adhd女

coffeejoeybb

我好奇想問，疑似adhd小朋友係專注力上不足會唔會影響佢思考同理解能力？因為我發覺我女係中文閱讀理解上，好似唔多明，往往都答錯晒題目，而且佢會死記答案，一旦轉左方式去問，就會亂答，幾個月前做既練習答案，佢又會記得晒全部答案，作文字題，佢又答返幾個月字既一樣答案。佢特別抗拒中文同閱讀，k3果年去足一年圖書館，陪佢睇陪佢讀，但佢係心不在焉，周圍望，周圍行，又呢又路，佢天生不愛閱讀，咁我可以點幫佢，學校已經搵左心理學家同佢做下d記憶力測試，佢返黎就話好簡單，咩都識。但佢考試都係咁同我講，但返到黎係全錯。佢本身好懶，但有小聰明，但一埋牙溫習就呢樣果樣，好似咩都記唔到入腦咁，我唔係要佢考試高分，但有時覺得佢太懶太hea,完全冇對自己負責任。辛苦、熱、攰、餓 ，曬都會喊。冇特定興趣，全部三分鐘熱度，淨係鐘意玩同食。黎梗升小三我擔心佢進入少女期，更加不秋不睬。唯一堅持係去學roller,不過都係我迫佢去，維持左兩年，但不停被師弟妹追過進度，因為佢認為岩既，叫佢改，比死更難受，會喊住練習，到現在，佢仍然會數手指計算，係咪佢太簡單？總之佢覺得岩既野，佢唔會改，或者咁講，佢認為做到既，就唔需要用其他方式。所以睇住佢，係一路退步。我都好想佢去參加下制服團隊，學下守紀律，但佢真係非常黑，冇次面試成功，我唔知佢係入面答咩同玩咩，我真係頭都大埋。叫佢去打下羽毛球，佢又嫌曬嫌要跑來跑去接波,我可以點算。唉。

coffeejoeybb

bestwish 發表於 17-6-15 15:04
你呢D問題好普遍, 有冇ADHD都會有。

首先睇下學校有冇投訴, 學習能力會唔會太弱。先考慮作去詳細評估 ...

佢已經成日比老師投訴遊魂，坐唔定，周身郁，慶幸佢冇騷擾人,只係成日發夢，同冇同理心，唔顧人感受,極度自私

coffeejoeybb

chowqv 發表於 17-6-16 04:48
有睇醫生嘛？醫生有開藥嘛？

仲排梗，現在只係係學校見下社工同心理學家。其實佢比小時候已經叫定左dd,但依然遊魂，周身郁，易怒，唔肯面對困難，一遇難題就逃避，一唔滿意就發脾氣，奇突地自私，而且發覺佢手仔唔係太靈活，開野食，做手工，往往唔係太理想。