值得看看！希望有你共鳴∼∼∼

mamee

那個節目我都有收看到. 雖然仔仔只是讀緊N2, 不過我已經覺得"小學"好似越黎越逼近. 希望仔仔讀小學果6年, 條路唔好太難行.

Helen
無睇錯字幕的話, 那個小朋友讀既中學就係你果區, 應該明愛聖若x中學.
我即刻同老公講: 第日我地要搬屋, 搬去果區.
我老公仲好笑, 佢話: 仔仔終於可以同我讀同一間中學嘞, 不過..多左明愛兩個字>得啖(苦)笑.

mrsphcheung
其實我係好留意你, 因為你仔仔剛好大我那個一年, 我地又住同區. 不過你仔仔好啲, 因為佢脾氣和善, 而且你話仔仔聽得明英文, 總算多條國際學校既出路. 我同我先生就算經濟能夠負擔私校/國際學校既出路, 但因為仔仔切切實實係香港人, 剩係識廣東話, 所以都無其他選擇.

anna_gigi
多謝你既分享.
我仔仔都成日發脾氣, 鬧情緒. 依家讀緊兼收位, 所以學校各人都好體諒. 想到日後升小學, 自己就好無奈.

mamee

mamee

mrsphcheung

雖然我都住東區, 不過就係另一邊~北角. 所以連帶上幼兒訓練我都係去左灣仔間協康. 至於社交班, 來緊星期六會去灣仔協康上第1堂幼兒社交班, 因為今次好好彩被抽中(得8個位).

我仔仔又唔可以話完全無專注, 因為佢好鍾意聽老師講故事, 做圖工玩玩具都無問題, 亦可以靜靜玩puzzle=喜歡做的事. 只係每當去到空當, 無任何野做只係空等, 佢就會唔耐煩, 之後就想離位. 當老師叫佢返埋位, 仔仔就會變得極度唔高興, 嗌一兩聲+眼都紅晒, 死死地氣大大力坐返埋位坐. 之後要過一陣, 或者略加安慰先可以安靜番. 旁人(連自己都係)唔會明白, 點解只係叫佢返埋位坐都會變得情緒咁差. 簡單形容~仔仔遇到唔高興/聽到NO, 就會發脾氣失情緒.

另外, 好多謝你提供幾間小學俾我地. 講真筲箕灣又好, 中環又好, 如果係間好學校, 肯接受我地既小朋友, 我都好願意選.

你同其他媽咪既gathering, 我好想參加但時間唔啱(仔仔返左學我就最得閒, 夜晚我要揍仔仔), 所以唔可以去. 唯望係網上可以同你多啲交流心得.

mamee