聖羅撤小學

Daisy媽咪

好慘呀 !    亞囡 test 咁多日就病咁多日, 仲要發住燒返學 ! 小朋友, 真係唔讚得呀 !     

Daisy媽咪

Cameo.
你好呀, 我都好想知幾時搬新校, 如果下年先搜, 我地可能冇機會用新校舍了.
你有冇睇個視學報告 ? 我粗略睇左, 個評語幾好呀 仲讚校長同副校長, 最後有2點可以改善.我覺得以新校車上場2年時間有咁既成績已經好好啦 !
大家努力溫書啦 !

Daisy媽咪

甜粟米 寫道:
Hello bigkinginhk:
好開心有其他媽咪回應,我想問午餐學校如何安排,同埋開學頭一星期上課時間會否有特別安排,唔好意思我太多野問, 謝謝.

午餐係同 9to5 訂, 近新日有試食, 應該都幾好味同款色多, 我個女食左2年都冇投訴 !
開學既野我唔記得,不過9月係夏令時間, 所以放1點 !

Daisy媽咪

BBChu 寫道:
Daisy媽咪
請問視學報告係邊度睇到呀?  

我係學校內聯網睇到架 ! 內容唔緊要啦, st.rose 真係間好學校, 雖然成績並非最top, 不過校風一流 !

Daisy媽咪

cameo,
因為我轉左新工, 工作都很忙, 再加上細佬9月要上k1, 所以我剛開始送亞女上補習舍. 暫時佢日日幫我跟左d功課, 都算減左我少少壓力, 至於考試, 有時我都唔知點同佢溫 !

其實我唔介意搬唔搬校, 不過如果唔搬, 就早D講比家長知會好D !

係呀, 我打錯字, 我對教育不認識, 不過以家長立場, 我覺得鍾校長上任兩年, 成績算唔錯, 不過可能老師會辛苦D啦 !

至於校車, 我一早叫你轉啦, 我依家搭保母車, 上車遲左, 落上早左, 上課外活動又可以接埋佢, 唔駛叫工人接, 而且又平左.  我依家返工返太子, 我見D校車, 七點三就到學校啦, 咁早, 比D小朋友訓多幾個字好過啦,   我估佢地趕住接第2間學校D小朋友, 所以要我地D學生咁早上車呀 ! :evil:

Daisy媽咪

ShanShan 寫道:

各位 Hello!

Daisy媽咪, 唔好意思, 想問下你話搭保母車, 係咪以前既校車公司呀?  

嘩!  "七點三就到學校?" 又真係早咗d喎.  我好同意, "比D小朋友訓多幾個字好過啦".  最慘係冬天, 個天都未光就要落樓啦.

所以我都係到諗, 如果真係要啊囡好早上車, 我就會叫 auntie 帶佢返學, 放學至搭校車/保母車返屋企.

係呀佢係以前校車公司, 我覺得學校最差既安排就係"校車"  

各位媽咪,
提下你地, 學校唔贊成包書, 因為環保, 所以你地最好唔好包書啦 !

Daisy媽咪

甜粟米 寫道:
Daisy媽咪:
唔包書, 書未好快殘. 學校有無正視校車的問題,7:15去到學校真係太早啦.是否因為地區問題.

唔擔心, 其實中數每學期都有兩本書, 所以每本書都係用半個學期, 應該ok既. 但如果你想包, 老師都冇所謂, 因為我小一上學期都有包, 但下學期買左書想包時, 亞女就叫我唔好包, 佢話老師話唔環保, 叫佢地自己小心d保存本書哃 !

至於校車, 其實家長都應該有反映, 因為其實第一年都ok既, 第2年就   . 唔知校長今年會唔會轉.

我建議你問左校車費用, 上落時間 (不過佢多數答唔到你), 唔好CONFIRM 住, 再睇下門口有冇保姆車派片, 問完再決定. 最好就問下你同區有冇ST.ROSE 家長, 睇下架保姆車SERVICE 得唔得, 因為我所知校車都係判出去, 如果判個間OK 的話, 都可KEEP 住搭校車 !

你住邊區呀 ?

Daisy媽咪

[quote]
cameo 寫道:
daisy媽咪,
我都知你升班後無耐就轉校車公司呀,但我個站得兩個小朋友咋,我驚人地未必想接呢d生意啊!

不如你問下先啦, 唔得又冇壞既 !

and請問你而家轉左媬姆車後,到特別時間(例如考試特別時間)媬姆車可唔可以安排到呢????

可以, 如果夾到KINDERGARTEN 放學就可以搭埋校車, 當然有時你課外活動早左放, 你個女就要係學校等架車, 等KINGERGARTEN 放學先LAW. 好似學校話要搬, 我都問保姆車第時同幼稚園唔同校舍, 係咪課外活動後唔會接小朋友, 佢都話要睇學校搬去邊, 如果夾到都可以接埋小朋友, 但我以前問校車, 都未問完已經講話學校話明課外活動後冇校車, 仲問 ! (一D相"涼"餘地都冇)

因我以往個女讀幼稚園時經驗係,一唔坐校車,特別日子其他媬姆車改唔到時間(佢地重有其他學生,唔可以將就我一個特別時間)
可以的話,我都想明年轉嘞!
麻煩晒,因我今年真係俾校車攪到多次唔高興,佢自己早到可以無禮貌咁打電話嚟講野,我遲到1分鐘佢都唔等,重要好"精",佢話上車时間係7:05,但一到7:05即開車,開左車先打嚟話自己走左,所以即使遲30秒都唔洗望佢會等,佢開車後先打嚟亦大條道理自己已開左車唔可以掉頭~
重有呀,學校之前係派過通告,話某d小朋友課外活動可以睇睇校車有冇位,若時間可以夾到幼稚園放學時間,都有機會接放學,但事實根本係嘥氣,因同站一個同學,明明活動後時間夾到幼稚園,但校車都唔接,話呢個站無幼稚園落車喎(但相若一分鐘路程見到係有幼稚園生落車的),佢地連一分鐘路程都唔肯順路接埋呀,講真丫,車費係"一個月"車費呀,一句唔接好過啦!

講起就
自己早黎左就話我地遲到, 到我早左佢自己遲左十幾分鐘就若無其事 ! 我個女由K1坐校車到依家, 就算病都唔會坐車坐到嘔, 就係坐佢地校車, 唔夠一個月嘔兩次, 真係        

Daisy媽咪

BBChu 寫道:
cameo & Daisy媽咪
咁既校車服務又真係好差喎!  無禮貌就已經好難頂啦! 咁23號我吾會登記住, 到開左學後一個月睇下咩情況先!  e家係放學煩d, 不過我囡囡都慣左行, 所以行去mtr, 佢應該接受到, 而且沿途買下麵包食, 都應該吾會辛苦掛!  多謝意見, 妳地兩位好鬼勁, 打咁大編野

真過份,   剛收到通告, 校車仲加價, 咁既service 仲要加價, 終上要1個月notice 或者1個月車費 !

各位新st.rose 家長,
我個人覺得書包唔駛要買到咁貴,尢其係會搭校車個d, 只要本身輕身, 真係要佢揹書包既時間唔係好多, 只係上下課室, 放學上校車之前個一小段路. 我本身同佢係jusco 買左個大約200蚊既卡通書包, 本身輕, 公仔靚, 呀女會鐘意揹, 因為係學校佢地就係玩, 講呢d野, 用左2年, 都ok, 如果亞女唔要求, 可以用埋三年班 !
此外, 文具最好越簡單越好, 因為佢地細, 太花巧既文具會令佢地分心, 所以最好買d簡單d既 ! 不過家長日老師會講, 不過都唔係個個會咁做 !

Daisy媽咪

ShanShan 寫道:
[quote]
Daisy媽咪 寫道:
講起就
我個女由K1坐校車到依家, 就算病都唔會坐車坐到嘔, 就係坐佢地校車, 唔夠一個月嘔兩次, 真係        

Daisy媽咪
呢個係好大既問題喎.  真係要   [/quote]

問左亞女, 因為佢地架車開得急, 又站多, 急停, 你話唔嘔至其啦 !

Daisy媽咪

甜粟米 寫道:
cameo & Dasiy媽咪:
非常多謝你地的意見,你地好有心呀!!
校車我都係問清楚先決定, 可唔可以中途加入呢??因為我想頭一星期送佢返學.仲有最煩係要揍埋細女,佢未夠兩歲,到時要起花園街落車行過去.

我相信 (一定) 要你比足成個月車費, 但你可以試完保姆車唔得至轉校車, 佢咁既service, 依家又加價, 我唔信d舊家長會搭佢 ! :evil:

Daisy媽咪

CAMEO,
我call 你啦 !

Daisy媽咪

各位,
今早見到三架校巴, 7:15已到新世紀商場
如無記錯, 買書, 買校報果日會有書包買, 不過我冇買, 因為太多人.
至於學號, 依家係未停架 (除非改左啦 ) 因為我記得亞女當初係14號, 但開學變左18號. 因為有d叩門位加左呀 !

Daisy媽咪

Cameo,
係呀, 陳先好好人. reader 我個女都冇溫spelling list 佢都話唔駛考喎 !    唔知真唔真, 不過冇所謂啦, 都考左law !

心心媽,
好耐冇出現啦, 你好嗎 ?
亞女話會話已經考左, 星期一考係聆聽, 然後注上聲調 ! 我冇同佢溫, 因為佢d普通話仲好過我. 不過唔駛擔心啦, 依科唔計分既, 叻到識fly 都冇用 !
留d精力溫數啦, 佢d數真係     仲有兩日, 大家努力啦 !

Daisy媽咪

cameo, 心心媽
佢地真係好過份喎, 我覺得如果咁多架校車既service都係咁，　同鄧太講都冇用，因為可能係佢發出既指示. 不如你地同學校及家長教師會d主席反映下, 我估pta有用d, 因為我轉之前都有同學校講 ! 希望佢地下年真係要考慮換公司 !

大家努力呀, 仲有一科咋 !

Daisy媽咪

cameo,
佢地咁既service, 邊敢send 問卷呀 ! 收到result就更加唔駛做啦 ! 至於通知金, 我覺得好唔合理, 今年佢咁既安排我估係費事到時開學plan 好哂d路線同行車數目, 之後d 人cancel 而令佢地有損失吧 ! 其實佢地都係中間人者,判上判, 佢邊control 得到咁多呀 ! 佢地d線好多站, 所以要咁早上車, 好似我咁, 係我屋企會去彩虹, 鑽石山, 黃大仙, 慈雲山..... 再返學校. 當初我都唔知, 因為問佢行條路線佢死都唔肯講, 之後我問呀女, 同其他搭同一校車既家長, 至知要行咁遠同有成十幾個站. 依家我架保母車就去完我屋企就去秀x坪, 藍田匯景同麗港城, 然後返學校, 所以快好多.   老實講, 就算唔話比家長聽有幾多個站, 都起碼話比我地聽行既路線呀, 真係有起咩野事, 聽到新聞如果校車發生意外, 都知關唔關自己事嘛 !  :evil:  當我知道架校車要去慈雲山, 黃大仙時, 再問校車司機, 佢地仲 過我, 話條路一定係咁行 ! 我覺得好比個女坐你架車, 衰衰地都係你個客, 我好聲好氣問佢, 駛唔駛咁   :evil: 就依件事, 我都同學校講左, 不過佢地好似冇乜反應 !
  
終於考完試啦, 不過呀女又衰左, 琴日隻眼又發炎含膿, 一早去睇醫生, 攪到2點幾, 食完藥, 開始溫書又   激死 ! 初初諗住有個端午節同佢溫, 點知.......
    不過算啦, 我地真係可以放暑假啦, book 左星期六去做facial 啦 !

Daisy媽咪

BBChu 寫道:
我都諗緊帶吾帶阿囡去?

cameo & daisymami, 可吾可以俾d意見

我記得我係冇帶亞女去的, 因為要坐係禮堂聽好多野, 小朋友會冇耐性又或者不停問三問四, 所以大人自己去會集中d, 我記得開學前會再有迎新日比小朋友, d高年班姐姐會安排左d攤位遊戲比佢地玩, 又planning 到 execution 都係小朋友做, 又會好take care d 小師妹, 帶佢地遊覽同介紹間學校, 所以不用擔心啦 !

Daisy媽咪

改上課時間我估真係好難, 因為牽涉連太大, 包括課後教師開會時間, 課外活動時間, 校車安排, 校對訓練時間等...... 其實我相信學校仲有好多背後行政要做而我地唔知. 改動少許可能仲可以, 太多我就估有難度了 ! 你上了小學就會知依家學校真係要做多好多野, 同我地個時代已經相差很遠了 !

cameo,
閱讀改為午餐後 ???咪飯氣供心, 個個    
我反而相叫學校d體育訓練 (即係東區遊戲日果d) 改係星期六或者星期五, 因為個小朋友上完成日堂, 再訓練個幾鐘, 返到屋企仲要做功課, 溫默書, 因係冇break, 好辛苦 ! 不過唔知要同邊個講 ?

Daisy媽咪

老實講, 我覺得家長有時真係要配合學校, 上學時間已uploaded 在學校網頁, 如果真係接受唔到, 我相信你要考慮一下你自己可否接受依個安排六年時間, 要學校改來配合小朋友,我真恐怕有些難度 ! 而且真係學校要顧及很多安排, 並非單單十多廿分鐘的上課時間.
我個人好鐘意夏令時間, 小朋友多左時間做功課或者小睡, 真係好好多, 不過如果佢要取消, 我都冇計 !

Daisy媽咪

我覺得佢依家比既上車落車時間未可作準, 只可以作參考, 真係要等八月中至尾, d 人confirm 左坐校車d路線至可作準, 所以時間一定有出入. 因為我當年都係咁 !

wtmaggie,
乜琴日有咁多野玩咩 ?   我真係唔知, 亞女淨係話上德育, 要著pe衫 ! :evil: 不過佢都話琴日好玩, 不過就唔知佢玩乜 ?