請BK家長交流及分享爲子女選小學校的經歷與體會

CJma

我這一年爲小朋友選學校，真係有感觸。有小小經驗，也有疑惑，所以至今都對選擇有所猶豫，也想聽聽其他家長的意見。
  

CJma

我平日工作好忙，基本冇暇顧及仔仔的功課。所以最初我選中的小學係保良局馮晴，學校也都幾好，又近，離家步行只需5分鐘。我不在意仔仔讀中文小學，主要係將來一定要入英中。
我仔仔有個高一班的幼稚園同學，也係鄰居，已讀緊馮晴，由我家樓下一家補習社代接下午放學，然後補習社裏三個鍾，功課作完，書也溫過，父母放工接返屋企。常見佢一家三口晚飯後散步，真好羡慕。我問過，補習社收＄2580/月。我原本也咁打算。所以，舊年，我也冇搵私校打底，自行收生時選馮晴，冇入到。統一派位將區內區外都選馮晴做第一志願，之後就冇再關心學校的事，只等派位。（待續）

CJma

親戚朋友問起我如何爲仔仔選校，多唔認同我，話小學選既唔好，也難進英中。初時我幷不介意。後來仔仔知道同學都撿著小學（我們認識的都已經有學校在手了），唯獨自己還冇，竟然比老師講，要返大陸公公婆婆處讀小學。老師話比我聽，都奇怪佢點解有咁想法，我一再比仔仔講，爸爸媽媽一定會比佢讀緊間好學校。

所以，越近派位期就越心急，擔心派得好差，就急著補救，五月時寫信去幾間學校求後備位，但也唔考慮太遠既學校。此時，我既想法就變著，覺得若又要搭校車又要交學費，我就希望係英文小學，又要有直上既中學。（待續）

CJma

後來派著第一志願馮晴，聖若瑟英小也收著仔仔。好難撿！

我在BK上四處詢問，也搵朋友、朋友個朋友問，基本上既看法，覺得聖若瑟英小比馮晴好許多，冇乜難撿既，至于中學，若將來仔仔成績好，自然可以入得好中學，若係成績麻麻地，入到直屬既聖若瑟中學也都唔差。

所以而家决定選擇聖若瑟英小。不過因爲佢直屬中學唔係英中，也幾猶豫，主要係要交學費，就要考慮值唔值得。其實，我自己覺得學費＄1850/月算平既，但校車＄690/月就太唔值得，仲要七點前上校車，至少6：30需要起床！（待續）

CJma

寫信之前，我比較多瞭解了三間學校：真道，臻美，聖若瑟英小（按離家遠近排序）。

我的朋友們最稱好的係真道，但係問了兩個真道的家長，都很表示跟得好辛苦，因爲冇功課，程度又唔淺，家長只好多花工夫，小朋友到都鍾意學校。我冇乜時間跟仔仔功課，所以真道唔適合我既情况。據說真道也鍾意招全職媽咪的子女，想來也因爲全職媽咪比較可以配合到學校。

我最想撿既係臻美，也認同佢既教學理念，油塘距將軍澳也近點。不過，後來就驚佢學費漲得太快，擔心日後還會漲，有失預算。(題外話， BK上兩個家長會的TOPIC，提高了學校個知名度，但細心看，也知道也提高著學校漲學費的可能。因爲家長會的一些家長幾維護學校，幾支持學校增加學費。學校越來越成熟完善，有了漲學費的資本，家長又幾支持，……)

聖若瑟英小比較遠D，中學係中中。但係單從小學論，係非常之好既。

另一個考慮，真道臻美係直資，被直資學校收著就唔可以參加統一派位，所以已收新生不會流失太多，聖若瑟係私立，收著既新生可以參加統一派位，所以派位之後會有不少新生流失，所以對我就機會多D。（待續）
  

CJma

我老公見我煩惱，就話，不如再試下其他學校，但係唔要太遠，觀塘區要比聖若瑟近既，再就係北角附近，雖然跨海，其實較九龍灣近。我希望係有直上英中既全日小學，幾乎搵唔到。我又唔鍾意太新既學校，擔心各項配備唔够完善，變數多。咁就冇得撿啦！  當然，搵得到，也未必入得到！咁真個决定著了——聖若瑟英文小學。

CJma

其實我老公對選小學不以爲意，只係看我辛苦，不得不也表示關心。佢認爲，小學好壞能有多大差別，中學先重要。   

CJma

聖若瑟英小interview：

我也係BK上看到，最好父母一起陪小朋友去interview，表示有誠意。但係聖若瑟英小規定只可以一位家長陪同，所以我就讓我老公陪去，也係表示有誠意。還擔心會問家長是否認同教學理念之類問題，所以還逼老公作D準備，替他想了好些問題。結果返來就投訴：首先，都係媽咪陪既，我浪費佢半天時間，其次，冇任何人同佢講野，小朋友在interview時，家長係看唔到既。

我問仔仔interview既情形，好簡單，問了三個問題，廣東話，普通話，英文各一，廣東話問了日常生活既問題，普通話大約係常識，英文問了個好簡單既算數題。
   

CJma

easiness,

所以，我覺得我既選校策略錯著。
我聽講仔仔個同學,一早就叩門聖若瑟英小，也收著了, 統一派位跨區派到油天，最終選了油天。
我因爲冇考慮私校，爲求穩陣， 唔够膽博區外的名校。

另一個方面，我真既唔知道應唔應該讓小朋友咁遠上小學？權衡利弊，值唔值得？

easiness 寫道:
CJma,

請問最後你是否為小朋友選了聖約瑟?  我之前都有為仔仔報了此校, 已且收左佢, 不過最後九龍塘小學又收左阿仔, 所以最後我選了九龍塘小學, 本來一心讓他讀呢間學校, 但是大抽獎又派到first choice, 所以最後兩間都無揀!

CJma

cocomama,
我因爲LK LUK Hing To剛轉直資及英文教學，我擔心師資及配套未必即刻可以跟上。

cocomama 寫道:
PLK Fung Ching is good school but why don't U select PLK LUK Hing To which has "0ne-dragon system" from primary to seceondary school. Moreover , it is English school! Go to kock the door...........   

CJma

Thx,sisil.  

CJma

我最終選聖若瑟英小、放弃馮晴有兩個原因：

一是學校的band1生多少。馮晴雖然好，比聖若瑟還是要差D。

我曾經聽個朋友解釋banding的問題，banding除了學生自己的成績，還與學校歷來的成績有關，所以每個小學有個大致的band 1 數量（是教統局按學校歷來的成績分配的）。譬如，A校有10個band1生名額，B校有40個band1生名額，C校有100個band1生名額，其實學生冇咁大差別，入A校進不到前十名，冇可能band1生，若入B校可能入40名，就可能band1，若入C校，基本在八九十名，肯定係band1生，所以家長要讓小朋友入到band1名額多個小學。

不過，這還是其次，也算唔到仔仔畢業時點樣。主要係英文水準。

CJma

我覺得都係改革教學語言出著錯。
其實我希望仔仔中文、英文都要叻，所以，中小+英中也不錯。但係而家教統局推銷母語教學，英中少，中小與英中的教學語言冇規範的銜接。所以，我覺得既然可以入英小就讓佢入英小啦，不至于將來入到英中因語言問題影響學習其他科目D理解力，反到本末倒置。
而中文至少周圍係中文環境，我自己也有自信可以幫到仔仔中文寫作。

我曾經聽個大學教授講玩笑，佢話，我也好贊成母語教學，我在課室裏用英文覺得不如中文講課生動，所以可以體會中學教師更有難處。不過，我個小朋友仲要讀緊英中。

所以，我覺得教統局不需要規定教學語言，係要規範。點解一定要規定母語教學，點解唔係雙語教學？聽講教統局規定英文授課就唔准堂上講中文，其實倘若用小小中文補充，可以更生動也未嘗不可，但係用英文授課的老師英文一定要正，先係最重要既。而家有些措施讓人感覺爲措施而措施，忘了目的。
   

CJma

我比較不安的係要讓仔仔咁早起身，搭校車要一個鍾。

另有個唔明個問題要請教BK上個家長，聖若瑟英小係私校，升中校網屬邊度？    

CJma

Thx，easiness，
我原先擔心私校唔可以跟學校嘅校網，可以跟，當然係觀塘中學好過將軍澳。
不過，我剛剛得知我家附近搭校車嘅時間係6點7，先前我電話詢問答覆我7：00前，接近7：00。

easiness 寫道:
CJma,

聖約瑟中學是18區觀塘網, 升中可以選小學(觀塘)或住址(將軍澳)個網! 不過升中選觀塘個網好O的, 因為將軍澳唔多英交中學!