搭地鐵如何去培正

彥彥媽咪

bigden:

先問你住邊..?? 因為可以的話, 揀搭巴士都唔好搭地鐵, 因為佢係距離培正最遠的, 你可以講講你住邊頭, 我可以幫幫你諗..

另...真係要搭地鐵, 咁可以揀去旺角落, 出工業貿易署個出口 (即係旺角中心一期, 樓下有間大大既 Le Saunda 個樹), 一出就過對面馬路, 7 仔門口有兩架綠 van, 27M, 28M, 兩架都會經培正, 響圖書館門口落, 一架平d 但班次疏d (好似係 $3.x), 另一架貴d (好似係 $5.x, 因為佢總站係紅磡, 條線長d 的).

再唔係, 出女人街出口, 行到去近國美電器對面個個位左右 (即係女人街向住先達個個路口), 有架 5M green van 係上窩山既, 都係會經培正.

另...再可響油麻地落, 行去新寶戲院個樹 (即係以前金聲戲院) , 個樹有好多紅 van 上愛民村, $3 左右, 會經培正...都係響圖書館樹落..班次都密, 不過行得去個樹, 都去左一半路到培正咁滯... 行埋佢好過....

Hope this info may help.

[ 本帖最後由 彥彥媽咪 於 08-10-8 23:34 編輯 ]

彥彥媽咪

bigden:

我哋住喺美孚，知道41/45都可以去培正，不過車程太長，所以去培正就唔會搭巴士，因為好難預時間。返屋企就冇所謂，多數都搭巴士。
==> icic...but no ar...我次次由美孚出都唔會搭呢兩架為主架, 因為佢地班次好疏的, 同有時係熱狗巴, 除非一去到就有啦, otherwise 好鬼辛苦的, E21A 由東涌出上愛民, 都係響圖書館樹落, 佢會快d 因為多數係出九龍番工既人, 去到美孚, 深水步之後都落左九成咁滯, 因此之後既站好多時都飛站的 (其實佢出到深水步之後既站同 41/45 一樣, 但因為佢去愛民, 人少d 的, 41/45 係去九龍城, 條線長d , 就多好多公公婆婆上上落落, 自會慢d)

另..仲可以搭 2A 就係響亞皆老街近男拔中電個頭落, 過對面梭亞道 (i.e. SHELL 油站) 一直行就係...好方便架...你可以比較下.
:

彥彥媽咪

Issac_Ma:

如果係鑽石山係唔係只有坐MTR + 綠van or MTR 去到樂富轉巴士？
==> 唔係, 呢個只係最快既方法 only, 最方便既係 take bus. no 10 (志蓮個樹上車), 係正自由大廈近中原地產個樹有站落 (即係 7 號 bus stop 個樹, 何文田街站), 一行隔離就係培幼

[ 本帖最後由 彥彥媽咪 於 08-10-10 11:26 編輯 ]

彥彥媽咪

TANGWANNEI：

我好鍾意睇你响度寫嘅野架, 又長細, 又中肯....所以希望你能夠俾少少意見我呀.
==>多謝俾面:

我囡囡到依家都好抗拒坐校車, 初初2日未正式自己坐車, 佢話好鍾意返學, 好鍾意呢間學校; 之後開始自己坐車, 就日日喊, 晚飯已經喊定話聽日唔想坐, 發夢都喊醒. 咁我地有諗過不如叫工人姐姐帶, 想佢返學開心d, 所以我地都有試過你講旺角條路線, 但我地住喺荃灣大窩口, 要坐green van / 行好遠先去到mtr station, 諗諗吓都係唔放心工人姐姐同佢轉咁多轉車返學, 日曬雨淋, 二來又唔想攪到佢以為喊就可以得逞, 所以最後都放棄咗.
＝＝＞我見之前都有好多家長俾左意見你了, 所以我都冇乜可以補充喇...我想講既係..依家仲係初期, 小朋友唔習慣都係無可厚非既, 但你可以多觀察先再睇睇係小朋友既問題定係校車既問題....

再唔係, 我都係個句, 若你都係打算比小朋友直升培小既話, 不妨真係考慮下搬近d 啦, 除左返學近d, 唔駛受校車部兜黎兜去既問題之外, 參加課外活動都方便d 架~

彥彥媽咪

MrsJC Lee:

請問彥彥媽咪，我住係九龍灣，有無直接巴士可以去到？
==> 有...你係 exactly 九龍灣邊樹呢...因為都可以有唔同方法的...

我第一時間諗到既係 : bus 16...由藍田開...經德福(九龍灣地鐵站觀塘道下面個樹), 巴士響 Argyle Street 怡安閣有站落, 咁你由 Shell 油站個條梭亞道一直行就係培正, 最簡單, 回程就係番怡安閣對面個樹上車.

另...若你住近麗晶個頭, 由培正返屋企會多個 choice: 可以都係響 16 號 bus stop 個頭 (即係近中電個堆 bus stop) 有架綠 van no. 46...會行太子道西...一路去麗晶...see here:

海輝道，迴旋處，海輝道，深旺道，櫻桃街，大角咀道，櫸樹街，晏架街，槐樹街，福全街，旺角道，洗衣街，亞皆老街 (呢樹上車)，太子道西，太子道東，觀塘道，偉業街，天橋，啟祥道，宏照道，啟禮道，宏光道，啟信道，啟成街，啟華街，宏光道，啟禮道及啟仁街。

呢架都去到九龍灣的, 時間仲會快過 bus 16 因為都班次都好密下的, 但去程唔方便, 佢係似循環線個停, 所以由九龍灣出唔經亞皆老街的, 呢點要注意.

仲有, 若係近淘大, 就會係 13D 方便d ...因佢行牛頭角道的.  不過佢班次冇 16 咁密的.  至於回程就好多 choice, 即係可以 green van 16, bus 13D, 16 都得.  佢地既站都係係埋一堆的.

暫時諗到係咁多...想知多d , 你再俾 exactly around 邊樹, 咁就 maybe 仲有 other choices.

:     

彥彥媽咪

winkylee:

我都有看過你發表既文章, 真係好佩服你好有heart去幫bk mama, 連坐什麼車都講埋.
==> thank you ...我都係盡量幫到手就幫 la...

係呢我本身住將軍澳, 想問下最易去培正既方法, 是否如下你所寫呢?  (即坐mtr 去mk/ymd再坐van去呢?)  我估計都係, 不過想問下你.
==> 唔係...最行得少路既係搭 98C (九巴黎既), 由坑口出美孚, 會經亞皆老街, 不過 TKO 咁大, 唔 sure 呢架近唔近你屋企, 若近既話就最 good fit , 都係響怡安閤既百佳樹落, 之後沿 shell 油站下落去, 不過我知呢架車都係幾兜的 (即係唔算快), 所以想時間可以控制得好d 既話就唯有 take MTR....

see the route here:
http://www.kmb.hk/chinese.php?page=search&prog=route_stops.php&route_no=98C&bound=1&select_from=&select_to=

另外, 仲有架係 796C (係新巴黎既)...都係由 TKO 出, 由 TKO 市中心出, 都幾快, 但班次唔夠 98C 密...都係響怡安閣落

see the route here:
https://www.nwstbus.com.hk/routes/routeinfo.aspx?intLangID=2&searchtype=1&routenumber=796c&route=796C&routetype=D&company=7&exactMatch=yes

就算 even 坐 MTR...若係由 TKO 出, 都有幾種搭法...
1) 樂富出, 轉 7 號, 落車最近培正, 又唔駛點行, 不過時間上當然係會慢d 啦 (轉車再等車丫嘛)
2) 旺角出, 如我上面教一位家長咁, 轉 27M/28M, 圖書館落, 呢個時間係最易 control, 但呢個係成本最高, 亦唔一定最快 (if compared to 行去, 因為要睇有冇車 and/or 上唔上到車先得)
3) 旺角出, 行去....around 15 mins (行我快既 10 mins 都得既)
4) 油麻地出都得, 都係行去, 個人認為由 YMT 行去, 同由 MK 行去差唔多, 一樣都係遠, 夏天會一身汗, 落雨會一身濕個停, day time 分別都仲可以, afternoon MK 一街都係人, 落雨仲係一地好 dirty, 我會寧願響 YMT 經廣華一條大直路行落去就算, 起碼條路都闊d 好行d (純個人感受 ja)

Hope the above info may help la :   




[ 本帖最後由 彥彥媽咪 於 08-11-9 22:12 編輯 ]