊心受創(因為佢出名自尊心強)...所以我都煩惱緊點去同佢解釋同接受呢樣野...好吾想佢因為咁而吾開心呀~~~!!!     

如果你想了解感覺統合訓練既野同埋想自己响屋企同囡囡做下,你可以去圖書館借感覺統合既書睇,我依家睇緊嗰本係葉張蓓蓓寫既'孩子不笨',嗰度已經好詳盡介紹感覺統合既野!或者你都可以去買,因為本書後半部都有D感覺統合既練習俾家長試下屋企同小朋友做架!本書極之有用!我越睇越鐘意!不過就有DD貴---->$81/本;如果你睇完好有興趣自己同小朋友做呢類訓練,呢個作者之後都出左第二本訓練手冊,叫做'孩子確不笨',成本都係教你點去訓練小朋友,我之前已經買左番屋企~~~!!!      八下啦!感統訓練呢樣野真係好幫到小朋友架!     

pigpig 寫道:
JAY媽，
係呀！真係好溶下 但無法啦！我呢度無咩選擇....唯有上啦！
感覺統合訓練個解釋都幾覆雜下，算啦！唔好解釋俾我聽啦，我好鬼蠢，多數都唔會明
你諗住會俾J仔重讀小一？係咪係原校？定會轉校呀？如果要轉校，你要用多D時間去解釋清楚呀....
我都明白，做人父母的，一定會好擔心仔女的情況，真係可憐天下父母心呀！ :cry:

JAY媽

如果去我囝囝嗰邊治療師度做,以我囝囝為例,一星期八堂,每堂四十五分鐘,咁SHARE番每堂價錢係八百蚊一堂囉!不過我並吾係八堂都係感統訓練,四堂係感統,另外四堂個治療師都係TRAIN佢言語,組織力,學習,認知嗰類野,因為我個仔D問題好雜,乜都有佢份,所以我至咁密訓佢咋!不過真係好有效! 今日我竟然第一次無收到同學仔同老師投訴個仔曳曳豬!仲要係第一次成班同學都話J仔呢幾日好乖,進步左好多( D細路又會講野咁老積既...話我個仔進步左~      ),我超級開心囉!至少都開始覺得J仔似番個正常既細路仔,而吾係一隻失控既曳貓! 已經KEEP住乖左成個幾星期喇!上星期簡直係模範生,我都未叫,佢已經自動自覺話要做功課,又叫我地吾好幫佢教佢,等佢自己黎,佢又好鬼認真又要求高喎! 我都差D要星自己兩搥睇下自己係咪發緊夢!呢幾日雖則懶懶地無話主動做功課,但都係個乖仔黎既!

你考慮下啦!如果覺得貴(查實我都俾吾起,舊錢都係我大佬每個月供我個仔去做治療咋~~~),你都可以考慮我介紹PIGPIG嗰兩本書架!仲有其他呢一類既書,你可以上去政府圖書館個網度SEARCH'感覺統合',我記錯應該有好多呢類書借黎睇架!

mtot 寫道:
JAY媽,

Can you tell me how much is 感覺統合訓練?
My son is also very active ar.. I want to try this course.  He is now 3 yr old.  Is it suitable?

Many thanks.

JAY媽

响萬寧有得賣架!

isywin 寫道:
JAY媽,

Regarding "GNC魚油", where can I buy?

Thx so much!

JAY媽

咁J仔食左又無話吾舒服嗰D喎!都OK啦,暫時都仲未收到老師投訴佢周圍彈! 係上堂眼訓走去訓覺啫!      [quote]
sillycara 寫道:
Hi Jay媽,

好耐冇上

JAY媽

呢隻我又未聽過喎...不過查實我覺得魚油真係吾需要買咁貴,dha都係响魚度抽取出黎,亦吾好期望魚油真係會有幾大功效囉!正如治療師講,現今每個父母都俾足營養小朋友,食呢類產品都係當為一種營養補充會好d. 呢隻魚油貴吾貴架?係膠囊定係液體架???如果係液體,你要留意番佢陣味小朋友頂吾頂得順喎!因為我之前聞過一隻係勁腥,大人都頂吾順,斷估細路仔都未必肯飲.     

calvinB 寫道:
Hi Jay 媽,

另外有隻叫Smartfish,有無意見?