亞仔, 點解你咁"硬頸"???

owl_2046

C6琴晚叫亞仔執番地下個波交比佢.
亞仔冇理佢, 照睇班尼DVD.
見亞仔冇反應, 熄電視, 指住地上個波叫亞仔執比佢.
亞仔用腳踢, C6唔收貨, 堅持一定要亞仔用手執.
我去"目及"下, 佢唔比我參與, 話亞仔一見到我會"得戚"(事實上係) 要我同工人係廚房迥避.
亞仔一向唔受硬, 係度喊唔做, C6最初都好好語氣, 後來火起好Q惡, 亞仔重喊得勁, 但後來都執比佢, 但C6玩野, 佢要亞仔重覆成10次, 有時做到有時做唔到, 我火起走出去, 佢話咁簡單亞仔都聽唔明, 第時點算...(下冊300字)
亞仔見到我好似見到救星咁, 我就好好聲氣叫亞仔執比我, 亞仔即做. C6叫我叫多次, 亞仔照執比我.
C6無聲20秒, 跟住我話:你咁既態度我係亞仔都唔高興啦, 將心比已, 自己諗下.
佢話: 而家係要佢聽大人指令, 下下做野要睇佢心情, 第時再大D點算?
之前早期訓練既導師及主任總結亞仔一句:
"不為也,非不能也"


[ 本帖最後由 owl_2046 於 09-2-5 17:19 編輯 ]

owl_2046

我亞仔係AA地個隻
我返到屋企會比你篇野佢睇, 希望C6明解....
佢成日以為自己果套係0岩, 重話A仔唔大聲夾惡佢只會當你傻, 因好多時對亞仔大聲D佢個"魂魄"先返黎,以致C6好Q惡
再0咁落去, 我恐怕亞仔越大越唔likely佢:;pppp:

原帖由 hinhinmummy 於 09-2-5 13:50 發表


第一, 小朋友看緊電視, 佢專心緊, 你叫佢聽指令做野, 吾好話a 仔(吾知你仔係吾係), 正常的小朋友(以我女為例), 都吾會聽你up

第二, 佢daddy 一下甘熄左電視, 係都要佢執既, 更加慶上加慶

如果要佢聽指令專心做野 ...

owl_2046

你又講得好0岩, 希望C6睇完可以改善.
我同老公由拍拖+結婚生仔已踏入第16個年頭(我地好後生就拍拖....呵呵呵)一向好少好少嘈交.
自從亞仔出世我為左照顧亞仔已好少理佢(因我超級緊張)
知道亞仔有A仔傾向, 我地兩個都從悲傷中振作起黎.
估唔到會為教仔問題開火好幾次, 有時甚至想帶埋亞仔返外家住, 費事比佢理.
唉

原帖由 January 於 09-2-5 14:23 發表
C6琴晚叫亞仔執番地下個波交比佢.
亞仔冇理佢, 照睇班尼DVD.
- 好正常, 大人都會咁啦.

見亞仔冇反應, 熄電視, 指住地上個波叫亞仔執比佢.
亞仔用腳踢, C6唔收貨, 堅持一定要亞仔用手執.
- 點解人地睇緊電視, 要人 ...

owl_2046

我同你一樣, 見佢返學返全日, 返到屋企都成4:00pm
再等我放工返到屋企都7:20pm
食埋晚飯沖埋涼都成9:00pm
一埋牙又要同亞仔training火拼, 真係唔想.
我都想晚晚親子, 同佢玩D佢鍾意既野.
所以對於home training 我唔係咁上心....

係呢, 係亞仔玩咩玩具?
我亞仔對玩具冇興趣

原帖由 annaanna 於 09-2-5 16:44 發表
其實我都想講下，我阿仔又係受軟唔受硬...

同一份玩具，佢自己玩，可以玩好耐；不過如果當一份task，你叫佢點做點做，佢就唔多like，可能會好勉強同你做一陣，然後走左去... 迫佢，佢喊，傷感情；唔迫，可能愈黎愈唔聽話.... 點算？

我成日o ...

owl_2046

唉, 就係下下要迫佢先使出真功夫囉!
你講得0岩, 佢要既野好肯開口講, 我地叫佢講, 佢明明識都唔肯開口, 好硬頸.
好多時一路喊一路做, 我就最怕聽到喊聲, 會令我精神崩潰.

原帖由 pollybell 於 09-2-6 12:52 發表
沒有人喜歡被限制,但無規矩則不成方圓,沒有人喜歡遭遇挫折,但不經風雨,不見成長,唯有經過壓力的淬煉,才能散發出耀眼奪目的光芒.
不為也,非不能也-是態度問題.沒有付諸行動，一切都是空談.

(假如我不能,我一定要,假如 ...

[ 本帖最後由 owl_2046 於 09-2-6 14:11 編輯 ]

owl_2046

提起屎尿呢家野, 我都有野呻下.

亞仔開大都有D反應比我, 例如"禁"住個pet pet 好急促咁"騰黎騰去" 我見唔妥就問佢係咪"痾屎"但佢永遠唔答你, 所以我只係自問自答.....

至於小便, 佢只係好間唔中先同我講, 其餘時間我要隔半個至一個鐘叫佢去廁所, 如有得痾佢好主動入廁所企上櫈仔(亞仔得三歲)如冇得痾就雙腳夾實.....

唉, 佢係識講, 但唔知點解會咁.....有時忘記同佢小便攪到賴左, 佢老豆又會罰佢企, 攪到我又話工人好唔叫亞仔去廁所, 又內疚自己冇叫佢去.......

亞仔, 你唔好比你老豆知你識表達, 識又唔做, 唔打你都偷笑啦:;pppp:

原帖由 long170908 於 09-2-7 10:26 發表
我個仔一樣都好硬頸,亞仔每次急屎,急尿都一定唔會自己去同唔會同你講,係一定要你叫佢去,佢先會去,有時佢好急,問佢係咪急尿,佢都會話唔係,直到佢急到就懶個隻,佢都唔會去,佢會走去你面前,望住你,要你叫佢去廁所,係學 ...

owl_2046

好驚, 你亞仔幾大???

原帖由 june1997 於 09-2-18 15:12 發表
好多年前醫生話比我聽這些叫做 "有知無覺"
知道錯, 但不覺悟, 所以這麼多年來我還是
活在痛苦中.