浸會大學附屬幼稚園,小學及中學(王錦輝中小學)

ka媽

原來浸幼生都要面試o架, 我又打電話(留言), 又用email, 重出fax, 到最後原來最有用係fax, 依家查到面試時間啦, 我現在心情好緊張啊! 有冇人面試o左, 請講講個過程啦, 多謝晒!

我又問到浸小的人, 佢話浸幼生如果唔係屬沙田校綱, 收番讀浸小的機會會高d(當然面試的臨場表現唔好太差啦), 因為校方只可收15%的沙田生, 浸幼生都不例外, 如果有考生係住大圍, 沙田, 火炭以及馬鞍山的話, 就真係要講d彩數la.....

ka媽

Hi, kae:
多謝晒, 承妳貴言啦!

ka媽

今日我女已去完面試, 有d小朋友的表現很突出(很不合群及不投入), 但普遍的表現都很平均, 不明白校方的評分標準係點定的, 所以這次面試亦不需要技巧.

-首次面試分兩部份:
1) 30分鐘 - 7位小朋友圍在一張長枱, 枱上有一幅散開的巨型砌圖, 要小朋友合作化零為整, 家長可在班房靜坐遠觀. 每批進度唔同, 有d好快搞定, 有d砌唔完.
2) 20分鐘 - 單獨會見小朋友, 不過可有1名家長在場(坐在遠處見到但只聽到好少), 問了一些以小朋友為主的家庭瑣事.

-9月3日前就會收到通知是否需要次輪面試, 這次是見家長.

ka媽

Well Congratulations Julie!
I feel that you are impressed of your son's handling of the interview, may I ask if your son is already a kindergarten student at the school?

Best wishes and I believe the next interveiw will be one for the parnets and not for the kids.

Good luck.

ka媽

浸小係直資的, $35,000-一年.
幼稚園未派表, 詳細d可致電浸幼.

ka媽

有機會的學生9月3日前會收到電話通知, 如果唔係9月15日會收信通知唔得的考生.

ka媽

如果有人收到電話, 唔該馬上上綱報料, 等大家留意一下, 好似第一輪面試我都係自己打去學校才知面試時間o架!

ka媽

(今日9月2日)浸小話今日已一一致電在8月22及23日面試入圍的考生, 大家收到電話未啊? 其餘入圍的, 會在明天通知.

ka媽

我今日打去學校咪知o羅, 我係26號去的, 要明天先至有report出

ka媽

我致電學校check到我女已入圍, 下星期四見家長

ka媽

我終於明白咩o野叫做"有得震冇得瞓", 昨晚成晚好似都聽到電話响, 好緊張啊!
知道個女嗰關過咗, 依家輪到"考"家長, 學校話學生分+家長分, 到時計好分先會正式出信通知招考成功, 我問點見法? 佢話係同校長傾計, 吓? 一個鐘頭喎, 一對一(佢話)????  
我唔會帶小朋友一齊去, 速戰速決啦!!!

ka媽

本來我都打算一個人去就算, 但明明有父有母, 如果兩人齊齊出席就比人覺得好似個小朋友受重視o羅, 所以我會同老公夾定口供先一齊去.

浸小聽電話個小姐, 好似係冼小姐, 同我地d咁煩o既帥奶講o野都好有耐性兼好有禮貌.

ka媽

Bob&Wendy,
浸幼生一樣要參加第一輪面試o架, 所以我先鬼咁擔心我女d面試表現, 在等學校通知入圍的日子裡, 我同其他校外生媽媽一樣, 都係有得震冇得瞓o架! :

ka媽

我係星期四6-7pm見校長, 我估到時係幾對家長一齊見校長呱, 單對單? 咁要見到幾時啊?
有冇家長係星期一見校長o架? 見完之後, 上綱講下啦! ok?

ka媽

我暫時未知今年k3確實有?班, 我只知學校立立亂, 我要去學校睇下先.

至於浸小10月21日才公佈結果, 咁會唔會影響大抽獎呢?

ka媽

我指的"立立亂", 意思係指新學期老師及學生心情仍未定, 在程序上時間控制得唔係咁好, 連上下課時間排個隊都搞好耐, 另外有家長投訴老師唔足夠, 我覺得始終園長走完主任又要走, 當然有d影響啦.

另外, 今年k3只有3班? 咁學校又同我講有5班? 唔通係k1有5班? 等我問清楚再傾過.......

ka媽

dickeywei33,
多謝妳報料, 明天輪到我啦, 真係好緊張, 我一心入浸小, 其他學校我冇做到功課, 所以浸小唔收我女的話, 我只有等大抽獎啦.
我今日致電浸幼已問清楚2005-2006年度學生人數,
k1有6班(上午3班+下午3班),
k2有4班(上午3班+下午1班),
k3有3班(上午2班+下午1班),
每班唔會多過25人, 現時平均每班20人左右,
其實今年浸幼k3人數唔算多, 街外人考入的機會都可以高d嘅, 希望我地的小朋友可以做得成同學仔啦.

ka媽

popma,
妳知唔知有部份浸幼家長肯交咁貴學費, 都係等住入讀浸小嘅o個一日咋,(老實講, 也包括我在內), d家長plan咗好耐o架啦, 可謂用心良苦, 我地選浸幼係證明我地也會認同浸小, 咁讓浸幼生有優先, 都唔係唔公平啫.

dickeywei33,
我剛才向妳發的私人訊息我已找到答案了, "wei"!!!!
    

ka媽

暫時都唔知有冇沙田區浸幼生被"叮", 但今年浸幼k3人數唔多, 希望唔會成為事實啦! 其實原來有浸幼生是在第二輪收生中才報名, 可能佢地都好似我咁後知後覺, 唔知浸小係要自行報讀嘅(包括浸幼生在內).
我諗係到時要求家長會做個統計, 就清楚晒.


我終於明白點解浸幼生要面試, 原來怕人投訴不公平, 其實浸幼培養出來的學生比人強, 浸小收番晒都唔出奇啦!
咁睇o黎浸小校長都算想得周到

ka媽

Allie,
我要更正妳講的一點係....大家如果想入浸小, 最遲應在k2下學期入浸幼做插班生, k3升入浸幼就太遲啦, 今年浸幼的k3生, 早在k2的暑假已要小一面試o架啦!

咁其實係咪真係有浸幼生入唔到second in.啫? 真係冇人有勇氣企出o黎講下喎, 真係得個"估"字