請問有冇N1D1(PM)同學仔

媽珠

Hi! loloyen,

前兩年我個女都試過身有紅點, 次次都係睇醫生時由醫生發現, 但次次醫生都話睇見啲點係已經退緊. 可能之前有啲病毒感染, 但自已身體抵抗咗, 未病出嚟. 所以我哋都冇發覺到.

旅行我會去, C6 諗咗兩日都無覆我. 今日我已報名 1大1細唔預佢. 廢事同佢報佢又唔去, side 晒啲錢.

明天 Miss Lam 帶小朋友行花市  , 不用出街o架. 因花市在學校內 . 阿女話 Miss Lam 整咗好多錢幣預備比佢哋買嘢. 希望你仔仔明天可以一齊返去玩下啦!!明天同後天唔駛帶書. Miss Lam 話開始有禮物比佢哋帶返屋企.
好多禮物, 阿女直情顛晒. 你哋送嗰本書好靚. 阿女一見到就 要戴起條鍊 . Thank you so much!!


我都買咗兩條中國服比阿女著, 但佢點都話明天Miss Lam 帶佢哋行花市要著靚靚. 唔著中國服 .

SORRY!! 我睇遲咗o添. 花園街有膠年花賣. 今日下晝為咗去買所以遲咗接放學 . 希望你已經買到啦!

今日係阿女上最後一堂溜冰堂. 因佢扭計上兩堂都喊. 話唔要教練. 所以過咗年睇下佢肯唔肯轉grouping 上啦!教練話同其他小朋友一齊上好多小朋友都夠胆扭計....

[ 本帖最後由 媽珠 於 11-1-27 01:59 編輯 ]

媽珠

Hi! loloyen,


你BB已經習慣返學, 你日日問佢一啲學校嘅嘢, 等佢可以留心啲學校嘅事, 返嚟同你講返. 不過可能到時你會話煩, 因為佢可能會不停講要你答佢...

好好笑! 尋日佢哋行花市買花, 但阿女話冇得"簡", 會買返自己帶嗰支花. 仲有$7 剩.

學校仲送咗兔仔錢箱比佢哋. 阿女嗰隻係粉紅色o架. 佢爸爸比$1 佢入落去. 但今朝起身自已攞返出嚟. 佢話 Miss Lam 話要入利是錢. 但我怕佢自己亂放啲錢(當玩具周圍放). 所以我話紙幣就媽媽同你入戶口. 硬幣先入兔仔.....

媽珠

Hi! loloyen,

呢幾日周圍去, 都冇咩時間響屋企. 不過阿女啲功課做淨新年嗰本. 如果佢坐定定. 半個鐘實做完. 返而佢而家晚晚返屋企時都要問我明天去邊 . 要我諗定第二日嘅節目.....

祝你們一家人恭喜發財, 開開心心, 身體健康  ( Miss Lam 教嘅) 心想事成, 萬事如意!

原帖由 loloyen 於 11-1-30 00:11 發表
hi!媽珠
我阿仔個兔仔錢箱係藍色,阿仔都有叫我比$佢入,不過我諗住遲啲新年個啲利是當佢面幫佢拆再教佢入,等佢知道要用自己既利是錢學習儲錢,阿仔係學校都係買番自己棵花,見佢用剩$3,個張$3比佢入咗兔仔,當係錢先:hap ...

媽珠

Hi! loloyen,

而家做人阿媽真唔易. 仲要做埋書童......
我唔係好怕凍, 反而我怕轉天氣個段時間, 因為阿女會響呢段時間好易病 .....
尋日 Miss Lam 病咗冇返, 希望佢快啲好返啦!!
放假放得太耐, 呢幾日有小小扭計 唔肯返學

原帖由 loloyen 於 11-2-10 00:01 發表
HI!媽珠
阿仔都已經做晒啲功課啦!現在每日都要練琴同學睇譜,佢都幾辛苦,我都要一齊學埋,玩下手我都可以去考琴試,下星期一就要返學啦,天氣又冇啦啦變涷,早又唔涷,返學先嚟涷 ,激死!希望涷埋今次唔好再涷 ...

媽珠

Hi! loloyen,

阿女呢幾日起身都有幾聲咳, 我同佢預備咗口罩響書包, 叫佢如果返學咳就要即刻帶口罩. 因為佢有時咳會唔記得用手遮住個口.
阿女返學時啲情緒真係唔係好穩定, 好似尋晚食完飯, 佢同我講話想喊 , 我比佢 , 跟住再問佢為咩? 佢話今日要做 drawing, 怕唔識做 所以好驚. 我 估應該係有兩次(以我所知) 佢上drawing 堂掛住望人冇聽Miss Lam 指示所以做錯小小step 既關係..... 希望今日返學唔好喊啦!
明天要同Miss Lam 傾下, 阿女返學好似好多固慮. 我知佢哋實有辦法嘅.

原帖由 loloyen 於 11-2-17 00:03 發表
HI!媽珠
今日阿仔有小小咳同鼻水,我冇比佢返學,唔想令佢更嚴重星期五返唔到生日會,明天應該可以,今日MISS LAM打嚟,我先知MISS LAM昨天冇返學,佢話有啲暈同頭痛,今日冇事有返啦 !不過到阿仔  ,我都暈 ...

媽珠

Hi! loloyen,

你仔仔冇事就好啦! 你就唔駛噉辛苦啦!
阿女今日心情勁靚, 自己動手食lunch. 今早一起身仲同我講掛住 Miss Lam (但兩日前又話怕  Miss Lam 打小朋友--我相信佢 發夢見到). 希望佢日日都掛學校就好啦!
頭先做速遞員送蛋糕去學校, 因為屋企附近啲麵包店嘅蛋糕好娘, 所以我去咗花墟訂立體蛋糕. 去到學校學校播放緊好輕快嘅 birthday song. 連我聽到都好開心

原帖由 loloyen 於 11-2-18 00:08 發表
HI!媽珠
今日阿仔返咗學啦,冇乜咳同鼻水,明天佢會好開心 !
你之前都有講過你女女情緒唔多穩定,你有冇問過女女點解,係未女女自己太介意自己做錯事,你有冇笑住同佢解釋件事,我諗你都有做,可能都要比心機去攪好 ...

媽珠

Hi! loloyen,

星期日阿女都有小小扭計話星期一唔返學, 我好直接同佢話唔返學就weekend 媽媽唔同你去街玩. 之後佢就成日問我幾時唔駛返約克英文幼稚園, 我答佢讀完 N1, L2, U3 之後就要讀小學. 佢竟然唔要讀L2. 要升U3 . 因為佢 L2 冇 friend U3 先有車友, 所以響佢 concept 入面冇 L2 呢樣嘢!  又話U3一家要讀U3XX 班, Miss xx 嗰班, 我只好慢慢解釋比佢知, 要讀完L2先讀U3, 升邊班由學校安排. 唔係自己簡. 尋晚又問小一點解唔讀約克 讀要去第二度讀?? ???? 讀完小學又點?? 媽媽而家有冇返學??

我而家終於知道有人話小朋友大啲就要買套"十萬個為什麼" 等佢哋自己睇嘅原因. 不過阿女問我噉多嘢都好過佢扭計對住我 .

我上星期有同 Miss Lam 講過阿女嘅問題. 我相信阿女而家回復正常, 無曬"放假後群症" 啦!! 今朝阿女問我知唔知佢仲驚唔驚 Miss Lam, 我實答唔驚啦!! 佢好開心噉話我答中, 但佢怕 Miss Lam 今日會病咗 返唔到. 因為尋日佢哋成班一齊大叫令到 Miss Lam 頭暈暈
阿女個蛋糕係一個立體 4 字, 上面有好多立體"粉紅+ 紫色" 玫瑰, 你仔仔都有留意到呀! 不過阿女嗰日太開心啦! 問佢咩都唔知, 淨係知自己食返自己個黑森林蛋糕, 個蛋糕好好味, 入面又有啲好好味嘅啫喱. 個蛋糕牌Miss Lam 話只可以睇唔可以食. 但你仔仔記得唱歌 to my dear friends, 佢又 咗啦!


quote]原帖由 loloyen 於 11-2-18 23:52 發表
hi!媽珠
我都話你女女今日會開心架啦 !因為今日有份生日,今日我冇去接阿仔放學,你有冇去?你有冇同miss lam傾下,希望可以快啲改善下情緒問題! 阿仔今日放學返嚟都係咁唱happy birthday to my dear fri ... [/quote]

媽珠

Hi! loloyen,

你仔仔肯食多元化嘅嘢就好啦 ! 可以吸收多元化嘅維他命.

你仔仔跌親但冇事就好啦! 我最怕小朋友跌親, 由其事夏天, 因為膝頭實跌損流血, 眼見真係仲痛過自己跌到.

阿女講咗兩日話明天Miss Lam 會教佢哋種花, 佢不知幾  , 佢話 Miss Lam 同Mr. Win 分別都講過點種花.

星期五有成績表. 我都好緊張呀!!
頭先阿女放學唔肯上校車, 學校有打比我, 但我聽唔到. 今日我早咗一個站接阿女, 見到佢個怕醜仔同學佢竟然主動話我知. 原來阿女想我接佢放學然後帶佢去 Element 玩. 真係比佢

媽珠

Hi! loloyen,

過年前完咗個course, 冇再同佢續啦! 因為佢有幾堂都 , 仲要 足大半堂, 好 . 其實佢唔係特別好想去溜冰, 佢只係想我同佢出街玩. 有幾次我比兩個choice 佢, 佢都冇簡溜冰. 有時同佢去溜冰, 佢聊唔到人同佢玩佢就冇心機玩半個鐘就走, 平時有人同佢玩佢個幾鐘都唔肯走. 不過我同佢講得好清楚, weekend 先去街玩.

星期五我都會去接佢, 等阿女開心下. 又可以同Miss Lam 傾下. 不過而家放學唔比響playground 玩, 全部要即刻走. 我上星期遲到5分鐘, 阿女同啲未走嘅小朋友出曬課室外面等家長, 因姐姐要清潔. 噉都好, 學校注意衛生, 係好事 .

班長由 Minnie 同馬x恩(上次birthday party 要同阿女一齊吹 candle 嗰個女仔)做, 其實阿女好想做, 之前有叫佢自己同Miss Lam 自薦, 佢又唔怕醜, 而家我只有安慰佢話佢喊得太多, 所以做唔到住, 因班長要幫老師手做嘢. 唔喊同好乖先會可以做. 你仔仔唔一定做唔到班長, 好似以前讀書噉有啲老師會啲乖嘅做, 有啲要無記性嘅做, 有啲要跳皮嘅做, 最緊要睇下選班長係咩 purpose.

阿女話而家上 Mr. Win 堂要去red door 房, 入面有鼓.....

上星期同Miss Lam傾完，　阿女呢個星期都好開心 . 今朝仲有個秘密同我講, 佢話 Miss Lam 話佢兩個係好朋友, 但唔可以 比其他小朋友知, 如果唔係其他小朋友會唔開心. 只可以講比爸爸媽媽知. 阿女話Miss Lam 係佢好朋友所以佢好開心.

媽珠

Hi! loloyen,

首先要恭喜你, 我知你而家一定好開心. 我見到 memo有你仔仔個名, 我都"登" 你開心.

Miss Lam 有講過佢哋種咩花. 因為阿女有同我提過.

我以前聽過啲朋友講, 小朋友除咗響屋企練真琴, 亦都可以叫佢哋出街時一坐低(坐車/食飯) 都練下彈空氣. 噉樣都可以令手指靈活啲.

原帖由 loloyen 於 11-2-25 00:33 發表
hi!媽珠
你女女心情好番晒就 ,我諗miss lam會唔會同每個同學仔都係咁有"秘密"呢 ,今日我問阿仔係學校學乜,佢話種花,問佢種乜花又唔知,問佢種花有乜,佢只係講水同泥土 ,班長我都有問過佢係邊個, ...

媽珠

Hi! loloyen,

我都好安慰 同開心. 因為佢阿媽我都未試過考第三!!

不過我知 Miss Lam 冇同佢哋提過. 因為阿女自己都唔知.

原帖由 loloyen 於 11-2-26 01:58 發表
HI!媽珠
恭喜你女女考第3名,我諗你好安慰同勁 !

媽珠

Hi! loloyen,

其實我嗰晚都有開心到瞓唔到. 不竟見到小朋友開始成長而且有成績仲有獎攞一定更加安慰. 我知學校係唔想打擊小朋友嘅自信心所以唔同佢哋提成績, 但又想鼓勵一啲表演突出嘅小朋友所以有獎比佢哋. 以我所知名次唔係個個有.
你仔仔隻眼有無睇醫生呀! 我相信係有小小污糟嘢入眼, 滴眼葯水應該冇事.
其實我個女有時講嘢啲音都唔準, 我會教佢講正音. 之前有同佢讀唐詩, 等佢正音同學背書.
你仔仔開始有自己嘅興趣 都好啦 !

我張 invitation  card 係 11:15 到, 11:30 開始. 我估可能全部N1 一齊攪. 唔知多唔多人去 ? 公公, 婆婆同麻麻都想去睇下.

3月25日係教師發展日(friday) , 你睇下你哋有冇時間去 Disneyland. 你同你仔仔講 disneyland 要book 先可以去住o架! 因為好多乖嘅小朋友要想去同 MICKEY 玩.

原帖由 loloyen 於 11-2-26 03:01 發表
HI!媽珠
我有小小開心到訓唔到,阿仔由一個好唔合群唔食茶點唔聽老師指令,現在可以改到攞獎,我真係好安慰!今晚MISS LAM都有打比我,原因今日阿仔係學校有些唔正常,所以打嚟問下阿仔有冇事,因為昨晚阿仔臨訓覺既時候左 ...

媽珠

Hi! loloyen,

我會等學校假期同阿女去disneyland, 3/5 及3/25都有機會去. 有緣嘅話實會見到嘅.

名次唔會個個都寫響成績表, 我睇過以前啲 york mama post, 好似排到第 10 名, 之後就唔會排 . 唔想小朋友唔開心, 又唔想成績表唔靚, 因為第時要考小學嘛! 人哋見到名次排到第20 名, 點都會有影響取錄成績!

眼發炎係小事, 唔好唔開心啦! 叫仔仔唔好"卒" 眼, 同叫姐姐同佢洗干淨啲毛巾同手巾仔就冇事啦! 我相信你仔仔下年會小啲去睇醫生o架喇! 話曬吸咗成年菌, 會有返噉上下抵抗力o架喇! 我個女讀咗 N1大半年, 我都係同佢睇咗一次醫生咋!
星期五朝見.  

原帖由 loloyen 於 11-2-28 01:09 發表
HI!媽珠!
我都係11:15AM集合,可能嗰個時間係N1D1領獎時間,到時可以見到你 !DISNEYLAND我已經BOOK咗,你有冇興趣一齊去,我會好開心 !
SORRY!我唔係好明白你講既'以我所知名次唔係個個有"可否解釋一下,TH ...

[ 本帖最後由 媽珠 於 11-2-28 15:56 編輯 ]

媽珠

Hi! loloyen,

有緣實會見到嘅!

我其實都好驚阿女下次冇獎攞! 不過我知keep 住同佢溫, 佢記得學校教嘅嘢. 考試應該冇問題. 但攞唔攞到獎就好難講. 因為每個小朋友都會有進步.加上有冇獎唔係全部 100 分就一定有. 所以我會叫自己平常心 , 但下次冇獎攞我個心一定唔舒服.

上星期五放學同阿女食tea 時睇到成績表我自己不知幾開心, 即刻問佢知唔知自己考第幾? 佢完全唔知我講咩 ! 我好開心 噉話佢知佢考第三, 佢竟然語出驚人"我唔鍾意考第三, 我要考第一!" 我同佢解釋佢全部成績都好好有 A, 但可能平時上堂有小小唔乖同扭計喊, 所以 MODELLING & CONSTRUCTION 只有"B". 所以唔可以考第一. 下次乖曬同考得好先或者考到第一. 不過諗返轉頭阿女根本唔知咩叫第三, 響佢 CONCEPT 入面 只有第一, 其餘全部都係輸. 要佢大啲先會識得開心.

原帖由 loloyen 於 11-2-28 23:59 發表
hi!媽珠
你選擇個兩日有一日係我會去既日子,唔知會唔會見到你女女呢?
眼睛已經冇事啦,thx!希望如你所願,下半年唔使睇咁多醫生!
原來10名後冇名次架,真係唔講唔知 如果下學期阿仔張成績 ...

媽珠

原帖由 cowboy2007 於 11-3-4 16:07 發表
"人生梗有起有跌,不過跌落嚟都要教佢起身" 好正面!!!

我希望小朋友開心學習，喺學校學到嘢. 除學術上，社交及品格培養亦很重要呢.......

這只是在起跑線上的初段，這場馬拉松有排走呢

...

媽珠

Hi! loloyen,

考第一嗰位同學仔唔係Jacky, 係Adam 先真.

頭先放咗流料o添!

原帖由 媽珠 於 11-3-4 22:12 發表

媽珠

Hi! loloyen,

SORRY! 嗰日我走去問阿女其實我個問題都問得唔好. 我淨係問阿女嗰個係 JACKEY定DONALD, 佢當時周圍望 就同我話係JACKEY.....  因為阿女成日周圍八(專注力唔夠) , 所以我平時問佢嘢如果比CHOICE 佢簡佢實亂講.

OK啦! 好彩嗰日唔係太多人, 都玩到好多嘢!
睇佢都未係好知咩係第三, 因為 C6問佢佢都淨係話要第一....
我見阿女嗰日上台攞獎噉醒目 , 佢話原來之前 Miss Lam 有教過上台禮儀o架!
嗰日阿女唔肯影相, 淨係周圍走, 所以好難先同佢影到嗰幾張相, 你睇佢啲相全部都想走老噉o架!!

原帖由 loloyen 於 11-3-6 00:39 發表
HI!媽珠
原來你報咗流料,本身我問阿仔睇相時,佢話另一個叫JACKEY,我重話佢錯,因為JACKEY考第一,都唔係嗰個樣,咁我話錯阿仔啦,明天要同佢講SORRY先 !唔使驚冇 你 !
昨日同女女去完迪迪尼玩得 ...

媽珠

Hi! loloyen,

細路跌跌下先大, 阿女上星期同表弟玩時都響床到跌落地下, 得不知幾大聲. 因為佢怕隻腳"魚" 咗 . 我依家見佢跌得多都慣咗, 最緊要唔好跌到入醫院就得啦!
你仔仔而家開始識report 比你知學校嘅嘢喇! 即係佢知自己做咩啦!

下星期應該C6會一齊去觀課. 佢哋而家已經秘密操練 (阿女話秘密 嚟o架), 到時要比爸爸媽媽睇到佢哋叻叻.

Mr. Win 上星期已經冇返, 唔知係咪冇做呢!
而家所有地方都係同胞較多o架喇! 嗰日人唔多所以唔會出現打尖情況. 但之前我都見唔小, 不過我唔會忍一定會出聲 . 你唔出聲佢哋仲狼死. 排隊排到"慶" 佢仲打我尖. 真係找死.

有啲地方有琴租o架, 你留意下啲分類廣告.



帖由 loloyen 於 11-3-8 03:19 發表
HI!媽珠
我冇 你,唔好咁 !
我見到啲相你哋好似要用力摟住女女影,你唔講真係唔知咁好動 !
今日學校下午又打嚟,又係跌親,不過今次係右膝頭,又係冇喊冇流血,同上次一樣,真係比阿仔激死又擔心:thi ... [/quote]

[ 本帖最後由 媽珠 於 11-3-8 14:34 編輯 ]

媽珠

Hi! loloyen,

我個女都係好沽寒o架! 唔知點解佢好細個嗰陣斬已經係噉. 佢一歲前都係住公公婆婆屋企, 由公公婆婆帶大. 4, 5 個月大時公公同佢講話婆婆生日, 叫佢出錢買個蛋糕比婆婆. 佢竟然發出不滿嘅聲音 . 公公嗰日試咗問佢幾次同一個問題. 佢竟然同一個反應 .  有時我家姐同佢玩叫佢借晒啲錢比佢(嗰時佢未夠1歲) 最多計返息比佢, 佢都係say no. 而家佢開始知道錢可以用嚟買嘢, 我就同佢講佢啲錢要留起筏大個先用, 而家細個冇咩嘢要買, 所以唔好隨便將兔仔啲錢攞出嚟. 因為佢有時會攞啲錢出嚟玩.

我個女都係噉, 佢直情話你叫佢快啲佢就慢啲, 你叫佢停佢仲郁快啲....... 你話係咪激死人....

不過最煩都係喊唔停. 我最怕...
秘密我都知, 因為阿女要我同佢一齊做...

個傻妹頭先問我佢今日坐校車返學, 我係咪坐的士去學校. 佢以為今日係觀課日.

原帖由 loloyen 於 11-3-9 03:24 發表
HI!媽珠
我現在間屋係放唔到鋼琴,只可以放數碼鋼琴,今日放學已帶阿仔去試想買個部YAMAHA,佢話鍾意,咁就比咗錢啦,跟住返到HOME,我叫佢比兔仔錢箱啲錢我,因為你要買琴,所以有責任比,開頭佢都ok,到我真係拎佢啲錢出嚟, ...

媽珠

Hi! loloyen,

可能 2樣功課對佢哋嚟講太多 , 所以都係間中先比兩樣功課佢哋做下.
不過我要阿女練習坐耐啲, 所以我叫佢大部份嘢都要填色, 好似今日隻孔雀都油得幾好, 同我口中嘅 colorful 好接近, 不過佢唔係成日都聽話. 有時氹極都唔肯油顏色.

2號嗰度如果淨係內部裝修我估趕到. 話晒都仲有4 個月時間. 不過如果再起過就一定趕唔到啦! 課室問題都係要校長自己度 惦佢啦! 收小啲 N 班? 縮班? ...... 我相信對PM 班影響唔會太大, 因為下午學生小啲.

原帖由 loloyen 於 11-3-9 23:44 發表
HI!媽珠
今日阿仔應該冇喊,放學重有粒糖,係MISS LAM比既,呢排少咗一本功課 ,唔知係未老師見佢哋係學校要排舞辛苦,放咗學多啲時間休息 !唔知2號個度趕唔趕得起好,我睇就唔得啦,有啲擔心到時啲課室唔 ...