我的兒子做事好求其!

pigpig

JAY媽，
好耐無上黎，因為上3個星期，屋企部電腦壞左，剛剛先整好
你最近好嗎？你囝囝點呀？
我最近都係要同小雪鬥智鬥力，攪到成日都鬧佢，覺得自己好變態 :cry: 但我又真係忍唔住....唉........

pigpig

JAY媽，
我呢排都係得番半條人命 小雪咪就係樣樣要同我理論囉，我以為自己參加左辯論學會呀！
佢呢排出親街，就要扭我買野，我唔買的話，佢就開始同 我理論，佢又唔係喊，係不停講唔同的理由出黎，要我認同佢 攪到四週圍D人睇望望，陰陰嘴笑....最後要我好似傻婆甘講“你再講100句我都唔會買ga啦！”佢先收聲 :cry: 雖然明知唔應該甘講，但又可以點做呢？
最近用了好多時間去說教，連我自己都覺得自己煩
但唔講又點令佢明白呢？你話係咪激死我啦？

pigpig

JAY媽，
總之呢排就攪到自己好似傻婆甘呀！唔識我既人，仲以為我變態呢，幾日對小雪惡到死 其實，我都唔想ga，但佢真係聽我講先得ga 一有野唔順佢意就發癲，又無禮貌又自私....有時我會諗，點解我個女會甘ga？

pigpig

Sindy 寫道:
[quote]
pigpig 寫道:
小雪咪就係樣樣要同我理論囉，我以為自己參加左辯論學會呀！

佢呢排出親街，就要扭我買野，我唔買的話，佢就開始同 我理論.........係不停講唔同的理由出黎，要我認同佢

我仔又係開始咁啦...........但佢d理由..........都唔係理由黎既....求其講樣野出黎,九唔撘八,就以為過得骨.............呢排湊返佢,都好煩下呀.......[/quote]
嘻...嘻....我諗我依家已經係辯論學會會長黎ga啦
你點解要自己湊佢？你無返工咩？

pigpig

JAY媽，
唔會嫌你長氣，唔俾個機會你，你點可以講出心聲呢？    其實，大家上黎，都係交流下、分享下....有時唔講，個心會唔舒服呢
其實，小雪唔發脾四時，真係好可愛 <----呢個係我話既
昨日我老公有野做，我自己帶佢去海洋公園，佢又幾乖，無咩扭計，所以我同小雪都玩得好開心....
其實，有時我自己對小雪太惡時，我都會後悔的，覺得自己好唔岩，所以夜晚都會失眠呢.... :cry:
總括黎講，雖然小雪的缺點都有時幾難受，但佢都有好多可愛之處
好多謝你的鼓勵呀！你都要努力

pigpig

JAY媽，
我好同意<<一啖砂糖一啖C>>  
小雪大約1個月前開始，上通利的音樂班，番左幾堂，就扭唔去上堂，話唔鐘意，好悶 老師只不過叫佢彈一個音，佢都話好累唔肯彈，俾佢激C......不過，我同老公都決定俾佢上多幾堂，再作決定
上畫班，佢又係甘，話好悶，甘我咪話不如唔好學囉，佢竟然答我：甘又唔好，你交學費，我去坐下都好呀！
你話係咪激到你命都無呀？

pigpig

JAY媽，
小雪講野真係隨時會笑死我ga
佢昨晚係的士，不停問我同老公，點解唔生多個BB，佢話要女仔，甘我話如果生左男仔甘點呀？小雪答：我都要，不過想要女仔BB多D....跟住佢再諗左一陣，就問：點樣先可以生女仔BB？係咪問護士，同佢講要女仔BB就得？
笑到我同老公，仲有的士司機CC下呀！
其實，小雪由上年9月份開始，都已經有上興趣班，音樂班同畫班，係由4份先開始，佢之前上開英文班同普通話班，佢又無問題；不過，佢自細，我就覺得佢音樂天份唔高，唔係聞歌起舞的一類，我要佢上音樂班，只係想訓練佢的專注力；小雪話佢唔要學音樂，一學就要學小提琴 我話你要學小提琴，都要學好睇5線譜啦！佢就唔出聲
小雪學校有暑期玩，返去玩下，我諗我多數都會俾佢返，費事佢放完一個暑假唔番學，又有煩野

pigpig

Sindy 寫道:
無啦,我仔學校四個月有兩單手足口病呀,學校有隱門真相....所以我唔敢比佢返啦........

[quote]
pigpig 寫道:
嘻...嘻....我諗我依家已經係辯論學會會長黎ga啦
你點解要自己湊佢？你無返工咩？

[/quote]
嘩！    嘜甘勁呀？成兩單？係咪學校清潔做得唔夠好呀？
甘你囝囝最近咪成日要係屋企囉？你帶佢去邊樹玩多呀？
唔知點解，呢排我發覺，好多家長，都由得D小朋友放晒D手指入口 嚇得我呀！我不停提醒小雪，一定唔可以甘做

pigpig

JAY媽，
一家5口？恭喜你呀！   
小雪成日都話，唔生BB，就要養小狗 真係呀....我咪話養寵物要好好心機，又要帶佢去散步......點知今朝，佢番學時，係要帶隻玩具狗番學，我話點得呀？佢話你又話要帶D小狗去散步？甘我咪帶佢去返學校散步囉....   真係好好笑呢！
感覺統合訓練係咩黎ga？要一星期做4日甘多ga？要唔要陪的？每次做幾耐？
唉.....當然唔係慳水慳力啦！個暑期班要收我$3900--4個星期ga....我都未同我老公講甘貴，只係話佢知，小雪會番暑期班 費事佢甘早知道，煩呀！

pigpig

JAY媽，
係呀！真係好溶下 但無法啦！我呢度無咩選擇....唯有上啦！
感覺統合訓練個解釋都幾覆雜下，算啦！唔好解釋俾我聽啦，我好鬼蠢，多數都唔會明
你諗住會俾J仔重讀小一？係咪係原校？定會轉校呀？如果要轉校，你要用多D時間去解釋清楚呀....
我都明白，做人父母的，一定會好擔心仔女的情況，真係可憐天下父母心呀！ :cry:

pigpig

JAY媽，
甘你依家就要開始同J仔傾定，重讀的問題，唔好拖啦！唔係越遲講咪越難，你要小心D講，唔好傷害到佢自尊心，你係佢媽咪，你應該好明白，對自己仔女有咩可以講到好白，有咩要避忌D甘講，希望你快快解決啦！
你介紹的2本書，我會去睇睇，唔該晒！