農圃道官小家長請進

召藥師

原文章由 clymama 於 07-9-8 06:27 PM 硐表



你形容得咁厚道, 真係要請你飲茶先得！ 佢咁得意, 唔好打佢pat pat 仔啦！不如罰佢食少次“愛心牌美味茶點”啦！ 重有個小提示分享下, 一個好嘅開始其實好重要, 記得唔好同佢地執書包, 最多佢執完再 check 下,要 ...

全靠妳眼利啫!我個仔都未出黎，我幫個女剪左個'小丸子'頭妳都認得佢，真係好野!!

前兩日我幫左佢執書包，因為我要佢練字、講學校發生乜野事、自己洗濕毛巾同手巾仔、沖涼同食飯都用哂d時間，得番少少時間同阿妹玩一陣玩具同睇一陣etv relax，星期日我一定要佢自己執書包，唔俾佢咁依賴我。

唉~我覺得上小學係時要放手放心，不過又好擔心唔放心。

召藥師

原文章由 乖乖 於 07-9-8 11:02 PM 硐表


clymama

你地係咪返學都係農圃道入, only 放學係合一道接嫁?

係呢, 想問問你視藝是否=美勞堂呢?

如果可以係合一道返學我都想呀!我以前細個都係合一道入學校(而家有魚池個度)，門口有風紀睇住，而農圃道係0係而家放學接學生0個個鐵欄度返學，所謂ge正門係唔係俾學生出入(遲到除外)。可能金校長想集中學生係同一個門口入方便管理，同時又可以日日都俾學生見到佢一面，所以冇以前咁方便。而家日日返學都要同人迫，一落雨就d雨傘叉黎叉去幾危險咁，真係有好有唔好。

召藥師

原文章由 112868 於 07-9-9 02:04 AM 硐表


唔係鐵欄果度,係正門.即係上次8月25日返學果度.唔係你帶小朋友返學ge咩?

我意思係指以前返學唔係入而家ge正門架，唔駛學生行多d路，而以前個正門係俾訪校人士進出，或者係俾遲到學生入。

召藥師

原文章由 clymama 於 07-9-9 06:48 PM 硐表


係呀！返學無得揀, 只可由農圃道入, 放學先可以揀。
Yes, 視藝=美勞
中英圖堂無特別野要帶, 呀女話老師會帶佢地去圖書館, 有些活動比佢地玩, 有時聽老師講故事之類, 次次不同。不過最好帶定中文書或 story book (如 ...

當然冇問題啦!

召藥師

原文章由 112868 於 07-9-9 09:43 PM 硐表



點解我次次都唔得ge !真係 煩死呀,仲好鬼長添ge點算好. .........

妳先係妳想pm個位user  ge發言個度click'私人傳訊'，之後打標題同內容，再send出去就得，安全d妳就先copy左paste係notepad度，send左之後可以係右上角個私人訊息頁面入面，睇到會有'已發送'，click入去就知道妳有冇send過d乜野出去俾邊個。

召藥師

原文章由 hlw2001 於 07-9-10 12:01 PM 硐表
召藥師:

星期五有英文堂, 因為得一本LISTENING 作業部, 我比囡囡帶了返學校, 昨日執書包時發現不見了, 唔知係佢唔見左?? 定係比老師收左??  你囝囝有無帶過那本書返學校呢? ...

老師收左，放心放心，另外個三本未印好ge書都已經到手。

我個仔本身有左撇子傾向，不過佢之前係某間谷寫字好勁ge幼稚園度俾老師迫佢用右手(最後轉左去保記讀)，之後一直都用右手寫到而家，我問佢想用邊隻手寫，佢又話要右手，不過食飯又用左手，所以我等佢一放假就train佢寫下字，不過佢本身專注力弱，有時利誘一次半次都work ge，不過一唔提佢就忘記哂係度神遊，所以真係好唔專心時我真係會大力拍佢patpat(係佢知道ge情況下)，真係好work，唔怪之得有'懸樑刺股'，不過唔可以用得多lo。

我個仔本身好活潑，絕唔係頑皮一族，佢都係個d正義感好強ge人，所以我都驚佢會俾人蝦，不過我都經常提佢要保護自己，有人想傷害佢就第一時間離開，仲要盡快同父母或師長講。

另我pm我電話俾妳啦!

召藥師

原文章由 hlw2001 於 07-9-10 03:30 PM 硐表



原來比老師收左, 咁就放心了.

我都send了pm給你, 你check下收唔收到.

我發現我真係對住阿仔geEQ好低呀! 今日放學又俾佢激到我彈起，日日新鮮鑊鑊金。

今日開學禮，原本諗住佢星期五有左做功課經驗，今日就算差極都頂多同上次咁寫唔哂D功課內容，點知返到屋企，我第一時間打開佢書包一睇，天啊!!成個功課回條FILE冇帶，書又冇執哂!!佢先記得自己漏哂係櫃筒，我唯有衝返學校攞番。

入到正門，原來當日個位'惡校工'改頭換面坐左係度(變左黑髮)，佢原本唔俾我入去課室，但我話個仔D功課同手冊都係哂入面，佢唯有一路哦我話而家見佢係一年級先俾我入。

返到屋企，我問佢今日做乜野功課，佢話寫上下、左右、前後......跟住個D就唔記得哂，我叮囑過佢好多次，我話佢要即刻寫低今日寫乜野字，做乜野功課，寫唔切一定要舉手同老師講俾自己寫埋先，但佢都改唔到，唔專心、冇記性，上堂同同學仔傾，人地寫字時佢自己就神遊大地，連家課冊都冇寫。最後當然又要我打電話搵謝老師啦!(仲有要寫穿同山洞)

我諗我真係要E-MAIL金校長，希望一年級學期初所有功課內容或特別事情都UPLOAD上校網，等家長可以知道小朋友要做D乜。人地好多學校都已有咁做，點解我地學校唔可以做好D呢?(暑假後都冇UPDATE過)有咁好GE橋樑都唔識得利用，方便老師又方便家長，起碼唔駛老師一日接十幾廿個電話查詢。

召藥師

原文章由 hlw2001 於 07-9-10 06:10 PM 硐表



舉腳贊成!  好多學校都已有這個安排給初上小一的學生了, 真係又方便家長, 又方便老師, 希望金校長考慮考慮!

我仲未放工, 剛剛佢grandma打來, 話阿囡本家課冊空白一遍, (上星期五都是老師代寫的), 中文部就只寫了 ...

咁不如我地一人一信e-mail俾金校長等佢正視依個問題好嗎?日日都要打電話真係唔係辦法，小朋友剛升上小一好多野都未適應，要佢由乜都唔駛理到全部都要自己記住哂做好哂真係唔易。係學校時老師好難兼顧哂所有學生，顧到秩序時又要教書，教得書黎又要安排家課，仲邊夠時間俾老師去逐個檢查清楚呢?

睇怕好多小一生都仲停留係honey moon階段，都唔知道樣樣野都要好好留神同緊記，希望我今日'省'完阿仔一餐後佢會有改善啦!!

召藥師

hlw2001,
唔好意思，我冇帶電話出街冇接到妳電話。


聽日要買補充，未交錢ge媽咪記得入好錢或支票俾小朋友帶返學喇

召藥師

乖乖，請問妳囝囝個班今日中文有冇生字要寫?打電話問老師又要開會到5點。

召藥師

經老公耐心引導之後，佢話今日生字9行係寫"眼耳口鼻手腳頸腰背"，每個寫一行，每個字都要隔格寫，希望冇錯啦!

召藥師

原文章由 Tiff媽咪 於 07-9-11 05:08 PM 硐表
請問每日下午是否有約25分鍾在課室內做家課?
有沒有老師睇實佢地?
25分鐘可以做到幾多(1/4)?

我個仔而家都未定到，似乎所有功課都係屋企先開始做。遲d唔知會係用黎溫習定做功課。

[ 本文章最後由 召藥師 於 07-9-11 18:15 編輯 ]

召藥師

原文章由 乖乖 於 07-9-12 12:11 AM 硐表
各位

請問大家知唔知補充練習駛唔駛帶返學嫁, 而家小一有4本，如果要帶乜野堂帶乜野書呢？唔該！

我都唔知用途，不過我暫時都唔諗住俾佢帶返學，費事令佢個書包再重落去。如果老師要用，我諗會寫家課冊0瓜。

召藥師

原文章由 112868 於 07-9-12 10:40 AM 硐表


係囉!真係好 煩,有時打去問次次都話開會,有冇咁多會開呀?上friday打咗十幾次都係開會,由放學打到六點跟住又話過咗辦公時間,尋日又係咁.成日都揾唔倒人.真煩.............. ...

可能老師都要開會商量下點樣改善小一生學習同埋要訂下全年ge學習進度吧~
大家都放鬆下先啦~(其實我而家日日放學後都會好抆，因為個仔日日都有甩漏，我要忍)

召藥師

原文章由 乖乖 於 07-9-12 12:17 PM 硐表


Thanks.....

做乜尋晚唔見你係度ge, 唔見你 on line , 唔係好慣.....

琴晚早左訓，因為日日未到7點就要起身，又要送埋個女行去紅磡返學，再加埋煮lunch，又冇得午睡，唔早d訓頂唔順。

召藥師

今日阿仔總算抄足家課冊喇......不過唔係佢寫ge，係hlw2001囡囡見佢寫得慢幫佢寫埋，真係唔該哂hlw2001ge囡囡，妳記得讚下佢喇!

另外，今日佢地成日落操場排隊，至少都排左3、4次，阿仔返到屋企都已經好累，功課一樣都未做好就訓覺。

今日開始多好多功課喇!有常識生字、英文工作紙同數學書入面ge幾頁，老師今次有幫佢寫低佢冇寫到ge生字內容，而且聽阿仔講佢地今日lunch後好似有少少時間俾佢地做下功課。

仲有，家長最好提醒下小朋友食飯時要食快d，因為依幾日阿仔都食唔哂，問佢又唔係食唔落，而係老師話夠鐘要佢地唔好再食，跟住就休息、玩、睇書或去練排隊，阿仔今日返到黎就話好肚餓要食野。

召藥師

原文章由 乖乖 於 07-9-12 06:28 PM 硐表


hlw2001囡囡又幾叻 幾快wor, 自己抄完仲夠時間幫人....叻女....

你囝囝今日數學做邊幾頁呀?

應該係書ge3-5頁。

召藥師

原文章由 hlw2001 於 07-9-13 09:38 AM 硐表



唔洗客氣, 囡囡話係老師叫佢幫你囝囝抄ge, 不過囡囡自已都抄錯左D位, 例如數學科抄了落常識科, 今次老師有幫佢畫了箭咀指上上一格, 又簽了名, 證明老師都有幫佢地CHECK家課冊ge.  唔知佢幫你囝囝抄得對唔對呢?   ...

妳囡囡寫0岩哂架!仲寫得好快手，見到有'潦草'添(即係唔係一筆一劃慢慢寫出黎，我個仔唔知幾時先可以做到)。

妳地真係好0野，咁都俾妳地相認到!!不過真係好奇妙，hlw2001囡囡正正坐係我個仔隔離，而妳今日一同位媽媽傾下就正正係乖乖，真係冇奇不有，真係有緣!!

召藥師

原文章由 乖乖 於 07-9-13 03:08 PM 硐表


係呀, 世界真係好細, 又冇約定, 裝裝下傾傾下咁就相認到啦, 聽日我約咗 112868 啦, 希望聽日有緣大家一齊相認啦.....

聽日咪好熱鬧?!我最多都只可以同妳地傾一陣，因為轉頭又要送阿女返學買'食送'。
有時我真係想等個仔小息時走去裝下佢，不過又要預備午餐，又驚咁裝佢又太揚。我仲想同佢影相添!

召藥師

乖乖，今日我接到hlw2001電話，佢囡囡今日發燒冇返學，我同佢又冇妳電話，相認唔到添!:cry:我今日見到clymama，不過唔知妳有冇同佢相認(佢身邊d媽咪有冇妳係度呢?)，而鐵欄邊又有幾位靚媽咪傾緊，唔知又係唔係妳地呢?