選択給子女留英的、有後悔嗎？

亮燈

當然冇後悔啦！因為可以令阿仔更獨立，識得管理自己，而更重要係接觸到英國既傳統、教育既質素(真正既優質教育)……等！成績還是其次，我覺得已獲益良多。

亮燈

原帖由 db7mu23 於 16-05-06 發表
亮燈兄

我後悔遲了3年，才送阿仔往英國留學!

如果你咁講，我都算後悔架！所以我依家都話俾人知，讀完小六去就最好，但重點係孩子自願及已經預備好！

亮燈

原帖由 Taimum 於 16-05-06 發表
回覆 亮燈 的帖子

係唔係，比左錢出去，都覺得值回票價呀？我同兩個仔講，錢我地就比左啦！攞幾多就睇您地 ...

當然，我唔能夠話俾左錢，就會收番相同價值既結果，我絕對唔會咁諗，總之好似你咁講，佢地收到幾多，就只靠佢地自己，而我只係盡父母責任，而佢地亦要盡佢地既責任，咁就無悔喇！

亮燈

原帖由 holemone 於 16-05-11 發表
我未有小孩，但常常被亮兄及4哥的見解獲啟發，今個月尾同老公移民去英國，目的也是為將來小孩的教育。希望 ...

冇辦法，試問一個會送子女去外國讀書、擁有外國護照兼唔冇人民受權既政府官員，又點會對個社會實行長遠而又有益既政策呢？可惜我冇本事移民，惟有用自己既方法去解決及同佢攬住一齊……

亮燈

Macau媽媽 發表於 16-5-11 19:55
我都後悔左, 應該Y8 就要去, 而家Y10先去
可以訓練亞囡獨立及同人相處, D親戚成日話晒錢, 邊到讀 ...

我同你既諗法差唔多，我覺得Y7/Y8都可以，只要孩子願意就得！而其他人既講法，只係參考，最重要係自己知道做緊乜野！自己保持清醒就得。

亮燈

Mighty 發表於 16-5-11 16:22
係架、although吾応該係nee到講、但香港真係越来越離譜、不能尽怪一男子、但肯定６先生是一重要因素、d班子 ...

點解呢條XX咁爛？就係我所講既......冇人民受權，所以呢班爛人唔需要向我同你地負責，即係可以不負責任，就係咁簡單！

亮燈

原帖由 gobgo 於 16-05-12 發表
有冇仔女畢業之後在英國發展唔返來? Year 7 咁細個離開屋企, 到讀完 master 至回港會不會和家人感覺疏離或 ...

如果佢願意，我覺得冇問題喎！佢既將來係要佢自己選擇、參與！

亮燈

原帖由 Mighty 於 16-05-11 發表
好激気架！！納税就一個仙都吾少得、不過就供比班癈柴。　私人公司、一早SACK左LA.　我地完全無SAY、火都嚟 ...

一帶一路仲攪笑、荒謬，記唔記得以前話開發大西北？香港好多商家都去視察，包括小甜甜，依家呢？食西北風就有，中共最叻既強項就係講大話、有著數時認親認戚！又講多左添！

亮燈

原帖由 Mighty 於 16-05-12 發表
其実貢橙党認X認屁吾関我地事、適隨専便、但係用我地D納税人銭就離譜。　　仲講到好似好大恩恵GUM ...

事實係剛剛相反，佢地正正就係受左香港人好多恩惠，至可以生存到依家，當年50-70年代，邊個救濟佢地？再由所謂改革開放到現在，最大投資額既外商(記住：我地香港人係外商)都係香港，咁你話邊個幫邊個？邊個冇左邊個唔掂？但我地從來冇講過呢D咁難聽既說話，只係佢地不停地講，最慘係有香港人真係信喎！原來假話講100次、1000次就真係變成事實架！

亮燈

原帖由 winniesiu 於 16-05-12 發表
同意。但唔明點解真係好多人buy佢地，好惡好恐怖。

希望小朋友出國後，見識廣，識分黑白

大家既邏輯要清晰，以我所理解，中共由未立國之前，已經在中華民國境內散播謊言(家母就係俾佢地呃)，直至立國到現在，都係以謊言治國，點解？因為人民普通少受教育，好易呃，加上當時中華民國的確管治得差，人民期望轉變，咁就信左中共，但佢地唔知道中共其實唔係中國人，佢地只係受到當時蘇俄指使既傀儡，成立「中华人民共和国」前就成立「中華蘇維埃共和國」，講到呢度，你地就知邊個勾結外國勢力啦！佢地消滅左好多中華文化，包括禮、義、廉、恥，破壞左好多文物古蹟，所以，我先認為中共唔係中國人，而佢地只係偷左「中國」呢個名去繼續呃國民及全世界！又講多左添！

亮燈

原帖由 teambuilder 於 16-06-02 發表
想請教各位有經驗家長，香港小朋友去到英國受當地學生歡迎嗎？有冇好似香港咁排外呢？ ...

我覺得唔需要擔心，只要孩子唔係自私自利、肯合群、懂得尊重別人(無論國籍及膚色)、肯開放自己，咁又點會被人排斥呢？記住，世上沒有無緣無故的愛、亦沒有無緣無故的恨。不要問他人為何總是歧視我，要問自己究竟對他人做過甚麼？

亮燈

原帖由 SYSquare 於 16-06-02 發表
亮兄，很欣賞你。你的分享好實在，好有用，好舒服。

過獎喇！我知我所講既野會有部份人係唔啱聽，但我唔在乎，因我係講真心話，憑良心講野及做事，問心無愧就得！

亮燈

原帖由 scso 於 16-06-02 發表
回覆 亮燈 的帖子

Totally  Agree, 無論在學校或職場也都一樣，要孩子學會怎樣與人相處 ...

冇錯，待人處事，係讀幾多書都唔會教到，因為每個人都唔同，要自己去摸索、體會，累積經驗至試得處理！

亮燈

原帖由 teambuilder 於 16-06-02 發表
想請教各位有經驗家長，香港小朋友去到英國受當地學生歡迎嗎？有冇好似香港咁排外呢？ ...

唔好意思，漏左最尾條問題未答，點解香港人排外呢？排斥邊個國家既人呢？美國人？日本人？……我諗你意思係中(国)人，如果估錯請指證，謝謝！

正如我剛才所講：世上沒有無原無故的恨。唔好問其他人點解會歧視我，要自己問自己究竟對其他人做過D乜先？答案好明顯，我諗好多人都知佢地做過D乜！

而我係唔會歧視、討厭D有質素、有禮貌、懂得尊重他人既遊客及移民，無論佢地係邊個國家既人，當然包括中(国)人在內，我亦遇過D有質素、有禮貌既中(国)人，冇問題喎！但可惜為數太少，大部份都認為自己有錢大晒！咁就抵人歧視啦！

亮燈

原帖由 Mighty 於 16-06-02 發表
実在太同意了。　最近在網上看過幾条片子、都不約而同有満口口音的大媽話人地[蝦]距、実情係距地做左D野 ...

即係所謂既「玻璃心」，其實我覺得係「奴隸心」，因為自卑感太大而做成極度自大，長期受壓迫而唔敢反抗，當去到文明自由國家時，就立即變成主人，一副有錢大晒！我係黎幫你地國家經濟發展，冇我地消費，你地就破產既不可一世模樣。真係好幼稚、好可笑。正如佢地話：冇我地賣東江水(屎水)俾香港，你地香港人冇水飲喇！所以你地要感謝祖國呀！但係香港人又知唔知呢D屎水比馬來西亞賣水俾星加坡係貴幾多倍呢？正確係：如果冇香港用超高價錢買你地D屎水，你地D貪官邊有錢去移民買屋做外國人呢？又講多左添！

亮燈

補充：講開水，最近既鉛水事件，點解冇人話要驗輸入香港既水源呢？即係入濾水廠前及後既水質，是否含鉛及是否適合現代人類飲用水既標準呢？從來冇人提過喎！點解呢？

亮燈

原帖由 teambuilder 於 16-06-04 發表
回覆 亮燈 的帖子

先多謝你無私分享。其實我意思係英國人興唔興話外國人留學生霸佔左佢地d學位或佔用資源 ...

你放心啦！全世界只有香港依家個政府咁，只幫中(国)人，唔會幫香港人既！學位已是好例子，西方國家政府係民選出黎，咁梗係幫當地國民啦！佢地俾得個學位你，又點會話你搶左個學位呢？，最主要係做好自己，奉行普世價值就冇問題，唔好似某D中(国)人咁，以為有錢大晒！不可一世！咁就梗係俾人排斥、歧視啦！

亮燈

原帖由 carolyyyan 於 16-06-05 發表
係吖，非常同意，阿仔過咗去2年，成個人獨立左，視野濶咗，每次返來都有說不完的話題，更孝順咗，之前中一 ...

好勁，三個。如果家庭能力可以的話，根本唔使考慮，只要子女同意，去吧！必定收獲豐富！

亮燈

原帖由 Mighty 於 16-06-06 發表
本帖最後由 Mighty 於 16-6-6 11:04 編輯

其実我開這貼子、是因為小朋友（１２歳）今年９月去Y９、是我 ...

其實當初我同阿細講時，佢都好開心，但我會俾個心理準備佢，話佢未心考到，就算考到，佢再決定去唔去，如果去，就冇左D好friend既同學，等佢自己諗，跟住就俾幾間學校佢自己揀，叫佢上網自己睇，揀到再通知我，再同agent講！結果佢就決定去，就俾按金時，再叫佢諗清楚，唔好反悔，佢都話去，咁就去囉！所以依家冇問題，佢都好期待。

亮燈

原帖由 Leung2010 於 16-07-04 發表
其實我不是太擔心排外問題,
我反而好拍愈來愈多 真正的中國人/ 有錢二代  去左英國留學,
教壞埋香港D仔女 ...

呢樣就冇得擔心，而我就事前解釋清楚俾佢地知，呢D中(国)人既錢係點樣得番黎！而父母既錢又係點樣得番黎！令佢地知道有乜分別，教佢地唔好貪心，因為佢地果D係陰質錢，要累死好多人先有，而父母既錢係用自己既知識、勞力及時間賺番黎，好辛苦的，要等佢地明白。