2006 入讀St.Cat K1 家長交流區

穎晴媽咪

Hi mmak,

會繼續上架，呢幾樣係長期班，我住將軍澳一定會係番
呢區上，而且我仲有一個9歲半既大女，佢都有興趣班
上，唔揀番呢區我諗會撲到頭暈暈都似。   

mmak 寫道:
穎晴媽咪,

開學後 ... 會繼續 上 依家學緊o既 芭蕾舞、畫班、普通話 嗎 ??
你依 d 課外活動 在 那裡上 丫 ??

穎晴媽咪

Hi mom1118,

我原本報位於新都城二期果間柏斯，但因課室好細，
所以每班只收三組學員(即三個學生加三位家長總共
六人)，但連開兩班逢星期六2:45-3:45 及3:45至
4:45，之後佢地搬左去三期，d課室比較大，於是佢
地將呢兩班group番埋一班，但佢再開班Max.會收幾
多人就唔清楚喇，不過我估佢地約莫收六組左右，詳
情都係向佢地查詢好d呀！

mom1118 寫道:
穎晴媽咪 : 少少莫札特班一班有幾多小朋友？

Thanks a lot !!

Mom1118

穎晴媽咪

Mom1118,

我要唔該晒妳呀！

經妳一提我至知依家將軍澳通利有music wonderland
上，因之前呢間係冇開班架，今日我去問過，佢地check
到我有排緊music class既record，可能係TST果邊漏左
通知我，因依家Charmaine已3歲9個月，已不適合上
music wonderland呢班，佢地比番4-5歲個兒童音班
既位比Charmaine，下月27日開課，全期兩年，但佢
地呢班只係逢星期日下午開兩班(4:00-5:00 及5:00
至6:00)，我唔想再lost左個位，所以拿拿聲報左名喇
   將軍澳呢間通利音樂中心果位姐姐好nice，
服務態度都好好，希望黎緊既課程我地都遇到位好導師啦！   

穎晴媽咪

Hi Shuetmen,

我諗校車公司把將軍澳區分為兩條路線，
我係16號校車，範圍只限寶琳區及坑口區，
總共得六個站，我地係第5個站(新都城一期)上車，
上車的時間係8:06am!  

shuetmen 寫道:
Hi, meowross 及穎晴媽咪,

請問你地會唔會搭校巴呀? 上午幾點上車? 知唔知調景嶺站幾點上呢. 我都諗緊可能搬過黎呀.

穎晴媽咪

Hi Meowross,

Ballet Class係新都城一期翠茵小宇宙幼稚園度學，
佢地會收校外生，$100一堂；普通話亦係新都城
一期京彤普通話中心上，$340四堂，因佢地間舖
面積好細，所以每班最多四至五個學生，有d家長
可能嫌佢地細間，感覺好似up up dup dup咁，最
初係我大女係度上中文寫作班，後來佢話有興趣
係呢度學普通話，我咪比佢試，之後Charmaine
又話想跟家姐一樣學普通話我又比佢係度學，到目
前為止佢地仍好鍾意上；至於畫班係慧安園果間叫
啤利創作室上，$300四堂，呢間畫室又係好細，
每班亦係最多四至五個學生，坦白講，我就係貪
佢地舖細細人少少，咁導師會教/照顧得好d麻！

另史丹褔果度我諗大部份TKO住既學生都係呢間學，
因景嶺書院有室內暖水游池呀！

+   +   +

Buma,
若我冇會錯意，meowross講果間史丹褔係學游水
既泳會呀!

穎晴媽咪

Hi mom1118,

唔好意思，漏左覆妳添!    
學普通話果度麻煩妳睇番我覆Meowross既留言丫！

穎晴媽咪

Meowross,

我知將軍澳廣場果度有兩間教芭蕾舞既,一間叫米雪爾,
另一間好似係音樂中心,除左鋼琴班外亦有芭蕾舞、跆
拳道等課程(但我唔記得叫乜名),我拎過章程睇,芭蕾舞
班既學費真係好平下,咁妳幫囡囡揀邊間呀??

至於普通話班我原本屬意坑口新寶城果間天平珠
心算中心,我去拎過D章程睇覺得唔錯,點知問清楚
D至知果本招生章程係 group埋晒佢地所有centre
既課程,TKO呢間係無開普通話班既,所以近近地揀
番京彤,但我知除左新都城外,京彤係南豐廣場都有
分校架。

穎晴媽咪

Hi Mom1118,

咪客氣啦，到時大家要互相幫忙，關照關照呀！
京彤既幼兒普通話班係小朋友自己上不用家長陪，
因Charmaine性格好慢熱同好怕接觸陌生人，
所以第一堂老師特別批准家姐坐係佢隔離陪佢一陣，
依家已ok，京彤total有三位老師，教Charmaine
果位亦係教我大女中文寫作班同一位老師，佢人好
nice亦好心機，所以我都好放心。   

mom1118 寫道:
Hi 穎晴媽咪,

我都係第5個站(新都城一期)上車 。
到時請多多指教。
Also, thanks for the 普通話 information. I am still collecting information.  For 京彤普通話中心, Are the parent going with the children or are they on their own during the class?   Are the teachers good to children?  

穎晴媽咪

meowross,

咁又係，將廣 & 將中都有芭蕾舞班，等搬左攪店晒
至再決定都未遲 。有冇留意將廣2/F有一間叫紅琴館
既音樂中心，我幫Charmaine報左暑期親子音樂班，
逢星期六上，已經上左兩堂，到22/8就上完，之後接
住上通利，時間岩岩好！   

meowross 寫道:
穎晴媽咪, 未決定吖, 等我月尾搬左過去再"及及"先......

穎晴媽咪

Hi Vnice,

教小小莫札特啟蒙班的導師姓蔣,她只負責新都城及
將中兩間柏斯既 Little Mozart Class ,其餘時間
Ms蔣會係北角果間柏斯教琴,以上所講係去年我個女
仲係柏斯上緊時所知既資料,但依家有無轉導師就唔
清楚喇!Ms蔣佢好Nice好好耐性,所以小朋友都好鍾意
佢架!!   

穎晴媽咪

meowross,

係呀,我剛搬入黎TK0時,新都城二、三期未起好,地鐡都
仲未動工,附近好空礦,毎逢三、四月回南天特別濕,依家
仲係好潮濕但已有改善,不過回南天時一朝起身好似身
處仙境咁架!!

我報新都城二期果間通利。

meowross 寫道:
穎晴媽咪,
我想請問, 將軍澳係咪好濕??我昨日睇中左個籐造既屏風......又驚濕得滯會生蟲.........
您係邊度上tomlee?

meowross

穎晴媽咪

meowross,

我大女已九歲半，上唔到通利既 jmc 架喇，
係細女Charmaine上呀！

meowross 寫道:
穎晴媽咪, 您大囡上tom lee, right? jmc?

穎晴媽咪

Hi Meowross,

Charmaine上果班唔係3歲既Music Wonderland，
係4-6歲既Junior Music Class(JMC)，因佢依家已經
3歲9個月，上不適合上music wonderland，所以通利
提議我報JMC，加上佢地check到我係04年8月到依家
都未排到music wonderland，所以見JMC八月有新班
開即時個位比我囉！   

meowross 寫道:
穎晴媽咪, 咁charmaine 上tko tomlee mw??? 我call佢地有話無3歲班既???

穎晴媽咪

meowross,

唏 .....妳咪笑我啦，係Charmaine個歲數<new none>
兩頭唔到岸，起初我都有少少擔心個女程度是否跟得上，
咁TKO tom lee果位職員都問過我之前有冇join過其他music class，佢地知道Charmaine讀過小小莫札特班
就話應該無問題，咁我至放心報咋，話晒JMC要讀兩年，
時間都幾長。

穎晴媽咪

Buma,

以下係有關肺炎鏈球菌既資料 :

+   +   +

肺炎鏈球菌專襲幼童

踏入春季，兒童的「暴風殺手」肺炎鏈球菌再轉活躍，
最容易從幼兒園和托兒所擴散，
平均每5名2至6歲兒童當中，
便有一人是帶菌者將「惡菌」傳播，
令感染者迅速患上腦膜炎、敗血病、弱智、痙攣甚至死亡。
兒科醫生指出，此症病徵跟傷風感冒相似，
家長切勿對子女發燒、咳嗽掉以輕心；
有需要的話，
亦應讓子女接受2,000至3,000元的疫苗注射療程。

兒科專科醫生陳以誠昨日指出，
本港2至6歲幼兒的肺炎鏈球菌帶菌率平均約兩成，
當中4歲兒童的帶菌率更高達32.6%，換言之，
每10名集體活動的兒童當中，便有逾3人是帶菌者，
透過飛沬、鼻涕等分泌物將病菌傳播。
由於香港生活環境擠逼，幼兒經常親密地活動和學習，
故感染機會相當高，加上春冬季家長教師為免兒童著涼，
都會將窗戶關緊，病菌更易擴散。
本港每10萬名5歲以下兒童，便有100人中招。

* 殺傷力強死亡率達五成

陳以誠形容，
肺炎鏈球菌以「強風掃落葉」的方式入侵人體，
雖然表面病徵並不鮮明，
與一般傷風感冒的發燒、咳嗽、疲勞沒大的分別，
但殺傷力卻相當驚人，
細菌可以迅速地入侵中耳、鼻竇、肺部和腦膜，
輕則引致鼻竇炎、中耳炎，
重則還會演變成心包蓄膿、敗血症，腦膜炎，
如病情惡化至這地步，其死亡率可高達五成。
康復後，亦可能有弱智、失聰和氣管擴張等後遺症。

肺炎鏈球菌可透過抗生素治療，
但由於香港濫用抗生素情況嚴重，
肺炎鏈球菌已對多種抗生素、
例如盤尼西林和大環酯類產生抗藥反應，
抗藥性高達八成，令治療倍添困難。


* 家長應為子女注射疫苗

陳以誠指出，即使病人沒有抗藥性，
醫生也難以憑病徵正確地斷症，
有時會出現漏診延醫的情況。
為預防兒童受此種惡菌威脅，
家長和公眾必須保持公共環境衛生，
為有病兒童佩戴口罩，
同時家長對子女感冒傷風病徵絕不能掉以輕心，
必須及早求診了解病因。

另外，家長亦可以為6個月大的子女注射
防肺炎鏈球菌接種疫苗，可減低八倍感染機會。

每枝疫苗售價約1,000元，
整個注射療程亦需要2,000至3,000元。

+   +   +

Buma 寫道:
為什麼你們會比小朋友打此針 ????
比D見解.
BUMA

穎晴媽咪

Buma,

Charmaine淨係打左水痘針，無打肺炎鏈球菌針，
因我先後問過兩位醫生，佢地話若小朋友本身體質
差、抵抗力弱或係經常病及曾得過中耳炎，咁呢類
小朋友就有必要注射呢隻針，若平日只係間中有小
病如傷風感冒就可不用打呢，所以我會睇定d先！

Buma 寫道:
穎晴媽咪,
Tkx so much about 肺炎鏈球菌既資料.
那你小朋友注射了嗎 ?
buma

穎晴媽咪

Hi all,

我依家仲心大心細唔知好唔好幫Charmaine轉去
另一間學 ballet,因我覺得個導師麻麻地，但係我
個女認人認地方既情況好嚴重,呢兩日我去過羅逸
雅(新寶城)/卓藝(將中)/米雪爾及拔萃(將廣)呢幾
間問過,亦將阿女既情況同佢地講過,但間間都話就
算首次上堂/試堂家長唔可以陪入去課室(怕會影響
其他學生),我驚一旦同佢轉去第二間佢會喊到屎屎下!

唉!!咁點算???

穎晴媽咪

Hi sabina_bb,

我都係住寶琳區近新都城果邊架，幸會幸會！
羅逸雅(新寶城)/卓藝(將中)/米雪爾及拔萃(將廣)呢幾
間都有芭蕾舞班，尋日同個fd傾計，佢個女係卓藝學左
兩年ballet，個導師Agnes Chan教得好好，所以我個
fd 好recommend呢間，而且佢地九月正式搬去將中，
新校大好多添，若時間夾到我會幫囡囡報呢間！

sabina_bb 寫道:
可否指教係邊度有得學芭蕾舞 :cry:    

穎晴媽咪

Hi Meowross,

多謝妳既意見，尋日個fd suggest 我報卓藝，
我打算比Charmaine去試堂，睇下佢鍾唔鍾意，
不過我打定輸數未必試得成，因去年都試過帶佢
去佐敦一間叫 DanceFit 既試堂，同行仲有另外
兩個fd既囡囡，唉 .... 佢由頭到尾都唔肯入去課
室，結果係名符其實到此一遊 ==> 運吉     

meowross 寫道:
穎晴媽咪,
我個囡個ballet class都有一/兩個小朋友有咁既情況, 又係講明話唔准家長倍.........咁個細路, 上上吓堂就會走去開門喊晒口咁搵亞媽, 上一個鐘頭堂會出嚟十幾次.......但唔使一個月(ie.4堂)佢已經可以獨立上............所以您應該照轉, 亞囡會慢慢適應到既, 佢咁既性格, 急唔嚟! 同若個新教老師教得好佢覺得好玩又會好d呢!
若果個老師教開幼兒班, 呢d情況查實好普遍, 一年梗有幾個掛.........佢地應該識handle, 俾d信心亞囡吖!
教得唔好, 晒錢唔緊要, 亞囡學唔到野無左興趣先大件事!我遲d打算報香雪爾試下, 想試下個日本miss得唔得!

穎晴媽咪

Hi小熊媽咪,
好街坊 ... 幸會幸會！

我剛剛去卓藝報左名，9月開始逢Sat 下午上堂，
為我攪報名手續果位原來係其中一位導師，
因坐counter果位職員依家仲係舊校果邊，
所以不用上堂既導師暫時要幫忙坐counter，
呢位miss好nice好好傾講解得好詳細，
我行入去望過總共有三間課室(兩間細一間大)
大果間有塊大glass，家長可以清楚望到上課情況，
Sat 下午呢班係Miss Chan教，
學費每月$440 (送埋芭蕾舞衫) .... 好抵！
希望阿女上得開心啦！