7 課外活動是否太多

Jessica

我個仔都係讀緊高班, 佢而家每個星期都係有7樣課外活動, 雖然上課地點都係屋企附近, 但我都覺得好似好忙咁, 因為我個仔係返全日班.

星期一 : 學琴
星期三 : 公文英
星期六 : 硬筆書法班/畫班
星期日 : 專注力提升班/EQ遊戲班/珠心算

我都問過亞仔使唔使 cut 緊一兩樣, 但佢話唔想不特止, 仲話想學普通話、溜冰同埋功夫添, 舊年曾經俾佢學過溜冰、功夫及跆拳道, 可能當時細個唔專心又唔多正經, 所以停左冇學, 而溜冰就學過2堂, 咁岩個時有sars所以停課後就冇再繼續, 而家佢又話想學, 仲同我講佢會認真去學喎, 我都唔知點好.

Jessica

THRY,

哦~ 原來係咁, 做奶奶既唔想個孫辛苦, 但做亞媽既又點會想個仔辛苦丫, 佢地係好自願地咁學, 最重要係佢地學得好開心, 開心得黎又學到野喎, 你都算好架喇, 有一半興趣班可以係學校學, 時間地點容易就.

起初我自己媽咪都話我俾咁多野個仔學, 後來佢親耳聽到亞仔講話好鍾意學, 每次見到亞仔係到講學到乜學到物, 我媽咪都覺得佢叻左, 其實除左公文同學琴要練習之外, 亞仔大部份興趣班都係玩遊戲, 可以加強佢社交能力, 佢係家中獨子, 有咁多小朋友陪佢玩, 佢又點會唔開心丫.

Jessica

Trevormama,

如果可以就到時間, 我諗都會選擇閒日上堂, 因為亞仔返全日, 除左公文同學琴可以自己揀時間, 其他個d班都好難夾到時間, 撞岩想報個d班只係星期六、日先開班, 都會考慮一下先, 而家亞仔星期六及日都只係上午上堂, 落堂時間佢爸爸先至起床, 咁都一樣可以 family day, 仲唔使朝早起身唔知做d咩, 係屋企等佢爸爸醒

Jessica

THRY,

我都有陪個仔學琴, 因我本身唔識彈琴, 練琴時都知佢彈得岩唔岩, 我唔使返工所以可以選閒日同佢學琴.

佢之前同我講想學埋小提琴, 我考慮左一段時間都係決定暫時只學鋼琴, 鋼琴及小提琴都要花時間去練習, 想佢專心一意學好一種樂器先, 遲d先再打算.

其實你星期日陪佢一齊去學琴, 係一個唔錯既親子活動, 都算係 family day 節目一部份啦, 你個仔或會享受同你一齊既親子時間, 我覺得辛苦既似係你, 平時要返工假期要利用休息同佢去上堂.

Jessica

呢個 topic 沉左咁耐, 而家又再次出現真係難得, 相信都值得再入黎睇下.

我好同意菲媽話, 只要小朋友開心, 而時間又可以編排得好, 最主要唔影響到學業同親子關係, 如果經濟上又負擔得起, 咁做父母既當然會盡量滿足小朋友.

菲媽 寫道:
我看見呢個Topic¸好想同大家傾下.

小女讀P.2, 時間表如下:

Tue        公文數
Thur        Piano
Fri        畫畫
Sat        中樂, 拉丁舞
Sun        主日學, 游水, Oral

話親比人聽佢學d咩, 每個人都話太多, 講好多說話比我聽, 又問    “點解要比佢學咁多?” “學咁多野有咩用呀?不如比心機d讀書!” “簡直係浪費金錢和時間!”  “不如儲多d錢比自己啦!!” 好多好多問題, 有時都會覺得自己有問題.

但呀女又學得好開心, 佢死都唔肯減, 連公文數都話要做到Q教材, 見佢學校成績都算好, 有十名以內, 所以keep 住啦, 因為自己唔識教, 咪比錢人教law.

[size=small]其實大家都想自己小朋友開開心心, 所以冇話太多太小, 只有話適唔適合該位小朋友.

[size=small]不過想奉勸大家, 如任何課外活動影響或引致會破壞親子關係, 就一定要檢討一下啦!