F.1 既家長, 你地幾時開始考試呀?

silvia_ng

原帖由 ccj2008 於 16-01-18 發表
我仔就是有鋪補習隱，他B1A校，數keep住9字，我叫他不用補數，他堅持要補，話有補好過冇補 ...

但而家都補，咪真係補要F.6?!  唔去補習，可以慳返啲時間做下其他野呢！

silvia_ng

原帖由 kittylam 於 16-01-18 發表
聽日開始正常返學，應該會派卷，數學已經知道keep唔到，考完都知最小錯幾題，英文星期六派咗，英文我滿意既 ...

而家細路啲中文真係唔知點解咁差，係佢地學深左？定係重英輕中得太利害呢？

friendfriend

silvia_ng 發表於 16-1-18 18:39
而家細路啲中文真係唔知點解咁差，係佢地學深左？定係重英輕中得太利害呢？

我覺得係現在 d中文實在太深，太crazy，又要主旨，又要段意，又要解文言文，又要答問題，F.1 only，什麼教育制度？

kittylam

原帖由 silvia_ng 於 16-01-18 發表
而家細路啲中文真係唔知點解咁差，係佢地學深左？定係重英輕中得太利害呢？



  ...

對我仔黎講就絕對唔係重英輕中，我英文係有限公司，自細就只可以教仔認中文。佢幼稚園已經識好多中文字，k2就睇特務喜羊羊故事版，英文基本冇教過（我想教但冇能力），以為佢中文好好，點知小一考試，英文99.5，中文得88，之後英文一直可以keep到98左右，中文就忽上忽落，我到而家都不明所以。中學第一次大測佢中文69，我有問過中文老師佢算唔算差，老師話唔算差，我估應該係中學中文真係好難好深，60幾已經算好，而家每日得閒就畀佢睇大陸d古裝劇，希望佢聽多古文，而家追緊水滸傳，暫時有興趣，希望有d用。

sml

原帖由 ydoris 於 16-01-18 發表
阿囡話佢D同學個個放學去補習,補少一日都吾自在.不過佢地係小學補開無停過個隻,吾係成績吾好走去補..補習對 ...

照計補習又吾係玩，無理由鍾意。我對孖女小學都有補習，而家中一我比佢地自己試下先，吾去補習，佢地不知幾開心

mother904

friendfriend 發表於 16-1-18 19:23
我覺得係現在 d中文實在太深，太crazy，又要主旨，又要段意，又要解文言文，又要答問題，F.1 only，什麼教 ...

我以前F.1都係學呢d

silvia_ng

我記得以前F.2先學木蘭辭，而家小六已經要接觸，真係越推越前呢！小二學乘數表，家下k3又話要接觸下，發神經！

blee427

而家中學D野真係深。 轉英中仲死多D。阿女昨天派完IS卷，終於有領悟，中學真係同小學好唔同。 佢哋班IS攬炒，只有十個人合格。好彩佢合格，但唔高分。今日派死亡geography,希望唔好破IS紀錄。 我今朝講，努力為下一次啦

TwinWong

silvia_ng 發表於 16-1-18 23:32
我記得以前F.2先學木蘭辭，而家小六已經要接觸，真係越推越前呢！小二學乘數表，家下k3又話要接觸下，發神 ...

係, 高小要讀木蘭辭, F.1 讀埋原整版, 有D高小就讀晒原整版,
其實有D學校校本单元, 开始加少少簡单 新/舊詩, 寓言, 歷史, 以图文故事方法教授, 只做下填充
高小就係加強版, 自己劃下出喜愛主角人物, 答下你對文理見解, 到初中再加強点, 正識文言文, 記語釋

blee427

我女學校自己整理左本校本，就是中國語文外的課程，多為詩經，古詩。我想當年，我該是中三才詩經。

tintinlam

silvia_ng 發表於 16-1-18 18:39
而家細路啲中文真係唔知點解咁差，係佢地學深左？定係重英輕中得太利害呢？



  ...

我覺得唔係D細路差, 係D中文深就真.  睇完阿仔D中文卷, 合到格我都收貨.  我當年讀都冇佢地咁深.

ydoris

差吾多派完卷啦,幾科都差零點幾,1分先及格.卷又睇吾到..下次吾知點溫..

tintinlam

silvia_ng 發表於 16-1-18 23:32
我記得以前F.2先學木蘭辭，而家小六已經要接觸，真係越推越前呢！小二學乘數表，家下k3又話要接觸下，發神 ...

木蘭辭, 楊修之死, 背影都教完啦, 教埋論語........仲有其他......好彩唔係我讀........ 我本來同阿仔講8字頭, D細既, 包括大仔D同學 :"你講笑下, 你知唔知考到7字已經好勁既啦, 仲話8.  細佬, 唔好理, 合格已經叻既啦." 我仲話成班死仔包, 一D志向都冇, 合格就算.  睇完D卷我都覺得合到格都算啦.

silvia_ng

blee427 發表於 16-1-19 08:50
而家中學D野真係深。 轉英中仲死多D。阿女昨天派完IS卷，終於有領悟，中學真係同小學好唔同。 佢哋班IS攬炒 ...

我地IS, 全級先得10幾人合格呢!
大家呢次驚一驚, 下次應該會努力D啦!

silvia_ng

ydoris 發表於 16-1-19 10:01
差吾多派完卷啦,幾科都差零點幾,1分先及格.卷又睇吾到..下次吾知點溫..

會否家長日有卷睇? 樣樣差少少真係好唔抵, 叫小朋友下次努力多少少, 小心多少少, 咁成績又會好少少

silvia_ng

tintinlam 發表於 16-1-19 10:11
木蘭辭, 楊修之死, 背影都教完啦, 教埋論語........仲有其他......好彩唔係我讀........ 我本來同阿仔 ...

我仔中文三份卷都係5字頭架咋....真係唔敢望有6-8字頭
好老實....只希望佢唔好中文唔合格咋~ 其他科先衝8, 9字頭啦!

blee427

原帖由 ydoris 於 16-01-19 發表
差吾多派完卷啦,幾科都差零點幾,1分先及格.卷又睇吾到..下次吾知點溫..

呢個先係問題，唔派題目卷，完全唔知衰咩。點執返D骨

blee427

我女派完卷都好驚，因為無科八字頭，佢話現在只有中文係全班合格。 數學有半班炒左，中史炒左十個。英文卷一又死半班。佢話comprehension既形式轉左，好多同學唔識做。listening該又係攬炒，佢哋一級都投訴聽唔到講咩。 IS得十個人Pass. 又睇唔到卷，完全唔知死左D咩。我昨天都講，係學校問題，老師唔識教，還是學生唔吸收。搞到半級人都肥佬，有咩好處

blee427

原帖由 silvia_ng 於 16-01-19 發表
我地IS, 全級先得10幾人合格呢!
大家呢次驚一驚, 下次應該會努力D啦!
...

全級十幾個

ydoris

回覆 silvia_ng 的帖子

幾時家長日都吾知,卷又吾洗簽..不過分係加埋平時再計,上學期佔3分1.我想睇返D題目,研究下中學既卷要點先等..而家只靠阿囡自己,幫吾到佢.因為升班又睇成績分班,不能輕視..