越來越氣餒……

minikoala

現在只是 10 月，大家唔好太早氣餒 !

經驗分享︰阿女四年前考小學，本身是12月尾的超細女。選了7 間應考，頭 5 間學校也 reject 了，僅第 6 間有2 nd in，到考第 7 間時，阿女已經好厭倦 interview，話唔去考。我同阿女講，話仍然未有學校收你丫，你要去 in 丫。佢最後都有去到。考完出來，一 d 都講唔到考左 d 咩，我心諗凍過水。結果，竟然係呢間學校以第一輪正取生收左佢﹗我真係開心到不得了。其後，佢連第 6 間學校既 second in 都過埋關，收左，我仲有得揀添﹗

所以，未到最後一刻未知結果都不要灰心，希望在明天﹗

今年，輪到我個仔玩呢個遊戲，已有 2 間 reject 了。但我以平常心看待，只是佢每次入去 in 之前，我總會先用方法逗佢笑，又同佢講，仔仔，一陣入去玩得開心 d，enjoy!

我知當大家在等待、無奈、失望之間徘徊時，總有想哭的一刻。有情緒乃人之常情，我也在等待中哭過。記住在這時間也讓你身邊的另一半理解你，安慰你，而且也不要讓你失望哭泣的表情給孩子見到，因為他們雖小，但已能理解你的心情，同時也因此不自覺地磨滅了他們的自信心，比起考不到心儀小學更難補救﹗

祝願大家也可以考到一間又理想又適合你們小孩子的小學﹗