08/09 K1F 上午班 (Dorset RD.) 報到!!

cm_pang

Hi gotgot,

下星期六我個仔應該都好返, 通告話唔使帶小朋友, 你會唔會帶埋愛林去? 你會唔會早少少到. e.g. 9:30am, 咁我可以等埋你傾幾句.

頭先攞咗半日假帶個仔去睇醫生, 希望食埋呢兩日藥, 好番, 下星期可以返學. 頭嗰一日, 佢唔使返學都不知幾咁開心, 因為唔使晨咁早俾我地剷佢起身, 到咗尋日同今日, 佢真係悶到發慌, 係咁捉住我地要我地同佢玩.

阿仔病, 大人都辛苦, 半夜起身同佢探熱, 食藥水, 跟住自己又要返工, 有時情願自己病都好過佢病.

我之前同MISS WU提過今日搵校車送功課到站頭, 頭先睇完醫生返黎, 見到枱面成叠野, 我未睇, 不過都要係星期六日同個仔做番晒D功課, 咪等佢以為唔使返學就可以玩到創晒.

cm_pang

嘩, 愛林好叻女, 佢係咪可以一五一十將學校發生過事都同你講一次. 有時間你真係要多D上黎報告下. 我問親我個仔, 佢淨係識得話食茶點同去廁所!

原帖由 gotgot 於 09-2-19 23:33 發表
愛林今日話星期五有得扮Indian喎,帶果d Indian帽,只有10頂,要輪住帶!!^^

仲有佢話我知數學功課上面畫好似骰仔o既圓點,老師教佢叫呢d做domino....

gotgot

cm_pang,

好呀,我早少少到呀,你等我呀!!
我本來打算帶愛林一齊o架,因為平時佢YIP'S 12:00PM上堂,但咁o岩下個星期六改o左時間上4:30PM,咁我又要諗諗啦,我仲諗住見完老師同阿囡去食早餐添!上次家長日,你傾o左幾耐呀?

小朋友病,其實最辛苦都係家長,你仲要返工,所以我覺得你o地要返工o既mami好勁o架,你都小心身體呀!我都仲未病好呢!

愛林平日最最最樂意同主動同我講o既就係"自選時間",我諗佢返學最開心係呢個時間law!哈哈!

佢成日都話我知佢個好朋友"樂意"會去拖佢手一齊走出去玩o架,又話我知佢o地傾咩咁,例如:傾o下大家鍾意邊個公主咁....雖然樂意唔同組,但佢o地都仲好fd!!

今日愛林話自選時間時,見到一齊搭保母車o既k3哥哥,個哥哥就拖住佢手帶佢去樹屋玩(不過其實k1唔去得果道玩o架!),佢搭保母車都識到d哥哥姐姐!成日話我知哥哥姐姐同佢講咩又請佢食咩咁!

同埋今晚愛林話佢o地自選時間完o左返課室時有小朋友畫黑板比老師話!

show and tell個小朋友有講行花市,

佢講d o野都幾散o架,成日突然間就問我知唔知佢學校呢,點點點點...,咁law~

係喎,佢又問我今日係咪星期五,佢o地冇扮Indian 喎!

原帖由 cm_pang 於 09-2-20 18:35 發表
Hi gotgot,

下星期六我個仔應該都好返, 通告話唔使帶小朋友, 你會唔會帶埋愛林去? 你會唔會早少少到. e.g. 9:30am, 咁我可以等埋你傾幾句.

頭先攞咗半日假帶個仔去睇醫生, 希望食埋呢兩日藥, 好番, 下星期可以返學 ...

cm_pang

好攰呀, 剛剛同個仔寫完個"二"字, 淨係教佢上面嗰條短D, 下面嗰條長D, 都教咗成個鐘 , 今日成個上晝都係同佢做功課, 一陣要同佢一齊瞓下覺先得!

另外, 想問下D字咭, 第WEEK 30嗰張個"太"字, 背面沒有公仔OR圖案, 是全白色的, 你地是否一樣, 還是我這個是錯版?

gotgot

你真係好有心機呀!! 我諗小朋友返學學
o野會快d,易上手d~
爾澄咁耐冇返學,唯有要你做埋阿仔老師慢慢教佢了~加油!!
愛林寫得快,但好多時都有d寫得唔靚要擦過再寫o架!

愛林d字咭"太"字後面都冇o野空白o架!

上個星期教o左唱校歌呀,歌詞如下:

We are happy little children
Coming to a school of fun
Getting ready for the day
Kentville Kentville here we come

愛林耐唔耐都唱o下o架!!^^

原帖由 cm_pang 於 09-2-21 14:03 發表
好攰呀, 剛剛同個仔寫完個"二"字, 淨係教佢上面嗰條短D, 下面嗰條長D, 都教咗成個鐘 , 今日成個上晝都係同佢做功課, 一陣要同佢一齊瞓下覺先得!

另外, 想問下D字咭, 第WEEK 30嗰張個"太"字, 背面沒有公仔OR圖案,  ...

cm_pang

Good Morning!

一如所料, 爾澄今朝唔願起身返學, 要人氹, 好彩比dvd同朱古力粟米片佢食之後, 佢心情好番好多.

gotgot, 你講開yip's, 佢佐敦都有分學, 我早兩個星期打去報名, 個小姐話二月份報名巳經完咗, 而且仲要面試, 我揀星期六下午既時間十分搶手, d班一早都full晒, 起初諗住當興趣班, 原來都要面試咁嚴謹.

cm_pang

上次家長日大約五分鐘巳經講完, 基本上老師無咩講, 都係我不斷問, 佢都係一句起, 兩句止.

原帖由 gotgot 於 09-2-21 00:22 發表
cm_pang,

好呀,我早少少到呀,你等我呀!!
我本來打算帶愛林一齊o架,因為平時佢YIP'S 12:00PM上堂,但咁o岩下個星期六改o左時間上4:30PM,咁我又要諗諗啦,我仲諗住見完老師同阿囡去食早餐添!上次家長日,你傾o ...

cm_pang

講開字咭, 我頭先係公司諗住幫爾澄將d字咭過膠, 唔知係咪部機太熱, 竟然將d字咭捲咗入去, 出唔番黎 , 最後要勞煩technician d 同事, 拆開部機, 可憐兩張字咭就捲到好似蛋卷咁, 都唔知點向阿仔交代好!!

愛林d字咭"太"字後面都冇o野空白o架!

gotgot

爾澄今日返學啦?!

佢咁耐冇返學,可能都要適應o下先得!
我個囡朝朝都嘈嘈閉o架,我唔起身都唔得,佢自己想繼續瞓就不停賴姐姐整痛佢呢道整痛佢果道,而家都係要出招,朝朝拎粒bear bear 維他命糖去引誘佢,佢先肯起身!:;pppp:

係呀,yip's 果道要面試,都係同小朋友傾o下計,玩o下,睇o下小朋友跟唔跟到老師拍子咁,都好易!佐敦果道好多人報o架,課室又唔係好大,葵青劇院呢邊少人d,地方好大,你打去問定佢下次幾時招生啦,同埋你會唔會考慮葵青劇院呀??

係呀,另外係cwb有間學drama o既,朋友話我知出名度有如香兒(合唱團),而家招緊生呀,我send d info.去你e-mail比你呀!要casting o架,你睇o下有冇興趣?!

原帖由 cm_pang 於 09-2-23 10:28 發表
Good Morning!

一如所料, 爾澄今朝唔願起身返學, 要人氹, 好彩比dvd同朱古力粟米片佢食之後, 佢心情好番好多.

gotgot, 你講開yip's, 佢佐敦都有分學, 我早兩個星期打去報名, 個小姐話二月份報名巳經完咗, 而且仲要 ...

gotgot

咁快??咁我係咪有d搵自己笨呢??

你果日係咁o岩見到Ms. Man 定係Ms. Man都係道o架?

原帖由 cm_pang 於 09-2-23 10:31 發表
上次家長日大約五分鐘巳經講完, 基本上老師無咩講, 都係我不斷問, 佢都係一句起, 兩句止.

gotgot

變o左蛋卷?? 唔好意思,一睇完真係忍唔住笑...^^
係咪按唔返直o架??不如你幫阿仔自己寫過一張再過膠啦,阿仔唔mind o卦?   

原帖由 cm_pang 於 09-2-23 16:58 發表
講開字咭, 我頭先係公司諗住幫爾澄將d字咭過膠, 唔知係咪部機太熱, 竟然將d字咭捲咗入去, 出唔番黎 , 最後要勞煩technician d 同事, 拆開部機, 可憐兩張字咭就捲到好似蛋卷咁, 都唔知點向阿仔交代好!!

...

gotgot

呢個星期五唔駛返學,你會唔會拎假陪阿仔呀??
我果日想帶阿囡去玩呀,你拎唔拎假o者?(扮o下魔鬼先 )

cm_pang

e......你隻魔鬼既提議真係好吸引.......但係我平日攞假係無薪假.....要扣錢, 好唔抵.......

原帖由 gotgot 於 09-2-23 18:35 發表
呢個星期五唔駛返學,你會唔會拎假陪阿仔呀??
我果日想帶阿囡去玩呀,你拎唔拎假o者?(扮o下魔鬼先 )

cm_pang

好開心, 尋日放工, 我問爾澄返學好唔好玩, 又問下佢宜家咩組. 佢話佢自己係熊貓組, 白兔組有愛林, alvin係獅子組, james係獅子組, jovita係獅子組, ambrose(唔知係咪咁串)係獅子組, 樂意都係獅子組.

平時問極佢都無反應, 尋日突然講得出咁多名, 雖然唔知d組講得岩唔岩, 不過我都開心咗好耐.

我今日會問下葵芳有冇位, 同埋仲可唔可以報名. 我星期六返長短週, 如果短週, 我通常都去美孚同公公婆婆飲茶, 咁去葵芳都近, 如果長週, 就要等我放工先帶爾澄過去. 我睇咗你個email啦, thanks, , 我要夾下yips課程既時間, 你會報幾時?

cm_pang

嗰日ms man都係課室裏面, 因為上次我帶埋爾澄去, 咁ms man就同爾澄講"媽咪要同ms wu傾計, 我帶你去玩啦", 點知就未行出去玩, 係課室門口見到另一個家長, 咁就一直拖住爾澄, 同另一個家長傾計, 直至我同ms wu傾完, 佢地都未傾完, 爾澄就一直被ms man拖住, 無得玩,

原帖由 gotgot 於 09-2-23 18:29 發表
咁快??咁我係咪有d搵自己笨呢??

你果日係咁o岩見到Ms. Man 定係Ms. Man都係道o架?

cm_pang

我尋日即刻用咗一箱a4紙壓住d字咭, 就算壓番直, 都有d卷痕. 尋晚我都有同阿仔認下d字咭, 佢好鐘意扮做老師問我地"乜野字"

原帖由 gotgot 於 09-2-23 18:33 發表
變o左蛋卷?? 唔好意思,一睇完真係忍唔住笑...^^
係咪按唔返直o架??不如你幫阿仔自己寫過一張再過膠啦,阿仔唔mind o卦?   

james-mama

真係好喇, 爾澄好番可以返學, 聽James講爾澄好活躍, 仲四圍吹同學D頭髮添.

gotgot

james mami,

好耐冇見了,你星期五or 星期六去家長曰呀??

cm_pany,

爾澄好叻仔呀!! 講得好準確呀,但我唔識最後果兩個同學仔!
你講起都令我醒起愛林都會係病完,由其係發完燒之後,變得唔同o左,好似大個o左咁,爾澄可能長高o左添喎!!^^

原帖由 cm_pang 於 09-2-24 09:05 發表
好開心, 尋日放工, 我問爾澄返學好唔好玩, 又問下佢宜家咩組. 佢話佢自己係熊貓組, 白兔組有愛林, alvin係獅子組, james係獅子組, jovita係獅子組, ambrose(唔知係咪咁串)係獅子組, 樂意都係獅子組.

平時問極佢都無 ...

gotgot

諗起個情境都好攪笑,爾澄真係好無奈!!

原帖由 cm_pang 於 09-2-24 09:09 發表
嗰日ms man都係課室裏面, 因為上次我帶埋爾澄去, 咁ms man就同爾澄講"媽咪要同ms wu傾計, 我帶你去玩啦", 點知就未行出去玩, 係課室門口見到另一個家長, 咁就一直拖住爾澄, 同另一個家長傾計, 直至我同ms wu傾完, 佢 ...

gotgot

咁我都係唔引誘你了!!:;pppp: :;pppp:

其實我有計劃o架啦,不過都係去o下迪士尼或且去o下沙灘咁,阿囡仲求其過我,佢話落樓下club house玩就夠喎!難得星期五放假,緊係要去遠d玩啦~~~~不過如果你改變主意再call我啦~~haha...

james mami, Alvin mami, kevin mami,
你o地friday有咩做呀?

原帖由 cm_pang 於 09-2-24 08:56 發表
e......你隻魔鬼既提議真係好吸引.......但係我平日攞假係無薪假.....要扣錢, 好唔抵.......