瑪利曼小學

flower99

小學暫時在北角雲景道,因跑馬地未裝修完,不過07年好似可搬回去了
英文小學所以上堂係用英語教學
P.1-P.3都無考試但1年有4次測驗

flower99

如果能夠考入銅鑼灣聖保祿,而且屋企經濟又許可的話,當然首選銅鑼灣聖保祿啦!需然我女女讀o緊marymount但我都係咁話,銅鑼灣聖保祿長遠睇係比marymount好少少.

flower99

老師私下打比家長係好事,起碼知道自己個小朋友邊道出問題,唔想直接話佢傷佢自專心和害怕去面對老師,希望和家長諗方法解決,但講到程度跟唔到要轉校就一定唔會,因為佢地既老師好好,平時就算邊個成績唔好,都唔會在全班同學中講半句或奇示,所以老師和同學間感情好好.小朋友升上小學後既學習程放我諗每個家長都好想知,有老師肯私下打比家長講,我諗飛身去接聽個電話都黎唔切啦!唔通等派成績表見到科科肥佬先保救咩!出面又有邊幾間學校既老師肯課餘做咁多無謂o野呀?自今年瑪利曼轉校長後,我見到有好多好的轉變,無了面試,校長還親自教低年級的phonic,總括真係間好學校.

flower99

bbqueen,
我本人只係鍾意銅鑼灣聖保祿中學多D,感覺英文會再好一點,所以如果小學能夠咁好彩考入,我都未必會放棄,你都知銅鑼灣St.Paul幾串,又唔派報名表,要人自己交份profile比佢睇.
但讀瑪利曼我相信會比銅鑼灣st.paul輕鬆,因為佢地低年級無考試無名次,而且又活動教學,功課少和多數在校內已完成,我女女每日放學返來如果唔係我規定佢要溫書,我諗佢實由3點幾玩到夜晚為止.
我唔太清楚銅鑼灣st.paul小學的英文程度和瑪利曼比,分別有幾大,但我女女由開學到現在,老師用全英上課已不成問題,還能獨自看英文故事書,而且聽佢講過英文既朋友都會估佢地係外籍老師教英文,因女女既口音好正中.
我有朋友在銅鑼灣st.paul中學畢業,佢英文程度好高,出去見工好多老板見係出自銅鑼灣st.paul中學,都已好似係一個信心o既保證.

flower99

marmount功課平均都只係兩三樣,而且叫回家朗讀課文都算係功課之一,咁又點算多功課呢?而且佢地都係得中文,聖經和普通話係中文教,其餘科目都係全英上堂,所以程度一定唔會差過銅鑼灣st.paul,老師個個英文程度都好高,無論由寫ABC英文字母到發音都係教得好正中,我本人都係睇見女女寫英文字先知正確o既寫法,我都要跟佢再學過,唔好睇少26個英文字母.至於擔心由普通幼稚園升上小學,這點唔使擔心,因為初期老師會相語(中文和英文)上課,直至大家都可以用全英為止,其實最緊要係個小朋友肯發問,好過齋坐遲早實發夢.新校長係舊生,比較年輕,但唔好睇少佢,佢好了解間學校o既需要和教學方針,好多家長都比較接受佢o個套,而且小朋友每次見到佢都好開心,好主動咁親近佢,佢唔會有嚴肅校長款o既感覺.

flower99

Evolution,
在manymount的timetable裏,每日臨放學前一堂叫self study,係比學生做功課或溫習用,需然有老師在場,但無硬性規定佢地一定要在做o緊功課,當然梗有些學生會做了其他o野消磨這段時間,而且我諗老師一定唔會唔比佢地做功課,因為反正這段時間已訂o左係到.不過低年級學生老師就一定會係要佢地做功課,此終佢地細個,而且我亦應為家長都需要同女女講明在校完成功課的好處,好等佢地唔會浪費這段時間做無謂o野!

flower99

我女女當年都係淨得宗教分,但都要在大抽獎時先派到,因為無姊妹讀我又唔係舊生,當時點夠人爭. 佢唔smart和brilliant,因為佢唔鍾意中文,所以中文科讀得比人辛苦.這亦都係我死都要入到marymount的原因.佢現在已習慣MM咁輕鬆的生活,功課少又無考試,我又只係淨針對佢中文一科,睇怕拍佢都唔走,好等中學時先再決定,因我都係鍾意SPC中學多過小學.