有無2000年九月後出世小朋友唔參加統一派位架?

EASYMA

大家研究O下呢個問題呀!!

EASYMA

請問會k2 repeat 還是 k3 先repeat 呀?

EASYMA

遲一年報小一因為我覺得細仔真係遲熟, 雖然都跟倒但係真係無大仔o甘快, 此終而家(k2)學o既野都重係好淺, 一上到小學就會好明顯, 我問過d小學生家長, 佢地都覺得大仔係班裡面係突出d,重有第二個原因就係唔想第時中學又爭過, 龍年真係無o甘著數!

有無人係考慮今年唔參加統一派位, 只考私校?

EASYMA

其實都唔關小學派位好唔好事, 因為我聽過一d小學家長意見, 佢地都異口同聲話後悔當年無遲一年讀小一, 小一小二時成績都不及大仔, 反應又慢d, 有些甚至跟不上, 小三要轉校!

另外都睇到自己屋企兄妹成績, 大細的差別同成績真係有關係, 所以先作這個決定!

多謝提醒, 我指的是今年會考私校但未必入讀

EASYMA

Zimba

我都有同園長討論呢個問題,  佢都覺得小朋友唔係跟唔上, 而係比較慢少少, 無其他大仔大女咁主動, 所以我計劃repeat k3, 我個仔同你個一樣都係一心諗住升k3, 所以我都比佢照升上去, 今年就唔參加統一派位, 但就考私校, 再睇佢今年表現如何, 如果佢進展得好, 就會比佢升上去p1, 真係跟得唔好就repeat k3, 我唯一顧慮就係佢心理問題, 同埋好唔好真係放棄統一派位!

你呢? 會有咩計劃同顧慮呀? 講出嚟大家研究吓, 或者我無考慮你諗嘅問題!!

EASYMA

我唔同佢repeat k2 除左係要佢再寫a-z好悶之外, 仲有就係佢之前已經係另外一間轉過嚟, 而且e+讀呢間真係係一間好學校, 而且有自己小學, 所以我真係唔想再轉校!

個心成日十五十六....都唔知點好, 佢又係講野好老積o個種, 一時又覺得佢係ok, 一時又覺得佢好bb, 但佢性格都叫做唔怕羞, 肯講野重好多野問

今年龍年多小朋友, 私校都好可能唔收細仔, 所以都係睇佢有無私校肯收, 如果一間都無, 就唔使考慮一定要repeat k3 la.

EASYMA

zimba,

就係因為佢插班k2, 我先唔想佢repeat k2, 因為又要重新再認識同學仔, 而且你諗吓, 要佢再寫過 a-z 佢會幾悶,  我個仔性格上唔鐘意做重複嘅野, 所以我才不願選擇repeat k2, k3 會多變化一點, 因為已經懂得寫好多字, even repeat k3, 都可以培養佢睇多d 書, 寫多d 生字, 而且我相信佢係k3會睇得好清楚佢得唔得, 因為k3 會有默書同串字, 如果發展得唔好嘅(可能心智未成熟), 都可能會對呢兩樣野好抗佢, 如果睇到佢無問題, 就直接比佢升p1