有冇左撇子小朋友成功改返用右手?

snoopy333

囝囝三歲， 食飯執筆習慣用左手。 但上幼稚園後老師及家人想佢轉右手。好煩惱。有人可分享下嗎？

yannietimb

原帖由 snoopy333 於 15-01-19 發表
請問你細佬學寫字會唔會比其他人困難d?

不覺他們學寫字時有什麼困難，其中一個是小學中學年年全級考第一的高材生！現在當上教師了！

brother4

唔算，太耐了，記得亞大小學己正常，但成績—般，到中學後較好成績，亞細由小學至中學改不了，小學最怕默書，常錯，因成績要補習老師，好彩老師都是同細一樣，咁教亞細用筆，看字因左右字倒轉寫

snoopy333

yannietimb 發表於 15-1-18 18:51
其實學寫字不用擔心喎，左手人只要學正確筆順，他們寫字好似每劃「隊」過去咁，因為我細佬是用左手的，其實 ...

請問你細佬學寫字會唔會比其他人困難d?

snoopy333

brother4 發表於 15-1-18 08:42
二個有l個返用，但冇返用聰明D

你有經驗嗎？可否分享一下?

yannietimb

原帖由 snoopy333 於 15-01-17 發表
有父母支持真係好重要, 真替你開心. 但我就要面對自己老公同6299既責備, 佢地怪我點解唔由細就幫佢轉右手. ...

其實學寫字不用擔心喎，左手人只要學正確筆順，他們寫字好似每劃「隊」過去咁，因為我細佬是用左手的，其實同用右手沒大分別，只是你較難捉住佢手寫而已，其實開始識寫字，沒幾多機會你要捉住佢手寫！

brother4

二個有l個返用，但冇返用聰明D

EMS

原帖由 snoopy333 於 15-01-17 發表
有父母支持真係好重要, 真替你開心. 但我就要面對自己老公同6299既責備, 佢地怪我點解唔由細就幫佢轉右手. ...

我哋細個，父母點會好似而家咁，咁貼心教導功課……返到屋企只係自己寫字呢。
到而家做人阿媽，我呢個左撇子都唔係好識去捉住個仔右手學寫字，最後我咪一筆一筆寫出嚟叫個仔自己寫，佢而家大咗咪又係識寫字
你個小朋友都會好聰明，你唔駛worry寫字，佢都好易上手，只係其他人睇唔順眼，媽媽，加油!

snoopy333

FCC 發表於 15-1-17 10:16
我個仔都是左手的，在2，3歳時因擔心教寫字不懂教，所以便教佢用右手執筆，用餐具等，到了4歲見職業治療師 ...

我囝囝因為感統問題都要見職業治療師, 佢都建議我囝囝用返佢叻d果隻手.

snoopy333

EMS 發表於 15-1-16 20:17
其實點解要改用右手呢？想想如果有人叫“右撇子”唔好用右手，只可用左手寫字，又會有乜感受?
我細個比人逼 ...

有父母支持真係好重要, 真替你開心. 但我就要面對自己老公同6299既責備, 佢地怪我點解唔由細就幫佢轉右手.

請問你小時候父母老師如何教你寫字?

FCC

我個仔都是左手的，在2，3歳時因擔心教寫字不懂教，所以便教佢用右手執筆，用餐具等，到了4歲見職業治療師，給她的説話點醒了，她說：呀仔最叻用左手，點解要改變佢，將自己最叻的東西都發揮不到，用不到，不讚成咁做。至於寫字問題，從小教他唱筆順寫字便沒問題。現在呀9歳了，書字沒有問題，我覺得左手孩子真係有點小聰明的，將神賜給他的一切好好珍惜和運用

EMS

回覆 EMS 的帖子

至於字左右反轉……喺我記憶中我係無試過反轉寫字喎。左撇子係右腦比較發達，可能藝術方便比較強，曾經有本書講過，佢哋圖像比較強，好自然會用圖像記憶法去記嘢，其他左撇子就唔知，但我就係

EMS

其實點解要改用右手呢？想想如果有人叫“右撇子”唔好用右手，只可用左手寫字，又會有乜感受?
我細個比人逼某啲要用右手，覺得要做啲唔想做嘅嘢，有種力不從心感覺，好有挫敗感……又覺得用左手又無錯，點解成日比人話?好多謝當年爸媽支持我，無迫我咋
其實左撇子好多大個咗，用右手靈活度比“右撇子”用左手較好，可能一生總經歷過被迫用右手啦！
眼見身邊有啲(當然唔係個個)細個左撇子但大人要迫佢哋用右手寫字嘅人，讀書成績好似差啲，我記得有專家講過右腦發達嘅人要佢用無咁發達嘅左腦，會影響咗佢發展，事倍功半
樓主真係要好好想清楚

snoopy333

回覆 yannietimb 的帖子

其實最想囝囝轉右手係我老公同佢家人， 老師當然亦想佢轉因為咁樣佢教寫字會方便d。佢地唔明白用邊隻手係會影響好多野。

snoopy333

回覆 keen 的帖子

多謝你既分享! 我仔在校試用右手差不多有4至5 個月， 佢右手係進步左， 但因職業治療師教我觀察佢平時用手既習慣， 我發現佢始終係用左手為主。而且佢只係因為老師要佢用佢先跟指示用右手, 佢根本唔想用， 我唔想再迫佢轉。

yannietimb

我家族有好幾個左撇子，個個讀書都很不錯，除左寫字無咁靚，同食飯坐得迫時有機會撞到人，根本完全無問題，不明白個老師竟然會建議改右手，這樣是要小朋友違反自然，自問自己用右手，要用左手簡直就是非常難困！

keen

其實要視乎人，個個人情況唔同。我之前都請教過專業人士，佢話有d人左敝子得嚟隻右手都ok，咁咪俾佢用右手寫字囉…始終寫中文字會方便好多 (英文反而無所謂)…但係，如果有d人勁左敝，你逼佢轉右手，就好可能對佢成長造成好多問題，寫得辛苦會放棄、減低自信、嚴重甚至可能有口吃。

至於鏡字，佢就話剛剛開始學寫字，都有可能出現鏡子情況，會有可能同讀寫混淆，但通常去到約K3，你就會睇到，佢係真讀寫問題定祇不過係因為用左手。

咁我剛開始學寫字時，都有俾佢試下用右手，但佢右手完全唔掂，所以都係用番左手算數。

leopak

我囡由出世到依家6歲，玩、食、自理能力，都是用左手。

不過，去上幼稚園，同畫畫堂時，老師教佢用右手埶筆，所以佢左右用會在唔同時而分配用，無問題。

鳩嗚

我都係左手人，小時亞媽都迫我用返右手，但次次都自己轉返左手，個時老師都係亞媽順其自然，我又唔覺得有困難喎.....只係做英文抄寫隻手有污漕，反轉字寫同左手定左手無關，係讀寫問題，亞媽用右手搓我左手教，只係學寫字初期有點困難，之後都可以自己寫啦!但亦成功轉到右手列子，之後變左兩隻都寫到

snoopy333

回覆 鳩嗚 的帖子

多謝你既鼓勵! 請問是否你本人用左手? 小時候學習寫字有困難嗎？會否容易出現反轉寫字的問題? 家人教你寫字有冇難度?