名校神校以外

Charlotte_mom

唔揀母校(教會學校, 非名校), 最大原因: 我自己經驗過果十幾年, 好封建, 高壓式管治, 全部都NO NO NO, 我話咁, 你要咁, 唔好唸住CHALLENGE領導, 連學生會內閣都係老師安排唔可以唔做, 成績唔好都算, 連教學生做人都唔掂, 唔識思想無自我, 無組織力無領導才能, 人地話頭至識跟, 呢樣至係我覺得最可悲, 我對學校係零歸屬感

唔好話我唔識感恩, 話晒人地都教到你入大學......我都好記得考完AL GEOG果日, 去超市買D零食返屋企再讀, 遇到GEOG老師, 佢捉住我地問點解咁得閒, 我地話考完試買D野食姐, 返屋企架喇, 佢夠膽死問我地考邊科, 我地答: GEOG呀(心裡面鬧緊:你教果科呀), 最後AL成績出左, GEOG B左, 我地當然好開心, 但對唔住, 我係唔會多謝老師的, 我地去補習至知原來考試有MARKING SCHEME (天呀, 會考都考完都唔知這天大秘密), 一題25分, 5分係畫圖, 畫左就執返D唔畫就5分無硬, 返到學校考試用呢個新TECHNIQUE, 老師鬥: 人地都無叫你畫圖點解你要畫, 我地歷屆師姐,GEOG係數幾多人合格, 我地果屆有去補習, 爆晒冷跑出

我如果再擺我仔女去讀間咁既學校, 我真係笨; 亦係親身經驗, 我堅決反對"鐘意讀書去邊間都無問題"呢個道理, 錯晒

我唔係追名校, 雖然我認同名校點解無名校一定有得解, 唔需要酸葡萄, 人地為港增光都鄧人開心下, 幾好! 要做到最TOP除左天份仲有努力, 分分數成家人一齊落力, 值得拍爛手掌丫

但我會小心揀學校, 了解過, 認為自己鐘意同適合, 至好去揀, 成績GOOD ENOUGH就好, 始終第日要出黎搵食, 但人格發展培養我睇得好重, 我唔要我小朋友變成蕃薯, 學唔識做人處世, 真係唔慌唔輸在起跑線了, 其實大家有無發現, 撈得掂的唔係讀書叻, 係醒目! 學得醒既, 一出黎做野機會都多D, 點極都唔明, 咪慢慢後面跟住LOR