大埔羅定邦中學 交流區

snoopymummy

我女兒明年選中,喜歡羅定邦,但對直資定津中選擇仍心大心細.
想請教各位家長:
(1)學費以外的支出多嗎?
(2)學生的英文水平普遍都高嗎? 會唔會好多同學仔的從小已母語英文? 我只是平凡家庭,屋企無英文語境,女亦小閱讀英文書,會否有適應困難?
(3)我爬文見好多都係仔仔,其實男女比例係咪都係男仔多好多?
(4)如果有機會入區內BAND 1,你仍會選羅中嗎?
多謝你們~

snoopymummy

謝謝你回應！
實不相暪，我確實喜歡這學校，也貪它的語言環境夠實際，爬文很久，也出席過兩年開放日，可是心志難定……
其一主要是在小學老師和教育界看來，羅中並無列入首選，都勸告做保險可以，首輪就選不明智，搞得我好擔心
其次是若果大部分人咁思想，入讀學生咁參差，學校的質素和風氣就好極有限
其三係校風…

snoopymummy

謝謝各位！你們的分享都是我的強心針

snoopymummy

好開心！追左呢度的post好耐，亦多謝大家意見！今日有興奮消息，小女第一輪已經收左！我同女都好期待，請多多指教！

snoopymummy

回覆 yauling 的帖子

恕我直言,你問得呢兩個問題,其實亦反映你本身對羅中無咩了解,建議你爬下文,或者親身去了解打聽下.
無論邊一個階段,邊一個地區,為小朋友選學校都唔係一件容易的事,我自己就參觀左2年羅中的簡介會,又睇晒所有書仔,學校報告,周圍問人,單係呢度就爬文111頁.
所以我能有信心學校的條件適合我的孩子,而不再心大心細,第一階段就衝去考.
當然,話分兩頭,每間學校都有優缺點,羅中都一樣,唔會完美,但理念和合適自己小朋友的性情先至緊要,我見的是羅中的學生有自信,而且即使是小學時平平無奇的同學,也可在中學找到位置發光,這是我其中欣賞的地方.

有些事你可以參考:
(1)大埔區的適齡學童較學位少,今年考入B1的機會係較大的
(2)你係跨區生,成績的次第亦有機會改變的
(3)你小朋友有特殊需要,更應考慮語文的學習配套,如果英文的讀寫能力較中文好,可能會更合適英中

snoopymummy

回覆 yauling 的帖子

作為媽媽，都大致能體會你的擔憂。在另一角度想，孩子長大，而且已到了升中的年齡，陪伴功課，幫忙溫習已經不再是我們的範圍了，即使現在小學，也有很多學校教的我們不懂，課程的深淺，孩子能否適應，都是靠他們自己的努力。在早期階段建立了他們學習的方法，記筆記，搜集資料，和同學合作，其他都要放手了。
所以，我認為無論那一間中學都好，孩子的基礎能力有，中學的理念和自己的方向吻合，就可以放心讓子女在裡面成長，英文深唔深，功課多唔多，最緊要啱，都可以應付得來的。

snoopymummy

我問過無特別的精補班，只是六月中會收到信通知七八月的新生活動

snoopymummy

回覆 yuyueng 的帖子

非常同感! 校服遲,又無通知又無交代,要追幾次先知廠未起貨,7月做到8月尾,開學都無校服著,真的好難理解!我話:"明天就要穿校服返學,仲未有"
阿叔回應:" 你學校早左開學啫!都係9月先架啦"
我話:"你校服買返去即刻著咩?! 唔使洗唔使燙嘅? 人地有啲中學7月就返適應要著校服啦,你貨都無"
阿叔無再回應,行來行去嘰嘰咕咕就算

你急佢唔急,又勞嘈不負責

我都唔會再幫襯十X校服!