HKUGA講一套做一套，實在令人失望

csy_ma

原文章由 angry_mom 於 07-7-7 01:14 發表
港大同學會小學開辦五年以來，很多政策和目標，都未能兌現，實在使人失望。:cry:


還記得當日前校長在小一入學簡介會理說過，所有小學畢業生都能直升中學，結果去年第一屆畢業生中，有20-30%不能直升，原 ...

我有朋友響間學校度做，佢都有提過校長好想老師搞番掂第一屆d小朋友，但據聞因為質素參差（第一年冇得揀），真係好難教 ．
朋友此前好耐冇搵我，打電話黎，係想問轉行行情：佢做左成10年，但係響呢間學校，每晚都要過9點至走得，星期六日都要返學校做野．佢話好多同事都係咁，假期會自動自覺番校開OT（薪酬好似未必比官津少，只係真太太辛苦，連屋企都顧唔到:( ）

後來佢冇轉到，仲升左職，但係夾係中間，佢話仲辛苦 結果都惟有走路  

行條另類既路從來不易，我相信港大同學會既管理層係有理念既，無奈本港家長太依賴學校同填鴨教育，未必俾到小朋友誘導既空間，等佢地自發去探索同學習．．．

前線老師流動性咁高，其實係幾唔正常既．作為家長，考慮放棄其實係幾兩難的選擇．但係轉校係幾影響小朋友情緒、甚至自信既決定，宜慎重考慮．不妨同小朋友商量吓，了解佢地既感受．要知道，有D小朋友要用頗長時間適應新環境，而新環境又難保不會遇上因陌生而受杯葛的問題，一定要俾足小朋友心理準備

印象中，HKUGA果d家長質素普遍都唔差，你地可唔可以透過PTA了解吓學校發生緊咩事，再考慮吓值唔值得相信？

你小朋友幾年級？我果位老師朋友，以前分別係傳統同國際學校教過，佢話行類似國際學校學制既，係P1-P2都唔太注重默同寫，而以啟發思維為主，所P1-P2既學生同傳統同時注重聽讀講寫既學生比，似乎會較遜色．
去到P3，非傳統學校學生提出既問題，開始已見創意和深度，但寫文方面，因識字量既問題，仲係爭d．
到左P5-P6，當識字量有番咁上下時，非傳統學校教出黎既學生，因為思維活躍，諗野因經常有刺激而全面，優勢先顯露出黎．

假如小朋友係低年級，返番去傳統學校會幾辛苦 但係思維既野，有時又幾無形，唔易俾家長留意出個效果，所以都係要睇各人既情況

希望您作出雙贏既決定

csy_ma

原文章由 mamimummy 於 07-7-8 00:49 發表

點解妳要多謝我？難道妳就係post此題目既憤怒媽咪？

但點解妳要刪左條咁有用既link？唔通妳post呢個題目既目的，其實係想post條link出黎，俾d家長考慮轉校先？點知遇到我咁既過分認真既茂里，懶好心咁回應，諗落剩鋪條link唔多合情理，所以改成咁？

我為自己徙左咁多氣力而   

不過新開既學校咁快換校長，都真係幾令人閉翳．呢個故事係教訓我地，雖然香港傳統既教育制度令人嘆息，不過要去新校俾d仔女去做白老鼠，都要睇吓小朋友係唔係有好強既轉校適應力先

係呢點上，就算我幾懷疑妳既家長身份，但都同妳有d同感