跟自己的孩子疏遠了？不明白他們的想法？進來分享一下吧！

加菲貓

我好同意joenjac架睇法, 所謂情人眼淚出西施, 今日你愛佢時, 你會覺得佢係十全十美, 缺點都可以變成優點, 但人會變, 尤其是十餘歲架年青人, 在成長中, 興趣, 看法都不斷在變, 你同佢睇對方架心情都會改變, 到時你可以有勇氣去同對方說分手嗎? 若對方向你提出分手, 你可以承受嗎? 你地有足夠架經驗同成熟去面對問題嗎? 我想知有幾多可以在中學拍拖到結婚嗎? 依D例子多嗎? 小朋友玩火, 覺得好開心, 做大人架會唔會話既然唔係個個小朋友玩火都會出事, 就由得佢地玩, 或者比佢地燒親下, 學左教訓就自動唔會再玩呢!

joenjac 寫道:
有一男孩,認識了一個很柔順的女孩,英雄氣慨要他以後要好好的照顧好這女孩.時日長了, 男孩生氣的說:你可不可以獨立一點, 不要雞毛蒜皮的事都找我,我死了你咋辦?

有一男孩,認識了一個很能幹的女孩,很滿足的說以後我的生活有人處理,可以安心去發展了.時日長了, 男孩生氣的說:你可不可以給我一點私人空間.

有一女孩,認識了一個很順意的男孩,她覺得他事事都以她為重,是可付託之人.時日一長,女孩對男孩說:不要事事都跟我說 yes,我要的是你的意見而不是你同意

有一女孩,認識了一個很豪爽的男孩,被他的魅力吸引了,日子長了,女孩對男孩埋怨說,你老是對別人那麼豪爽, 你有無為我地既將來想過.

以上故事,有一共通點係對方沒有變過, 變的是你的心情,今日眼前人,真是你的終身伴侶?

我們都失敗過錯過,所以我反對你們 ”現在” 拍拖,你們瞭解父母嗎?

加菲貓

無錯拍過一次拖架, 都會有第二次, 第三次, 點解? 因為拍拖係樂趣, 但分手係痛苦, 所以分手後, 找個第二個黎盡快忘記創傷, 同時要証明自己不是失敗者, 唔係你唔要我, 係我鐘意左第二個.

做父母不單唔想兒女承受不能承受的痛, 亦都唔想『影響學業、有可能導致性行為』. 子女真的要拍拖也阻止不了, 因為戀愛係盲目架, 我地係個個時候講咩都無用都唔入耳, 所以唔係要禁止子女拍拖, 而係係事情發生前防止佢地咁做, 防止佢地拍拖亦都係防止佢地有性行為架方法之一, 因為未成熟架少年, 有幾多個係拍拖時可以守身如玉呢!

eviepa 寫道:
加菲貓：

妳的論點是：少年人拍拖容易分手—>分手時的痛苦他們承受不了 —> 反對拍拖

拍過一兩次拖的少年人，應對拍拖的利弊有很深切的體會，妳不妨問一下他們，二十歲前要不要再拍拖，相信十居其九都會say yes。這表明少年人覺得拍拖所帶來的快樂比痛苦來得更大，所謂『不想兒女承受不能承受的痛』，還不是『影響學業、有可能導致性行為』的借口嗎？

Eviepa

加菲貓

以前D人拍拖可以好純, 依家時代唔同, 我同一個中四架女仔講開, 佢學校好多女仔鐘意界手, 我問點解, 佢話通常係因為分手. 好唔開心, 想自己痛下, 有時甚至將分手左男友架名界係手到. 名校女生都會係咁.

我以前架老闆, 佢個女大學畢業出黎做野, 但無拍拖, 老豆問佢點解唔拍拖, 佢話因為佢鐘意屋企, 唔想咁快離開父母, 雖然我唔知佢以前有無談過戀愛, 但比我地睇, 如果父母可以同仔女有溝通, 關係好, 仔女覺得係父母到可以得到愛同鼓勵, 佢地就唔會咁快向外求.

我個仔16歲, 每晚我地都會一家人一齊食飯,  佢咩都講, 都會問, 我話如果你有一日拍拖, 你記得話我聽, 等我幫下眼, 因為拍拖係大件事呢, 揀得唔好, 分手就冇為. (雖然我唔係想佢拍拖) 我問佢有無同學拍拖, 佢話都有, 亦有同學問佢拍過拖未, 咁我問佢點睇, 佢話自己都顧唔點自己, 點顧人, 屋企兩個妹妹都已經夠煩, 一個人唔好咩, D女仔又唔會同你打波, 講打機, 我有錢唔好自己洗, 又要請多個. 佢話有同學二男追一女, 攪得朋友都無得做, 為咩, 其實只係比個女仔利用. 有個女同學好夜係朋友到唔想返屋企, 打比我個仔傾計, 我個仔就勸佢返屋企唔好要屋企人擔心, 佢其實睇緊波, 唔想同佢講, 我個仔事後講返比我聽. 我個仔偶以會同學去街, 都無去夜街, 假期多數一家去街. 所以我唔覺得仔女大左, 就一同會同你疏遠, 只係唔會你講咩就聽, 佢會有自己架睇法.

加菲貓

贊成容許拍拖的人基於:
1. 子女要跌過, 試過才可以成長
2. 拍拖是最大樂趣, 不應阻止
3. 因為阻止不來, 就由他吧!
4. 因為子女說她/他的朋友是好人
5. 因為拍拖可能收到良好效果, 就是子女更加發奮讀書.

每個做父母都一定拍過拖, 亦十分回味這段日子, 所以不會反對子女這樣做, 問題是是否在適當的時候這樣做呢? 不論拍拖有好有壞, 我個人反對過早拍拖是因這不是十歲餘學生應有的權利,  就像子女未識搵錢, 就有權花錢嗎?

每個人的價值和道德觀念都不同, 所以怎樣教子女, 我們無權評論別人, 不過子女是自己的, 我們要為自己所做的負責.  

加菲貓

Eviepa,

你認為拍拖不影響學業, 是因為這個理據嗎?

其實大家有沒有想過拍拖未必對學業有很大的影響，以我自己為例，和太太拍拖時，尚有兩年才完成學業，未拍拖時，經常心思思，情緒較不穩定，但拍拖後，終身伴侶是選定了，反而情緒非常穩定，讀書的成績也較好。

但當然，我拍拖時已超過二十歲，思想較為成熟，可能會處理得較好，但我相信，少年人因為有拖拍而令情緒穩定的也不會太少

如果是的, 真對不起, 我漏了眼, 若你喜歡用此理據來教你的女兒亦無妨, 因為子女是自己的.

加菲貓

有位兒童心理專家說當你不斷對兒女說不准這樣做時, 其實正不斷提醒他們要這樣做. 所以我不會只對兒女說不准拍拖, 也不會只提出一些例子, 然係向他們証明拍拖是不好的. 因為孩子到了中學, 不說你甚麼, 他都會認同, 會聽, 孩子到底心想甚麼, 我也會提出些例子, 如有個朋友, 女兒16歲就懷孕, 雖然男家願意承一切, 但最後這對小情侶都是離婚收場, BB女交由婆婆照顧, 雖然男家仍給贍養費, 外孫女已長大, 也十餘歲, 但她的父母仍各有各玩, 一年也不會見到父母一眼, 外孫女自然也步母親後塵, 我先問兒子如何看這件事, 他的看法都跟我一樣, 如果你不能承擔責任, 就不要過早拍拖, 這不是只影響你, 而是也會影響你身邊的人和下一代, 結論由他說出來, 會比我說更有力, 更深刻, 若他的看法有問題時, 我也會知道怎樣糾正他. 這是我和兒子溝通的方法.

加菲貓

momodog,

你認為你跟媽媽關係疏遠, 是因為她不明白你, 不信任你, 既然說了出來, 她都會say no., 同時因為你已找到一個可以傾心吐意又明白理解你的男朋友, 所以你沒有甚麼可以跟媽媽說了, 如果你是我的女兒, 我也會走進被窩裏哭. 因為一個不辭勞苦十多年照顧她的人, 也不及一個我素未謀面的青年.

如果你想你媽媽接納他, 你自己就先要去接納你媽媽, 建立良好關係, 那麼她就會信任你, 信任你的眼光, 信任你不會因拍拖而影響學業.

加菲貓

囝囝爸, 謝謝你的轉貼! 其中有兩點我十分認同:

高三的我們，有戀愛的權利，卻沒有戀愛的資本。高三時，真的太年輕了，愛情對於我們，真的太遙遠，我們承諾不了未來，我們承擔不起責任，我們只是剛長大的孩子，可以談“喜歡”，卻不能輕易說“愛”，我們背負著太多，愛情從一開始就註定是傷害。

年青人考慮應否拍拖時, 就要想下他們有能力及願意承擔責任嗎?

教育專家認為，有不少學生是因為和朋友、父母關係不融洽，父母長期奔忙在外無暇顧及其內心生活才“拍拖”的。 記者調查發現，很多高三學生“拍拖”動機很單純，更多是感情上的依賴和慰籍。多數同學表示，“拍拖”後自己就有了一個關係親密的人，就會得到對方的關心，有些事情很煩惱很壓抑又不好對別人說，但至少還有一個關係親密的人可以信賴和傾訴。

一旦發現子女拍拖, 想責備他們之前, 父母應該先問自己跟子女的關係是怎樣? 子女要向外求, 是否因為我們幫不到他.