正確認識「谷」

Band5

Face3366 發表於 21-7-11 08:37
好多家長害怕谷小朋友，覺得小朋友若有壓力會不開心丶心智不健康。于是釆取放羊策略，任由小朋友發展。但結 ...

谷，或者叫做鞭策，目的就係要小朋友發揮佢嘅潛力。

鞭策唔夠，如果佢發揮唔到佢自身嘅潛力，就係浪費咗佢嘅天分，可能係終身遺憾！

相反，如果鞭策過分，只會弄巧反拙，另外，冇俾佢平衡發展，冇一個值得回味嘅快樂童年，可能係另一個終身遺憾！

我自己最想嘅係一方面幫小朋友平衡發展，一方面培養佢自我鞭策，有自己目標，自己決定自己嘅人生，父母在旁只係輔助角色，提供佢嘅所需，尤其是機會，同在佢偏離路線時提點下。

Band5

Face3366 發表於 21-7-11 08:37
好多家長害怕谷小朋友，覺得小朋友若有壓力會不開心丶心智不健康。于是釆取放羊策略，任由小朋友發展。但結 ...

有時谷係有需要嘅。阿仔而家讀緊大學。細時讀二線小學，最近佢問我點解唔讀直資小學，佢嘅英文同好多同學有一段距離，我笑佢幼稚園時一舊飯咁，邊會有直資收你！冇報一線小學，就係唔想谷。搵英文補習，佢一陣又話自己搞得掂唔想再補，而家就知道不足！

話時話，當年親戚直資小二嘅英文作文，要求仲高過阿仔當年6年班，唔知算唔算谷？

Band5

sevenature 發表於 21-10-12 15:44
因為自己同身邊好多朋友都係咁 所以更加唔想個仔咁迂迴同崎嶇 我贊成谷同有要求 但不算過份 只要求

小學: ...

算唔算怪獸？

如果小朋友年年都考10名內，今年考30，你接受到？

名次只係參考，唔係指標。

我覺得小學時父母同小朋友係隊友，大家一齊爭取成績，每次測驗考試就互相檢討，了解為何失敗，如何改善進步，訂下一個目標，安排多少時間溫習，運動同娛樂。有時小朋友為了爭取多啲時間打機，會主動做功課同溫習。分數同名次只係一個獲取獎勵嘅機會。

中學後父母可以參與嘅大大減少，都係靠自己為主，初中時我對我仔嘅要求係所有課文內容要明白，跟得上，錯要知道點解錯，分數唔重要。因為佢係經自行升入中學，所以我要求佢定前40名為目標。高中就全自己發揮，父母只需關心下同提點佢升大學揀科嘅目標。

Band5

sevenature 發表於 21-10-13 00:31
哈哈…成個小學生涯，基本上徘徊18-26，名列前茅概年年都係個班，好平淡無驚喜，但自己睇學校往績知道前50 ...

我覺得最好嘅放手就係令佢自己上心，父母定嘅目標點都唔及佢自己定嘅更能夠實行，所以中學後就多啲同佢講升大學嘅資訊，佢有咗方向就容易有目標。

Band5

王家爸爸 發表於 21-10-13 11:00
想真正咁正確認識「谷」，首先要定義「谷」。有啲家長覺得多而淺既功課就係「谷」 ，有啲家長覺得少但難既 ...

多，少，淺，難都冇定義，谷又如何有定義？

Band5

Kirin007 發表於 21-10-13 12:07
學校谷有得揀，父母谷冇得揀，父母催谷其實幾恐怖：部分家長唔認啫！

唔係唔認，係唔認同，唔覺得係谷！

佢哋可以反問你：何詩蓓當年嘅訓練恐唔恐怖？

Band5

Kirin007 發表於 21-10-13 20:35
本帖最後由 Kirin007 於 21-10-13 21:06 編輯

事實上冇得拗，旁人見佢為咗帶仔女轉場食餐飯都係趕趕趕 ...

天賦唔係一朝一夕可以睇到，多年苦練仍寂寂無名嘅多的是！

何詩蓓嘅訓練同怪獸家長嘅催谷最大分別係佢學業同運動可以平衡發展而且佢自己在訓練中亦樂在其中！

Band5

王家爸爸 發表於 21-10-13 19:21
其實好簡單，如果功課多到影響小朋友正常生活就一定係多；如果少到每日花少於半粒鐘就一定係少；中間就係適 ...

咁我應該話我仔係功課少，但佢個同班同學就會話功課多！

我仔為咗放學要去運動操練同有時間自己睇書同打機，差不多每日都在學校做完功課。但有個同學嘅家長話佢日日做功課做到十一二點，仲要停晒所有課外活動，我聽到都呆咗，唔敢再講，諗到我係老師都唔知應該點做！