repeat k1

SZEYUENMEME

一般黎講只係有三年學卷, 但係如果你嘅小朋友有發展遲緩問題 (eg. 言語障礙), 你可以提供一些有力嘅證明(有資格人士嘅評估報告 / 信) 比學生資助辦事處, 咁佢地就會考慮是否可以延長一年學卷比你。

原帖由 ChristinaH 於 10-8-16 12:03 發表
各位媽咪, 我想問下呢如果 repeat k1 係咪個年就冇學卷架啦? 謝謝

SZEYUENMEME

唔好意思咁遲覆你!  我依傢係申請緊多一年學券, 仲未知是否成功架! 因為仲欠學校嘅repeat k1 letter。 我之前已經sent咗評估報告比學生資助辦事處, 佢地有位小姐打電話比我話仲欠學校嘅repeat k1 letter, submit 埋比佢先可以比佢嘅上司批喎... 佢仲話根據我嘅評估報告申請多一年學券應該冇問題喎....。

我想問你小朋友是否已讀了一年k1呀?  如果係, 你應該之前(大概暑假前)收到學生資助辦事處寄來嘅信架喎!  嗰度教咗我地點樣申請架。  如果你小朋友呢個學期先讀k1, 咁我諗你出年呢個時候申請啦!  **我個人認為應該係重讀嗰年就要申請**

有資格人士嘅評估報告 / 信:  
---------------------------
你可以搵私人嘅評估中心咁會快d囖....  
如果你等健康院轉介去評估中心都要等大半年....

我嘅情況係健康院轉介(等咗大半年)阿仔去"尤德夫人兒童體能智力測驗中心(即政府嘅評估中心)"做兒童發展評估, 我要求佢地出評估報告話阿仔需要repeat k1。