請幫忙...我會感激不盡

leyangel

其實現時好多家長都會遇到同樣問題,包括我在內~我家小女今年P4,小一.二時放學後去補習班3小時,回來功課未做完一半,背默書更加係無合格過,字寫得好慢,我當時情況係就來去到淜潰邊緣,以前既我見到咁既情況只會發脾氣,攪到大細都好辛苦,後來3年級開始我CUT晒佢所有補習班,自己收埋心水停工專心教佢~現在慢慢在改善中,我自己本人都幾滿意,雖然效果慢左少少,又或是考試未理想,但我見到佢既付出~所以佢既成績係點係唔影響到我既情緒~有關於呢種種情況.我比少少意見大家~希望可以幫到手.意見一:學校方面-->1)要同老師多溝通,等老師明白個別學生既獨特學習方法和需要,2)協助學生改善學習技巧,3)提升學生的自尊感AND 學習興趣,4)協助學生健立良好既學習習慣 意見二 家長方面:1)處理好自己既情緒2)認識自己孩子的情緒,要對自己及孩子有信心,3)要接納同尊重自己個小朋友,4)調適自己對孩子的期望及管教方法,強化佢既優點 最後想講既係,學校,家長,小朋友的3角關係是互動而又互相影響的~所以要多溝通,明白自己個小朋友需要乜,又或是點解會咁,你要了解佢,代入佢既角色,才能更好的協助佢愉快學習~才能有效提高佢既學習興趣!....講左好像太多,希望不會是囉嗦...

leyangel

明白到你既心情~因為我以前都有同樣經歷~係我女1 2 年級時已經識話想死,同好討厭自己的說話,後來我才明白到要幫到佢首先要找出問題所在,包括自己的問題,你要明白小朋友佢自己都唔想慢~佢都唔想比人話佢~佢都想叻比媽咪睇等媽咪讚下佢,但可能佢真係唔識做OR 寫字慢~寫字慢唔一定係懶~係有個別小朋友手部肌肉既問題,引至佢隻小手好容易累,要慢慢長大會好返~但要比時間佢~比D耐性~你不如好好同佢傾下啦~慢慢來~其實小朋友都好叻~只係大人點睇佢~加油呀!!!比多D讚賞佢~鬧只會打沉左佢既自信心,更加咪提有心讀書寫字~

leyangel

927 DADDY   我女都有讀寫障呀~~ NOW P4,情況大改善~唔再好像以前咁花4.5小時做功課~唔再好像以前咁溫書溫到個頭爆炸都唔合格,3年級下學期開始, 中英背默書只需花少許時間 溫,90分以上係無問題,考試成績就仍未理想~但我暫時係好滿意~希望來緊慢慢會進步 你唔好放棄呀~~~要同仔仔一起加油,比D力量佢!

leyangel

早晨~927.首先你要知道咩係學障,而學障小朋友最常面對既問題係:【集中力不能持久,閱讀.拼字.抄寫有困難.經常會混淆方向及時間,表現反覆無常,有語障,協調能力差,對理解及遵從指示有困難,】雖然係咁,但係佢地都有好多唔同既優點,所以,作為家長的你要學會欣賞,讚賞,信任.鼓勵你的小朋友,你要有無比毅力和耐心,要以平常心面對,要同學校老師做好溝通,這是一場持久戰,你要做好准備同仔仔一起應戰,要多留意自己小朋友既情緒問題,有時更要代入佢既角色去看問題,我明白對住有學障的小朋友,家長無形中既壓力係好大~我見過有D家長甚至因為咁而有抑鬱症,或者是喊,脾氣變得很差,所以適當的時候要學會釋放下自己,但不要說放棄! 我PM我既聯絡電話比你,如有需要,你打比我傾下仔仔既問題啦~,因為我唔了解佢,PS:我唔係專家,我只係自己個女本身都有呢種問題,同埋有接觸幾個有同樣問題的家長和小朋友~希望有好的健議比你同仔仔~