資優兒常被學校投訴 ?

小曳人

先抱歉~
我兒係需要學校作出調適嘅資優兒
我自問家教上，唔會太縱容，都有要求
但對孩子情緒上問題 (情緒波動大，偏執) 呢樣嘢呢~就唔能硬碰硬

响學校，我收到嘅唔算係投訴，我估算"報告"
當偏執問題出現時，如果老師唔識處理，就會變得好難搞，咁呢d非一般對待學生嘅手法，算唔算包容？！
咁，如果老師都係情緒波動好大嘅人，激到出手，到低係我包容緊老師，定老師正常處理學生手法(唔包容)係正確？！ (我只想講：處理手法的確要睇學生性情)

其實，老師上課要處理咁多學生，你叫老師一視同仁，定當睇唔到會對其他學生公平d？
我唔清楚其他人case，但以我仔case，老師唔處理佢 (當佢唔存在)，會比處理佢對大家都好，亦較開心
老師都係人，佢d自自然然會選擇好過d嘅方式同資優兒相處，除非... 真係見到d等退休嘅，唔識處理，只懂排除法，唔駛我仔上課，堂堂企走廊！

我仔係咩問題？佢只係識哂老師要講嘅野，or 幾分鐘內明哂，會起身自由行(但好快會坐返低)，或者突然爆一句說話出嚟
當學校行政上唔會作任何野嘅時候，孩子只係日日返學校坐監，一個個腦轉唔停嘅細路，又點可能叫佢悶到大半日？！ (sorry，我知有人得嘅) ，佢做唔到，同家教無關，呢樣野... 幸運地阿仔咁多任班主任都明白，如果一位資優兒家長唔明白呢點，好大可能佢係一位幸運兒，孩子品學兼優，唔需要家長操心

每個孩子都唔同，各自需要都唔同，如果得到學校老師禮諒同關顧，就唔會有"投訴"，如果社會能禮諒自閉、讀寫障礙學生，點解偏偏就唔能夠體諒資優兒？係咪佢得到咗d，就可以睇唔到佢缺乏嘅？！

現時教育大學課程對兒童心理學，SEN學生處理問題，教學時間好短 (聽講係十小時內)，家長無授到相關教育，好希望老師訓練時，得到多d對SEN學童了解嘅課堂

小曳人

王家爸爸 發表於 18-6-5 15:21
講得啱，唔少SEN家長既心態係想自己既小朋友被「被優待」，結果當然係大家都唔開心。想「被優待」應該讀返 ...

請問，香港除咗十多年前有過一間主要收資優生嘅津校之外，仲有邊間津小？
如果無，咁政策上又玩共融，老師又唔夠資源去再培訓，呢班人仔又唔可以被體諒，咁可以點？！


最無奈係，呢版係討論資優教育，响HK嘅資優教育好落後，家長們唔係去爭取對老師/學校/孩子/家庭嘅支援，反而歧視呢班小朋友 (and / or 佢地嘅家長)？！

可能，最需要教育嘅係呢班家長，唔係大眾！

小曳人

王家爸爸 發表於 18-6-5 15:23
如果問題嚴重，一定需要面對現實，著手處理，唔可以靠正常學校既老師，佢哋無接受過特殊訓練。
...

唔可以話係靠老師
而係佢地需要一技旁身！

信我，連社工都幫唔到手，但教育心理學家又唔係服務gifted，只係俾其他SEN (除非係双重中獎)
教師响呢種情況底下，變咗係第一身同孩子相處，唔訓練老師，大家都會痛苦！

我都對孩子嘅心理學/行為學上/教育上嘅教育，一定比教師少！
但我好好地令到個仔明白事理，但唔識溝通嘅老師就响學校激化情緒問題 (仔有努力過控制架！)，然後自己郁手推個小朋友，咁~ 仲唔係老師要培訓？！

小曳人

jumphigh 發表於 18-6-5 21:47
本帖最後由 jumphigh 於 18-6-5 21:52 編輯

其實你說的並不是情緒易激动孩子上堂的情況，我估大部分中 ...

這些並不是常態
我講嘅唔係無原因下搞破壞發脾氣
你講嘅人，可能要見精神科！

小曳人

我講嘅唔係唔理佢，隨得佢，我講嘅，係... 能力較弱

就好似自閉症，同外界溝通能力弱
好似讀寫咁，佢要多d時間，多d方法去應付問題

有情緒波動問題嘅人亦然
我兒唔係上堂搞破壞嘅人，曳唔輪到佢，佢只係有時自由行，你可以話係騷擾上堂，但同學老師都習慣咗，當睇唔到
但自由行嘅，其實又唔係佢獨有

如果要極端化問題，要寫個等號係家長唔理，就等於指住個自閉症話無家教，你見唔到人家付出N倍嘅努力，好多好多時間同錢，但成效可能係10到8，但8你都接受唔到，所以係無家教？！

我都等緊長大，因為到青春期會較收埋自己，見到好多前人都有好大改善
上到中學又係另一個世界...

有時會諗，我兩個仔，一個教極功課都係呆下呆下，但聽話有禮人見人愛！
一個唔駛理讀書，但就係少少事都發脾氣，話唔開心，又蝦細佬！我成日覺得自己對唔住個細嘅.... 花响哥哥身上嘅資源多過細佬係倍數，特別係處理佢情緒問題，play therapy 千幾蚊個鐘，年幾駛咗我十萬，如果係要安個名話我無家教，你睇下細佬先講！同一個阿媽生架！點解教到兩個極端？！
答案好簡單，佢地係獨立個體！有唔同特質！ (唔係家教唔同)

小曳人

jumphigh 發表於 18-6-6 08:53
唔係冇原因的，佢一样會话係因為闷

因為佢個腦轉得比人快
所以先要調適！
社工同老師溝通咗，盡量安排俾佢做小幫手，小老師
所以，係可以响有特別安排嘅情況下，達到各方面都有得益局面！